اريد من يحس بى وياخذ بيدى الى الله انا تعباانة

[غير مسجل]

انا بكلمكوا وانا تعبانة وعندى امتحان انا كتيت ليكوا كتير ومافيش تقدم انى اعصى الله وانا عايزة اعيط والان يصته اكتر انا مش قااادرة اريد ان اكون صالحة خلاص اللى بيعصى ربنا مابيقدرش يرجع تانى ولا ايه ارجوكم ردوا عليااا انا بكلمكوا وانا بعيط ومش قادرة لانى ضعت خلاص كنت عايزة اجيب تقدير فى كليتى ولكن دلوقتى بقول ياارب انجح انا تعبانة دلونى على الطريق الى الله لكى اعود هل هرجع تانى ولا لا انا تعبانة لماذا لم اكن من الصالحين بالرغم انى اتبهدلت من تريقة الناس فى الاول عندما عدت الى الله فى الاول ليييه بيحصل كدة انا عايزة اتوب ارجوووكم دلونى على الطرييق اللهم اغفر لى

[غير مسجل]

رد: اريد من يحس بى وياخذ بيدى الى الله انا تعباانة

هوني على نفسك يا اختاه صدقيني الفرج قريب هوني على نفسك لكن في حاجة شكلك ما عملتيع=هاش انت اكيد مادعتيش ربنا انا كنت زيك بالضبط ودعيت والحمد لله تقربتتتتتتتتتتتتتتتتتتتتتتتتتتتتتتتتتتتتتتتتتت جدا جدا جدا انا فعلا كنت تعابانة كليت وقرفت وكل حاجة ودعيت من اعماق قلبي والحمد لله

[فريق استشارات سرك فى بير(الأخوات)]

رد: اريد من يحس بى وياخذ بيدى الى الله انا تعباانة

و عليكم السلام و رحمة الله و بركاته

أهلا بك ابنتى الفاضلة على الطريق الى الله أسأل الله أن يصرف عنك السوء و يرزقك الخير كله

عايزين نتفق على حاجة في الأول

قال تعالى :

قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّـهِ إِنَّ اللَّـهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ ﴿الزمر: ٥٣﴾


يغفر الله الذنوب جميعا

و سبحان الله يتوب علينا و يرزقنا التوبة

فإوعي تيأس أبدا من الرجوع و التوبة إلى الله تعالى

فالتوبة هي عبادة العمر

و مالناش غير اننا نستغفر و نتوب لأن أكيد سنرتكب الذنوب

فلو لم نذنب لأتي الله بقوم يذنبون فيستغفرون فيغفر الله لهم

فماتلتفتش أبدا لوسوسة الشيطان

و كلما غلبك الذنب استغفر و توب تجد الله غفارا رحيما

بص الحديث دا

قال رسول الله صلى الله عليه وسلم :

إن عبدا أصاب ذنبا ، وربما قال : أذنب ذنبا ، فقال : رب أذنبت ، وربما قال : أصبت ، فاغفر لي ، فقال ربه : أعلم عبدي أن له ربا يغفر الذنب ويأخذ به ؟ غفرت لعبدي ، ثم مكث ما شاء الله ثم أصاب ذنبا ، أو أذنب ذنبا ، فقال : رب أذنبت - أو أصبت - آخر فاغفره ؟ فقال : أعلم عبدي أن له ربا يغفر الذنب ويأخذ به ؟ غفرت لعبدي ، ثم مكث ما شاء الله ، ثم أذنب ذنبا ، وربما قال : أصاب ذنبا ، قال : قال : رب أصبت - أو قال : أذنبت - آخر فاغفره لي ، فقال : أعلم عبدي أن له ربا يغفر الذنب ويأخذ به ؟ غفرت لعبدي ، ثلاثا ، فليعمل ما شاء

صحيح البخاري

و طبعا دا لا يتنافى أبدا أبدا على المجاهدة في ترك الذنب و العزم عل ترك الذنب و دا من شروط التوبة

يعني ماينفعش أرتكب ذنب و أقول ربنا كدا كدا هيغفرلي !!

