ممكن تقفوا جمبي لو سمحتوا

[غير مسجل]

السلام عليكم ورحمة الله وبركاته


جزاكم الله خيرا علي مجهودكم

مشكلتي اني نفسي بجد اكون صادقة مع الله

مش عارفة معنديش عزيمة خاااااااااااالص

عايزة ارجع اصلي النواافل عايزة البس النقاب مش قادرة حاسة اني مش صادقة

ساعات بفكر في الكلام الوحش عن النقاب بتاع الناس واقول انه حاجة زيادة مش لازم تتعمل

والنقاب سمعته وحشة دلوقتي بسبب اللي بيبوظوا سمعته حسبنا الله ونعم الوكيل

واقول لا طبعا مش لازم ان اللي لابسينه وحشين معني كدة ان الطب يتلغي علشان الدكاترة الوحشين .....وهكذا

معنديش العزيمة اللي تخليني ادافع عن ديني عن النقاب وعن الدين بصفة عامة

انا حاسة ان ربنا مش بيحبني وزعلان مني اوووووي لاني مش صادقة معااااااااه

انا هموووت بجد اقل حاجة بتعصبني ونفسي ربنا يرضي عني تااااااااني

تاني حاجة مش كلام الامهات صح وحتي لو احنا مش موافقين لازم نعمله صح ولا ايه؟؟؟؟؟؟؟؟؟؟؟؟

طب ليه معظم الامهات والاباء بيرفضوا النقاب لبناتهم ويقولولهم احنا مش بنقلكوا اعصوا ربنا

ولو عايزة تلبس خمار ماشي خليكي محترمة وكل حاجة بس ليه تتنقبي يعني؟؟طب فين الصح وفين الغلط

انا كل اللي عايزاه تساعدوني اكون صادقة مع الله سبحانه وتعالي

انا جربت القرب من ربنا وحبيته اوووووي ومش عارفة ارجع تاني للخشوع والقلب الضعيف ادام ربنا

بقيت قاسية جداااااااااااااااااا

انا ببكي والله وانا بكتب دلوقتي ليكوا ارجوكم ساعدوني نفسي ارجع لربنا

انتم بالنسبة لي طوق النجاة من الدنيا ومن الشيطاان مبقتش عااارفة حاجة هو ايه الدين

حجاب ولا قران ولا اييييييييييييه

عايزة انتقب واسال نفسي هو لازم يعني تتنقبي

انا بجد تعباااااااااااااانة وارجوكم مش تدوني روابط لمواضيع تانية انا عايزة اتكلم مع حد وجهولي الكلام ناقشوني

انا في اشد الحاجة ليكم بجد

جزاكم الله خيرا علي مجهودكم واسفة جداااااا علي الاطالة اثقلت عليكم اعذروني

[فريق استشارات سرك فى بير(الأخوات)]

رد: ممكن تقفوا جمبي لو سمحتوا

السلام عليكم ورحمة الله وبركاته ..
أهلاً بك اختنا الكريمة فى بيتك الثانى الطريق الى الله
بداية نسألك الله لك الهداية والتوفيق
هو ايه الدين

حجاب ولا قران ولا اييييييييييييه
بنسبة لسؤالك عن هذة الجزئية المهمة فأجيب عليك اختنا الكريمة لانها اصبحت ظاهرة منتشرة بين الناس وهو تقسم الدين الى (قشر ولب )

حنتكلم معك بلعامية وبعض الفصحى حتى يفهم الجميع المقصود


مادام هنا أبيض يبقى مش مشكلة العمل
يا عم الاعمال بالنيات
(جملة على طول بنسمعها )
من فلان وفلانة
تقوله لازم تصلى ::تلاقيه على طول يقول يا عم مادام هنا
أبيض خلاااااااص
يا أختى البسى الحجاب صح ::يا بنتى مادام هنا ابيض
وتلاقيها تشاور على قلبها

ابيض خلااااااص
لكن هل ده فى دينا الاسلامى ؟!

يبقى من فضلك ثوانى أقف واسمع .

قال تعالى ::(يَا أَيُّهَا الَّذِينَ آمَنُوا ادْخُلُوا فِي السِّلْمِ كَافَّةً)

يعنى ايه الكلام ده ؟

قال الامام الحافظ ابن كثير -رحمه الله-::
(يقول تعالى آمراً عباده المؤمنين به المصدقين برسوله أن يأخذوا بجميع عرى الاسلام وشرائعه ؛والعمل بجميع أوامره ؛وترك جميع زواجره ما استطاعوا من ذلك)
ثم نقل عن ابن عباس -رضى الله عنهما-وغيره أنهم قالوا ::
(ادْخُلُوا فِي السِّلْمِ ) يعنى ::الاسلام
(كَافَّةً) يعنى ::جميعاً

وقال مجاهد ::أى اعملوا بجميع الأعمال ووجوه البر.




