تعبااااااااااااااااااااان وخايف اموت قبل ربنا مايتوب على

[غير مسجل]

اولا : انا تعبت من كتر ماسالت مشايخ وتعبت من كتر ما بامل نفسى واقول ان شاء الله ربنا هييسر الامور وتعبت من كتر الدعاء .. طبعا عارف الرد .ز اصبر وربنا ان شاء الله كريم .. والله عارف كويس الكلام ده ومتاكد منه وعمرى ما هيجي فى دماغى انه خطا بس اللى الواحد شافه ولسه بيشوفه مؤلم جدا جدا جدا ....عامة انا قلت اابعت سؤال لعل ان يكون فيه اى فايدة....
مبدئيا انا عندى 24 سنة عمرى ماحسيت بالنجاح فى شيء جيد فى حياتى غير موفق تماما ...

تم معرفة المشكلة.......


طبعا انا فى الوقت ده ما كنتش عارف يعنى ايه معاصى ويعنى ايه انى كدة تعديت على حرمات الله ...
بعد فترة حوالى سنة انتكست - طبعا انا منتكس من زمان بس ماكنتش اعرف يعنى ماكنتش اساسا ملتزم - لكن اقصد ظاهرا ...
واخذت حوالى 6 سنين اجاهر الله بالمعاصى ومفيش اى حياء ولا خوف ......
لكن فى كل الفترة دى عارف من جوايا ان مفيش افضل من الحياة مع الله وكنت دايما بقول يا رب اهدينى يا رب وفقنى لتوبة نصوحة وكنت ببكى دايما مع نفسى واقول يا رب اهدينى .....
لحد ما جيت فى يوم وتعبت بس تعب جامد وحصل لى حاجات فى التعب ده حسيت بالفعل انى خلاص انا ميت ميت .... حلفت بالله وقلت والله يا رب لو قومتنى من التعب ده - وده طبعا كان خلاص يعتبر مستحيل لانى خلاص تيقنت انى هموت وبكرة هتكون اول ليلة لى فى القبر - يارب لو قومتنى من التعب ده والله مانا عاصيك ابدا....
قدر ربنا انى اقوم من التعب وماكنتش مصدق وكان اول يوم فى رمضان وفعلا قمت واطلقت لحيتى والتزمت وكان عندى نشاط مش ممكن اصدق ان حد فى الدنيا كان زيي .....
استمريت على كدة فترة مش قليلة وكنت قربت انتهى من حفظ كتاب الله ....
ولانى كلب وحقير وغدار وندل خنت العهد مع ربنا وعملت العادة السرية اغتريت بنعم ربنا على وفكرت ان كل اللى انا فيه من الالتزام وبدايته فى رمضان وحفظ كتاب الله كل ده وقع فى قلبى انه منى وانه بشطارتى ...ونعم كتير جدا جدا مش ممكن حد يوفق لها زي ما ربنا وفقنى ليها لكنى حمار ماعرفتش استغل الفرص كويس .....
وجاء العقاب من ملك الملوك ...
التعب اللى كان سبب فى التزامى اللى انا ماقدرتش نعمته على اصبح عقاب بالنسبالى .....
التعب زاد على جدا واصبحت من شدة التعب بقيت امسك المصحف مش عارف اقرا فيه من الخمول الشديد اللى بيسببه لى التعب ....
طبعا موضوع التعب ده واللى هو حاليا لسه معيا كل لما اقول لحد انى مش عارف اعبد ربنا بسببه يقول ازاى دا المفروض يقربك لربنا .. وكل المشايخ اللى سالتهم قالوا نفس الكلام ... انا فاهم ان التعب بيقرب من ربنا بس لما الانسان يحس انه خلاص تعبان وممكن يموت وخلاص المفروض يتوب لربنا .. لكن التعب ده بشكل تانى شوية ...
هو عبارة عن القولون العصبى لكن وصل معايا لدرجة انى اصبحت فى بعض الاوقات عاجز حتى عن انى افكر او ارفع ايدى اقول ياااااااارب ...خمول شديد جدا افقدنى السيطرة على نفسى والتحكم فى اعصابى حتى انى احيانا بصلى وانا قاعد من شدة الخمول ....
المشكلة مش فى التعب المشكلة انى بمارس حياتى عادى يعنى بشتغل - وان كان بياثر على فى شغلى - وماشى فى الدنيا عادى زي اى شخص لكن بالصفات والتعب اللى قلتهولكم ده .....
ليه بقى دى المشكلة ..؟؟؟ لان مع مرور القت الواحد بيبعد واحدة واحدة عن الطاعة وبيقرب للمعاصى ... ومش عارف يقرب من ربنا لان من الاخر ربنا حرمنى من طاعته لانى ما استاهلهاش ... آجى اقرا القرآن انام اجى اخشع فى الصلاة مش عارف كل ده بسبب التعب ولانه مسبب لى خمول وتسيب فى اعصابى غير عادى ...
عملت معاصى فى الفترة اللى من ساعة ما تعبت فيها دى لحد دلوقت اشد من الاول ... وده طبعا انعكس على حياتى الدنيوية والامور اتعقدت فى وشى فى كل شىء اعمله ....
الفترة اللى عديت بصراحة حسيت بالندم الشديد على كل لحظة عصيت فيها ربنا وحسيت بتقصيرى الشديد فى انى ماقدرتش عظم ربنا وانى دايما بجاهر ربنا بالمعاصى طول عمرى بعصيه عمرى ما استحيت منه وكل ده وهو بيدينى نعم مالهاش اول من اخر ... والله العظيم قرفان من نفسي .....
نفسي اتوب توبة صح نفسي ربنا يوفقنى انى اتوب توبة صح بس حاسس انى ما استهلش ...
دايما التعب عامللى عجز تام مش عارف حتى اقعد مع نفسى شوية وافكر انا رايح على فين ... اوقات كتيرة والله ماببقاش عارف ارفع ايدى واقول يارب ادينى واشفينى ....
التعب ده بهدلنى بهدلة .... واتذليت ذل ...ذل بمعنى الكلمة ...
بس انا عارف انى انا اللى عملت كل ده فى نفسى ....
دعيت ربنا كتيييييييييييييير .....
وبصراحة مش يائس ..... بس تعبت .... تعبت جدا جدا جدا
يعنى انا نفسى اتوب واقرب من ربنا من كل قلبى والله ......
واقسم بالله العلى العظيم اللى الايام عرفتنى يعنى ايه اعصيه ...والله لو جاتنى الفرصة عمرى ابدا ما انا سايبها الا بقى انى اموت ....
انا حاليا مستنى الفرج من عند ربى وسيدى ولانى عارف انه ربنا ما خلقناش عشان يعذبنا ربنا خلقنا عشان نعبده وفى الاخر ندخل جنته وانا طمعان فى الفرج من عنده وهو عمره ما هيخيب ظنى حتى لو كنت كلب وحقير ....