لازم أصر و أعزم و أنوي اني سأترك الذنب و أندم عليه

و لكن ان وقعت فيه أتيقن اني هتوب مرة أخرى و يتوب الله علي

طيب نقلع عن الذنب دا إزاي؟؟

تخيل هذا المشهد

إنك أثناء الذنب يأتي ملك الموت

هتحب تموت على الذنب دا ؟؟

و من مات على شيء بعث عليه

تقابل الملك يوم القيامة بالذنب دا ؟؟؟

و الا تحب تقابله ساجد ؟؟



أو بتذكر ؟؟؟ أو صايم ؟؟؟

دا مشهد و دا مشهد تحب تختار أي المشاهد ؟؟

و لازم يبقى عندك حلول عمليه لهجر الذنب تثبت صدقك لله تعالى

كيفية الثبات على الطاعة

علشان نمشي فى الطريق صح لازم نحدد هدف وهو رضا ربنا علينا

وعلشان ترضي ربنا عليك فيه حاجات ربنا بيحبها يبقى لازم نعملها

نضرب لك مثل ولله المثل الاعلي

لو فيه حد عزيز اوى عليك وبتحبه وتتمنى ان يرضى عليك

وبتستنا زيارته ومقابلته بفارغ الصبر

والحد ده لمابيطلب منك حاجة فورا بتنفذها

ليه بتنفذها؟

علشان بتحبه

ولله المثل الاعلى!..

كلنا بنقول بنحب ربنا

بس المحبة مش قول المحبة قول وفعل

يعنى اللى بيحب ربنا بيعمل كل عمل يرضى ربنا عليه

فالخطوات العملية اللى حضرتك تاخدها فورا علشان تثبت على الطاعة

وتبعد عن اى معصية او اى حاجة ممكن ترجعك زى الاول

اولا المحافظة على الصلاة ( الفرائض )

ثانيا المحافظة على سنن الصلاة

اللى هى 2قبل الفجر و4 قبل الظهر و2بعده و2بعد المغرب و2 بعد العشاء

فى الحديث القدسي

قال الله تعالى

من عادى لي ولياً فقد آذنته بحرب مني، وما تقرب لي عبدي بشيء أحب إلي مما افترضته عليه، ومازال عبدي يتقرب إلي بالنوافل حتى أحبه فإذا أحببته كنت سمعه الذي يسمع به وبصره الذي يبصر به ويده التي يبطش بها وقدمه التي يمشي بها وإذا سألني لأعطينه وإذا استغفرني لأغفرن له وإذا استعاذني أعذته

يبقى علشان تثبت لازم تعمل كل عمل يقربك من ربنا

وتحس بلذة الطاعة والايمان فى قلبك

ثالثا ودى مهمة جدا جدا جدا الصحبة الصالحة

انك تشوف حد عون لك على الطاعة ياخد بإيدك لطريق ربنا

دايما يكون حريص على انه يدلك على كل خير وطاعة

ودى من اهم عوامل الثبات على الطاعة

هاتقول مش لاقي فى الكلية هاقولك لا موجودين بفضل الله فى كل مكان وبفضل الله تعالي

الملتزمين فى ازدياد لاتجد بيت لايخلو من الملتزمين المتسمكين بالسنة

ومش شرط تكونى عارفهم علشان تكلمهم

انت فتاه فى الكلية ادخلى مسجد الكلية عندك وشوفى اخت تتوسمى فيه الاستقامة والصلاح

واقعدى اتعرفى عليها وفضفضى معاها واتصاحبى عليها وتأكدى انها هاتقبلك وهاتتصاحب عليكى

