الخطاب بيرفوضونى مش عارفه ليه؟؟؟

[أحبك يارب]

السلام عليكم ورحمة الله وبركاته
جزاكم الله خير الجزاء على المجهود الواضح فى هذا الفريق المبارك الذى يحل كثير من المشاكل

أنا عندى 24 سنة منتقبة والحمد لله ولسه ما ربنا ما كرمنيش بالزواج وأنا الحمد لله على قدر كبير من الجمال ومن بيت محترم لكن كل اللى يجى يتقدم لى يرفضنى مش عارفه ليه
لكن الحمد لله اللى بيرفضنى أنا بأكون مش مرتاحة له أو أهلى مش موافقين عليه وحتى لو أنا كنت موافقه عليه أو أهلى موافقين أنا الحمد لله مش بأزعل كتير لإن عارفه إن رزقى لن يأخذه غيره وبهذا أطمئن قلبى

المشكلة أنا لما بيتقدم لى حد مش بتكلم ولا كلمة إلا إذا هو سألنى فبرد على قدر السؤال فهل هذا هو المطلوب فى الرؤية الشرعية أم ماذا لإن أهلى بيقولولى إن المفروض اتكلم معاه مش عارفه والله أتكلم معاه أقول له إيه أو أسأله فيه ياريت تفدونى بالله عليكم وأدعولى كتير إن ربنا يرزقنى بزوج صالح متبع لهدى النبى


وبعدين أنا عندى مشكلة تانية عايزه أعرف رأيكم فيها وهى إن أنا خريجة تربية تعليم أساسى وعندى وقت فاضى كثير وجدتى كبيره فى السن وعيزانى أقعد معاه وأنا مش حابه كده وبحثت عن أى حاجه أشتغل فيها ولقيت حضانه أشتغل فيها فهل الأفضل أن أقعد بجدتى أم أذهب للتدريس فى الحضانة


وجزاكم الله خير الجزاء وأعانكم على طاعة الله

[فريق استشارات سرك فى بير(الأخوات)]

رد: الخطاب بيرفوضونى مش عارفه ليه؟؟؟

الحمد لله والصلاة والسلام على رسول الله صلى الله عليه وسلم أما بعد,
مرحبا بكِ ابنتى الفاضله ,,ألتمس فى كلامك نبرة استعجال وأنتى ماشاء الله جميله كما تقولين وصغيرة السن ,,فلما العجله يابنيتى فلا تندمى على شىء واستمعى لقول الله تبارك وتعالى : ( فَعَسَى أَنْ تَكْرَهُوا شَيْئًا وَيَجْعَلَ اللَّهُ فِيهِ خَيْرًا كَثِيرًا ) النساء/19
وقال سبحانه : ( وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ ) البقرة/216
وعَنْ ابْنِ عَبَّاسٍ قَالَ كُنْتُ خَلْفَ رَسُولِ اللَّهِ صَلَّى اللَّهُ عَلَيْهِ وَسَلَّمَ يَوْمًا فَقَالَ : ( يَا غُلَامُ إِنِّي أُعَلِّمُكَ كَلِمَاتٍ احْفَظْ اللَّهَ يَحْفَظْكَ احْفَظْ اللَّهَ تَجِدْهُ تُجَاهَكَ إِذَا سَأَلْتَ فَاسْأَلْ اللَّهَ وَإِذَا اسْتَعَنْتَ فَاسْتَعِنْ بِاللَّهِ وَاعْلَمْ أَنَّ الْأُمَّةَ لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلَّا بِشَيْءٍ قَدْ كَتَبَهُ اللَّهُ لَكَ وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلَّا بِشَيْءٍ قَدْ كَتَبَهُ اللَّهُ عَلَيْكَ رُفِعَتْ الْأَقْلَامُ وَجَفَّتْ الصُّحُفُ ) رواه الترمذي (2516)
اعلمي أيتها الإبنه الكريمه أن الواجب عليك أن ترجعي لنفسك هنيهة ، وتعلمي أن ما اختاره الله لك هو الأصلح والأحسن ، وأن ماتفقدينه قد يكون فيه خير ، وخير كثير جدا .وسيأتى يوما يطرق بابك ابن الحلال الذى ترتضيه زوجا لكِ ويرضاكى زوجه له
ولا تجعلي وساوس الشيطان الرجيم وأمواجه تلاطمك فتأخذك يميناً وشمالاً ، وكونى على ثقه تامه بالله أولا ثم بنفسك

