بخصوص الفيس بوك

[غير مسجل]

السلام عليكم ورحمة الله وبركاته
بسم الله والحمد لله والصلاة والسلام على رسول الله
انا طالبه جامعيه الحمد لله ملتزمه بفضل الله
ولكن على الفيس بوك "جروب الدفعه"الخاص بنا كطلبه
ده فيه معظم الدفعه ولاد وبنات
وانا مشتركه فيه عشان اعرف اخر اخبار الامتحانات والسكاشن ومين الدكاتره اللى هتحضر
والورق اللى هيتصور
ولكن الجروب مش كله دراسى
يعنى لايخلوا من بوستات غالبيتها لها هدف
ممكن سياسيه وانا الحمد لله مش بفهم فى السياسه اوى
لكن احيانا بيتطرقوا فى الكلام الى الكلام على الاخوان والسلف وحزب النور
وقليل اللى بيدافع عنهم
انا ماليش دعوه بيهم ولا بنقاشاتهم
لكن لما يجى واحد يتريق على شباب الدعوه السلفيه انهم عاملين يافطه مكتوب فيها شروط الحجاب الشرعى ويقول"حلو الحاجاب الشرعى ده"
اعتقد من حقى ادافع عن ثوابت فى الاسلام ولكن انا برضو فضلت السكوت لحد مافى وحده زميلتى ردت فانا قولت فرصه ارد على الدكتور اللى بيتريق بس هوجه كلامى لزميلتى دى عشان الرساله توصل لكل الناس
وفى مره تانى كانوا بيتكلموا على الشيخ خالد وكان فيه بنات بتتناقش انا رديت على الكلام اللى البنات كانوا بيوجهوه ليا وكان فى ولاد برضو بتتكلم لكن انا مارضيتش ارد عليهم ولا اوجهلهم كلام
احيانا لما واحد يجى يوقل شيخ الاوهر بيقول ان شيوخ السلفيه لايعلموا عن الدين غير القشور
فانا نولت بوست بيفهمهم ان مافيش خحاجه فى الدين اسمها قشور ولب..كاسلوب غير مباشر لاانا اتكلمت معاه مباشرة ولا انا مارضيتش عليه خالص
ولما ناس مصدقه حكاية جماعة الامر بالمعروف والنهى عن المنكر ومش عارفه واحد نزلت بوست بخصوص الموضوع ده فراحت واحده ردت عليه وقالتله ان على كده يبقى الاخوان والسلفيين ارحم روحت رضيت انا على البنت دى وقولتلها ماتصيقش الكلام ده ونزلت على الجروب فديو بيوضح ان صاحب الصفحه ملحد او نصرانى يعنى انا ببقى عاوزه ارد ادافع لكن اتقاء للشبهات بستنى لحد ماى حد من البنات يرد واروح انا اتكلم معاها برضو على الجروب مع مراعاة عدم الخضوع بالقول
علما باننا كلنا عارفين بعضنا ..انا مش مسجله باسمى لكن لما بتكلم مع البنات بينادونى باسمى
انا عاوزه اعرف اذا كان كده فيه شبهة اختلاط بالرجال؟؟
ولو احيانا نزلت بوستات تذكير بصيام الاتنين والخميس او اى حاجه دينيه هناك عادى ولا لاء ؟؟

[غير مسجل]