بس اياكى تتكسفى
انتى بتدورى على اى حاجة تقربك من ربنا متخليش الشيطان

يكسلك ويقولك ازاى هاتكلمى واحده متعرفيهاش

استعنى بالله واتعرفى على الملتزمات وخليهم اخوات لكى فى الله

ولو تعثر العثور عليهم فى الكلية

اذهب لاى مسجد فيه دروس علم وبفضل الله كل مساجد السنة فيها دروس

وهناك هاتلاقي جنة الدنيا فى دروس العلم

هاتلاقي اخوات ربنا يبارك فى اعمارهم وجوههم كالقمر اول لما تدخل المسجد

هاتلاقي المسجد كله ملتزمين والجو العام هايغيرك جدا جدا

وبفضل الله المنتدى هنا فيه الصحبة الصالحة اللى بنقولك عليها

رابعا انك تدعي ربنا من كل قلبك وتبكى وتتذلل لله وتقول

يارب ثبتنى يارب انا بحبك ماليش غيرك

يارب لاحول ولاقوة لي الا بك

انا ضعيف وقلبي بيدك ثبت قلبي على طاعتك

والدعاء يكون فى احب الاوقات اللى هو فى الثلث الاخير من الليل

تقوم تصلى ركعتين قبل الفجر بنص ساعة

والله هاتلاقي الوضع تغير تماما تماما بعد الركعتين دول

خامسا انك تشغل وقتك دايما علشان مايكونش فيه فرصة للشيطان انه يفكرك بأى ذنب

يعنى مابين قراءة قرآن وصيام وذكر لله تعالي

تسمع كل يوم درس لشيخ انت بتحبه

وان شاء الله هاتلاقى يومك مليان وكله طاعة لله تعالي

وتاخد بالك من دراستك وتجتهد فيها وربنا يوفقك لكل خير

واخيرا نسأل الله لنا ولكم صلاح الحال والثبات

والسلام عليكم ورحمة الله

ولنا معكى عودة لنعرف اخبارك

[غير مسجل]

رد: اريد من يحس بى وياخذ بيدى الى الله انا تعباانة

انا الحمد لله محافظة على الصلاة بل هى كل شىء متبقى لى والله انا خايفة انى بعد الشر اسيبها يبقى انا كدة اموووت
لانى قولت على حاجات مستحيل اعملها وعملتها خايفة احسن امشى مع ولد او اى حاجة غلط نفسى قلبى لايتعلق الا بربى
انا بقول لحضرتك كدة وانا لسة بعصى ربنا كل اللى نفسى اعرفه هو هيجى يوم وماعصيش ربنا ابدا وابقى من الصالحين واكون كويسة وربنا يرزقنى حسن خاتمة انا بروح مسجد الكلية علشان اصلى وعلشان حضرتك تبقى عارف انا حاولت اتصاحب على واحدة من دفعتى منتقبة بس عاملتنى وحش او هى طبعها كدة الله اعلم انا تعباااانة اوى ادعيلى بالله عليك وانا بقرا قران والله كمان بس هل يعقل وجود ذنب مع معصية انا هتجنن انا خايفة من كل حاجة غلط فى هذه الدنيا ليييه فيها كل حاجة وحشة اييه الحلو فيها للاسف عمر ما فى صحبة وكملت معاها والله العيب مش فيا بالعكس انا طيبة جدا معاهم ولكن مش متفقين انا مثلا من النوع الكسوف جدا لسة كنا ماشين جنب ولاد فى الكلية فصاحبتى وقفت تكلم اصحابنا قدامهم فانا اتكسفت جدا فسبقتها شوية انا كدة غلطت زعلت منى وقالتلى ماتعمليش الحركة دى تانى ولا هزعل منك جامد وكمان قالتلى اذا ولد ناداها عايزها فى خدمة لازم اكون معاها علشان ماسبهاش لوحديها علشان عيب ومافيش حد يقول عليها كلمة غلط اريدان اعرف عندما يزعلوا من طبع فى الواحد مش بايدوا يبقوا دول اصحاب والدى اريد وعدا من حضرتك ان تدعى لى فى قيامك ان ياخذ الله بيدى اليه اكون من الصالحات واتمنى ان يرزقنى الله زوج صالح ياخذ بيدى الى الله هو ده ممكن
والله هذا المنتدى الذى اقدر اقول فيه كل حاجة ارجوا من كل من يقرا كلامى ان يدعوا لى ان يجعلنى الله من الصالحات وان يرزقنى حسن الخاتمة وان اساعد المحتاجين وابر والداى واحب والدى لانى احس انى بعيدة عنه وان لا يحوجنى الى احد وان لا اعصيه بعد الان ابدا ابدا ابدا على الرغم انى قولت الكلمة دى كتير بس الحمد لله ااااااااه الحمد لله والله انا نفسى اكون من الصالحين والله انى مريت بظروف صعبة السنتين اللى فاتوا سبحان الملك من بعد التزامى وامى كانت زعلانة على تعبى جدا وعندما خفف الله عنى عصيته سامحينى يارب سامجينى
اسفة طولت عليكوا بس كنت عايزة افضفض شوية
جزاكم الله كل خير على ما تفعلوه معنا وبالله عليكم ان تدعولى
السلام عليكم ورحمة الله وبركاته

[فريق استشارات سرك فى بير(الأخوات)]

رد: اريد من يحس بى وياخذ بيدى الى الله انا تعباانة

و عليكم السلام و رحمة الله و بركاته

أختنا الكريمة

أهلاً بكِ فى منتداكِ الطريق الى الله

سعداء بوجود فتاة في مثل هذا العمر تريد الإلتزام بشرع الله و ترغب في مرضاته سبحانه و تعالي .