أنا الحمد لله مش بأزعل كتير لإن عارفه إن رزقى لن يأخذه غيره وبهذا أطمئن قلبى

، ماشاء الله عين العقل أصلح الله حالك ورزقك الزوج الصالح المصلح الذى يعينك على طاعة الله ،"وغدا من ناظره قريب " فإصبرى بنيتى ,أما عن حديثك مع الخاطب فقد قال أهل العلم فى يوم الرؤيه الشرعيه أن إباحة نظر الخاطب إلى وجه المخطوبة وكفّيها لدلالة الوجه على الدمامة أو الجمال ، والكفين على نحافة البدن أو خصوبته .والحديث العام الذى منه يفهم طريقة تفكيرك وهل بكِ عيب فى النطق أم ماشابهه ,وكلامك سيكون عن عمله مثلا ,,أو عن اسرته أو سكنه ,أمور عاديه وحديث بسيط ليس به أى صعوبه ان شاء الله
قال أبو الفرج المقدسي : " ولا خلاف بين أهل العلم في إباحة النظر إلى وجهها .. مجمع المحاسن ، وموضع النظر .. "
وأما عن سؤالك الآخر :فنصيحه منى ابنتى الفاضله جدتك أولى بجهدك وتعبك فهى صلة رحمك ورحم والديك وعليكِ برها وخدمتها مادمتِ تستطيعين ذلك وتذكرى يوما أن خدمت والدتك أو والدك ورعتهم وعلمتهم وسهرت الليالى ليكونوا آباء وأمهات ,فهذا أقل شىء يمكن أن تبرى والديكِ به أن تراعى جدتك برا لهما أولا ثم لجدتك ,وهذا كله فى ميزانك ان شاء الله ويمكن دعوه من قلبها يتقبلها الله ويرضيكِ ويوفقك فيما تبتغيه ,وفقك الله دوما الى مايحبه ويرضاه ورزقكِ الزوج الصالح ,ونحن معكِ بنيتى الفاضله فى أى مشوره والله الموفق .

[أحبك يارب]

رد: الخطاب بيرفوضونى مش عارفه ليه؟؟؟

جزاكم الله خيرا أيها الوالد الكريم ومتعك الله بالصحة والعافية وأسأله سبحانه أن يحشرك مع النبين والصديقين والشهداء والصالحين كما أسأله سبحانه أن يطمئن قلبك كما أرحت قلبى بهذه الكلمات

أنا أريد أن أحكى مع أحد لكن ما وجدت إلا هذا المنتدى الذى أشعر بالراحة فيه وإن فعلا بأجد حل لأى مشكلة بتقابلنى وأسمحلى أن أخذ منك النصيحة وأن يتسع صدرك لى

أنا أحيانا بيضيق صدرى وأحس إن مخنوقة من النقاب ومش عايزه ألبسه وإنه مكتفنى مع إن فى الواقع أن بأشعر براحة نفسية لا يضاهيها راحة لما بألبسه لكن مش عارفه الشيطان أحيانا بيكرهنى فيه والحمد لله ربنا بيثبتى فأنا مش عارفه أثبت عليه إزاى وأقنع نفسى إن دا هو الصح وإن دا ربنا بيحبه ياريت لو تذكرنى ببعض الكلمات اللى تعظنى وتنصحنى فيها

