المفروض اعمل اية تعبت انا وجوزى

[غير مسجل]

السلام عليكم ورحمة الله وبركاتة

انا عندى مشكلة وهى مش مشكلة هفهمكم يعنى اية
انا بجد تعبانة انا وجوزى ومش عارفين نعمل اية
انا هولد الشهر الجاى ان شاء الله وكنا متفقين انى هولد عند ماما والسبوع هناك بردة
لحد ما اول انبارح حماتى قالت لجوزى انها عايزة تاخدنى اولد عندها او اولد فى بيت جوزى
والكلام وصل بينهم لزعيق جامد اوى وهى زعلت منة وبتقولة انها عايزة تقعود معايا الاسبوع براحتها هى واخوات جوزى وانى لما اكون عند بابا هى مش هتاخد راحتها هناك ومش هتعرف تبات ولا تقعود
هو فهمها انى لازم اكون عند امى عشان تاخد بالها منى تقولة مانا هاخد بالى منها
والمهم هى زعلانة دلوقتى
انا بجد تعبت من الموضوع دة مش بنام وبعيط على طول ومش طاايقة بيتى
وسيبت البيت انبارح ورحت عند بابا وجوزى الله يكرمة جالى وصالحنى
ولما رجعنا البيت قالى انتى تولدى وتيجى على البيت على طول والسبوع وكلة يكون فى بيتنا
وانا مش عايزة كدة ومش هكون مرتاحة انا اعصابى تعبانة اووى ربنا بجد اللى عالم بيا مش عارفة انام
خالص وجسمى تعبان انا مش عارفة اعمل اية
اريح حماتى واخواتة على حساب راحتى واعصابى ولا اعمل اية
وياترى لو روحت عند ماما اول مااولد يبقى كدة هو بيعصى امة
ارجوكم قولولى اعمل اية لانى خلاص فااض بيا
وحاسة انى ممكن من الخانقة اعمل اى حاجة ياذينى عشان ارتاح
ادعولى ربنا ييسرلى امرى
ويبعد اى حد يدخل بينا ويجيب لنا مشاكل
ارجوكم بجد هى مشكلة صغيرة بس ماثرة عليا انا وجوزى اوى
وخايفة ازعل جوزى منى

[فريق استشارات سرك فى بير(الأخوات)]

رد: المفروض اعمل اية تعبت انا وجوزى

السلام عليكم ورحمة الله وبركاته ..
أهلاً بك اختنا الكريمة فى بيتك الثانى الطريق الى الله
اختنا الحل بسيط جدا والامر مش مستاهل انك تحرقى دمك الحياة الزوجية عموما
بتكون فيها عواصف لكن بتمر بسلام ان شاء الله مع الصبر والحكمة فى الامور
الحل انك تفضلى فى بيتك وحماتك ووالدتك يقسموا الايام لخدمتك وانتى فى بيتك
بمعنى والدتك تاخد اربع ايام وحماتك نفس الشيء
يبقى كده زى ما بيقول المثل قسمنا البلد نصفين
وربنا ييسرلك وتضعى مولودك على خير ان شاء الله