[فريق استشارات سرك فى بير(الأخوات)]

رد: تعبااااااااااااااااااااان وخايف اموت قبل ربنا مايتوب على

السلام عليكم ورحمة الله وبركاته ...

بداية نرحب بك فى بيتك الثانى الطريق الى الله
ونسأل الله ان يصلح امرك كله ويشفيك ويقبل توبتك ويشرح صدرك ويفرج كربك
آمين آمين

http://www.youtube.com/watch?v=n5d0m4UTksM
وقبل ان نتحدث اسمع هذا النداء الربانى

بسم الله الرحمن الرحيم "قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ "

أخى اصدق الله فى توبتك ابكى فى الثلث الاخير من الليل عاهد الله على التوبة
ربما أمرضك ليقربك منه وتعرف انه لا يرضى لك البعد عن طاعته

وبنسبة للمرض اخانا الفاضل

وهسألك أخدت بأسباب الشفاء ؟؟؟
مش بنسأل هل روحت لدكتور و أخدت علاج ولا لأ ؟؟ لأنك أكيد عملت الأسباب دي
و لكن هل أخدت بالأسباب الشرعية للشفاء
نذكر منها على سبيل المثال

الصدقة
قال رسول الله صلى الله عليه وسلم ( داووا مرضاكم بالصدقة )
الراوي: أبو أمامة الباهلي المحدث: الألباني - المصدر: صحيح الجامع - الصفحة أو الرقم: 3358
خلاصة حكم المحدث: حسن

قيام الليل و لو ركعتين بعد صلاة العشاء

قال رسول الله صلى الله عليه وسلم (عليكم بقيام الليل ، فإنه دأب الصالحين قبلكم ، و قربة إلى الله تعالى ومنهاة عن الإثم و تكفير للسيئات ، ومطردة للداء عن الجسد )

الراوي: بلال و أبو أمامة و أبو الدرداء و سلمان و جابر بن عبدالله المحدث: الألباني - المصدر: صحيح الجامع - الصفحة أو الرقم: 4079
خلاصة حكم المحدث: صحيح

الاستغفار

{وَيَا قَوْمِ اسْتَغْفِرُوا رَبَّكُمْ ثُمَّ تُوبُوا إِلَيْهِ يُرْسِلِ السَّمَاءَ عَلَيْكُمْ مِدْرَارًا وَيَزِدْكُمْ قُوَّةً إِلَى قُوَّتِكُمْ وَلَا تَتَوَلَّوْا مُجْرِمِينَ} [هود : 52]
تستغفرى دائما وانتى قاعدة واقفة بتغسلى مواعين بتنظفى البيت
فى الموصلات دائما استغفرى اختنا
التسبيح 33 والحمد 33 والتكبير 34 عند النوم