وبعدين فى مشكلة تانية أنا الحمد لله كنت بأقوم بالليل أصلى وأنا هأموت وأنام بس بأقاوم دلوقتى مش قادرة أقوم خالص حتى كنت بأزعل فى اليوم اللى ما بأقومش فيه دلوقتى مش فارقه معاى أقوم زى ما أقومش وهكذا فى قراءة القرآن من أكتر من يوم ما قرأتش ولا أيه أعمل إيه وأحفز نفسى إزاى عشان أرجع أصلى وأقرأ قرآن تانى نفسى قلبى وعقلى وكيانى كله يرتبط بالقرآن بس مش قادرة وحتى لو قرأت بأقرأ نذر يسير جدا
نفسى أحفظ القرآن مش قادرة أو مش عارفه أبدأ من أين أن كنت حفظت كتير خالص بس متفرق
لو حضرتك تقدر تقولى أحفظ من أين وأحفظ كم فى اليوم ياريت لو حضرتك تقدر تساعدنى وإن شاء الله هأنفذ اللى هأتقوله

وأخر حاجه عايزه أعرف مزيد من نصحك بخصوص جدتى أنا جدتى دى مريضة عندها حوالى 85 سنة مش بتعرف تروح الحمام لوحدها ولا تستحم لوحدها وأنا بأساعدها فى الوقت اللى بأكون موجوده معاها فيه لكن ساعات كتير بتزعلنى ودا اللى خلانى أروح أشتغل فى حضانة عشان بأشد معاها فى الكلام وأنا مبحبش أكلمها باللهجة دى

فرأى حضرتك إن أنا أخدم جدتى بردوه ولا إيه وأنا والله هأسمع نصيحة حضرتك

وأخر حاجه معلش وأرجو أن لا يكون ضاق صدرك بكلامى ((هو أن رزقى فى الزوج الصالح هيجى لغاية عندى ولا أنا علىّ أسباب لازم أخذ بها
أصل أمى أحيانا بتقول لى إن محدش بيشوفك وأنا قليلة الخروجات مش بأحب أخرج كتير فهل دا ممكن يحرمنى من الزواج الصالح

أشكرك أيها الوالد الكريم الفاضل على أنك أتحت لى الفرصة لأن أجد قلبا رحيما يسمع لى وجزاك الله خير الجزاء وشفى الله الوالد أبو المعالى شفاء لا يغادر سقما والسلام عليكم ورحمة الله وبركاته

[فريق استشارات سرك فى بير(الأخوات)]

رد: الخطاب بيرفوضونى مش عارفه ليه؟؟؟

وعليكم السلام ورحمة الله وبركاته

وإياكم ابنتى الفاضله ,وهذه الدعوات أغلى شىء بالنسبه لنا جميعا فى الفريق ,ونتمنى أن يتقبل الله أعمالنا خالصه لوجهه الكريم ,,وعن استفساراتك الجديده ان شاء الله سأرد عليكِ فى وقت قريب جدا وهذا للإنشغال وكثرة المشاكل المعروضه علينا ,فأرجو إلتماس العذر ,, ,وجزاكم الله خيرا .

[غير مسجل]

رد: الخطاب بيرفوضونى مش عارفه ليه؟؟؟

السلام عليكم ..
أختي الفاضلة تأكدي أنه لا يوجد عندك مرض روحي ( مس أو سحر أو عين ) .. صحيح الزوج رزق ومش كل واحدة هتتأخر بالضرورة تكون مريضة بهذه الأمراض لكن الواقع يشهد بوجود مثل الأمور كثيرا وانتشاره وقد تكون سببا لتعطيل الزواج من بعد إذن الله فمن باب الأخذ بالأسباب تأكدي من ذلك ولو ظهر وجود شئ من ذلك تعالجي منه ..
ويمكنك معرفة ذلك بقراءة الأعراض في كتب الرقية ككتب الشيخ وحيد بالي أو بالبحث في النت في مواقع الرقية الثقات كموقع الرقية للشيخ أبو البراء أسامة المعاني ..
--------------
يسر الله أمركِ ووفقكِ لما فيه خير ..
ربنا يختار لكِ زوجا صالحا يعوضكِ خيرا ..

