ينفع خلقه من غير دين

[غير مسجل]

السلام عليكم
انا اول مرة اكتب هنا بجد جزاكم الله خيرا علي مجهوداتكم وبارك الله لكم وجعل كل ما تقدمه في ميزان حسناتكم

انا متقدملي شاب علي خلق بس هو من عائله مبسوطه شويه ماديه وكده عندهم كل حاجه عادي جدا يعني بيصلوا وكده
بس مش ملتزمين يعني بيجتمعوا شباب ونساء عادي جدا وممكن ابن الخال او العم يرقص مع بنت عمه او خالته يعني الحياه عندهم مفتوحه علي الاخر
مش عارفه اوضح اوي بس يارب تفهموني
هل اوافق عليه ولا لا ؟؟؟؟؟؟؟

[غير مسجل]

رد: ينفع خلقه من غير دين

وانا منتقبه الحمد لله وكان نفسي اللي يجيلي واحد ملتزم اكتر مني عشان يعني علي طاعه الله
فمش عارفه اعمل ايه

[غير مسجل]

رد: ينفع خلقه من غير دين

لاطبعا مينفعش يا اختي الدين مهم جدا

[المشتاقة لنبيها]

رد: ينفع خلقه من غير دين

شوفى يااختى الفاضلة

اولا لو كل الملتزمات مش هيرضوا يوافقوا على البيتقدملهم عشان ناقصين التزام

يبقى مش هتشوفى بعض الأزواج ملتزمين

بمعنى أصح ممكن ربنا يكون بعتو ليكى عشان تهديه اكتر وتخليه راجل صالح وبيخاف من ربنا

فليه تحرمى نفسك منا لثواب العظيم دا انك تقدرى تغيريه للأحسن

محدش فينا كامل ولا كامل الا الله

فممكن ربنا جعلك سبب ليه انك تعرفى ترجعيه لربنا اكتر واكتر

وتذكرى اختى الغالية ادام هو اتقدملك وانتى متنقبة يعنى هو عايز الخير ونفسو فى زوجة تعينه على طاعة الله ورسوله

صلى صلاة استخارة وأستعينى بالله وتوكلى ع الله

وربنا يتمملك ع الخير يارب وويوفقك لما يحبه ويرضاه

[غير مسجل]

رد: ينفع خلقه من غير دين

وفقك الله اختى فى الله فيما يرضيه
اتفق مع الاخت قبلى ولكن فى جزئيه بسيطة نفترض ان اللى حصل هو العكس بمعنى ان حضرتك اتعلقتى بيه وده المفروض ميحصلش واخلاقك ومبادئك وافكارك اللى اتربيتى عليها تتغير بسببه او عشانه
انا من رايى انك فى اول جلسه رويه شرعيه مابينكم تتكلمى معاه فى كذه حاجة مش عاجبكى بمعنى تقوليله انا متربتش على الولاد والبنات وان ممكن مثلا واحد وبنت عمته يرقصوا مع بعض ده كله كلام مرفوض ولازم حضرتك تلتزم دينيا اقل شى تكون منتظم فى الصلاه يعنى تقدرى تحددى معاه كل طلباتك فى بناء حياه زوجيه سعيده مابينكم
لو حسيتى فى قبول وهو موافق على كلامك ده وحاسه منه انه فعلا عايز يكون افضل ويتغير مش ليكى لا لكن لربه وطاعه لله عزوجل وايضا حتى يبنى حياه زوجيه على اسس دينيه يبقى توكلى على الله قالك ده وملقتيش اى تغيير منه خلاص كل واحد فيكم يروح لحاله

[غير مسجل]

رد: ينفع خلقه من غير دين

بس انا خايفه لانا اللي اتفتن خاااااااااااايفة اووووووووي
وبعدين ممكن يقولي انه فعلا هيتغير وكده ويطلع كذب في الاخر
وانا مش قادرة ارفض عشان رفضت ناس قبل كده ومكنوش زيه كده من ناحيه الدين كانوا الي حد ما كويسين وانا قولت لا انا عايزة حد أحسن مني في الالتزام وخايفه استني أكتر من كده برضو وأرفض تاني لميجيليش حد

يعني معقول هو هيتغير معايا انا ده بيروح بيتفسح في شرم الشيخ مثلا وبيتصور مع اجانب مصحبهم للاسف تقريبا كده مش لبسين والله خايفه اووووووووي

[غير مسجل]

رد: ينفع خلقه من غير دين

شوفى ياحبيبتى

صلى استخارة وادعى ربنا يوفقك فى اختيارك

وممكن تكونى بجد تغيريلو حياتك

وفى فترة خطوبة هتعرفى ساعتها اتغير ولا

ولو الخطوبة مش هتنفع

صلى استخارة وشوفى مرتاحة ولا لو مش مرتاحة خلاص

ولازم تثقى فى اختيار الله لك

والكاتبهولك ربنا هو نصيبك

سيبيها ع ربنا وصلى استخارة

وربنا يوفقك يارب

[غير مسجل]