فنسأل الله أن يوفقكم لهذا و أن يعينكم علي السير في طريق الهداية و النور .

واسأل الله تعالى ان يجعلكى من الصالحات العابدات القانتات المحبين للخير وان يتوب عليكى من كل ذنب وخطيئة وان يحبب اليكى الايمان ويزينه فى قلبك وان يكره اليكى الكفر والفسوق والعصيان وان يجعلكى من الراشدين

اختنا الفاضلة

أخطر ما فى الذنب أن ييأسك الشيطان من التوبة منه

لأسباب منها


الأول: لأنه نوع من القنوط من رحمة الله ...حتى و إن كان ( قنوط خفي) وكأنك يأست من أن ربنا يتوب عليك وكأنك بترجع لربنا كل مرة و أغلب ظنك أنك هترجع للمعصية تاني


القنوط من رحمة الله من الكبائر
فالله تعالى قال :
( إِنَّهُ لَا يَيْئَسُ مِنْ رَوْحِ اللَّهِ إِلَّا الْقَوْمُ الْكَافِرُونَ )
و
( وَ مَنْ يَقْنَطُ مِنْ رَحْمَةِ رَبِّهِ إِلَّا الضَّالُّونَ )

والثاني : أن الواحد لما بيبدأ ييأس من شىء همته بتضعف جدا فى مواجهته و أحيانا خلاص بيستسلم وبيقى مبرر لأخطاء تانية أكبر

مثلا : طالب و قبل الامتحان ومذاكرش كويس لو هو عنده أمل أنه ممكن يخلص هتلاقيه بيواصل بأقل قدر من النوم وهمته عالية جدا وعاوز ينتهي من المذاكرة
أما لو بدأ ييأس ممكن تلاقيه بيضيع بالساعات لأنه خلاص مفيش فايدة

والثالث أن الشيطان بعد ما بدأ ييأسك من التوبة ..ممكن يبدأ يفتح لك أبواب معصية تانية من نفس المجال!!
والهدف أنك بدل عجزك عن غلق باب واحد فما بالك بأبواب كثير وبدل يأسك من التوبة من ذنب واحد هيحارب عشان ييأسك من نفسك خالص بوقوعك فى ذنوب كثير

ابنتى

نبشرك بقول الله سبحانه و تعالى في الحديث القدسي :

"من ذكرني في نفسه ذكرته في نفسي، ومن ذكرني في ملأ ذكرته في ملأ خير منه، ومن تقرب إلي شبراً تقربت منه ذراعاً، ومن تقرب مني ذراعاً تقربت منه باعاً، ومن أتاني يمشي أتيته هرولة " .


فأبشري أختنا الفاضلة

كلما حاولت التقرب إلى الله سيُقبل الله عليكِ و سيحبكِ أيضاً

فقد قال سبحانه و تعالى في الحديث القدسي :

"من عادى لي ولياً فقد آذنته بالحرب، وما تقرب إلي عبدي بشيء أحب إلي مما افترضت عليه، وما يزال عبدي يتقرب إلي بالنوافل حتى أحبه، فإذا أحبته كنت سمعه الذي يسمع به، وبصره الذي يبصر به، ويده التي يبطش بها، ورجله التي يمشي بها، وإن سألني لأعطينه، ولئن استعاذني لأعيذنه " .

فالله سبحانه و تعالي يحب أن يتقرب إليه العبد بالفرائض أولاً ثم بالنوافل ، و إذا فعل العبد ذلك و تقرب إليه بالإلتزام بالفرائض أحبه الله .