[غير مسجل]

رد: الخطاب بيرفوضونى مش عارفه ليه؟؟؟

حضرتك
انا بدرس الرقية الشرعيه وموضوع السحر والجان
المهم
انا ممكن اعرف اذا كان عند حضرتك سحر او مس او عشق جان
سؤال
هو حضرتك بتحسى فى تغير عليكى اليومين دول او من فتره قريبه
يعنى مثلا
بتحسى بخنقه مع قراءة القرأن
بتحلمى بكوابيس
بتحملى فى حد بيجيلك فى الحلم ويقولك مش هتجوزى
طيب
ممكن حضرتك توضحى
لو فى اعراض زى دى او مشابهه لها
بس بشرط تكون اعراض مستحدثه عليكى
وكمان بيكون باستمرار
لان مثلا كلنا بنحلم بكوابيس
بس لما بتكون باستمرار وهو نفس الكابوس
ونفس اللى قولتلك عليه
انتظر منك الرد

[غير مسجل]

رد: الخطاب بيرفوضونى مش عارفه ليه؟؟؟

وبرده لو بتحسى بخنقه فى البيت وبره البيت بتحسى براحه نفسيه
كده يعنى
علشان نبقى اخذنا بالاسباب

[أحبك يارب]

رد: الخطاب بيرفوضونى مش عارفه ليه؟؟؟

أنا فى إنتظار رد الوالد الفاضل ويسر الله لك كل الأمور وجميع المسلمين

بالنسبة لأسئلة الذى حاول مساعدتى جزاه الله خيرا

أولا أنا كتبت مشكلتى بس مكنتش حاطه فى بالى إنه سحر أو ما شابه بل مشكلة كنت أود أن يرتاح قلبى حتى أصبر وأرضى وأزداد صبرا ورضا

أما عن موقع الرقية الشرعية فأنا فعلا تابعت لفترة طويلة مع الشيخ أبو البراء وكنت أنا وأختى والحمد لله ربنا رزقها بالزوج الصالح لكن أنا دلوقت مليت ومعدش لى نفس أتابع تانى

أما إجابة الأسئلة فكالأتى

_ أيوه من فترة قريبة جدا كنت مخنوقة خالص على غير العادة وعلطول بأعيط من غير سبب وبسبب ومكنتش طايقه أبص فى وجه حد خالص ولا أكلم حد خالص حتى كنت عايزه أخلع النقاب وفعلا كنت خلاص قررت أقلعه لكن الحمد لله صحبة صالحة أخذت بيدى وأصبحت الآن أفضل

_ أما القرآن فأنا كان قلبى دايما متعلق بالقرآن والصلاة والذكر لكن أنا دلوقتى مبقدرش حتى أفتح المصحف ولو فتحته بأقفله على طول مش عارفه أقرأ ولا قادره أقرأ

_ أما الكوابيس فأنا بحلم كتير بكوابيس حتى لو نمت على وضوء

_أحيانا بحس بخنقة من البيت وبره لأ بس مش كتير

أنا فى إنتظار رد الوالد الفاضل ويسر الله لك كل الأمور وجميع المسلمين

[فريق استشارات سرك فى بير(الأخوات)]

رد: الخطاب بيرفوضونى مش عارفه ليه؟؟؟

السلام عليكم ورحمة الله وبركاته ...
اختنا الكريمة يبدو من المشاركة الاخيرة لك
انك كنت تعرفين انك تعانين من السحر وكنت تتعالجين مع اختك
فلماذا انقطعتى اختنا الكريمة
وكمثال كان هنا حالة ايضا لأخت اشد منك فى الاعراض بل وصل الامر بها
لمرض عضوى لا يجد الاطباء له تفسيرا ولا ينفع معه علاج
وسبحان الله هى رقت نفسها وكانت تبشرنا من وقت لأخر انها تتقدم الى ان شفيت
تماما والحمدلله كما ذكر والدها
فلماذا اختنا تفقدين الامل احسنى الظن بربك واستمرى حفظك الله من شر شياطين الأنس والجان

[فريق استشارات سرك فى بير(الأخوات)]

رد: الخطاب بيرفوضونى مش عارفه ليه؟؟؟

https://forums.way2allah.com/showthread.php?t=176596

[فريق استشارات سرك فى بير(الأخوات)]

رد: الخطاب بيرفوضونى مش عارفه ليه؟؟؟

الحل الثانى بجانب العلاج
(الصحبة الصالحة)
فبها سوف تُحل جميع مشاكلك
بإذن الله، لأن النفس إن لم يشغلها صاحبها بالطاعة
شغلته هي بالكثير من المشاكل والمتاعب واولها الذنوب والمعاصي!!

