ياااريت مش تتجاهلو مشكلتي وتساعدوني

[اعمل ايه؟؟؟]

السلام عليكم ورحمة الله وبركاته
صحبتي بتكلم ولد ع الفيس تحت مسمى الحب وهي فاكرة انه بيحبها وكده يعني ونصحتها ومش استجابت ليا ولا حاجة وزعلت مني فترة
ودلوقت بكلمها عادي بس مش بفاتحها في الموضوع ده
انا نفسي انها تبطل المواضيع دي وكلام الشباب عشان كده غلط اصلا وعيب وهي كبنت جواها خير وكويسه بس صعب تقتتنع بأي حاجة معرفش اعمل ايه معاها بقى
وصحيح انا عارفه الباسوورد بتاع اكونت الفيس بتاعها والايميل وكنت فكرت اقفله خالص واغير الباسورد ومش اديه ليها عشان مش تكلم حد تاني وكده بس مش عارفه كده صح ولا غلط اني اعمله
ياريت تساعدوني بجد انا تبعت معاها
وكتبت قبل كده هنا نفس المشكله والفريق تجاهلني خالص كأني مكتبتش حاجة
ليييه؟مش مشكلة زي اي مشكلة ويتوجب عليكم تردو وتساعدوني
انا مقدرة انشغالكم ربنا يعينكم

[أرجو عفوك ربي]

رد: ياااريت مش تتجاهلو مشكلتي وتساعدوني

أختي الكريمة أنصحك ألا تحذفي الحساب فهي سوف تنشأ اخر وتضيفة مرة اخري ويتواصلو .

من رأي انك تحاولي تخلي حد يكلم الولد دة ويتعرف علية علي اساس انة بنت مثلا لو ليكي أخ ممكن تحكيلة الموضوع

ويعمل الحكاية دي وبعدين تعرفيها أنة ال حصل وانة ولد زي اي حد ولا بيحبها ولا حاجة وبيكلم غيرها كتيييير وهي

بالنسبة لة واحدة بيتسلي بيها ولا تفرق معاه يبقي هي ازاي ترخص نفسها وتحط نفسها في الموقف دة . أعتقد انها كدة

ممكن تفوق وتفكر شوية وتنسي الموضوع دة نهائي . دي وجهة نظر ممكن تجيب نتيجة . زائد طبعا حاولي تعطيلها

عن الكلام المحرم بين الولاد والبنات وعاقبتة والذنوب ال بتتيجي من وراة وان ربنا شاهد علي كل ال بتعملة دة وانها

متجعلش ربنا أهون الناظرين اليها في حاجات من دي كتير ممكن تأثر فيها. وان شاء الله ربنا يهديها

[فريق استشارات سرك فى بير(الأخوات)]

رد: ياااريت مش تتجاهلو مشكلتي وتساعدوني

حاولي تشترليها الكتيب ده وتديهوله تقراه ..





أو اقرأيه انتي وقوليلها الكلام اللي فيه وناقشيها فيه وبإذن الله تقتنع ..

ربنا يهدي شباب وبنات المسلمين أجمعين ..
اللهم امين ..

[صاحبة الموضوع]

رد: ياااريت مش تتجاهلو مشكلتي وتساعدوني

هو بيكلم زميلاتنا كمان هي عندها عادي انه يكلم صحباتها وكده
ومش بتفرق معاها هي بتحبه وخلاص ومقتنعه انه بيحبها كمان
احنا مش كبار احنا صغار في أولى اعدادي
بس الحمد لله على النعمة اللي انا فيها