ها حتساعدوني و لا حتسيبوني اضيع ؟؟!!!

[غير مسجل]

السلام عليكم و رحمة الله و بركاته

مشايخنا الكرام و أعضاء فريق سرك في بير
محتاجة حد يتابعني ايمانيا
قلبي مات و لا حاجة بقت بتأثر فيه
بالله عليكم تساعدوني لاني حاسة اني بضييييييييع
مش عايزة دروس و لا مواضيع اقراهم لاني بقيت حافظة لكل حرف فيهم
أنا عايزة منهج امشي عليه, عايزة حد يتابع معايا عشان اقدر اتغلب على نفسي الكسولة و المسوفة
و كمان عايزة ابعد عن كل المعاصي و اتوب من كل ذنوبي
لاني في كل مرة بحوال ابعد عن ذنب بقع في ثاني و ثالث و رابع ...
ها حتساعدوني و لا حتسيبوني اضيع اكثر و اكثر ؟؟
في انتظار ردكم
جزاكم الله خيرا

[فريق استشارات سرك فى بير(الأخوات)]

رد: ها حتساعدوني و لا حتسيبوني اضيع ؟؟!!!

بِسْمِ اللهِ الرَّحْمَنِ الرَّحِيمِ
الأُخْتُ السَّائِلَةُ الكَرِيمَةُ
السَّلاَمُ عَلَيْكُمْ ورَحْمَةُ اللهِ وبَرَكَاتُهُ
أنْصَحُكِ أُخْتنَا بالاشْتِرَاكِ في المُنْتَدَى، ثُمَّ الاشْتِرَاك في قِسْمِ الأخَوَات، فَبِهِ قِسْم إيِمَانِيّ لا يَدْخُلهُ إلاَّ الأخَوَات، وسَوْفَ يَعْتَنِينَ بِكِ ويُتَابِعْنَكِ هُنَاك بإذْنِ الله كَمَا تُرِيدِين.
وهذا مَا أعْلَمُ؛ واللهُ تَعَالَى أعْلَى وأعْلَمُ
والسَّلاَمُ عَلَيْكُمْ ورَحْمَةُ اللهِ وبَرَكَاتُهُ

[غير مسجل]

رد: ها حتساعدوني و لا حتسيبوني اضيع ؟؟!!!

للاسف أنا مشتركة في المنتدى من زمان
بس أنا عايزة حد يتابعني هنا لأني في حالة انتكاس شديدة جدااااااااااا و والله أنا بضيع, ده أنا بقالي اكثر من سنة بعاني من الحالة دي و كل يوم الامر يسوء عن اليوم اللي قبله
بالله عليكم تساعدوني
و جزاكم الله خيرا

[غير مسجل]

رد: ها حتساعدوني و لا حتسيبوني اضيع ؟؟!!!

و على فكرة الاخوات فادوني اكثر من مرة
ادوني دروس و كل حاجة
بس بتأثر في اللحظة اللي بسمعها
و بعد كده و لا كأن حاجة حصلت
عشان كده أنا قلت عايزة خطوات عملية و متابعة
أتمنى مكنش ثقلت عليكم

[فريق استشارات سرك فى بير(الأخوات)]

رد: ها حتساعدوني و لا حتسيبوني اضيع ؟؟!!!

بسم الله الرحمن الرحيم

السلام عليكم ورحمة الله وبركاته

أختنا الكريمة .. حياكِ الله .

نحن هنا في خدمتكِ .. وسأتابع معكِ إن شاء الله ... حتى نصل معاً للجنة بإذن الله .

وفقنا الله وأياكِ لما يحبه ويرضاه .

[غير مسجل]

رد: ها حتساعدوني و لا حتسيبوني اضيع ؟؟!!!

و عليكم السلام و رحمة الله و بركاته

جزاكم الله خيراااااااااااا
و الله اسعدتموني
أول حاجة عايزة أبدأ بها تنظيم صلاتي
في كل مرة بقول اني عايزة أصليها في وقتها
و فعلا ببدأ العمل على ده
يومين أو 3 بالكثير و برجع زي ما كنت مش أصليها في وقتها
و في بعض الأحيان بحس اني بصليها غظب عني و ببقى مكسلة جدا و شاردة و عقلي مش معايا
ممكن توجهوني

***************

عايزة اقولك الحمد لله الذي سخرك لي
و الله كنت أتمنى انك تتابعي معايا
جزاك الله خيرا

[غير مسجل]

رد: ها حتساعدوني و لا حتسيبوني اضيع ؟؟!!!

