بحس انى مش راضية

[غير مسجل]

السلام عليكم ..جزاكم الله خيرا على نصائكم
عاوزة اتكلم فى حاجة تعباة نفسيتى
انا حاسة انى مش راضية الى قسموا ربنا ليا
انا التزمت بفضل الله تعالى
وكانت ليا واحدة صاحبتى لبسها متبرج ربنا هداها الحمد لله
اتقدم لها شاب على خلق ودين وملتحى اللهم بارك
وقالها هتنتقب بعد الزواج ووافقت زاتزوجوا ربنا يبارك فيهم
ماشاء الله الشاب دا فيه كل حاجة اللهم لك الحمد((واخد لها شقة فى منطقتنا
والله بدعيلهم ياريت محدش يفهمنى غلط
ربنا يبارك فيهم
المهم بعد ما روحت فرحها دعيت ربنا انو ربنا يكرمنى بزوج صالح
بعدها ربنا كرمنى ورزقنى بعريس
بس والدى رفض بشدة
وكانت شقتة فى حتة شعبية اووى
وانا بفضل الله ساكنة فى حتة حلوة اللهم لك الحمد
وكان اخويا مش طايق العريس المتقدم ليا علشان كان فيه فرق مستوى اجتماعى كبير
المهم خلص الموضوع
واتعلمت انى مش ارفض شخص كويس شارينى وعلى دين وخلق علشان شقته لان حال الشباب وحش اووى الايام دية
بعدها ربنا رزقنى بعريس تانى
بابا واخويا وماما فرحانين جدااااااا
فيه حاجات كثير حلوة
وحافظ للقرءان الكريم وبيئم الناس بالصلاة
بس شقتة بردوا فى حتة شعبية
وانا موافقة
علشان اخاف من ربنا علشان انى مش هسمع كلام الرسول صل الله عليه وسلم اذا جاءكم من ترضون دينه وخلقه فزوجوة
وبابا وماما فرحانين
مش عاوزة اكسر فرحتهم
وهو شارينى كمان
بس مش سعيدة
بيجيلى احساس وحش اووى
بقول يعنى صاحبتى الى كانت بتلبس اية وانا ملتزمة اكثر منها ((انا وحشة جداا ربنا يغفر لى ))تتجوز واحد كويس كدة وساكنة فى منطقتنا وزوجا بيحبها
وخطيبة اخويا بردوا اغانى وافلام وكلام مع اخويا بكلام لا يجوز
بردوا اخويا ماشاء الله كويس اووى وبروا معاها كل حاجة
وانا اسكن فى حتة زى دى
دا الى بيجى فى بالى
وبكون زعلانة اووى
انى ببص للى اعلى منى
وانى مش راضيه عن نصيبى
وانى ببص لاصحابى الى تزوجوا واتخطبوا وحالهم احسن منى مع انهم غير ملتزمات
خايفة اكون غيرانة منهم ..واقول حاجات غلط
انا بحب ربنا اووى وراضيه بكل حاجة بس بضغف ساعات واقول اشمعنى انا فى نفسى ولا اجهر به
بقول اشمعنى صاحبتى دية وانا لأ
وببص بنظرة دنوية لا يرضاها ربنا عنى
حاسة انى هتعب فى حياتى بسبب كدة
وكفاية بعدى عن ربنا وقلبى الاسود دا
انا زعلانة اووى من نفسى
وانا حساسة جداااا ومرهفة الحس لما بعمل ذنب بحس ان دى اخر الدنيا وهتعاقب من ربنا
بقيت خايفة
عاوزة ارضى واكون سعيدة بخطيبى ونبنى حياتنا مع بعض ((وربنا يفتح علينا ونعيش فى حتة حلوة وحنا فى طاعة ربنا ))
انا حاسة انى قليلة
ياريت تكونوا فهمانى
وتفهمونى اعمل اية ؟؟وادوا لى ربنا يغفرلى عن احساسى دا
وماما بتقولى خالتك كانت عايشة فى حتة حلوة وزوجها جابلها الامراض كلها
خاتت اية من الشقة
المهم الانسان الى هتعيشى معاه
استغفر الله العظيم واتوب الية

[غير مسجل]

