يا ريت تساعدوني

[غير مسجل]

السلام عليكم ورحمة الله وبركاته

انا مش هحكي قصتي لانها تقريبا زي قصص كتيرة قرأتها هنا من معاصي وذنوب لا حصر لها
وزي ما قالت اخوات كتير هنا انا ملتزمة مظهر فقط بس غير كدة ربنا وحده هو اللي ساترني
انا عايزة اتوب بجد وانا تبت كتير قبل كدة بس بحس ان التوبة مش نابعة من جوايا عشان كدة كنت برجع تاني
وفي نفس الوقت انا نفسي تواقة للمعاصي يعني لما ببعد بشتاق للمعاصي اللي كنت بعملها وبرجعلها تاني وبتتلاشي في الوقت كلمة حلال وحرام ومش بفتكرها الا لما بفوق من الذنب ده
انا اعرف شباب كتير يعني مش واحد ولا اتنين لا هما كتير ومش قادرة ابطل كلام معاهم يعني برجع تاني بعد ما بسيبهم
نفسي قلبي زي ما بيجمد واعصي يجمد علي التغلب علي المعصية دي
ازاي اعمل كدة وازاي اخلي التوبة نابعة من جوايا عشان مرجعش تاني
وبالله عليكم انا عارفة كويس حكم اللي انا فيه من الحلال والحرام ولكن انا عايزة حل عملي من غير تقطيم بالكلام

وجزاكم الله عنا كل خير

[غير مسجل]

رد: يا ريت تساعدوني

السلام عليكم ورحمة الله وبركاته

أختي الغالية
لا يوجد إنسان بلا معاصي وذنوب لا يعلمها إلا الله
والتوبة هي الأمل الذي نحيا به لكي ينقذنا الله من ذنوبنا
وشعورك بالذنب هو أول طريق للتوبة هذا يدل أن قلبك به نقاء وصلاح يجب أن تحافظي عليه .

لم أكن أعرف الذنب الذي دائماً تعودي إليه ولكن بعد أن ذكرتي أنه مسألة التحدث مع الشباب !!
فهذا الأمر تحديداً يحتاج لخطوة إيجابية وبدون تراجع كيف ؟؟
فإذا كنتِ تعرفيهم عن طريق الإنترنت

أولا // قومي بإلغاء كل إيميلاتك التي تتحدثين منها ولا تقومي بفتحها مهما حدث .
ثانيا / إذا سألتك نفسك للعودة للمعصية إستعيذي بالله من الشيطان وإذهبي فوراً للوضوء وقتها ستشعري بقلة رغبتك في هذا الأمر .

ثالثاً / يجب أن تعلمي أن نظرة الولد للبنت التي يقوم بمحادثتها مختلفة تماماً عما تتخيل الفتاه
فهي بالنسبة له مجرد تقضية وقت ليس أكثر ولا يكن لها أي نوع من الإحترام أو التقدير مهما حاول أن يظهر لها عكس ذلك فهو لو يحترمها لم يقبل عليها أن تتحدث معه وإن كان يحترم نفسه ويخاف الله لن يحادثها من الأساس .

وأنتِ أغلى من أن تكوني مجرد وقت أو محطة في حياة أي شاب بل أنتِ جوهرة يجب المحافظة عليها لمن يستحقها فقط .

أسال الله لكِ الهداية والسعادة والإستقرار

أختك في الله

[غير مسجل]

رد: يا ريت تساعدوني

السلام عليكم
(أنا صاحبة المشكلة)
جزاكم الله خيرا أختي الفاضلة
ولكن انا عملت ذنب كبير اوي
انا مش عارفة اقول الحمد لله ولا للأسف اني مرتدية النقاب لاني مستحقهوش
بس فيه بعض الشباب اللي بكلمهم شافوني بدون النقاب (صورة)
انا عارفة اني ارتكبت معصية كبيرة خصوصا اني مقتنعة بفرضية النقاب
ازاي اكفر عن ذنبي ده
انا بحس من كبر ذنوبي ان ربنا مش هيقبلي توبه هتوب عن ايه ولا ايه
والله وصل بي الحال اني تركت الصلاة لمدة يوم كامل كنت خجلانة اقف بين ايديه وادعيه وانا عاصياه وجاعلاه اهون الناظرين الي بتكسف ادعيله بقول انا ازاي اكون بعصيه بالطريقة دي وقلبي قاسي كدة واجي اطلب منه كذا وكذا

