الخطاب بيرفوضونى مش عارفه ليه؟؟؟

[فريق استشارات سرك فى بير(الأخوات)]

رد: الخطاب بيرفوضونى مش عارفه ليه؟؟؟

اللهم لك الحمد أن يسرت لى مثل هذا الوالد الفاضل لإن يجيب على آلمنى

أسأل الله يسعد قلبك ويزيح ما أهمك وأن يبارك لك فى كل ماتملك

أعدك أبى الكريم على أن لا أتأخر عن جدتى فى أى طلب

وأنا نزلت الكتاب والدرس اللى حضرتك بعت الرابط بتاعهم وسأقرأه وأسمع الدرس وعسى أن أبشر فضيلتك أن الحال تبدل إلى أحسن حال

وجزاك الله خيرا على سعة صدرك ولن أنساك بإذن الله من صالح الدعاء

ربنا يرضى عنكِ ياابنتى ويريح بالك ويتقبل دعائك وماذا لو عرفتى أنى والدتك وليس والدك
هل سيكون هناك فرق عندك ؟,,خبرينى عن شعورك بنيتى ,لأننا نناقش أمر فى الإداره خاص بإنشاء قسم خاص للأخوات ,

[فريق استشارات سرك فى بير(الأخوات)]

رد: الخطاب بيرفوضونى مش عارفه ليه؟؟؟

ايه أخبارك ابنتى الفاضله ؟ ,,طمنينى عنكِ .

[غير مسجل]

رد: الخطاب بيرفوضونى مش عارفه ليه؟؟؟

أسعد الله يومكِ أمى الحبيبة ولا أحل الله فى قلبك ظلمة وأراح الله بالك وأسعد قلبك

أولا أن فرحت أيما فرح عندما وجدت أن حضرتك رديتى على لإن كنت معتقدة إن الموضوع أنتهى

لم أشعر بفرق فما خطر على بالى ثانية إن حضرتك أمى كريمة

أما عن تخصيص قسم للأخوات فهذا شئ حسن جدا لكن لو ظل الأمر هكذا مخفى لا نعرف من يرد أوالد أم والدة أرى بوجة نظرى الوضيعة أنه سيكون أفضل لإن كتير يعتقد أن الشيخ الذى يسأل فيجيب يكون رجلا غير أن البعض يحتاج إلى من يشعره بإن له أب ولو لم يكن هو الأب الحقيقى

وجزاك الله خيراأمى على سؤالك وأرجو منكِ أن تدعى لى أن اسمى أسماء

[فريق استشارات سرك فى بير(الأخوات)]

رد: الخطاب بيرفوضونى مش عارفه ليه؟؟؟

جزاكِ الله خيرا ابنتى الغاليه أسماء وسعيده لأنك بخير وأتمنى أسمع عنك دائما أنك بخير حال, ووجهة نظرك تحترم بالطبع ,فأنتى تعلمين أن طباع الناس مختلفه ونحن نريد أن نرضى كل الناس ولانرجو الا الدعاء بظهر الغيب ونسأل الله أن يقدرنا أن نمحى دمعه وننشر مكانها البسمات ,وفقكم الله جميعا لكل خير
وأنا تحت أمرك ابنتى الغاليه فى أى مشوره ,فلا تترددى ,وحتى ان كنتى تريدين الشيخ يرد عليكى سأوصل سؤالك للشيخ بصدر رحب ,فكل غايتنا راحتكم ورضاكم ,فى حفظ الله .