وتلاقى ناس طلعت مرة واحدة تقسم
الدين الى(( قشر ولب))!
لكن التقسيم ده لم يعرفه سلفنا الصالح اللى الخير كله
فى اتباعهم واقتفاء آثارهم
أسمع معاى
قال الله تعالى:: (إِنْ هِيَ إِلَّا أَسْمَاء سَمَّيْتُمُوهَا أَنتُمْ وَآبَاؤُكُم مَّا أَنزَلَ اللَّهُ بِهَا مِن سُلْطَانٍ).

وهذة القسمة الى قشر ولب ؛ظاهر وباطن-يتبعها المناداة باهمال الظاهر احتجاجاً
بصلاح الباطن

وقسمة الدين اخوتى تؤثر فى قلوب عامة الناس أسوأ تأثير
وتورثهم الاستخفاف بلأحكام الظاهرة

فيوصل الأمر انها تخلو من اضعف الايمان ألا وهو الانكار القلبى
الذى هو فرض عين على كل مسلم تجاه المنكرات ..

يبقى تعالوا معاى نفهم
النصوص القرانية
والأحاديث
صح

ونرد على اصحاب الضلال
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ( إِنَّ اللَّهَ لَا يَنْظُرُ إِلَى صُوَرِكُمْ وَأَمْوَالِكُمْ؛ وَلَكِنْ يَنْظُرُ إِلَى قلوبكم وأعمالكم)

قول اصحاب الضلال ::ان النصوص دى وأمثالها تدل على ان العبرة بصلاح الباطن وصفاء النية وسلامة القلب ولا الالتفات بعد ذلك الى القشور الظاهرة .

وجواب ذلك ::
فهو حق يراد به باطل ؛بل هو حجة عليهم لا لهم
لأنه صلى الله عليه وسلم -لم يقل (ولكن ينظر الى قلوبكم )حتى عطف عليها (وأعمالكم) يعنى التى تنبثق من تلك القلوب ؛والتى لابد ان تكون صالحة موافقة لمرضاة الله-عزوجل-مرجواًبها وجهه سبحانه
قال تعالى (إِنَّمَا الْمُؤْمِنُونَ الَّذِينَ إِذَا ذُكِرَ اللَّهُ وَجِلَتْ قُلُوبُهُمْ وَإِذَا تُلِيَتْ عَلَيْهِمْ آَيَاتُهُ زَادَتْهُمْ إِيمَانًا وَعَلَى رَبِّهِمْ يتوكلون*الذين يقيمون الصلاة ومما رزقناهم ينفقون*أولئك هم المؤمنون حقا لهم درجات عند ربهم ومغفرة ورزق كريم )

وربنا سبحانه وتعالى تحدث عن هؤلاء الذين يتحصنون وراء دعوى حسن النية ويرتكبون المخالفات الشرعية
قال تعالى::
( وَإِذَا قِيلَ لَهُمْ لا تُفْسِدُوا فِي الأَرْضِ قَالُوا إِنَّمَا نَحْنُ مُصْلِحُونَ(11 ) أَلا إِنَّهُمْ هُمُ الْمُفْسِدُونَ وَلَكِنْ لا يشعرون)


وحنضرب بمثال فى عهد الرسول محمد صلى الله عليه وسلم
يأكد كلامنا كله

منها ما رواه النعمان بن بشير -رضى الله عنهما -قال(كان رسول الله -صلى الله عليه وسلم-يسوى صفوفنا حتى كأنما يسوى بها القداح ؛حتى رأى أنا قد عقلنا عنه ؛ثم خرج يوماً فقام حتى كاد يكبر ؛فرأى رجلاً بادياً صدره من الصف ؛فقال::(عباد الله !لتسون صفوفكم أو ليخالفن الله بين وجوهكم )
وفى رواية (قلوبكم )
فأشار النبى -صلى الله عليه وسلم -الى ان الاختلاف فى الظاهر ولو فى تسوية الصف مما يوصل الى اختلاف القلوب ؛فدل على ان للظاهر تأثيراً فى الباطن ؛ولذلك كان النبى ينهى عن التفرق حتى فى جلوس الجماعة

واخيرا وطريق الهدى ان نصلح الظاهر والباطن
نصلح ظاهرنا باتباع السنة
وباطننا بدوام مراقبة الله تعالى
ولا ندع العمل الصالح حذر الرياء
ولا نعمله رئاء الناس
والله الموفق



أنتظرى الرد فى بقية الاسئلة اختنا الكريمة

[غير مسجل]

رد: ممكن تقفوا جمبي لو سمحتوا

جزاكم الله خيرا وجعله الله في ميزان حسناتكم كلامكم وضحلي حاجات كتير

في انتظاركم في باقي الموضوع نفسي اعرف ازاي يبقي عندي عزيمة اني اخد قرار زي لبس النقاب والاصرار عليه

وترك الذنوب الصغيرة وازاي اصلي النوافل واواظب علي صلاة الفجر واصر اني اصحي من النوم بسهولة انا والله كنت لو نايمة ساعة وفي عز الشتا بصحي برضو اوالفجر بقت تقريبا بالنسبة لي مش من باقي الفروض!!

ولا حول ولا قوة إلا بالله