وللعلم انا مغيرة ايملي وخطي حوالي 4 مرات وبرجع اجيب خط جديد واعمل ايميل جديد وهلم جرة وتقريبا سمعت الدروس كلها وقرأت كتب كتير وبحفظ قرآن لكن قطعت الحفظ من فترة بحكم دراستي والامتحانات اللي انا فيها دلوقت

انا بجد خجلانة من ربنا قوي بعد ما اعمل كل ده مش عايز ينتقم مني بجد لو حصلتلي حاجة وحشة هرتاح شوية هحس ان ربنا عايزني اكفر عن ذنوبي لكن ميسبنيش كدة
بل بالعكس يمكن بيرزقني بحاجات مكنتش اتمناها
يا ربي تعبت والله وتهت وضللت الطريق
ياااااااااااااا رب رحمتك وغفرانك
يااااااااااااا رب تب عليا وارحمني واحميني من شر نفسي

[غير مسجل]

رد: يا ريت تساعدوني

بالاضافه لكلام الاخت
فانصحك يا اختى بالتوبه العمليه
انك تفرضى على نفسك عمل صالح او عدة اعمال تعمليها لو فعلتى المعصيه
وانك تكونى صادقه مع نفسك مجتهده مش ضعيفه الشخصيه
من صدقك بتوبتك تعملى كده بعد ما تغلقى ابواب المعاصى
ولما ربنا يرى عزيمتك دى وانك تتبعي السيئه بالحسنه فسيعينك و اطلبي معونته
مفيش حد بيطيع ربنا و يصبر الا بمعونة ربنا و فضله
ولو حد بيحكى انه وصل لايمانه ده بصبره و اجتهاده فده غلطان لانه لولا ربنا بلحظة واحدة هيرتكب كل الكبائر
نسال الله لنا جميعا الهدى والايمان الثبات على دينه و ربنا ييسر امورك

[غير مسجل]

رد: يا ريت تساعدوني

السلام عليكم ورحمة الله
(أنا صاحبة المشكلة)
انا الحمد لله لغيت الايميل اللي كان عليه الشباب دول وتخلصت من الشريحة بتاع الموبايل
وان شاء الله أول ما هخلص امتحاناتي هروح اكمل حفظ قرآن وابدأ بقي من جديد
بس انا عايزة اعرف اكفر عن الذنوب الكتيرة اللي عملتها دي ازاي
يعني انا عايزة حاجة عملية اعملها
وازاي اعرف ان ربنا قبلني
وانا بعون الله هثبت المرادي وهقوي علي نفسي بس بالله عليكم متنسونيش من الدعاء
جزاكم الله عنا كل خير

[غير مسجل]

رد: يا ريت تساعدوني

اختى تكفير الذنوب بلحظة واحده لو كانت توبتك صادقه
المطلوب انك تقفلى ابواب المعصيه مع معاهده نفسك لو عملتى المعصيه دى فمثلا تقومى تتوضئي و تصلى ركعتين و تستغفرى ولو مرة ثانيه تقرئي جزء من القران و كده
لانه اتباع السيئه بحسنه تمحها
وصدق التوبه يوجب عليكى كده
مع شدة ندم طبعا لانه لو عرفتى انه ربنا رضى عليكي فسيدخل الكبر و العجب نفسك
الصحابه كانوا طول حياتهم يبكون على ذنوبهم الى ان ماتوا
عشان ده انتى كونى طول حياتك خايفه و ندمانه عشان ربنا يقبلك و يثبتك
اما مغفرة الذنوب فكلنا املنا بربنا انه يغفر الذنوب ولا يبالى
واشغلى نفسك باشياء مفيده و ربنا يوفقك