[هبه نبيل]

رد انا تعبانه بجد

السلام عليكم ورحمه الله وبركاته انا بقى حكايتى طوويله انا خريجه السنه دى والحمد لله اتقدم ليا ناس كتير والحمد لله بس كنت بعرف بالصدفه من اولى اعدادى مامتى مكنتش بتقول على اى حد يتقدم كنت بعرف بالصدفه وحتى لو كنت بعرف كانت هى بترد على طول مش موافقه ولما كنت بقولها الراى رايى كانت تقولى لا المهم كنت بعيد ه عنها من اللى بتعمله فيا لما كنت بشوف صحباتى وكل واحده بتقول ان هى ررفضت او وافقت كنت بتعب ومكنتش بحس بنفسى بس والله مكنتش بحسدهم على حاجه وكنت ملتزمه جدا انا ليا اخين وبابا متوفى اخ مسافر واخ مشغول فى حياته عمره ما كان بيتكلم معايا دايما بعيد عنى وكلامه بيشمى فى كل حاجه حتى لو كان هو اللى غلطان وماما معاه لما خلصت السنه دى اتقدملى كتير جدا والحمد لله بس ماما برضو المهم اتقدملى ابن عمى واتقدملى اخوه فى نفس الوقت بس كان كل واحد مش معرف التانى المهم رفضت كان فى الوقت ده لان محدش قريب منى وكله بعيد عنى فى البيت كنت بزهق لحد لما وصلت للشات كنت عايز اتكلم مع اى حد عرفت كتيرر جدا فى الشات بس عمرى ما تكلمت كلمه غلط بس كنت عايزه اتكلم وخلاص لانى تعبانه بجد لحد لما بدات اتكلم فى التليفون عادى مع الصبيان مع انى والله العظيم عمرى ما كلمت صبيان فى حياتى غير اخواتى وبدا كل واحد يتكلم كلام عادى خالص لانى مكنتش باعطى اى شخص فرصه ولكن بعد كده من كتر الذن على الودان بدات اتكلم وبقى شىء عادى وبدات اعمل حاجات غريبه خالص اظن ممكن اى حد لو فكر او بدون تفكير يفهمها المهم انا مكنتش راضيه عن نفسى خالص المه انا لحد الان كويسه كله كان عن طريق تليفون انا عمرى فى حياتى والحمد لله ما دعيت دعوه الا وربنا استجبها الحمد لله بس رجعت لربنا وتبت المشكله فى حاجه انى لما بصلى بكون مخنوقه وديما عندى ضيق نفس حتى لو قريت القران برضو بكون مخنوقه ومش القران وحده لو قريت عموما بكون مخنوقه ودايما عندى ضيق فى التنفس انا بجد نفسى اكون حاجه كويسه فى حياتى اتخطبت لابن عمى وتعبت بعدها منه لانى مش عايزاه وفلكشت وحالى دلوقتى واقف كله بامر الله بس لما حد يقابلنى يقولى مبروك مع مفيش حاجه كل لما حد يتقدم يقوله مخطوبه بالله عليكوا ادعولى تعبانه بجد ومش مستعجله على الجواز بس الكلام بتاع الناس بيضايق ياريت تكونو معايا

[غير مسجل]

رد: الخطاب بيرفوضونى مش عارفه ليه؟؟؟

الاخت هبة نبيل
ربنا يسعدك ويزيدك حرص على دينك
الشيطان عاوز يصرفك على قرءاة القرءان ودا الى عاوزاة
دا يرضى ربنا اننا نتبع عدو لله عز وجل
لما تصرى على قرءاة القرءان
هتلاقى الشيطان هيمل منك وهيسيبك
ولو فركشتى الموضوع
ادعى ربنا فى الثلث الاخير من الليل ان يرزقك بزوج صالح يعينك ويسعدك ويقربك من ربنا
والله والله والله
قيام الليل قبل الفجر دا
لما بكون مضايقة
واصلى وادعى واعيط لربنا
عالطول تلاقى الفرج جية والله دى مجربة
ابكى لربنا جامد واشكيلة همك والله ما هيعدى اليوم الا وهتلاقيكى مبسوطة وفرحانة
ومتعرفيش لية
يلا قومى النهاردة قبل الفجر وصلى ركعتين وعيطى لربنا
اصل دموعك غالية اووى عند ربنا
وربنا ارحم بيكى من امك ومن كل الناس
خليكى مع ربنا حبيبك
وابقى طمنينا عليكى

[هبه نبيل]