رد: بخصوص الفيس بوك

عزيزتي ممكن او ضحلك حاجة اولا ابعدي خالص خالص خالص على المكان الي انت فيه وممكن بدون ماتنتبهي تكون اول خطوة من خطوات الشيطان بس هو بيبدا معاكي بالحلال المفروض ان غرضك شيء واحد فقط هو تشوفي فقط موضوع الدراسة ماترديش على اي احد قدام الاولاد يمكن يحطك على باله ويبدء يمكر فيكي باي طريقة كانت ولا تعتقدي انت الي بتعمليه بتنصري دينك خطا مش الطريقة دية الي تنصر دينك المفروض مثلا في الجامعة تنشري دعايات للاسلام او تقدمي اي خدمة مهما عملو ومهما سبو احد بما انك فتاة مالكيش دعوة ثانيا الاخت الي بترد مثلا على شاب المفروض انت مش تفرحي او تنتظري وقوع معصية وهي ان الفتاة تكلم شاب لا المفروض تنتقضي فعل الفتاة من قلبك وتنصحيها بان لا ترد ابدا على اي شاب ذكرتيني باحد صديقاتي على الفيس بوك كانت في البداية تتكلم فقط عن الدين وترى كيف مذهب الشيعة وتدافع عن الصحابة رضوان الله عليهم شوفي كيف بدء الشيطان معها يقولها (انت كدة لازم تدافعي عنهم لازم تنصري دينك ...) وشوفيها الان تعرفت على شاب ومن ثم تركته اصبحت حياتها تكلم شباب كثيييير والدراسة نزل مستواها والله العظيم كانت لاتتصور ابدا ابدا بانها ستقع في الهاوية مثل الان كانت من الصديقات المقربة الي ساعدتني في القرب الى الله ولكن انظري الان اليها فانت كذالك لاتستجيبي لهذه الخطوات التي لا شك انها من تلبيس ابليس لكي فانت من البداية اغلقي هذا الطرييق لو عايزة تدافعي عن السلفية او عن الحبيب محمد صلى الله عليه وسلم في اكثر من طريقة واريد اخبارك امر انا من قريب على الفيس ارسل احد الشباب رسالة بقوله ان اقبل اضافته لم اعرف انه شاب لان اسمه كان نفس الاسبلنج بتاع اسمي اعتقدت انه فتاة فقلت لها من انت حتى اقبلك اعتقدت انها فتاة!!! اخبرني انه فلان بن فلان من مدينة كذا انا اتقاءا اولا للشبهات ثانيا بعدا عن اول خطوة من الشيطان وعشان الله بحثت عن الغاء الحساب في الفيس بوك نهائيا وفعلت فعلت ذلك مع ان الفيس احتاااااااجه جدا جدا وانا مثلك طالبة في الجامعة لكن حفاظا على حياتي التي اعيشها الان تحت ظل الرحمن تركته لله كان من الممكن ان امسح رسالته فقط بدون الفيس كاملا وكل صديقاتي لكن ربما ياتي يوم من الايم ضعف في النفس او او ضعف في الايمان واكلمه فانت انهي الموضوع من الاول خالص وانا والله يشهد ان اي اسئلة او شيء جديد يتعلق بالاختبار يصل الي باي طريقة كانت والحمد لله بالطريق الحلال والحمد لله بدون ما اطلب من احد بيوصلني الى يدي من اسئلة مراجعة او شيء يتعلق بالدراسة ( من ترك شيئا لله عوضه الله خيرا منه ) وقال تعالى ( من يتق الله يجعل له مخرجا ويرزقه من حيث لا يحتسب) فانا نصيحة من اختك في الله انتبهي للدراسة ووما يلفظ من قول الا لديه رقيب عتيد كل كلمة وحرف تكتب واي احد بسب الصحابة او السلفية امرهم لله لاتحسبي ان الله غافلا عنهم وانتبهي اختي من الدراسة ولا عليكي من مايقوله الشباب اذا كانت اخت تكلمك في الخاص ردي عليها اما على العام فلا والف لا ولو في الكلية اذا احد من الاخوات طعن في احد من الصالحين دافعي عنهم اما شاب لا والسلام عليكم ورحمة الله وبركاته
ارجو من الله ان يثبت هذا الرد ولا يحذفوه احد من المشرفين
دعواتي لكي اختي بظهر الغيب

[فريق استشارات سرك فى بير(الأخوات)]

رد: بخصوص الفيس بوك

بِسْمِ اللهِ الرَّحْمَنِ الرَّحِيمِ
الأُخْتُ السَّائِلَةُ الكَرِيمَةُ
وعَلَيْكُم السَّلاَمُ ورَحْمَةُ اللهِ وبَرَكَاتُهُ
رَدًّا عَلَى سُؤَالِكِ أُحِيلُكِ إلى المَوْضُوعِ التَّالِي، فَفِيهِ سُؤَال مُشَابِه تَمَّ الرَّدّ عَلَيْهِ مِنْ قَبْل، وأيْضًا فِيهِ إحَالاَت إلى مَوْضُوعَات أُخْرَى وفَتَاوَى أرْجُو مُتَابَعَتهَا كُلّهَا ليَتْكَمِل لَكِ الأمْر بإذْنِ الله:
https://forums.way2allah.com/showthread.php?t=151252

وهذا مَا أعْلَمُ، واللهُ تَعَالَى أعْلَى وأعْلَمُ.
والسَّلاَمُ عَلَيْكُمْ ورَحْمَةُ اللهِ وبَرَكَاتُهُ