انا بعانى من مشكله ممكن تدمرلى مستقبلى واحلامى

[غير مسجل]

انا اول مره اشارك هنا وعجبى فكرة القسم ده

انا الحمد لله ملتزم وبصلى كل الفروض فى الجامع و80% بلحق تكبيرة الاحرام وبقيم الليل وبقدر المستطاع صيام اتنين وخميس ( هذا من فضل ربى )

بس عندى مشكله محتاج افضفض معاكو فيها اكنكو زى اخواتى بالظبط

انا لسه متخرج من كلية هندسه قسم مدنى دفعة 2011 واول ما خلصت واخدت الشهاده وخلصت ورق الجيش

مليش اخوات ولاد فبالتالى مليش جيش

فبدأت رحلة البحث عن العمل وانا كلى امل وشوق ان انا اتفوق فى حياتى وابقى احسن باشمهندس فى الدنيا ولفيت على كل الشركات فى القاهره ومفيش وظيفه لمهندس مدنى بتنزل على النت غير وانا بشارك فيها سواء ميل او موبايل او سواء مقابلات

روحت كل مكاتب السفر الا الناس تعرفها والا متعرفهاش سافرت للقاهره واتكلفت فوق ال 3500 مواصلات وتكاليف البحث عن العمل

حاربت فى كل حته ولسه لحد وقتنا ده مش اشتغلت طبعا الصبر هو مفتاح الفرج وانا الحمد لله صابر

بس حبيت تشاركونى ولو حد مر بنفس ظروفى وعنده حلول يمكن يفيدنى

انا بدعى ربنا من رمضان الا فات لحد وقتنا ده فى قيام الليل ولما الدنيا بتشتى وعملة خاتمة قرأن ودعاء فى الصيام ووالدى ووالدتى راضيين عنى والحمد لله بيدعولى دايما وبدعى بين الاذان والاقامه على طول وصلاة الفجر مش بفوتها جماعه الحمد لله ببقى اول واحد داخل الجامع بعد المأذن

وعارف جدا ان الرزق نوعين نوع بيطلبك وده من فضل ربنا ونوع انا بسعيي وتعبى ده من عدل ربنا سبحانه وتعالى

فانا مش عارف التقصير فين او اعمل ايه او اتصرف ازاى بقالى 7 شهور وربنا العالم بحالى وخلاص كلها 3 شهور وتتخرج الدفعه الا بعدى وانا قاعد فى البيت

انا يمكن معرفش عملت التوبيك ده ليه بس ربنا العالم ان انا قولت افضفضلكم يمكن الاقى نصايح او حاجات انا غافل عنها

وجزاكم ربى الفردوس الاعلى

والسلام عليكم ورحمة الله وبركاته

[فريق استشارات سرك فى بير(الأخوات)]

رد: انا بعانى من مشكله ممكن تدمرلى مستقبلى واحلامى

السلام عليكم ورحمة الله وبركاته ...
اول نصيحة دور على الدورات التى تفيد فى سوق العمل
الشيء الاخر انا حسأل لك عن عدة دورات مطلوبة لذلك امهلنى ثلاث ايام وحرد عليك رد وافى

[غير مسجل]

رد: انا بعانى من مشكله ممكن تدمرلى مستقبلى واحلامى

اخي الكريم فعلا النصيحة الافضل في الوقت دة حاول تنمي مهاراتك وتاخد كورسات او دوارات تغني السي في بتاعك عشان لما تقدم علي شغل يكون نسبة القبول اكتر .
انا هقولك علي طريقة كويسة باذن الله تفيدك. انا بشتغل مصمم جرافيك في مكتب هندسي في دولة خليجية احنا في المكتب عندنا مفيش مهندس مدني لكن البشمهندس صاحب المكتب بيتاعمل مع مهندسين مدنين خارج المكتب يعني الشغل ال بيجي متفق مع مهندس مدني من برة شغال معاة وهو بيعمل المعماري .ومعظم المكاتب بتتعامل بالنظام دة لان مرتب المهندس المدني عالي شوية وبيخافو المشاريع تكون قليلة في الشهر ومتغطيش تكاليف المكتب.فحاول تدخل مواقع وخاصة ال بيدخلها الخليجين كتير واكتب طلب وظيفة ثابتة او بالمشروع ومن المواقع المشهورة عندهم عقار سيتي وربنا يوفقك باذن الله ويرزقك بشغل كويس.واصبر باذن الله ربنا فرجة قريب كلنا مرينا بالظروف دي متقلقش الخير جاي باذن الله.

