انا مشتتة

[غير مسجل]

السلام عليكم
جزاكم الله كل خير على ما تفعلوه معنا وبارك الله فيكم ورزقكم الفردوس الاعلى يااارب وجميع المسلمين
انا مشتتة فعلا مشتتة
فانا لدى صحبة هما بنات محترمين بس اخت متبرجة واخت بتلبس جيبات وبلوزات واسعة
وعندما تاتى اخت وتكلمهم لا تكلمهم الاعلى الحجاب فبعد ان اقتنعت قلييييلا جدا الاخت اللى بتلبس جيبات جات تانى يوم وحالها متغير وقالت دول ناس متشددين جدا ولغبطولى حيااااتى وانا كدة كويسة واصبحت تتجنبهم تماما وربما ابتدت تكرهم
والاخت التانية اللى انا لاحظته انها بتكرههم ولا تقبل منهم كلام وعندما اجى اتكلم معاهم بيحسسونى انى جاية من كوكب
فهم يقولون اننا كويسين صراحة انا بتاثر جااامد لا انكر انهم طيبين وكمان يريدون حفظ القران بل اتفقت مع الاخت المتبرجة اننا هنحفظ فى الاجازة باذن الله وهى على موقفها ان المنتقبات متشددين وانهم يعتبرون ان النقاب هو الحل فى الحياه ازاى اغير مفهومهم عن كدة انا مش مستريحة انا احب دينى واحب ان اعرف ربى واحب الشيوخ جدا ولا اعرف ماذا افعل
تانى حاجة انا بتكسف جدا لان مثلا البنات المنتقبات هما مجموعة كدة وبتكسف حتى اقرب منهم ومش بعرف اتكلم وحساهم مش عايزين يعنى حد تانى مش عارفة انا مشتتة
وكمان حاجة تالتة اسفة لانى تعباكم معايا
انا بتكسف امشى فى الكلية وفيها ولاد مثلا ببقى مكسووووووفة جدا جدا وصاحبتى بتقولى لازم تتعودى على كدة مش هتعرفى تعيشى هى دى حاجة طبيعية
معلش وحاجة كمان معلش اذا كان فى حاجة منكدة عليا وهى مش مرض عضوى ولكن مرض مخجل زى مثلا زمان بطنى كانت داائما تعمل اصوات من ثانوى طول الدرس ورحت للدكاترة كتير ولم اجد حل ولكن شافانى الله على ما عتقد الحمد لله الحمد لله هل هذا ابتلاء لانى ابتليت من سنة بشىء اخر ولكن الحمد الله اسال الله ان يرزقنى الصبر هل هذا ابتلاء ام ماذا


وارجوا حذف الموضوع بعد ان تقراوه

اسفة اسالتى كتير بس ربنا يجعله فى ميزان حسناتكم
جزاااااااااكم الله كل خير