رد: بحس انى مش راضية

جزاك الله خيرا كثييييييييييييييراااااااا ربنا يرضى عنك ويسعدك
منتظرة الرد من فريق الاستشارات

[فريق استشارات سرك فى بير(الأخوات)]

رد: بحس انى مش راضية

السلام عليكم ورحمة الله وبركاته

حياكم الله يا ابنتي

وأشكركم على ثقتكم بموقعنا لطلب المشورة والنصيحة

وأرجو منك أن تهدأي يا ابنتي

مشكلتك سهلة وحلها سهل جداً

ولو قلت لك يا ابنتي أنت لا يوجد عندك مشكله نهائي

ويبدو لي من كلامكم أنكم على خير والحمد لله

وكمان عائلتك على خير كذلك

(بس مش سعيدة)

هذه العبارة التي أنت تقولينها في مشكلتك

طيب ما هو السبب في عدم سعادتك؟؟

هل هو عدم الرضا؟؟؟ لالالا يا ابنتي

ليس هذا..

إذن أين تكمن المشكلة؟؟؟

سأجيبك لكن بعد أن نقرأ عبارة أخرى من كلامك

(انا حاسة انى مش راضية الى قسموا ربنا ليا)

وهذه عبارة أخرى من كلامك أيضاً يا ابنتي

طولي بالك علي يا بنتي

أنا عاوز أجيب كمان عبارة من كلامك

((بيجيلى احساس وحش اووى
بقول يعنى صاحبتى الى كانت بتلبس اية وانا ملتزمة اكثر منها ((انا وحشة جداا ربنا يغفر لى ))تتجوز واحد كويس كدة وساكنة فى منطقتنا وزوجا بيحبها
وخطيبة اخويا بردوا اغانى وافلام وكلام مع اخويا بكلام لا يجوز
بردوا اخويا ماشاء الله كويس اووى وبروا معاها كل حاجة
وانا اسكن فى حتة زى دى
دا الى بيجى فى بالى
وبكون زعلانة اووى))

وهذه العبارات أيضاً من كلامك يا ابنتي

أنا طولت عليكم يا ابنتي

لكن أحببت أن أثبت لك أنه يوجد أحد وراء كل هذه المشاعر

أنت تقولين بيجيلي إحساس وحش

وهل عرفت من هو الذي يريد أن يدمر حياتك

ويجعلك غير راضية بقسمة ربك لك

ويجعلك دائمة السخط على نفسك

ويجعلك دائمة الحزن

إنه الشيطان ... نعم يا ابنتي إنه الشيطان

عدونا منذ خلق آدم عليه السلام

(( إن الشيطان كان لكم عدواً فاتخوه عدوا))

والحبيب صلى الله عليه وسلم أخبرنا بأن الشيطان يجري

من ابن آدم مجرى الدم

يعني الشيطان يجري في عروقك ويدخل إلى قلبك وعقلك ويبث

خبثه وسمومه ويوسوس لك حتى يقنعك بأنك غير راضية

عما قسمه الله لك..

ولكن لو تذكرت أن الدنيا كلها فناء

وأننا لابد سوف ننام داخل قبر موحش

يأكلنا فيه الدود..

فهل ستنفعنا البيوت الفاخرة في المناطق الراقية؟؟؟

لا والله..

تذكري أنك في نعمة وغيرك تتمنى أن يتقدم لها عريس

تذكري أنك وجدت بيت وغيرك مش لاقي حيطه تظلله..

تذكري أن الله يبتلي عبده

فهل يصبر ويشكر

أو يسخط ويكفر

إرجعي إلى الله يا ابنتي

واستعيذي بالله من الشيطان الرجيم

وما أدراك لعل الله يكتب لك السعادة مع هذا الفقير

وغيرك في تعاسة مع أغنى أغنياء الأرض

إبتسمي وأضحكي وأفرحي يا ابنتي

وخذي يا بنتي مني هذه الوصفة فهي نافعة لجميع أمراض القلوب
وتساعدك على التحصن ضد الشيطان الخبيث وتريح قلبك
وتشعرك بالطمأنينة
تقومي في الثلث الأخير من الليل توضأي وأحسني الوضوء
وعلى سجادتك إرمي كل الدنيا خلف ظهرك وقولي الله أكبر
نعم الله أكبر من كل الدنيا وما فيها
وأصلي ركعتين في خشوع وطمأنينة وسكينة
بعدها إقرأي ما تيسر من القرآن

