بالله عليكم من غير الردود التقليديه انا بجد تعبان

[غير مسجل]

سلام عليكم ورحمه الله وبركاته

مش قادر ابقى 100% صح

بحاول اواظب على الصلاه والحمد لله بصلى فى الجماعه وبصلى السنن والحمد لله بصلى قيام ليل وبحضر دروس


بس انا لسه بادئ ارجع تانى من فتره قريبه

كنت التزمت وبعدين تركت الالتزام
ولسه راجع

بس لغايه النهاردة مش حاسس انى صح حاسس انى فى حاجه لسه ناقصه معملتهاش هل دة عقاب على انى تركت طريق ربنا من البدايه طيب بس ازاى وربنا ارحم عليا من امى
فى الصلاه لما بقف اصلى احيانا بحس انى هيغم عليا من شدة الايات ومن البكاء يمكن جسمى فى الغالب بيفضل يرتعش من الايات اللى فيها كلام عن الجنه او كلام عن النار او عن ربنا سبحانه وتعالى

واحيانا بكون واقف سرحان فى موضوع تانى هو السرحان قل عن لاول لكن مع ذلك لسه بسرح وبتضايق اوى لما بسرح

والمشكله التانيه انى قررت من مدة انى اطلق لحيتى وطبعا انا تقريبا قاعط علاقتى بكل اصدقائى اللى كنت اعرفهم ودة من فترة الالتزام الاولى
المشكله انى لما بقف مع بعض الناس جيرانى مثلا بنسى انى ملتزم وانسى انى ملتحى وان المفروض اكون على خلق اعلى من اللى انا فيه يعنى مثلا انا كنت مبتلى بحب السينما والافلام الاجنبيه والممثلين والممثلات الحمد لله انا مبتفرجش على افلام خالص الا افلام كرتون وميكونش فيها مخالفات شرعيه لكن احيانا اقف مع واحد الكلام يجيب بعضه ونتكلم فى سلسله افلام لشركه انتاج اجنبيه وعن ذكائهم فى اصدار الروايات وعملها افلام حاجات كتير وبالتالى الكلام يجيب بعضه عن الممثله الفلانيه والدور اللى عملته فى الفيلم الفلانى والاقى نفسى بقوله الممثله الفلانيه اللى هيا لون شعره كذا وعنيها لونها كذا

وابعد خالص عن اخلاق الملتزمين


موضوع ثالث ان بيحصل قدامى مواقف بتتكرر مبقدرش اخد فيه موقف زى مجموعه عيال صغيره ماشيه يقوموا شاتمين بعض بالفاظ خارجه مجموعه شباب ماشه بتسب الدين واللعياذ بالله 2 رجاله كبار واقفين فى محل وتيجى واحده يتكلموا معاها وبعدين يحوضوا فى شرفها بكلام من تحت ل تحت وهيا عامله مش سامعه وهما فاكرين ان صوتهم واطى

وهيا كمان بتساعدهم

انا قرفان من نفسى الشيطان كان بيوسوسلى انى اقوم احلق لحيتى بس لا انا وعدت ربنا انى لو رجعت لطريقه مش سيبه تانى ابدا بس انا تقدر حضرتك تقول انى ف اولى حضانه ومطلوب منى ادرس مواد طالب فى كليه طب

انا لسه جديد فى الدين لسه بادئ احضر دروس فى التفسير ودروس تانيه مش عارف اية الفرق فيها بين الفقه والسيره
وبحضر وخلاص علشان استفيد

اسف لو كنت طولت بالكلام بس محتاج نصيحه

انا كل يوم بقف ادعى ربنا فى القيام واقول ياحى يا قيوم برحمتك استغيث فاصلح لى شانى كله ولا تكلنى الى نفسى طرفه عين

ومتيقن ان مفيش ملجا من ربنا سبحانه وتعال الا اليه بس حبيت اسال حضرتك لو فى حاجه اعملها او عباده او دعاء دعا به رسول الله صلى الله عليه وسلم


وبالله عليكم احد المشرفين شوفته فى ردود يقوم عاااااااااااااامل كوبى وباصت لمجموعه كتب دعويه مقصدش انى اقلل من مجهوده لا بالعكس ربنا يجازيه كل خير لكن فى مواقف مينفعش معاها خد اقرا دة لا قولى اللى انت اسستفدته منها لما قرات ادينى العلاج متقوليش روح ادخل كليه صيدله علشان تطلع الدواء بايدك

[غير مسجل]

