أعمل إيه ؟

[غير مسجل]

السلام عليكم ورحمة الله وبركاته
ربنا يفرج عنكم همك ويشرح صدركم
أنا إنهارده كان عندي إمتحان وحصلت ظروف معايه اتأخرت ومش لحقت هو كان إلتبس عليا الوقت
المهم إني دخلت للعميد وكلمته رد عليا رد صعب وأول مره يحصل معايه كده مع إن والله غصب عني مش يإيدي اتأخرت
أنا نفسيتي تعبت حاسس إن حياتي بتخرب وأهلي كمان مش يعرفوا هما تعبوا علشان اتعلم وصابني إحساس إن خلاص كده السنه راحت وممكن إذا ده حصل أسيب التعليم خالص
هو ليه كل حاجه اتنزع منها الرحمة كده هو ده قانون حتى لو غصب عننا
حسبنا الله ونعم الوكيل

[غير مسجل]

رد: أعمل إيه ؟

لا السنة مش راحت ولا حاجة
ده قدر اللهبس تخلى بالك بعد كدة من مواعيدك
وعلشان السنة متضعش
شد حيلك ف المواد الباقية
وربنا يعينك ويعينا

[فريق استشارات سرك فى بير(الأخوات)]

رد: أعمل إيه ؟

السلام عليكم ورحمة الله وبركاته ...
اخانا الكريم لا تحزن لعله خير لكم
(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)

لا تعتقد يا اخى انها نهاية العالم شد حيلك فى بقية المواد والمادة دى اطلع بيها سمر كورس
ومتحزنش على اللى فات ولو راحت منك سنة ممكن تتعلم فيها اشياء كثيرة او تتعلم مهنة
انت لا تعلم اين الخير لعله منحة فى ثوب محنة
اصبر واحتسب وذاكر كويس
واتعلم ان الانسان بتأتى ظروف قهرية فى حياته ولا يقدر على شيء سوى ان يدعو الله ويصبر اصبر ثم اصبر
ولا تحزن وربنا يوفقك انت وجميع طلبة المسلمين

[غير مسجل]

رد: أعمل إيه ؟

اخى اعتبر وكانه محصلشى حاجه و جد و اجتهد بوتيره اكبر من قبل
ومش شرط تحكى لاهلك نتيجه الماده دى و اعتبر نفسك كانك مش واخدها و شد حيلك الترم الجاى و اجعل ثقتك بربنا كبيره و ثق بنفسك وطاقتك وقدراتك ولا تستسلم للشيطان اللى يفرح فيك لما يشوفك يائس كده
اسال الله لك التوفيق و التفوق و ان شاء الله نشوفك انسان ناجح اوى

[غير مسجل]

رد: أعمل إيه ؟

ربنا يبارك فيكم ويسعدكم ويفرج همومكم
قدر الله وماشاء فعل
فعلاً اللي حصل إن شاء الله خير ليا
لأني تعرضت لمواقف أول مره تحصلي وإن شاء الله اللي جاي أحسن
المشكله فيا إني على بالي اقول لو فعلت كذا
عارف إنه غلط
بس غصب عني
عموماً إن شاء الله مسألة وقت وتنتهي
نسألكم الدعاء بظهر الغيب
وتذكروا كان الله في عون العبد مادام العبد في عون أخيه
أو كما قال
اانت كنت في عوني ولو بكلمة
ربنا يكون في عونكم ويسدد خطاكم
جزاكم الله كل خير