أنا إنتكست ومش عارفه أرجع تانى .. ساعدونى

[منتكسه]

السلام عليكم ورحمة الله

جزاكم الله خيرا على المجهود الواضح فى هذا الفريق المبارك أسمحو لى أحكى معاكم قصتى يمكن حد يساعدنى ويرجعنى تانى

أنا تعبانه وزهقانه والله لدرجة إنى عايزه أموت نفسى بس خايفه والله مش عارفه أعمل إيه دايما زهقانه ومش مركزه فى أى طاعة ولا أى عبادة بأصلى عشان أبقى صليت وبأصوم الأيام البيض بالعافية وأحيانا بأصوم يومين بس أو حتى يوم

أنا إنتكست بمعنى الكلمة حياتى أعيشها بحزن وكآبة مع إنى أصلا مرحه وبأحب أضحك دلوقتى بعد الإنتكاس اللى حصلى ده مش عارفه حتى أدعى ربنا بأبقى تعبانه ومش عارفه أقول يارب

أنا منتقبة من كام شهر وماما مكنتش راضية وبعد ما ربنا هداها أنا دلوقتى عايزه أقلعه ... عايزه أقلعه بأى شكل ... مخنوقة منه مش عايزاه مع إنى ظللت حوالى 5 سنوات ألح على أبى رحمه الله وأمى والآخر سمعت درس لأنك غالية للدكتور حازم قررت ألبسه أنا دلوقتى بأقول يارتنى ما سمعته


من يوم ما لبست النقاب وأنا دينى كل يوم بيقل مش عارفه ليه بأصلى الفروض وأنا أستغفر الله كاره الصلاه مش عايزه أتحرك من مكانى

حتى أحيانا بأصحى فى وقت القيام اللى كنت بأقوم من أحب النوم عشان أصلى ساعه أو أتنين أو أقل ....دلوقتى بأقوم وأرجع انام مش قادرة أتوضأ .. أو مش عايزه أصلا أتوضأ

حاسه إن ربنا ما بيحبنيش

كنت دايما عندى رضا بالله وعن الله ويقين إن ربنا مش هيخذلنى دلوقتى بقى عندى سوء ظن والعياذ بالله ومش راضية على طول

حتى بقيت أنام من غير وضوء وكمان ما بأقولش أذكار الصباح ولا المساء ولا حتى أذكار الصلاة

أنا منتكسسسسسه وتعبانه وعايزه أقلع النقاب لإن مش مرتاحه وأنا لبساه


معدتش بأسمع عن ربنا لإن القنوت الإسلامية حاسه إنها بقت قنوات سياسية مش إسلامية كأن الحياة مبأش فيها غير سياسة

حتى الشيخ حسان معدش بيجى مباشر وخطبة الجمعة عن أحوال البلد والحال بصراحة يزهق

أصبحت بغتاب الناس عادى.. بعد ما جاهدت نفسى إنى ماأغتبش حد ،كان يستحيل أكل أى حاجه بالشمال دلوقتى عادى ....... حاجات يامه والله مش عارفه أعمل إيه

أنا عايزكم تساعدونى أرجع لربنا تانى وأعمل الطاعات اللى كنت بأعمله وإنى أحب النقاب وأظل لبساه طول عمرى ولو فى دروس مؤثرة أسمعها ياريت تدلونى عليها وربنا يجزيكم خير

وادعولى ربنا يكرمنى بزوج صالح يعنى ويساعدنى ويفرح قلبى بالله عليكم ما تنسونى أنا زى أختكم

[غير مسجل]

رد: أنا إنتكست ومش عارفه أرجع تانى .. ساعدونى

اسال الله ان يردك اليه عاجلا غير اجلا
اختى كنت عايزة اسال هو حضرتك كنتى مختمرة ولا كنتى لابسة لبس عادى؟

[غير مسجل]

رد: أنا إنتكست ومش عارفه أرجع تانى .. ساعدونى

اسأل الله جل وعلا ان يصرف عنك همزات الشياطين وشر نفسك وان يقوى حب الايمان فى قلبك
وكل هذا ما هو الا شيطان وبعض الاهمال منك بمحاسبة نفسك وترك نفسك لنفسك دون اى عتاب او محاسبه والله تعالى أعلى واعلم ولكى طبعا الاجابه الوافيه من مشرفى الموقع

[غير مسجل]

رد: أنا إنتكست ومش عارفه أرجع تانى .. ساعدونى

السلام عليكم يا أمة الله

اما بخصوص القنوات الاسلامية فألتمس لهم العذر فهم في صدد مشكلة متضخمة كلنا نعلما وندعو الله لهم بالتسديد والتثبيت