رد: بالله عليكم من غير الردود التقليديه انا بجد تعبان

سلام عليكم ورحمه الله وبركاته
اسف لو كان كلامى فيه شئ من الحزم لكن اعزرونى انا حالى بيسؤ عن ما كتبت الموضوع امبارح

الله المستعان

[غير مسجل]

رد: بالله عليكم من غير الردود التقليديه انا بجد تعبان

ان شاء يتم الرد عليكم قريبا فالضغط كبير على فريق العمل ولاكن انتظرو الاجابة فى اقرب وقت باذن الله

[فريق استشارات سرك فى بير(الأخوات)]

رد: بالله عليكم من غير الردود التقليديه انا بجد تعبان

بِسْمِ اللهِ الرَّحْمَنِ الرَّحِيمِ
الأخُ السَّائِلُ الكَرِيمُ
السَّلاَمُ عَلَيْكُمْ ورَحْمَةُ اللهِ وبَرَكَاتُهُ
مَعْذِرَة للتَّأخُّرِ في الرَّدِّ، فَأنَا أعْمَلُ بمُفْرَدِي في القِسْمِ هذه الأيَّام نَظَرًا لغِيَابِ الأعْضَاء لظُرُوفٍ قَهْرِيَّةٍ، واللهُ المُسْتَعَانُ.

رَدًّا عَلَى سُؤَالِكَ، أنْصَحُكَ بمُرَاجَعَةِ المَوْضُوعَات التَّالِيَة، فَقَدْ سَبَقَ الرَّدّ فِيهَا بكَلاَمٍ نَفِيسٍ وبَيَان الطُّرُق العَمَلِيَّة للحَلِّ في حَالاَتٍ مُشَابِهَةٍ لَكَ وإنِ اخْتَلَفَت المَوَاقِف:
https://forums.way2allah.com/showthread.php?t=142183

https://forums.way2allah.com/showthread.php?t=133500

وتَذَكَّر أخِي الكَرِيم أنَّ أيّ حَلّ هُوَ في حَقِيقَتِهِ كَلاَم نَظَرِيّ، أنْتَ مَنْ تُحَوِّلهُ إلى تَطْبِيق عَمَلِيّ، فَعَلَيْكَ إنْ وَجَدْتَ كَلاَمًا نَظَرِيًّا أنْ تُحَوِّلَهُ بنَفْسِكَ إلى تَطْبِيقٍ عَمَلِيٍّ، ولَنْ يَفْعَل هذه الخُطْوَة إلاَّ أنْتَ، واللهُ المُوَفِّقُ والمُسْتَعَانُ.

وهذا مَا أعْلَمُ، واللهُ تَعَالَى أعْلَى وأعْلَمُ.
والسَّلاَمُ عَلَيْكُمْ ورَحْمَةُ اللهِ وبَرَكَاتُهُ

[غير مسجل]

رد: بالله عليكم من غير الردود التقليديه انا بجد تعبان

وعليكم السلام ورحمه الله وبركاته

كان الله فى عونك انت والمراقبين وامه المسلمن جميعا

يا حبيب قلبى مش انا قلتلك ان لا ملجا من الله الا اليه سبحانك يارب والحمد والشكر ليك يارب اللهم لك الحمد عدد خلقك وزنه عرشك ومداد كلماتك حتى ترضى يا رحمن يا رحيم

انا كنت هتجنن واعرف سبب اللى انا فيه
لما دعيت الى الله ومتتصورش الفرحه اللى مليانى دلوقتى انى لقيت الحل
اهو انا كان احساسى بالظبط نفس احساس اللى ببيجى يطلع السلم من 1الى 10 وييجى فى النص بيقع ومش عارف ايه اللى بيوقعه وفجاه اكتشف ان السلمه رقم 2 اصلا مش مظبوطه ومكسرة وهيا اللى بتوقعه
رحت احد الدروس فى المساجد وكان الكلام عن صلاه الجمعه وكان من ضمن الكلام ان تارك صلاه الجمعه ختم على قلبه او طبع على قلبه (كان باحاديث طبعا لكن انا مش فاكرها دلوقتى)

فبصيت ورا كدة وقلت اية دة
لالا
الله
الله
دة انا بقالى كاااااااااااااااااااااااااام جمعه مصلتش الجمعه جمعه وبروح فى الاقامه طيب والخطبه؟؟؟ لقيت نفسى ساكت خصوصا لما افتكرت ان امبارح يوم الجمعه وانى مصلتش اصلا وحالتى ذادت سؤ لما مصلتش الجمعه اصلا

عموما اخى الحبيب جزاك الله كل خير واعانكم الله