رد: انا تعبانه بجد

الحمد لله بالرغم من كده بس الحمد لله مستمره على قراءه القراءن والصلاه بس بكون مخنوقه دايما حتى لما اعرف موضوع ما واى شخص يقولى حصل ايه مبحبش اعيد الكلام اكتر من مره بيحصل خنقه عندى جامده جدا ولو سمعت برنامج تلاقينى مقدرش اكمله بزهق بسرعه بس لما بيضايق اللى فى البيت بيزعقوا ما يعرفوش ولا يسالوا عن سبب ضيقى حاسه انى بكون نفسى اتكلم بس مبتكلمش لذلك تلاقينى دايما بابكى واعيط والحمد لله بدعى ربنا كتير والحمد لله واى سؤال حتلاقينى معكم

[غير مسجل]

رد: الخطاب بيرفوضونى مش عارفه ليه؟؟؟

الاخت هبة
اللهم بارك على ثباتك فى قراءة القرءان
ربنا يثبتك ويذيدك
بصى هى كل فترة كدة هتحسى انك مخنوقة وعاوزة تعيطى عالطوول
دى طبيبعى
بس والله كل دا هيروح بالدعاء فى الثلث الاخير من الليل لله عز وجل
شوفى ليكون فيه ذنب عملتية
شوفى قصرتى فى شيئ لله ..يعنى كنتى بتعملى طاعة وقصرتى فيها
هتلاقى فيه حاجة
ولما تظبطيها هتلاقى من نفسك ارتحتى
واستعيذى بالله كثير وقولى الاذان
اسمعى للقرءان بصوت شيخ بتحبية
يلا بقى خليكى فرحانة كدة واضحكى يلا
اختك فى الله

[هبه نبيل]

رد: الخطاب بيرفوضونى مش عارفه ليه؟؟؟

شكرا ليكى كتير وربنا يكرمك ويوفقك فى حياتك بس خليكى دايا معايا ولو عرفتى نتكلم مع بعض ممكن دا بعد اذنك

[غير مسجل]

رد: الخطاب بيرفوضونى مش عارفه ليه؟؟؟

الاخت هبة
جزاكم الله خيرا
وهفضل معاكى طبعا
بس اية رائيك تشتركى فى المنتدى دا وهتلاقى كل الاخوات الى هيسعدوكى ويقفوا جنبك
وهتلاقينى هناك
يلا سجلى فى المنتدى وادخلى اشتركى فى قسم الاخوات الخاص وافتحى موضوع هناك مش هيشوفة غير الاخوات فقط وهتلاقينى هرد عليكى هناك ونتكلم هناك براحتنا اكثير اتفقنا ؟..

[هبه نبيل]

رد: الخطاب بيرفوضونى مش عارفه ليه؟؟؟

ازاى اسجل فى المنتدى انا عايزه اتكلم مع حضرتك يعنى اتكلم وتردى عليا

[غير مسجل]

رد: الخطاب بيرفوضونى مش عارفه ليه؟؟؟

الاخت هبة
انا الى برد عليكى
بصى اطلعى فى اول صفحة فى المتدى فوق هتلاقى مكتوب تسجيل
ادخلى اكتبى المطلوب بيانتك
وبعد كدة ادخلى
القسم دا
https://forums.way2allah.com/forumdisplay.php?f=13
دا اسمة فضفضة الاخوات
.................................................. .................................................. ..
وبعد كدة هتلاقى فى المواضيع المثبتة
الموضوع دا
https://forums.way2allah.com/showthread.php?t=181147
واتبعى التعليمات دية
وهتدخلى الخاص بقى ومفيش اخوة ولا زوار
واكتبى موضوع فى الخاص وانا هرد عليك هناك ونبقى نتكلم مع بعض عادى
ماشى ياغالية ..؟؟منتظراكى

[هدى نبيل]

رد: الخطاب بيرفوضونى مش عارفه ليه؟؟؟

السلام عليكم انا هبه نبيل سجلت فى المنتدى وكل لما ادخل على قسم معين اكتب اسمى وكلمه المرور علشان ادخل يقول هناك خطا ومش عارفه اعمل ايه وكمان لما دخلت على الموقع الاول بيقول اتبع تعليمات ضرورى اعملها