هل من حل؟

[غير مسجل]

السلام عليكم ورحمة الله وبركاته

عمري 27 والى الآن لم يأذن الله لي بالزوج الصالح ليست هنا المشكلة
المشكلة بمن حولي .
تعليقاتهم بتخنقني ....والكل عايز اتجوز وخلاص ...
مش المهم مين واخلاقه ازاي وملتزم بصلاته ولا لأ ...المهم اتجوز وخلاص
فلانة اتجوزت وعلانة اتجوزت ....
غير نظرات الشفقة علي .....
والي تيجي تقول اقرأي سورة البقرة
وجارة تانية ادعي حببتي بالليل انو ربنا يرزقك بالزوج
وتالتة اشطفي الدرج بمية وملح
ورابعة وخامسة

ولي يقولك فرحتنا يوم جوازك

زهقت من كلامهم ما عدت حب اقعد مع الناس...لاني بكون دايما بطلة الحلقة

عايزة رد عملي ...

انا واثقة بالله وانو الوضع الي انا فيه أكيييييييييييييييد خير
ومطمنة لرزقي لانوا عند ربنا وعارفة انو الجواز رزق ومش حيتم الا في اليوم الي عايزه ربنا .

اعمل ايه بمن حولي .

وجزيتم خيرا.

[غير مسجل]

رد: هل من حل؟

بصى يا حبيبتى ما من شىء ممكن يرد القضاء والقدر الا الدعاااء وأنا لسة كنت بسمع دلوقتى المقطع اللى فوق ده (ربانيا لها ألف تفسير )بجد مقطع كافى انه يعطى اى حد أمل من جديد أنصحك وأنصح أى حد انه يسمع رائع راااااائع بجد
ثانيا ما تسمعيش كلام حد اللى بيقولوا تتجوزى أى حد والكلام من ده هى مش أكلة ولا يوم وهيعدى ولا الأمر متوقف عليكى لوحدك دا المفروض ان فى المستقبل ان شاء الله أولاد محتاجين أب صالح يقدروا يطيعوا أمر الله فيه بالبر
ولو انتى عارفة ان حد معين هيفتح معاكى الموضوع ده تجنبيه أو قولى لهم يا جماعة مش عايزة كلام فى الموضوع ده لو سمحتم
*لعل الله أراد أن يسمع صوتك وعلى فكرة 27 لسة أمامك المجال كبير ان شاء الله مفيش داعى للقلق ووالله ان كل اللى أعرفهم مروا بنفس الظروف دى ربنا رزقهم فى الاخر بالازواج بالمواصفات اللى كانوا بيحلموا بيها وأكتر
وربنا يارب يقر عينك يارب بالزوج الصالح عاجلا غير اجل يارب ويعطيكى كل ما تتمنى فى غير معصيته ويقدر لك الخير حيثما كان اللهم أمين