اما بخصوص الانتكاس فأنصحك بأن تسمعي الي الدروس الصوتية للشيخ حازم شومان فهو قرييييب جدا من الشباب وكل دروسه مؤثرة وهذا من خلال هذه الصفحة
وانحصك بالاستماع أولا الي هذه الدروس

مستنية أيه
انا كدة كويس
تذكر قبل ان تعصي

بعد ذلك المجموعات من الدروس

اليقين في الاسلام
القصص القرآني
هم الدين

فهم في غاية الروعة والتأثير

أرجو الثبات لكي واذكر نفسي واياكِ بهذه الايات

وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ

وَلَنَبْلُوَنَّكُمْ حَتَّى نَعْلَمَ الْمُجَاهِدِينَ مِنْكُمْ وَالصَّابِرِينَ وَنَبْلُوَ أَخْبَارَكُمْ

هذا ليثبتك علي الجهاد طلب العفو من الله

وهذه الاية موعظة وتحذير حتي لا تكوني مثله

{وَاتْلُ عَلَيْهِمْ نَبَأَ الَّذِي آتَيْنَاهُ آيَاتِنَا فَانْسَلَخَ مِنْهَا فَأَتْبَعَهُ الشَّيْطَانُ فَكَانَ مِنَ الْغَاوِينَ، وَلَوْ شِئْنَا لَرَفَعْنَاهُ بِهَا وَلَكِنَّهُ أَخْلَدَ إِلَى الْأَرْضِ وَاتَّبَعَ هَوَاهُ فَمَثَلُهُ كَمَثَلِ الْكَلْبِ إِنْ تَحْمِلْ عَلَيْهِ يَلْهَثْ أَوْ تَتْرُكْهُ يَلْهَثْ ذَلِكَ مَثَلُ الْقَوْمِ الَّذِينَ كَذَّبُوا بِآياتِنَا فَاقْصُصِ الْقَصَصَ لَعَلَّهُمْ يَتَفَكَّرُونَ، سَاءَ مَثَلاً الْقَوْمُ الَّذِينَ كَذَّبُوا بِآياتِنَا وَأَنْفُسَهُمْ كَانُوا يَظْلِمُونَ}


واذكرِ أيضاً واقول لكِ دِينُكَ دِينُكَ لَحْمُكَ دَمُكْ

[غير مسجل]

رد: أنا إنتكست ومش عارفه أرجع تانى .. ساعدونى

الصفحة هنا
http://www.way2allah.com/khotab-audio-4.htm

[منتكسه]

رد: أنا إنتكست ومش عارفه أرجع تانى .. ساعدونى

شكر الله لمن رد وأنتظر رد هذا الفريق المبارك

وللأخت اللى كانت بتسأل أنا كنت مخمرة ولا لأ
نعم لبست الخمار حوالى 4 سنوات وكنت فى منتهى السعادة والنشاط فى العبادة والدعوة إلى الله بكل السبل المتاحة لدى فكان هذا هو هدفى وشغلى الشاغل ومن يوم ما ألتزمت ماسمعتش بفضل الله لا أغانى ولا مسلسلات ولا أفلام ولا أى حاجه من دى ولازلت بفضل الله ولا أستمع إلى الموسيقى لكن أصبت بحال من الفتور شديدة وصلت لما ذكرته وأخشى على نفسى وأريد أن أعود

وللعلم الحالة اللى وصلت لها دى بعد ما لبست النقاب بفترة قليلة جدا وبالتحديد بعد ما حضرت فرح أختى بارك الله لها وكان غير إسلامى

فأرجو منكم تفيدوونى

[غير مسجل]

رد: أنا إنتكست ومش عارفه أرجع تانى .. ساعدونى

اسمعي الحاجات ال هنا

http://www.nefsyatoop.c.la/

[غير مسجل]