رد: ينفع خلقه من غير دين

لا حول و لا قوة الا بالله
اللهم يا مقلب القلوب ثبت قلبي على دينك
لا يا اختي هذا الزوج لاااااااااااااا يصلح اطلااااااااااااااااااااااااااااااااااااااااااااااق ااااااااااااااااااااااااااااااااااا
هذا ليس عنده حتى اخلاق يا اختي لا دين ولا اخلاق
هتعيشي ازاي كده مع انسان كده ديووووووووووووووووووووث واعووووووووووذ بالله
ربنا يهدينا لكن لا والف لااااااااا
و الله لا ارتضيه لنفسي ولا لك ولا لاولادك بعد كده
هو احنا بنتجوز ليه بقى
رااااااااجعي كده نيات للزواج
الرجل صاحب الكلمة في بيته و لا هو ولا اهله يرضوا ان زوجته هي اللي تمشي كلامها و تاثيره كبيييييييييير على زوجته و انتي مامورة بطاعته
لا يا اختي هذا فرق المساااافات كبير جدا بينه و بينك
ربنا يطيبنا و يرزقنا الطيبين يا رب

[غير مسجل]

رد: ينفع خلقه من غير دين

اه يا اختي ردي للاخوات اللي قالولك صلي استخارة
فصلي استخارة و ارفضي يا اختي لانه بالعقل و المنطق لا يصلح
و عشان تبقي مطمنة ان ربنا هيخترلك الافضل ومش هيضيعك ابدا

[غير مسجل]

رد: ينفع خلقه من غير دين

انا بجد اتلغبط أكتر مانا متلغبطة دلوقتي في رأين وهما بردوا اللي بيدور في راسي
ومحتارة مش عارفه اعمل ايه بردوا
انا عارفه ان نتيجه الاستخارة ملهاش دعوة بالارتياح او حلم او غيره
يعني لو صليت استخارة والموضوع حصل فيه مشاكل يبقي ربنا مش رايد ده يحصل معرفش ده صح ولا لا
لاني ولدي وولدتي مسكين فيه وانا مش عاريزة أكسر بخطرهم اكتر من كده
وخايفه برضو لحسن اعيش اسوء ايام حياااااااااااتي معاه

[غير مسجل]

رد: ينفع خلقه من غير دين

انا اسفه بس برضو مفيش حد أفادني
طيب ممكن اعمل ايه او اقوله ايه عشان اعرف هل هيتغير ولا لا؟؟؟؟؟؟؟

[غير مسجل]

رد: ينفع خلقه من غير دين

لسلام عليكم أختى الحبيبه لا يا أختى بلاش ربنا يكرمك توافقى أنا حطيت سؤالى هنا فى قسم سرك فى بير بعنوان (السلام عليكم يا اهل الخير جزاكم الله خيرا ) وفريق الإستشارات هنا جزاهم الله عنى خيرا جاوبونى بشكل مفصل وجميل اعملى بحث على جوجل بالعنوان اللى كتبتهولك فى الموقع هنا وهتلاقى اجابه اكتر من رائعه ربنا ييسرلك الخير وأنا أعرف اخوات وافقوا على ناس مش ملتزمين وحالتهم دلوقتى صعبه جدا ومش عارفين يرجعوا ذى ما كانوا ده راجل برضه يعنى فى ايده القوامه فهمتى يا حبيبتى قصدى ربنا ييسرلك الخير يارب ويحفظك ومن ترك شئ لله عوضه الله خيرا منه ، ومتنسيش تقرأى رد اخوانك هنا فى الموقع على الموضوع اللى كتبتلك عنوانه فوق ..

[غير مسجل]

رد: ينفع خلقه من غير دين

https://forums.way2allah.com/showthread.php?t=146793

[غير مسجل]