علي فكره كان ليا موضوع شبه موضوعك وتابعو معي شويه وبعدين نسيوني خالص

واستحييت اني ارفعه لاني فعلا حسيت اني اثقل عليهم

هحاول اشوف ردودهم ليكي يمكن ربنا ينفعني

يارب ويصلح فساد قلوبنا

[فريق استشارات سرك فى بير(الأخوات)]

رد: ها حتساعدوني و لا حتسيبوني اضيع ؟؟!!!

و عليكم السلام و رحمة الله و بركاته

جزاكم الله خيراااااااااااا
و الله اسعدتموني
أول حاجة عايزة أبدأ بها تنظيم صلاتي
في كل مرة بقول اني عايزة أصليها في وقتها
و فعلا ببدأ العمل على ده
يومين أو 3 بالكثير و برجع زي ما كنت مش أصليها في وقتها
و في بعض الأحيان بحس اني بصليها غظب عني و ببقى مكسلة جدا و شاردة و عقلي مش معايا
ممكن توجهوني

***************

عايزة اقولك الحمد لله الذي سخرك لي
و الله كنت أتمنى انك تتابعي معايا
جزاك الله خيرا

باارك الله فيكِ أختنا الفاضلة .

إن شاء الله نكون عوناً لبعضنا على الطاعة .

وسامحيني لو كنت تأخرت عليكِ في المتابعة .. لأن مهامنا في المنتدى تأخذ مني الكثير من الوقت الحمد لله .

ربنا ييسر لنا الأحوال ونبدأ مع بعض بإذن الله .

علي فكره كان ليا موضوع شبه موضوعك وتابعو معي شويه وبعدين نسيوني خالص

واستحييت اني ارفعه لاني فعلا حسيت اني اثقل عليهم

هحاول اشوف ردودهم ليكي يمكن ربنا ينفعني

يارب ويصلح فساد قلوبنا

باارك الله فيكِ أختنا وعفا عنا وعنكِ .

أختنا الكريمة .. نحن بفضل الله لا ننسى أحد .. ولكن عن نفسي حينما أتابع موضوع مع أحد الأخوات .. بعدما أكتب مشاركتي .. أنتظر رد من صاحبة الموضوع لكي أعرف إن كانت متابعة معي أم لا .. عشان لو كانت تجاهلت الموضوع ولا تتابع .. أوفر وقتي لمساعدة أخت أخرى .

ياريت يا أختي .. تكتبي لي أسم موضوعكِ أو تقومين برفعه لكي نكمل معاً بإذن الله .

وإن أحببتِ نتابع معاً جميعاً هنا فلا بأس .

ولا تظني يوماً أنكِ تُثقلين علينا في شيء .

فنحن هنا تحت أمركم .

وفقنا الله وأياكم لما يحبه ويرضاه .

[صاحبة الموضوع]

رد: ها حتساعدوني و لا حتسيبوني اضيع ؟؟!!!

آمين ياااااا رب
لا عليك أختي
أنا اتفهم جيدا الامر
بارك الله فيك و جزاك كل خير
ممكن تدعيلي بظهر الغيب بأن يصلح الله حااااااالي ؟؟

[صاحبة الموضوع]

رد: ها حتساعدوني و لا حتسيبوني اضيع ؟؟!!!

أختي صاحبة هذا الرد
علي فكره كان ليا موضوع شبه موضوعك وتابعو معي شويه وبعدين نسيوني خالص

واستحييت اني ارفعه لاني فعلا حسيت اني اثقل عليهم

هحاول اشوف ردودهم ليكي يمكن ربنا ينفعني

يارب ويصلح فساد قلوبنا


مارايك لو نساعد بعضنا ؟؟
في انتظارك

[هيا بنا نؤمن ساعه]

رد: ها حتساعدوني و لا حتسيبوني اضيع ؟؟!!!

أختي صاحبة هذا الرد
علي فكره كان ليا موضوع شبه موضوعك وتابعو معي شويه وبعدين نسيوني خالص

واستحييت اني ارفعه لاني فعلا حسيت اني اثقل عليهم

هحاول اشوف ردودهم ليكي يمكن ربنا ينفعني

يارب ويصلح فساد قلوبنا


مارايك لو نساعد بعضنا ؟؟
في انتظارك

والله العظيم يا اخيتي كنت ناويه اكتبلك نفس الكلام ولكن لا ادري ما الذي جعلني لا اكتبه

انا موافقه اننا نساعد بعض

علي فكره يا اختي انا حاسه بكل الي انتي حاسه بيه بالظبط

زمان كنت بقيم الليل في التلت الاخير وحاسه نوعا ما بالقرب من ربنا ولكن دلوقتي ذنوبي قيدتني وبسمع المنبه واطفيه وانام