فما ظَنُّكِ بمن يحبه الله ؟


فالحياة فى غير طاعة الله لا هدف لها ولا معنى ...ولا سعادة بها و لا طمأنينة فيها

لأن الغاية الرئيسية من وجودنا في هذه الحياة هي عبادة الله

قال سبحانه و تعالي في سورة الذاريات: "و ما خلقت الجن و الإنس إلا ليعبدون"

فالله سبحانه و تعالي خلق الخلق و أودع فيهم القلوب لتكون موصولة و معلقة به
فهذا هو غذائها و دوائها ، من عبادات و طاعات و قربات و ترك للمنكرات و الشهوات و الأنس بذكره و التلذذ بطاعته و المسارعة في مرضاته .

"فهذا القلب فيه وحشة لا يزيلها إلا الإنس به في خلوته، و فيه حزن لا يذهبه إلا السرور بمعرفته و فيه طلب شديد لا يقف دون أن يكون هو وحده مطلوبه، و فيه فاقة لا يسدها إلا محبته ، ولو أعطي الدنيا و ما فيها لم تسد تلك الفاقة أبدا".

أبشري!...

فإقراركِ بأن حالكِ الآن لا يعجبكِ هو أول خطوات انفراج ذلك الاشكال... سبحان الله كثير من الناس يكابر عن الاعتراف بذنبه و يتهرّب من ذلك وهو لا يدري أنه بذلك يمكر مع الله عز وجل وهو خير الماكرين.

وكذلك الإنسان التائب! .. أول خطوة في طريق توبته (الاعتراف بالذنب) بقي 3 خطوات :
- الندم على ما كان
- العزم على عدم العودة
- تثبيت النفس بفعل الطاعات والأعمال الصالحة

لكن أهم شئ ألا يستطيل الطريق .. ولا يستثقل تلك الخطوات في طريق ربنا سبحانه وتعالى ...
انظري لتودد الله سبحانه وتعالى لنا وهو الغني عبادتنا.. وهو يقول:
" قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ 53"

يطمئنكِ .. ويقول لكِ أنتِ "لا تقنطي" يعني "لا تيأسي"...
لكن أنتِ استجابتكِ أنكِ لازم تتحركي في الطريق
وسبحان الله.. ربنا شكــــــور .. يشكر منا الخطوة الواحدة في طريقه
"ومن تقرب إلىّ شبرا تقربت إليه ذراعا"
يعني إستحالة أخطو خطوة للقرب من ربنا وربنا يبعدني !!

فربنا أعطانا المفتاح ...وهو أن بداية التغيير من أنفسنا
"لا يغير الله ما بقوم حتى يغيروا ما بأنفسهم"
والسر في "حتى"

ابنتى

ما أجمل التوبة والرجوع إلى الله
ولكن الأجمل أن تكون هذه التوبة عن معرفة بالله وفهم للدين حتى لا يحدث الإنتكاس



سبحان الله هى دى الحياة الطيبة التي وعد الله بها عباده ويعرفها كل من ذاق طاعة الله

أختنا الحبيبة المشكلة أنك لما التزمتي كان المفروض تعرفي أن الدين

1_علم: إنك تتعلمي أساسيات دينك عشان تعبدي ربنا على علم ويقين وتتجنبى وساوس الشيطان من تزين الشهوات أو أنه يرمى على عقلك شبهات

2_عمل: إنك يبقى ليكى عبادات ثابتة يومية و أسبوعية
تبدأي الأول بالفروض وتزودي شوية شوية النوافل

3- دعوة: احرصي على نشر الخير و ما تعلمتيه من علم ، قدر المستطاع .

نرجع لموضوع الصلاة والتقصير فيها...
كما تعلمين أن الصلاة عماد الدين .. والنبي صلى الله عليه وسلم قال:
" العهد الذي بيننا وبينهم الصلاة فمن تركها فقد كفر"
و مؤكد أننا نصدق النبي صلى الله عليه وسلم .. و ظاهر من الحديث أن الوعيد شديد !!

إذا كان الله توعد للذين يؤخرون الصلاة عن أوقاتها وقال " فَوَيْلٌ لِّلْمُصَلِّينَ 4 الَّذِينَ هُمْ عَن صَلَاتِهِمْ سَاهُونَ 5"... فما بال من تركها بالكلية؟!