ومن الطبيعي أن ينتج عنها عدم راحة النفس والشعور بالكآبة ومشاهدة الكوابيس . . إلخ
إذا فالحل الجذري (شغل النفس ببرنامج مكثف من الفعاليات الطيبة) حتى لو كانت مجرد
حلقات تحفيظ أو درس حديث أو تزاور في الله ولكن بعيداً عن أحاديث الغيبة والنميمة
أو الاشتراك في برامج مساعدات الأسر أو تدريب بعض الأخوات على بعض الحرف وما إلى ذلك.


حيث أن هذه الأجواء الطيبة؛ سوف تأخذ بيدك بعيداً عما تواجهى بمفردك من استفردا الشيطان بك وشعورك بالضيق والقلق وكل ما ذكرت من أنواع المعاناة . .
وايضا يكون لك معين على الاستمرار فى العلاج
والله أعلم

[غير مسجل]

رد: الخطاب بيرفوضونى مش عارفه ليه؟؟؟

الحمد لله والصلاة والسلام على رسول الله
أشكر الأخ الفاضل الذى تفضل برده الأخير

الحمد لله أنا عندى حسن ظن فى الله وظنى فيه سبحانه أنه لن يخذلنى ولن يخيّب رجائى

بعد إذن الوالد الفاضل الذى سبق له وتكرم على وأراح قلبى برده أرجوه ثانية أن يرد لى على باقى الإستفسارات التى أرجو من الله أن يعينه على إجابتها


وجزاكم الله جميعا خير الجزاء

[فريق استشارات سرك فى بير(الأخوات)]

رد: الخطاب بيرفوضونى مش عارفه ليه؟؟؟

بعد إذن الوالد الفاضل الذى سبق له وتكرم على وأراح قلبى برده أرجوه ثانية أن يرد لى على باقى الإستفسارات التى أرجو من الله أن يعينه على إجابتها


وجزاكم الله جميعا خير الجزاء

جزانا الله وإياكِ ابنتى الفاضله وان شاء الله سأرد عليكِ لاحقا ,وسامحينى على التأخير فى الرد .

[فريق استشارات سرك فى بير(الأخوات)]

رد: الخطاب بيرفوضونى مش عارفه ليه؟؟؟

نفسى أحفظ القرآن مش قادرة أو مش عارفه أبدأ من أين أن كنت حفظت كتير خالص بس متفرق
لو حضرتك تقدر تقولى أحفظ من أين وأحفظ كم فى اليوم ياريت لو حضرتك تقدر تساعدنى وإن شاء الله هأنفذ اللى هأتقوله

وأخر حاجه عايزه أعرف مزيد من نصحك بخصوص جدتى أنا جدتى دى مريضة عندها حوالى 85 سنة مش بتعرف تروح الحمام لوحدها ولا تستحم لوحدها وأنا بأساعدها فى الوقت اللى بأكون موجوده معاها فيه لكن ساعات كتير بتزعلنى ودا اللى خلانى أروح أشتغل فى حضانة عشان بأشد معاها فى الكلام وأنا مبحبش أكلمها باللهجة دى

فرأى حضرتك إن أنا أخدم جدتى بردوه ولا إيه وأنا والله هأسمع نصيحة حضرتك

وأخر حاجه معلش وأرجو أن لا يكون ضاق صدرك بكلامى ((هو أن رزقى فى الزوج الصالح هيجى لغاية عندى ولا أنا علىّ أسباب لازم أخذ بها
أصل أمى أحيانا بتقول لى إن محدش بيشوفك وأنا قليلة الخروجات مش بأحب أخرج كتير فهل دا ممكن يحرمنى من الزواج الصالح