حاسه قلبي غافل ومذنب

تعرفي اني مش قارده انصح صاحباتي في الكليه لاني عارفه ذنوبي

بصي االخطوه الاولي الي عايزين نتابعها مع بعض

التـــــــــــــــــــــوبه عايزين نتوب ماشي ممكن منحسش بس نحاول مره واتنين وتلاته

والخطوه التانيه الصلاه عايزين نرجع الخشــــــوع فيها

ونثبت لنا ورد قران حتي لو قليل

ولما نحقق ده نحاول ننتقل لغيره

ها موافقه ولا لأ

أختك في الله

[هيا بنا نؤمن ساعه]

رد: ها حتساعدوني و لا حتسيبوني اضيع ؟؟!!!

ده مقطع كوس لينا عن التوبه سمعته قولت احطهولك عشان ياثر فينا

http://www.youtube.com/watch?v=zR3nimWdMQ4

[حبك ربي ارجوه]

رد: ها حتساعدوني و لا حتسيبوني اضيع ؟؟!!!

السلام عليكم ورحمة الله وبركاته
اتابع معكن يا اخواتي اذا مافي مانع من متابعتي
ونعين بعض احنا الثلاثة على طاعة الرحمن

اذا سمحتم اما تضعو فيديوهات او شئ حطو روابط عشان اعرف احملها واشوفها لأن مش بعرف اسمع المقاطع والفيديوهات اللي بتتحط ع الصفحات كده

[صاحبة الموضوع]

رد: ها حتساعدوني و لا حتسيبوني اضيع ؟؟!!!

تمام معاكي أختي 'هيا بنا نؤمن ساعه'
باذن الله الواجب
1/ الصلاة على وقتها + الخشوع
2/ ورد القران
و ممكن اضيف لو سمحتي
3/ أذكار الصباح و المساء لانهم مهمين
و زي ما قلتي أول ما نثبتهم ننتقل لغيره
و لو نقدر نصلي ركعتين كل ليلة قبل ما ننام نتوب فيهم إلى الله من أي ذنب عملناه طول النهار يبقى حلو اوي

يا ريت نشجع بعض يعني كل يوم ندخل هنا و نقيم نفسنا و نساعد بعض
تمام ؟؟
جزاك الله خيرا على المقطع و جعله في ميزان حسناتك

**************

و عليكم السلام و رحمة الله و بركاته
أختي 'حبك ربي ارجوه'
نورتينا
باذن الله نساعد بعض
حطينا جدول مبدئي نمشي عليه و باذن الله في كل مرة مزود حاجة
و بالنسبة للمقطع ادخلي على اليوتوب و حطي العنوان ده
''هل لي من توبة ؟ مقطع مؤثر للشيخ صالح المغامسي''
هو أول مقطع

**************

فريق استشارات سرك في بير جزاكم الله خيرا على كل ما تقدموه و أتمنى ان يتسع صدركم لنا
أسأل الله ان يرزقكم الفردوس الأعلى

في أمان الله

[هيا بنا نؤمن ساعه]

رد: ها حتساعدوني و لا حتسيبوني اضيع ؟؟!!!

تمام معاكي أختي 'هيا بنا نؤمن ساعه'
باذن الله الواجب
1/ الصلاة على وقتها + الخشوع
2/ ورد القران
و ممكن اضيف لو سمحتي
3/ أذكار الصباح و المساء لانهم مهمين
و زي ما قلتي أول ما نثبتهم ننتقل لغيره
و لو نقدر نصلي ركعتين كل ليلة قبل ما ننام نتوب فيهم إلى الله من أي ذنب عملناه طول النهار يبقى حلو اوي

يا ريت نشجع بعض يعني كل يوم ندخل هنا و نقيم نفسنا و نساعد بعض
تمام ؟؟
جزاك الله خيرا على المقطع و جعله في ميزان حسناتك

ه

خلاص ان شاء الله مع بعض وكويس انك اضفتي حته الاذكار مع الركعتين

انا قلت اذكاري الصبح قبل ما اقرا الرد :)

ربنا يعينا بقا علي استحضار المعاني واحنا بنقرا الورد وبنصلي الصلوات

وعايزين نتذكر ان اي واحده فينا ممكن تكون عملت الورد الي اتفقنا عليه قبل التانيه

فكلنا عايزين نسارع ف الخيرات

واختي حبك ربي ارجوه كلنا مع بعض ان شاء الله وانتي كمان اعملي الي اتفقنا عليه ونتجمع هنا لنعين بعضنا علي طاعه الله