انا طموحة ومش عارفة اعمل ايه؟؟

[غير مسجل]

السلام عليكم ورحمة الله وبركاته
انا مشكلتي مش ايمانية هي مشكلة عادية..بس نفسي تساعدوني
انا بحس ان انا طموحة جداااا بس مش بلاقي اللي اطلع فيه طاقتي
بيبقى عندي افكار جامدة وحاجات لو اتنفذت تبقى حلوة جدا بس مش بينفع اعملها
بالنسبة للموضوع ده ممكن يبقى حاجات دعوية وممكن يبقى مشاريع
بفكر في افكار كبيرة بس مش بقدر اعملها لسبب:
بالنسبة للحاجات الدعوية اللي بفكر فيها بتبقى محتاجة ناس معايا مش ابقى لوحدي بس مفيش حد معايا ولمااعرض على حد حاجة بيقولوا الدراسة والوقت وكده
بالنسبة للمشاريع بفكر في حاجات مش معمولة اصلا يعني حاجات مش مشاريع تقليدية لا بتبقى فكرة لو اتنفذت تبقى اول مرة تتنفذ بس طبعا انا طالبة والموضوع بيبقى عايز رأس مال و عايز تنظيم من ناس كبيرة يعني لاني كمان بنت مش اقدر اعمل حاجة
طبعا في حاجات تانية بس بتبقى عادية يعني تقليدية
انا الافكار اللي بفكر فيها بخططلها جامد اوي لدرجة اني بيبقى جوايا طاقة جامدة اني اقوم اعملها دلوقتي بس مش بقدر
حسة ان انا مكبوتة اوي
ياريت تقولولي اعمل ايه
ولو في افكار اقدر اعملها تكون حلوة وجديدة بس مش محتاجة حد معايا
ياريت تردو عليا بسرعة لاني لما بفكر في الموضوع ده بضايق اوي وبيبقى نفسي فعلا اعمل حاجة
ربنا يرضى عنكم وعني وينفع بكم..اللهم امين
وجزاكم الله خيرا

[أرجو عفوك ربي]

رد: انا طموحة ومش عارفة اعمل ايه؟؟

نصيحتي لكم أختنا الكريمة أن تركزي تفكيرك علي اشياء يمكن ان يقوم بها شخص واحد وبالتالي تقدرين انتي علي تنفيذها اما بالنسبة للاعمال التي تحتاج عمل جماعي اطرحي دائما افكارك في اماكن مناسبة فربما تجدي من يتحمس لفكرتك وتكون قيد التنفيذ

جازاكم الله خيرا واعانكم علي طاعتة

[* مسلمة مصرية*]

رد: انا طموحة ومش عارفة اعمل ايه؟؟

وعليكم السلام ورحمة الله وبركاته ..
هلا ومرحبا بأصحاب الهمم العالية - اللهم بارك ..
طيب مبدئيا إلى أن يرد عليكِ فريق الاستشارات ..
إذا أردتي أن تعملي بالدعوة وبتنظيم .. يوجد بالمنتدى فرق عمل حلوة على هذا الرابط ..
https://forums.way2allah.com/forumdisplay.php?f=151
لو بتعرفي تشتغلي في المونتاج , أو الصوتيات , أو التصميم والفوتوشوب , أو التسجيلات المرئية , أو تفريغ الشرائط , أو نشر المواضيع والحملات الدعوية بمنتديات تانية ,والترجمة , والاسطوانات الدعوية وغيرها تعرفي عليه من خلال هذا الرابط
https://forums.way2allah.com/showthread.php?t=92244

---------
إنطلقي يا غالية ..

[غير مسجل]

رد: انا طموحة ومش عارفة اعمل ايه؟؟

طيب لو مش بعرف اشتغل على حاجة من دول للاسف؟

[غير مسجل]

رد: انا طموحة ومش عارفة اعمل ايه؟؟

انا بحب اللغات اوي وكان نفسي اشترك في فريق الترجمة بس لو ينفع الاستعانة ببعض القواميس ومواقع الترجمة..ينفع؟

[*مسلمة مصرية*]

رد: انا طموحة ومش عارفة اعمل ايه؟؟

((( طيب لو مش بعرف اشتغل على حاجة من دول للاسف؟ )))
حتى لو مش عارفة ممكن تتعلميها ببساطة جربي وورينا الهمة يا غالية ( ليه تكسب حسنة لما ممكن تكسب حسنات كتير ) ..
((( انا بحب اللغات اوي وكان نفسي اشترك في فريق الترجمة بس لو ينفع الاستعانة ببعض القواميس ومواقع الترجمة..ينفع؟ )))
سجلي مشاركة في موضوع فريق الترجمة وأسأليهم وهم هيردوا عليكِ إن شاء الله لأنه تخصصهم ويعرفوا أكتر مني ..
--------------------
ربنا يحبك ويرضى عنكِ ..