أشكرك أيها الوالد الكريم الفاضل على أنك أتحت لى الفرصة لأن أجد قلبا رحيما يسمع لى وجزاك الله خير الجزاء

الحمد لله والصلاة والسلام على رسول الله صلى الله عليه وسلم,,اما بعد,

مرحبا بكِ ابنتى الفاضله وأعتذر عن غيابى وتأخرى فى الرد غليكى وذلك بسبب أعطال الشبكه ,وللإجابه على أول سؤال أنصحك بهذه الوسائل الإبداعيه لحفظ القرءان
http://www.vip550.com/files/wasael-hefd-Quran1.rm

وهذا كتاب اسمه خير معين في حفظ القرآن الكريم
http://saaid.net/book/12/4691.rar

ان شاء الله تستفادى منهم مع تنظيم وقتك وتحديد جزء معين ولو صفحه وتراجعيها وبعد يثبت الحفظ تحفظى الجديد وفقكِ الله ويسر لكِ حفظ كتابه ابنتى الفاضله .
وعن سؤالك الآخر ,,بنيتى ,جدتك هى سبب وجودك فى الحياه بعد الله فلها حقوق عليكِ مادمتِ تستطيعين ذلك ,ونصيحه أقولها يابنتى الناس لما بتكبر بتكون مثل الأطفال تحتاج معامله خاصه هل تعلمى لماذا لأنهم شافوا الكثير وتحملوا الكثير وتكلموا وصالوا وجالوا ,,وحان وقت الراحه لهم ,أجهزة الماكينه تتعب عندما تعمل مده طويله وهما بتقدمهم فى السن تجدى كل أجهزة الجسم لديهم منهكة القوى ويريدون الراحه وممكن تضايقك بكلمه ,رجاء يابنتى استحمليها ,واعتبريها ابنتك الصغيره ,وعندما تساعديها فى قضاء حاجتها أو تغيير ملابسها أقسم لك بالله ياابنتى كل ذلك سيكون فى ميزان أعمالك وستجدى من يفعل هذا فى كبرك وتقدم عمرك ,وارجو أن توعدينى بأنك لاتتأخرى عن جدتك فى أى طلب وأن تتغاضى عن أى كلمه أو فعل منها يضايقك ,اكظمى غيظك ,فقط لله ,,أنا فى انتظار وعدك .
وأما عن الزوج ,أنا لاأريدك ان تشغلى بالك بهذا الموضوع واتركيه لله ,ياابنتى رزقك فى الزوج مكتوب عند الله من خمسون ألف سنه ,مكتوب فى اللوح المحفوظ من هو ,واسمه وعدد الأولاد التى ستكون لكِ منه وكل البيانات الخاصه به ,فلماذا نفكر فى المستقبل الذى بيد الله عز وجل .وأعرف بنات كثيره منتقبه وتقدم لها أكثر من خطيب فى الأسبوع الواحد ,فأرجو أن تهدأى من هذه الناحيه وأن تتركى كل شىء لله وطمئنى الوالده ان شاء الله عن قريب سيفرح الله قلبك وقلبها وفقكِ الله بنيتى الى مايحبه ويرضاه ,وأنا تحت أمرك فى أى سؤال ولن يضيق صدرى ابنتى الفاضله ,فلا تترددى ,فى حفظ الرحمن .

[غير مسجل]

رد: الخطاب بيرفوضونى مش عارفه ليه؟؟؟

اللهم لك الحمد أن يسرت لى مثل هذا الوالد الفاضل لإن يجيب على آلمنى

أسأل الله يسعد قلبك ويزيح ما أهمك وأن يبارك لك فى كل ماتملك

أعدك أبى الكريم على أن لا أتأخر عن جدتى فى أى طلب

وأنا نزلت الكتاب والدرس اللى حضرتك بعت الرابط بتاعهم وسأقرأه وأسمع الدرس وعسى أن أبشر فضيلتك أن الحال تبدل إلى أحسن حال

وجزاك الله خيرا على سعة صدرك ولن أنساك بإذن الله من صالح الدعاء