[غير مسجل]

رد: انا بعانى من مشكله ممكن تدمرلى مستقبلى واحلامى

[FONT=""][COLOR=""]السلام عليكم ورحمه الله وبركاته
فى ياجماعه اكاديميه خيريه على النت بتعطى دورات اونلاين بغرف صوتيه خاصه فى جميع التخصصات للمهندسين والمحاسبين والمبرمجين وغيرها كتير انا حبيت اساعد وان شاء الله الشغل يكون قريب دى مشكله بيعانى منها كل الشباب فصبراً فرج الله قريب الاكاديميه هى اكاديميه ملتقى الدارين ممتازه جداً تمنياتى بالتوفيق للجميع[/COLOR][/FONT]

[غير مسجل]

رد: انا بعانى من مشكله ممكن تدمرلى مستقبلى واحلامى

[FONT=""][COLOR=""]ربنا ييسر لك أخي الحبيب كل خير و يرزقنا جميعا الحلال الطيب

انا حاسس بيك اخي . تعرف ليه ؟؟
عشان انا زيك بالظبط
انا خريج هندسة المنصورة قسم ميكانيكا قوى دفعة 2011
و مليش اخوات صبيان فأخذت شهادة الاعفاء من زمان وبقالى فترة كبيرة بدور على شغل و لسه لم اجد .. الحمد لله على كل حال

كل لما اروح مكان تقريبا يقولوا نفس الكلام ظروف البلد و الاحوال لكن احسن حاجة يقولك سيب cv و ان شاء الله هنتصل بيك >> بصراحة انا كرهت كلمة هنتصل بيك

انا لما كنت في الدراسة كنت بروح تدريب في الشركة كل صيف و بعد الدراسة فضلت اروح لحد الآن بصفة تدريب - مدة التدريب اللي قاعدتها معاهم 6 شهور و لسه مكلمهم امبارح اني اشتغل معاهم أو حتي يديني امل اني اشتغل معاهم لكن قالى الادارة موقفة التعينات حاليا و احنا نتمني ان واحد زيك يكون معانا و المكان مفتوح لك في اي وقت

لكن فعلا انا بستفيد في فترة التدريب و كمان لما اروح اقدم في شركات تانية بقولهم انا بدرب في شركة كذا بقالي 6 شهور يعني بتدي انطباع كويس و كمان بتفتح لي اماكن جديدة اروح اقدم فيها


انا عارف و الله أخي انه احساس صعب إن بعد كل المدة اللي قعدناها في الدراسة لحد مااتخرجنا وبعد كل ده ندوخ على شغل .. الحمد لله على كل حال وان شاء الله ربنا هيصلح احوالنا كلنا

معلش اخي انا طولت عليك بس و الله انا نفسي افضفض زيك لأني بشعر كتير اني لوحدي و مش لاقي حد جنبي الحمد لله
و نصيحي مني اخي
حاول تشوف مكاتب هندسية و لو رفضوا الشغل اطلب منهم انك تتواجد معاهم بصفة تدريب بدون اجر و انت هناك ان شاء الله هتتعرف على مهندسين هيعرفوك على اماكن تانية ممكن تقدم فيها - او ممكن صاحب المكتب بعد لما يشوف انك جاد و بتحب الشغل يعينك معاهم ...

موضوع الدورات حلو و كل حاجة لو انت فعلا ماديا مستطيع لأن انت عارف الدروات بتتكلف
انما لو الامور عادية زي مثلا فهيكون التدريب في شركة أو مكتب مناسب

المهم حاول تستغل الفترة دي بأي طريقة و متعدش في البيت خالص
ربنا يرزقنا كلنا الحلال الطيب
و يرزقنا زوجات صالحات ^_^

رجاء ممن يقرأ الموضوع لو يستطيع المساعدة ما يتأخر
- مهندس مدني
- مهندس ميكانيكا ^_^

================================

(فريق استشارات سرك فى بير) جزاكم الله كل خير و ربنا يجعل عملكم و جهدكم في ميزان حسناتكم[/COLOR][/FONT]

[فريق استشارات سرك فى بير(الأخوات)]

رد: انا بعانى من مشكله ممكن تدمرلى مستقبلى واحلامى

انا لم انسى ان شاء الله لى عودة