رد: ينفع خلقه من غير دين

السلام عليكم ورحمة الله

انا قرأت سؤالك وحبيت ارد من وجهة نظري
طبعا الاخوة والاخوات ال جابو عليكي كلامهم ممتاز جدا والجميع يريد لكي الخير باذن الله وربنا ييسرلك الخير ان شاء الله .
انا كلامي هيكون من منطلق اني شاب .
طبعا الدين اهم شئ محدش فينا مختلف علي الكلام دة. البنت لما بيتقدملها حد حتي لو هي مش ملتزمة قوي بتفكر برضة ان ال بيتقدملها دة يكون متدين . ولو متدينة بتبقي عاوزاة افضل منها . لان الجواز مش شئ بسيط دي حياه وعشرة الي ان يتوافانا الله باذنة سبحانة وتعالي فالموضوع مش بسيط ولازم التريث فية جدا.
انتي بينتي في كلامك ان والدك ووالدتك مرحبين بالموضوع طبعا لانك رفضتي ناس قبل كدة وعاوزين يفرحو بيكي وانتي من وجهة نظرك عاوزة حد ملتزم جدا. ال انا بقولة دة الحل من وجهة نظري في الموقف دة.
طبعا مش كل االشباب ملتزمين بالقدر نفسة . ربنا يثبتنا يا رب ويرزقنا الاخلاص والصدق في القول والعمل . انتي قلتي انة متعود علي السفر لشرم الشيخ وممكن يتصور مع اجانب ولبسهم مش كويس معني الكلام دة انة مش ملتزم .
متفقين كلنا علي كدة لدرجة ان بعض الاخوات رفضو الموضوع اطلاقا من البداية . بس في حاجة .....
هل احنا كلنا اتولدنا ملتزمين ولا الظروف ال بتخلينا مش ملتزمين ممكن من البيت ممكن الصحبة السيئة ممكن من البعد عن السماع للدين واشياء كتير . طيب دلوقت مثلا نحكم ازاي في الموقف دة ونقول عشان منظلموش نعمل اية يعني .
هقولهك حاجة واحدة ( ان القلوب بين اصبعين من اصابع الرحمن يقلبها كيف يشاء ) اللهم ثبتنا علي الايمان يا رب العالمين . ان مينفعش نيئس من حد أو نقنطة من رحمة الله . مش كل انسان بعيد عن ربنا أو بيعمل معاصي بيفضل فيها لحد ما يموت ممكن انسان تاني يكون افضل من 100 شخص كان يعرفهم ملتزمين قبل ما هو يلتزم.
اقصد من كلامي دة كلة بلاش تتسرعي في الرفض وخصوصا عشان لو رفضتي من الباب كدة ممكن اهلك يزعلو منك .
اول شئ استخيري ربنا . تاني حاجة عرفي والدك ووالدتك انك موافقة تقعدي معاه الجلسة الشرعية ... بس ... مش معني اني قعدت معاه اني وافقت علية . وضحيهلم بقي ساعتها كلامك ال قلتية في رسالتك انك رفضتي ناس ملتزمين اكتر منة بكتير فعشان اوافق علية انا عندي حاجات لازم اعرفها منة واطمن ليها . بعد كدة اقول لكو رأي وخلو في اعتباركو اني ممكن موافقش ومش عاوزاكو تزعلو انتو اكيد تتمنو لي الخير فعشان خاطري متضغطوش عليا لو موافقتش . لحد كدة تمام ..
حيحددو ميعاد عشان تقعدو مع بعض . انتي بقي قبلها تقعدي مع نفسك وتكتبي حتي في ورقة . اية ال انتي تعرفية عنة ومش حباه . اية ال عوزاة يكون علية لو تمت الخطوبة . حاولي تكتبي حاجات تعرفي منها هل هو ممكن يكون جاد فعلا انة ممكن يلتزم. ويمكن فعلا يكون عاوز كدة لانة طالما عاوز يخطب واحدة منقبة اكيد عاوز الخير . واقعدي معاة واتكلمي بكل وضوح وبيني فعلا ان الدين هو اهم شئ عندك لو حسيتي ان في نية بجد للالتزام يمكن يكون بيدور عليها فعلا يبقي خير . ولو حسيتي ان دماغة مش في الموضوع دة خالص يبقي خير ليكي برضة وساعتها تردي علي اهلك بالرد ال هتكوني مرتاحة وانتي بتقولية سواء بالقبول او الرفض .
معلش كتبت كتير بس انا حاولت ابينلك طريقة ممكن تعمليها في الموقف دة عشان متزعليش اهلك ومتظلميش نفسك
وربنا ييسرلك الخير يا رب ويوفقك وايانا لما يحبة ويرضاه

السلام عليكم

[غير مسجل]

رد: ينفع خلقه من غير دين

لسلام عليكم أختى الحبيبه لا يا أختى بلاش ربنا يكرمك توافقى أنا حطيت سؤالى هنا فى قسم سرك فى بير بعنوان (السلام عليكم يا اهل الخير جزاكم الله خيرا ) وفريق الإستشارات هنا جزاهم الله عنى خيرا جاوبونى بشكل مفصل وجميل اعملى بحث على جوجل بالعنوان اللى كتبتهولك فى الموقع هنا وهتلاقى اجابه اكتر من رائعه ربنا ييسرلك الخير وأنا أعرف اخوات وافقوا على ناس مش ملتزمين وحالتهم دلوقتى صعبه جدا ومش عارفين يرجعوا ذى ما كانوا ده راجل برضه يعنى فى ايده القوامه فهمتى يا حبيبتى قصدى ربنا ييسرلك الخير يارب ويحفظك ومن ترك شئ لله عوضه الله خيرا منه ، ومتنسيش تقرأى رد اخوانك هنا فى الموقع على الموضوع اللى كتبتلك عنوانه فوق ..

جزاكي الله خيرآ أختي الغالية بجد مش عارفه اقولك ايه كلامك ريحني كتير وثبتني أكتر والرد كمان علي موضوعك ثبتني كتير ربنا يجعله في ميزان حسناتك ياااااااااارب