وبعدها أدعو الله ماشئت من خير وابكي وأكثري البكاء وأقبلي بقلبك
على الله
وكوني لحوحة في الدعاء فإن الله يحب العبد اللحوح في الدعاء
وصدقيني يا بنتي لن يخذلك الله ما دمت معه جل في علاه
وعاوزين نشعر أنك سعيدة
عاوزين نسمع أطيب أخبار عنكم بإذن الله
وهل يعقل أن تكوني حزينة والله معك؟؟؟؟؟؟؟؟!!!!!!!!
ونحن بانتظار أخباركم الطيبة بإذن الله

[غير مسجل]

رد: بحس انى مش راضية

السلام عليكم ..انا صاحبة المشكلة
انا بشكركم جداااااا جدااا الله يبارك فيكم
وانا والله صليت ركعتين واستغفرت ربنا عن الى حصل منى
وانا فعلا سعيدة جدا جدا جدا بفضل الله اللهم بارك
وسعيدة بخطبتى ((ان شاء الله قربت وهيجوا واهلة غدا ان شاء الله ((
وبحمد الله عز وجل ان رزقنى يارب بزوج صالح
يارب يتمم لى بالخير ان كان خيرا
.................................................. ................
ممكن تسعدونى فى مشكلة تانية بما انى داخلة على مرحلة جديدة
فى الرؤية الشرعية تانى مرة مشى الاخ زعلان لانى مش اتكلمت خالص ولا كان فى حوار خالص منى علشان خجلى وافتكر انى مش عاوزاه....
زعلت جدا لما عرفت
انا خجولة بدرجة كبيرة جداااااااا جدااااااااا
والاخ زعل علشان افتكر حاجة تانية
من صغرى وانا مضهدة
يعنى اصحابى من صغرى كانوا بيضايقونى جداااا وبيعاملونى وحش وكنت دايما اقعد لوحدى
وامى كانت بتعاملى وحش جداا جداا
وعائلتى مش بيحبونى ولما بروح علشان صلة الرحم مش بتكلم خالص
فبقيت أنطوائية وخجولة ومش بعرف اخد حقى بزوق حتى وشخصيتى ضعيفة
لكن ربنا من عليا بالألتزام
امى بتدعيلى اول واحدة وبقيت اغلى بنت عندها
واصحابى دلوقتى بيحبونى ((مع ان قابلت بنتين ابكونى وزعلونى جامد((
بس اصحابى بيحبونى
والحمد لله بقيت محبوبة
بس معنديش ..)"))"ثقة فى نفسى
يعنى اكتشفت ان فيا حاجة حلوة لما اصحابى بيقولى ليا عليها ((
يعنى مثلا لو كنت مخلصة جداا ((مش كنت اعرف انى كدة غير لما حد يقولى انتى مخلصة جدا ومن كذا واحدة ((
فبيجيلى احباط وسلبية واحس انى اوحش انسانة ولا استحق صحوبية حد ولا استحق لاكون زوجة
مع انى غير كدة خالص
ولما اعرف انى فيا حاجة حلوة بيجيلى ايجابية جداا وبكون سعيدة وبكون عاوزة اخدم كل الناس واساعدهم وادخل السرور عليهم (())
لكن انا حاسة نفسى وحش
فببعد عن كل الناس
................................
فخايفة لما اتجوز اكون كدة
خايفة لزوجى يزهق منى
واعيشة جو الكأبة دا
وبقول يعنى هوا ماشاء الله ملتزم من صغرة
يوم مايتجوز ويلاقينى كدة
هيقول الملتزمات دول كئبين وانا السبب
عاوزة اعيش حياتى
بالطاعة وحب الله والناس
لكن عدم ثقتى فى نفسى وخجلى وانطوائى هى الى واقفة حاجة
معلش عاوزاكم تسعادونى قبل الزواج واتخلص من المشاكل دية
واسفة على تغبكم معايا بس تابعونى لانخلص من الالم النفسى دا
وجزاكم الله كل الخير

[غير مسجل]

رد: بحس انى مش راضية

منتظرة ردكم بارك الله فيكم..انا محتاجة مساعدكم