بحبها اوى

[صاحب الموضوووووع]

سلام عليكم ورحمه الله وبركاته



انا شاب فى منتصف العشرينات

مشكلتى انى دايما حاسس بالشوق الى من ستكون زوجتى ان شاء الله

فى بدايه عمرى كان ليا اصدقاء بنات عادى زمايل يعنى و فى فترة المراهقه حاولت ارتبط لكن محصلش الحمد لله

انا فى الاول كنت بقول انى مش هرتبط علشان انا طخين فكنت بتحجج بان الارتباط حرام

لكن الحمد لله دلوقتى انا مؤمن جدا ان الارتباط اللى هو الغير شرعى دة حرام ولا يجوز شرعا

لكن المشكله انى زيى زى اى انسان عاوز يحب ويتحب لكن انا عوزها تكون زوجه ان شاء الله مش لعب عيال

لكن بجد حاسس بشوف كبير جدا للانسانه دى
والحمد لله تقدروا تقولو كدة انى بحوش نفسى ليها

وزى اغلب الشباب انا ظروفى مش مساعده عالزواج لانى متاخر فى الكليه اكتر من سنه
ومشاكل شغل ان مفيش شغلانه مناسبه

انا بحاول اوجه طاقه الحب دى للعباده
اشتغلها فى حب الله اكتر واكتر

لكن اوقات بيبقى نفسى افضفض
افضفض مع واحده تفهمنى
مش مع شاب زيى

نفسى ف زوجه احكيلها اللى انا مهموم منه اترمى ف حضنها والاقيها بلمسه حنان على راسى تضيع الهم والحزن

لما تلاقينى قصرت فى عبادتى لله تقفلى وتحاسبنى زى مانا لو لقيتها قصرت هقف احاسبها
زوجه تحبنى فى الله علشان ترضى ربنا
واحبها فى الله علشان ارضى ربنا

كفايه كدة شكلى طولت عليكم

بالله عليكم تدعو لى ان يرزقنى الله بالزوجه الصالحه
مش عارف هل وصلكم احساسى ولا لا

[فريق استشارات سرك فى بير(الأخوات)]

رد: بحبها اوى

السلام عليكم ورحمة الله وبركاته ..
اهلاً بك اخانا الكريم فى بيتك الثانى الطريق الى الله
نسأل الله ان يصلح حالك وبالك ويرزقك الزوجة الصالحة آمين آمين
اكيد اخانا هذا شعور طبيعى جدا عند اغلب البشر وهو الميل
للجنس الأخر
وتفكير الرجل كيف ستكون زوجته وتفكر الفتاة كيف سيكون زوجها
ولكن اخانا الكريم لا تدع هذا الأمر يشغلك اكثر من اللازم
حتى لا تحزن كل يوم بل اقترب من الله عزوجل وأدعوه دائما
ان ييسر لك امورك فهو بيده أمرك كله
قم فى الثلث الاخير من الليل وابكى لله عزوجل واطلب من خير الدنيا ما شئت
واليك نصيحة جميلة
http://www.youtube.com/watch?v=n9iFuQ29tjg

[غير مسجل]

رد: بحبها اوى

و اصبر و ما صبرك الا بالله
وبشر الصابرين القابضين على الجمر لرب العالمين
وحاول تتقرب لامك و اخواتك لانهم منبع حنان لك حاليا
ونسال الله ان يعفك عن الحرام و يرزقك بالزوجه اللى تسعدك وتسعدها بالطاعات

[فى ريعان الشباب]

رد: بحبها اوى

اخى الفاضل صاحب الموضوع
والله العظيم اننى اعيش نفس قصتك بحذافيرها و ان لله وانا اليه راجعون
اسال الله ان يرحم ضعفنا ويجبر كسرنا ويتولى امرنا

[فريق استشارات سرك فى بير(الأخوات)]

رد: بحبها اوى

اخى الحبيب الغالى

أسأل الله تعالى ان يثبتك على طاعته

ويااخى

اذا كنت تريد ان تثبت على الطاعة وان تتواصل معنا ايمانيا وتريد المتابعة الايمانية

فسجل معنا بالمنتدى بأى اسم وادخل الى :

قسم التواصل الايمانى للشباب

وهذا القسم خاص للشباب وبس وغير مسموح بدخول الاخوات اليه

فكن معنا فيه لنتواصل ايمانيا



وستجد بالقسم صحبة صالحة يعينوك على الطاعة

منتظرينك هناك