واقرأي هذا الحديث....صدقًا من أخوف الأحاديث التي سمعتها كان يتحدث عن رؤيا رآها النبي صلى الله عليه وسلم و رأى فيها عذاب بعض العصاة ومنها عذاب تارك الصلاة
الحديث طويل لكن سأنقل فقط الجزئية المتعلقة بما نقول:
( إنه أتاني الليلة آتيان ، وإنهما ابتعثاني ، وإنهما قالا لي انطلق ، وإني انطلقت معهما ، وإنا أتينا على رجل مضطجع ، وإذا آخر قائم عليه بصخرة ، وإذا هو يهوي بالصخرة لرأسه فيثلغ رأسه ، فيتدهده الحجر ها هنا ، فيتبع الحجر فيأخذه ، فلا يرجع إليه حتى يصح رأسه كما كان ، ثم يعود عليه فيفعل به مثل ما فعل به مرة الأولى ، قال : قلت لهما : سبحان الله ما هذان ؟ قال : قالا لي : انطلق انطلق

قالا لي : أما إنا سنخبرك ، أما الرجل الأول الذي أتيت عليه يثلغ رأسه بالحجر ، فإنه الرجل يأخذ القرآن فيرفضه وينام عن الصلاة المكتوبة..."

يعني يكسّرون الحجر فوق رأسه حتى يتفتفت الحجر و يتفتفت رأس هذا النائم ...ثم يعاودون الكرة في تعذيبه بهذا الشكل إلى يوم القيامة!!!
اللهم عافنا يارب!

ولا أقصد تخويفكِ بذكر هذا الحديث...بل تعمدت أن أطمئنكِ في أول ردي كي تحمدي الله أن وقر في نفسكِ هذا الشعور بالتقصير والعصيان (وغيركِ غارق في الذنوب ولا يبالي)
وتحمدي الله أنه لكِ ربًا كريمًا حليمًا غفورًا .. أمهلكِ و زاد في عمركِ أنفاسًا لتتداركي ما فات من عمركِ وتقصيركِ

يعني في أمل إن شاء الله أن يتوب الله عليكِ ويغفر لكِ ما كان بل ويبدل سيئاتكِ حسنات !!... بشرط تحقيق التوبة:
" إِلَّا مَن تَابَ وَآمَنَ وَعَمِلَ عَمَلًا صَالِحًا فَأُوْلَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُورًا رَّحِيمًا 70"

وكذلك قال:
"وَمَن يَعْمَلْ سُوءًا أَوْ يَظْلِمْ نَفْسَهُ ثُمَّ يَسْتَغْفِرِ اللّهَ يَجِدِ اللّهَ غَفُورًا رَّحِيمًا"

والتوبة تستلزم رغبة صادقة من كل قلبكِ أنكِ تعيشي الحياة على مراد الله في صغيرها وكبيرها...ولو رأى الله من قلبكِ هذا الصدق مؤكد لم يترككِ ... وهذا ظني في ربي الغفور الرحيم!

ابنتى الفاضلة

أكثري من الدعاء والاستغاثة والاستعانة بالله كأن تدعي:
- اللهم حبّب إليّ الإيمان و زيِّنه في قلبي وكرِّه إليّ الكفر والفسوق والعصيان واجعلني من الراشدين

- يا حي يا قيوم برحمتك أستغيث ..فأصلح لي شأني كله ولا تكلني غلى نفسي طرفة عين

وياريت تطالعي هذا الموضوع :

كيف يمكن الخلاص من استثقال التوبة واستصعاب الالتزام..؟

واخيرا

*** هنعمل 6 حاجات عشان تساعدنا فى التخلص من اى ذنب


1: حدد هدفك : وهو رضا الله (اخلص النيه )
وحدد الذنوب الى خلاص مهما حصل مش هترجعلها تانى

2_ابدأ دلوقتى حالا : قوم اتوضى وصلى ركعتين حاجه
صلى بتأنى والح على الله ان يساعدك وان يتوب عليك
وفى كل صلاه وفى كل سجده
ولو كانت المشكله اصلا عدم الانتظام فى الصلاه برضه صلى الركعتين وجاهد نفسك واضغط عليها وصلى وادعى فى كل صلاه ربنا يعينك ويثبتك
اهم حاجه فى الخطوه دى اليقين قال رسول الله ادعوا الله وانتم مقنون بالاجابه