كانت السيدة فاطمة -رضي الله عنها- تقوم على خدمة زوجها و أولادها، ورعاية البيت، فكان يصيبها التعب والمشقة، و قال عنها زوجها علي بن أبى طالب: لقد تزوجتُ فاطمة وما لى ولها خادم غيرها، ولما زوجها رسول الله( أرسل معها بخميلة ووسادة أدم حشوها ليف، ورحاءين وسقاء وجرتين، فكانت تجرُّ بالرحاء حتى أثَّرت في يدها، واستقت بالقربة حتى أثَّرت القربة بنحرها، وكانت تنظف بيتها حتى تغبر ثيابها، وتوقد تحت القدر حتى دنست ثيابها. وكانت السيدة فاطمة -رضى اللَّه عنها- تشكو الضعف، وتشارك زوجها الفقر والتعب نتيجة للعمل الشاق الذي أثَّر في جسديهما. وعندما جاءت أباها لتطلب منه خادمة تساعدها في العمل لم تستطع أن تطلب ذلك استحياء منه، فتولى الإمام على عنها السؤال وهى مطرقة في استحياء. لكن الرسول ( قال لهما في رفق وهو يقدر حالهما: "ألا أدلكما على ما هو خير لكما من خادم؟ إذا أوتيما إلى فراشكما، أو أخذتما مضاجعكما، فكبِّرَا أربعًا وثلاثين، وسبِّحَا ثلاثًا وثلاثين، واحمدا ثلاثًا وثلاثين، فهذا خير لكما من خادم" [البخاري].

الرقية الشرعية استمر عليها كل يوم لو تقدر
بجد مفعولها عجيبببببببببببببببب

[فريق استشارات سرك فى بير(الأخوات)]

رد: تعبااااااااااااااااااااان وخايف اموت قبل ربنا مايتوب على

كيف احوالكم مع الله اخانا الفاضل وهل بداتم فى اخذ خطوات للتوبة ؟

[غير مسجل]

رد: تعبااااااااااااااااااااان وخايف اموت قبل ربنا مايتوب على

انا الحمدلله احوالى اتحسنت الى حد ما انا على طول مابسيبش الدعاء وانا من زمان اوى وانا عندى عزيمة قوية جدا لكن المرض عامللى اعاقة غير عادية ودا اكيد عقوبة من ربنا ... لكن زى ما قلتلكم انا طمعان فى فضل وكرم ربنا انا ماليش غيره وانا عبده ومملوكه وعمره ما هيخيب ظنى ان شاء الله ... دا اكرم وارحم من امى بى واحن منها على ....
لكن المشكلة من شدة المرض وشدة اعاقتى عن عمل اى حاجة الواحد بيبقى عامل زى اللى تايه وبقول الايام موديانى على فين واحيانا الشيطان بيياسنى لكن برجع واقول ربنا ان شاء الله مش هيتركنى حتى لو كنت اخطات فى جنبه بس انا عبده ولما اقوله يا رب انا عايز ارجع واقبلنى عمره ما هيردنى .. بس يمكن التاخير ده اولا بسبب ذنوبى وثانيا لاسباب تانية انا اكيد مش عارفها ... بس بالله عليكم زى ما انتوا حريصين علي كدة بالله عليكم ادعولى يا شباب ... ومش عارف اقولكم ايه والله على اهتمامكم ده .. لكن مااقدرش اقولكم غير ان ربنا وحده هو اللى هيجزيكم ودى كفاية ....

[فريق استشارات سرك فى بير(الأخوات)]

رد: تعبااااااااااااااااااااان وخايف اموت قبل ربنا مايتوب على

السلام عليكم ورحمة الله وبركاته ..
نسأل الله العظيم رب العرش العظيم ان يشفيك
نسأل الله العظيم رب العرش العظيم ان يشفيك
نسأل الله العظيم رب العرش العظيم ان يشفيك
نسأل الله العظيم رب العرش العظيم ان يشفيك
نسأل الله العظيم رب العرش العظيم ان يشفيك
نسأل الله العظيم رب العرش العظيم ان يشفيك
اخانا الكريم المعدة بيت الداء
وعلاج القولون فى يدك ان شاء الله
لا تأكل المسبك جدا من الطعام والاشياء التى فيها الياف
والبقول لا تكثر منها
يعنى البرتقال تكتفى بأخذ العصير منه وتترك أليافه
لان علاج القولون شيئين الطعام وضبط الانفعال
فاحرص على ما ينفك واستعن بالله ولا تعجز
وقل هذا الدعاء بوضع يدك اليمنى على مكان الألم
أعوذ بالله وقدرته من شر ما أجد وأحاذر سبع مرات
وايضا ما ذكرنه سابقا
وعليك بلعسل فاذكر انى اختى اصابها تسمم حاد
واكلت منه العسل
والحمدلله تحسنت كثيرا
ونحن فى خدمتك فى اى وقت