رد: أنا إنتكست ومش عارفه أرجع تانى .. ساعدونى

انا عاصى ومريت بالمرحلة اللى انتى بتقولى عليها دى ........
وطبعا دى مشاركة بسيطة واكيد الاخوة هيفيدوكى اكتر ( ونصيحة ليكي الاخوة هنا ماشاء الله مش هتلاقى حد يهتم بيكى زيهم .. ناس ربنا يبارك فيهم والله فحاولى تدخلى هنا على طول وهما هيفيدوكى جدا وتابعى معاهم ) .......
اما بقى اللى كنت عايز اقولهولك .......
عارفة سبب اللى انا وانتى فيه ده ايه ؟
الذنوب .. ايوة والله .. احنا بنعصى ربنا والموضوع عندنا عادى ممكن الموقف يعدى وعادى ... استهوننا بنظر ربنا لينا ... الخوف من ربنا ومراقبته مش متاصله فى قلوبنا بنعصيه بكل بجاحة وقلة ادب وقلة حياء...
ربنا عظيم جليل جبار ... يغار ان العبد يعصينا .. كل ده واحنا بنتعدى على حرماته ليل نهار .....
كل ده واحنا بنقول احنا ملتزمين واحنا كويسين ... الالتزام يعنى ان الانسان يتعرض عليه المعصية ويخاف من ربنا ومايعملهاش هو ده الالتزام طبعا مع عمل الطاعات ... لكن موضوع الخوف من ربنا ده اهم شيء وهو ده التقوى .....
لان الموضوع اكبر من ان الواحد يلتحى او الواحدة تنتقب ... الموضوع ان احنا حاملين مسئولية كبيرة جدا احنا قدامنا موت وقبر وبعث وحشر واهوال قيامة لو كل انسان فكر فى الهموم اللى قدامه اللى جاياله دى وفكر فى عظمة ربنا وعقابه عمره ما هيحرك ساكن ولا هيسكن متحرك الا بامر من الله لانه هيخاف ..............
ويمكن يكون موضوع فرح اختك ده هو اليبب الرئيسي يمكن ربنا جابلك الموضوع ده عشان تعرفي اخطائك وتصححيها ....
يمكن عشان تفهمى ان ربنا لازم يكون معظم فى قلبك اعظم من اختك وابوكى ونظرة الناس ليكى ....
على فكرة انا كتبت الكلام ده مش عشان انى عندى علم وبقوله لا .. انا بقوله لانى حاسس بيه وحبيت اثبته فى قلبى ومشاركة فى الموضوع ...لكن الاخوة هيردوا عليكى طبعا ....
ربنا يهدينى واياك...

[فريق استشارات سرك فى بير(الأخوات)]

رد: أنا إنتكست ومش عارفه أرجع تانى .. ساعدونى

السلام عليكم ورحمه الله وبركاته

**قبل ان أتكلم ..........بالطبع فى فايده فقد قال الله

{قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ} [الزمر : 53]



1**أعلمى أن للشيطان مداخل مشهوره


فيأتى لواحد ويمنيه ويجعله يكثر الرجاء والامانى بدون عمل ويتكل على رحمه الله ويصغر له ذنوبه .......(ان رأى فى نفسه ميلا لذلك)...

أو يدخل له من مدخل اليأس والقنوط فيجعله ييأس من أصلاح نفسه أو يجعله ان كان طائعا يرى عمله ويعجب به ويظن أنه أفضل من غيره

وأن تعددت المداخل فغايته واحده وهو أبعادك عن طريق الله

ومن انجح الطرق ان ييأسك من صلاحك فلا تجاهدى نفسك فتكون من الخاسرين

{إِنَّمَا يُرِيدُ الشَّيْطَانُ أَنْ يُوقِعَ بَيْنَكُمُ الْعَدَاوَةَ وَالْبَغْضَاءَ فِي الْخَمْرِ وَالْمَيْسِرِ وَيَصُدَّكُمْ عَنْ ذِكْرِ اللَّهِ وَعَنِ الصَّلَاةِفَهَلْ أَنْتُمْ مُنْتَهُونَ} [المائدة : 91]

فهل نستسلم ونجعله يرفع رايه النصر بهذه السهوله؟؟؟

2** إلا القنوط واليأس:


أحنا ممكن نكون عاصين وممكن نكون مقصرين ولكن ان شاء الله لا يمكن نكون كافرين

{وَلَا تَيْأَسُوا مِنْ رَوْحِ اللَّهِ إِنَّهُ لَا يَيْأَسُ مِنْ رَوْحِ اللَّهِ إِلَّا الْقَوْمُ الْكَافِرُونَ} [يوسف : 87]

3** وهو معنى مهم جدا جدا : اصطبر لعبادته


أين الصبر على طاعته ؟؟

قال تعالى {رَبُّ السَّمَاوَاتِ وَالْأَرْضِ وَمَا بَيْنَهُمَا فَاعْبُدْهُ وَاصْطَبِرْ لِعِبَادَتِهِ هَلْ تَعْلَمُ لَهُ سَمِيًّا} [مريم : 65]

الا يستحق الامر الصبر بل والاصطبار عليه؟؟ا

أنعتقد ان نمربلا أختبار يمتحن الله فيه شده تمسكنا بطريقه وحرصنا عليه


أنحسب ان الطريق ممهد وبلا عقبات ؟؟ لا سنقع كثيرا ولكن لابد بعد كل وقوع من وقفه وسنذنب فنحن بشر ولكن بعد كل ذنب لابد من توبه...