وابدا ابدا ماتيأسش

3_تصدق بصدقه كى تتطهر من الذنب
قال تعالى (خذ من أموالهم صدقه تطهرهم وتزكيهم بها

4_أكثر من الاستغفار أكبر قدر ممكن
اكبر قدر على الاطلاق..استغفر فى كل وقت
اجعل لسانك يتعود عليه
5_اتبع السيئه بالحسنه تمحها
كل ما تعمل سيئه اتبعها بحسنه زهق شيطانك منك رهق نفسك الشيطان لما هيلاقيك بعد كل سيئه هتعمل حسنه هيبطل يوسوس لك بمعصيه

**كنت اعرف واحده صحبتى كل ما تضيع عليها صلاه الفجر تصبح صايمه لحد ما قلتلى انا تعبت انا لازم اصحى وفعلا انتظمت على الصلاه

**وواحده تانيه كان فى ذنب نفسه تبطله بقيت كل ما تعمله تتصدق او تصوم اوتصلى 10 ركعات تطوع لحد ما بطلت الذنب

6_عاقب نفسك
زى ما اتفقنا بعد كل معصيه هتعمل حسنات وحسنات كثير وكمان عاقب نفسك
يعنى احرمها من حاجه بتحبها يعنى عصيت اتبعها بحسنه
رجعت تانى اتبعها بحسنه وعاقبها بالحرمان من حاجه بتحبها احرمها من الخروج احرمها من الكمبيوتر والنت يوم..احرمها من حاجه مباحه

وتذكر

((والذين جاهدوا فينا لنهدينهم سبلنا))

وتذكر
((إنما الأجر على قدر المشقه))

وأعتذر كثيرا على الإطالة

وأرجو أن يجمعني الله وإياكِ وكل المسلمين في الجنة.

وانصحك بسماع هذه المحاضرات الهامة :

سلسله مجموعة (( منايا اوصلك )) د/ حازم شومان


الدرس الاخير (( للكبار فقط ))


تذكر قبل ان تعصى



سلسلة صراع مع الشهوات للشخ احمد جلال

[غير مسجل]

رد: اريد من يحس بى وياخذ بيدى الى الله انا تعباانة

جزاكى الله خيرا اختى الغالية ادعى لى دائما فى صلاتك وقيامك وان ايرزقنى الله اخت مثلك
للعلم انا حاولت اروح درس علم ولكن عندى مرض مكسف فلقيت ان من تدرس لى ضحكت عليا فمن تانى حصة ماروحتش الحمد لله ادعى الله ان يقوينى واذهب وان لا اتاثر باحد

[غير مسجل]

رد: اريد من يحس بى وياخذ بيدى الى الله انا تعباانة

وادعى لى عندى امتحان بكرة واول سنة ليا فى الكلية وكان نفسى اثبت نفسى فيها بس الحمد لله

[غير مسجل]

رد: اريد من يحس بى وياخذ بيدى الى الله انا تعباانة

دعواتي لكي اختي الغالية بظهر الغيب لاتخافي يا اختي بس لو تقدري تقومي تصلي باجزاء كثيرة يعني مثلا لو كنت بتصلي الليل وتقرئي ورد معين ك خمس اوجه او جزء المهم زودي الورد عليكي والمهم اكثر انك تتعبي في قيام الليل تحسي بجهاد لان الشيء ده بيقرب من ربنا كثييير وبالتالي يكون الدعوة مستجابة على طول انا كنت زيك وعليا امتحان وعملت كده صليت وحسيت ان في جهاد وتعبت بدني وحسيت ان ربنا قريب جدا جدا مني والاختبار زي الماء سهل جدا جدا وغير الراحة النفسية الله يسهل عليكي يا اختي يارب ولاتقنتي من رحمة الله وشوية كده باذن الله هكتبلك كلام مهم جدا

[غير مسجل]

رد: اريد من يحس بى وياخذ بيدى الى الله انا تعباانة

كيف تجذب ماتشاء من الاقدار اليك؟؟
فكرة قانون الجذب للدكتور صلاح الراشد
الكثير من الاحاديث النبوية التي تدعو اليه
اليس اولها (انما الاعمال بالنياتوانما لكل امرء مانوى ) اليس اخرها
حديث زيارة النبي صلى الله عليه وسلم للاعرابي الذي يشتكي من الحمى حين قال له :لا باس طهور ان شاء الله
فرد الاعرابي طهور!؟ بل حمى تفور على شيخ كبير تصليه القبور
فقال صلى الله عليه وسلم هي إذن, فمات الاعرابي

قانون الظن
هناك ناس تحدث لهم كوارث مصائب كثيرة وناس تعيش في سلام وناس تفشل في تحقيق احلامها واخرون ينجحون منهم السعيد والشقي فأيهم انت اختاه؟؟؟
في حديث قدسي يقول الله عزوجل (انا عند ظن عبدي بي ان ظن خيرا فخير وان ظن .....)
مال الفرق ؟؟
يعني لما تتوقع ان حياتك ستصبح حلوة ستنجح وستستمع للاخبار جيدة لان لو لاحظت الحديث وركزتي عليه هتلاقي ان ربنا عزوجل قال انا عند ظن عبدي بي ولم يقل انا عند (حسن ) ظن عبدي
فانصك وانصحك وانصحك بالتفائل وعدم التشائم وهذه الرسالة وصلتني على الجوال واعجبتني فحبيت ان انقلها لكي
وبالنسبة لطلب العلم انا كمان مثلك تقريبا الا اني غير متاكدة بان المدرسة تستهزء بي ولكن تركته في حوالي ثاني اسبوع وقلت من المفترض الا استمع الى كلام البنات ولاتنسي تعملي الي قلتلك عليه صدقيني هتتغير حياتك ادعي بالاي انت عايزاها في اخر الليل

[غير مسجل]

رد: اريد من يحس بى وياخذ بيدى الى الله انا تعباانة

جزاكى الله كل خيييير اختى الحبيبة واسال الله ان يرزقك ويرزقنا الفردوس الاعلى
كنت عايزة اعرف ازاى اصلى قيام الليل وانا ماسكة المصحف ازااى؟

[غير مسجل]

رد: اريد من يحس بى وياخذ بيدى الى الله انا تعباانة

ايوا يا اختي انت مش لازم تحفظي القران عشان تقومي بيه ممكن تمسكي القران وتقرئي منه مافيش مشاكل امسكيه بايدك وعادي اقرئي منه ولما تيجي تركعي او تسجدي حطي المصحف على طربيزه او اي كن غير الارض مافي مشكلة انك تصلي والمصحف معاكي وتقرئي منه ماعدا الفريضة ماينفعشي لكن السنة او قيام الليل لا باس بذلك اختي

[غير مسجل]

رد: اريد من يحس بى وياخذ بيدى الى الله انا تعباانة

يعنى وانا قايمة من السجود اخدوا من على الطرابيزة عادى

[غير مسجل]

رد: اريد من يحس بى وياخذ بيدى الى الله انا تعباانة

ايوا بالضبط يا اختي احسنت بارك الله فيكي خذيه عادي وكملي قرائة وبعد ماتخلسي هتلاق ي وجهك بقى ابيض بياض ملحوظ بس اليوم قومي كده الساعة 3 وقمي توضئي واقرئي الفاتحة وبعدين مثلا جزء او كل ركعة خمس اوجه صلي اليوم 11 ركعة ركعتين بعدين سلمي ركعتين بعدين سلمي وكل ركعة اقرئي الفاتحة ووجهين مثلا من سورة البقرة حتى تنتهي من 11 ركعة وبعدين بصي نفسك في المرءاة هتلاقي بياض ناصع وملحوظ وهتلاقي ربنا واقف معاكي في كل لحظة لكن ماتنسيش الاخلاص يعني بتعملي كده عشان ربنا

[غير مسجل]

رد: اريد من يحس بى وياخذ بيدى الى الله انا تعباانة

اختى مش هاينفع النهاردة علشان عندى الظروف ان شاء الله يوم الثلاثاء باذن الله تعالى ادعيلى اختى بالله عليكى وان لا يدخل الياس قلبى ابدا من نفسى

[غير مسجل]

رد: اريد من يحس بى وياخذ بيدى الى الله انا تعباانة

حاضر يا اختي اي يوم بس حطيها في راصك ومتنسيش تصلي وتقوليلي على الفرحة الي بتشعري بيها الله يحقق جميع مطالبك ويوفقك ويفرج همك وينفس كربك وتاخذي اعلى الدرجات التي تسعدك وتسعد امك وابوك وترضي الله