- عن النبي صلى الله عليه وسلم ، فيما يحكي عن ربه عز وجل قال " أذنب عبد ذنبا . فقال : اللهم ! اغفر لي ذنبي . فقال تبارك وتعالى : أذنب عبدي ذنبا ، فعلم أن له ربا يغفر الذنب ، ويأخذ بالذنب . ثم عاد فأذنب . فقال : أي رب ! اغفر لي ذنبي . فقال تبارك وتعالى : عبدي أذنب ذنبا . فعلم أن له ربا يغفر الذنب ، ويأخذ بالذنب . ثم عاد فأذنب فقال : أي رب ! اغفر لي ذنبي . فقال تبارك وتعالى : أذنب عبدي ذنبا . فعلم أن له ربا يغفر الذنب ، ويأخذ بالذنب . اعمل ما شئت فقد غفرت لك " . قال عبدالأعلى : لا أدري أقال في الثالثة أو الرابعة " اعمل ما شئت "
. الراوي: أبو هريرة المحدث: مسلم - المصدر: صحيح مسلم - الصفحة أو الرقم: 2758
خلاصة الدرجة: صحيح



فتذكر قوله4 (({فَمَا ظَنُّكُمْ بِرَبِّ الْعَالَمِينَ} [الصافات : 87]



من ذا الذى أحبه فطرده !! ومن ذا الذى لجأ إليه فتركه
لا والله هو أكرم مما تستوعب عقولنا وأرحم علينا من أبائنا وامهاتنا


ولكن أعلمى ما منعك الا ليعطيك وافهمى عن ربك



*لعله يريدك ان تستشعرى نعمته

كثير التزامهم حدث فجأه لحظه هدايه ومنه من الله واحيانا عندما يأتى الشىء بسهوله لا نقدره حق قدره
فتكون فتره فتور وبعد لنشتاق الى القرب ونجاهد انفسنا ونتوسل لربنا وقلوبنا تتألم حتى نعود فنعلم مدى النعمه التى نحن فيها فنخاف عليه ولا نفرط فيهاوتستقيم باقى حياتك فتكون النجاه


*لعله يحميك من العجب


فى بدايه الالتزام يشعر الانسان انه قريب جدا من الله (طاعات لم يكن يعملها _وتغير لمظاهر حياته والابتعاد عن الذنوب) فيأتى الشيطان ليزين له ذلك فيرى عمله ويشعر انه افضل من غيره فمن رحمه الله به ان يجعله يذنب حتى ينكسر اليه ويعود فى ثوب العبد المذنب الذليل بدلا من مقام الطائع الذى يرى نفسه

*لعله يعلمك معنى انه القابض الباسط

فحياتنا كلها تدور بين معانى القبض والبسط فتاره فى صحه وتاره فى مرض لنشعر بنعمه الصحه ونشعر بقدره الله علينا وضعفنا وتاره فى طاعه وتاره فى ذله ..وتاره فى غنى وتاره فى فقر

*لعله يعلمك ان لا حول لك ولا قوه

والله انه لمن اهم الدروس لتعلم ان القلب بيده وحده وان الهدايه من عنده ونعلم اننا لا حول لنا ولا قوه الا به فلا نعتقد اننا لمجرد ان التزمنا اوقات فاننا من المقربين بل نعلم اننا ممكن ان نطرد وانه ممكن ان يستبدلنا ويكون دعاؤنا


{رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِنْ لَدُنْكَ رَحْمَةً إِنَّكَ أَنْتَ الْوَهَّابُ} [آل عمران : 8]

وقد كان أكثر دعاء حبيبنا صلى الله عليه وسلم يل مقلب القلوب ثبت قلبى على دينك

* وختاما :

فلتجعل شعارك{وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ} [العنكبوت : 69]

فلتصدق الله وتجاهد نفسك ويقينا سيهديك فهو الكريم الرحيم

جمله سمعتها فى نشيد اسلامى واثرت فى جدا


وإن يرضيك طردى وبعدى ...... فصبرى فى محبتك جميل


لعله يختبر حبك له !!

(فَاعْبُدْهُ وَاصْطَبِرْ لِعِبَادَتِهِ هَلْ تَعْلَمُ لَهُ سَمِيًّا)



*****************


سبحانه كل شىء عنده بقدر وما كتبنا تلك الكلمات الا لكون الله اراد ان تقال وان تكتب وما نحن الا وسيله لذلك ..
أسأل الله ان يردنا الى دينه ردا جميلا وان يعيننا على طاعته وشكره وذكره وحسن عبادته وان يرزقنا حسن الظن به وحسن التوكل عليه وحسن الايمان به .....
امين امين امين وسلام على المرسلين والحمد لله رب العالمين