اسمحلي اناديك بوالدي يا والدي

[ابنتك الغالية]

السلام عليكم ورحمة الله وبركاته
اسمحلي اناديك بوالدي يا والدي
مشكلتي اني ديما بحس بفتور مش عارفة ليييييييييه بس ديما بحس بفتور اوووووي وكسل اوقات في الطاعات وقلة في الايمان
انا البيت عندي مش ملتزم وانا لوحدي في البيت اللي ملتزمة كده وحاولت اكتر من مرة على مدار ال3 سنوات اللي فاتو والسنة دي ان انتقب بس فشلت بسبب رفض اهلي الشديد بحجة ان لسه صغيرة واما اكبر انا دلوقت ف اولى كلية حاسبات الحمد لله
انا من وانا في ث مش ليا صحبة صالحة كنت لوحدي لان مش بخرج ولا بروح دروس في المسجد ولا كده هو من البيت للدرس ومن الدرس للبيت
ودلوقت في الجامعة مفيش صحبة صالحة اه اعرف بنات كويسين ومحترمين بس مش بيصلوا معايا ف مسجد الكلية بيستنوني بس اما اصلي انا الحمد لله بصلي في مسجد الكلية عشان الصلاة مش تروح عليا وهما بيستنوني اما اخلص
انا كليتي الحياة الدينية فيها تكاد تكون منعدمة والله وانا بعمل اللي عليا وبشتري مطوياات وورقات دعوية وبوزعها وكده
وجمعت خمس بنات وبنحفظ سوا قرآن لسه بدئين الاسبوع اللي فات الحمد لله
للعلم انا بحفظ قرآن اصلا الحمد لله وفي سورة البقرة بفضل الله وبدرس تجويد الحمد لله
انا الحمد لله الفجر على طول بصحي صحباتي بالرن او الرسايل لحد مايصحو الحمد لله
واوقات بصوم اتنين وخميس او اصوم اسبوع كامل ومشتركة في المنتدى
بس مش عارفه ليه بقى بيجيلي اوقات بحس بفتور شديد
نفسي اتوب توبة بجد ومش اعمل ذنوب تاني ولا احس بفتور
نفسي يكون عندي عزيمة اكبر واصرار اكتر من كده وهمة اكبر من كده واخدم ديني اكتر من كده واثبت على الطاعة على طووووووول
يارب تساعدني يا والدي ولا تنساني من الدعاء وارجو المتابعة في الموضوع ده ولا تتركونا

ابنتك

[فريق استشارات سرك فى بير(الأخوات)]

رد: اسمحلي اناديك بوالدي يا والدي

السلام عليكم ورحمة الله
يا اختنا الكريمة مراقب سرك فى بير والد لنا كلنا
ولكن التزمى بحدود الحديث بين الرجل والمرأة فى الاسلام
ونرجو تفهم ذلك
سوف يتم الرد قريبا
بوركتم

[فريق استشارات سرك فى بير(الأخوات)]

رد: اسمحلي اناديك بوالدي يا والدي



درس رائع جدا


أنصح الجميع بسماعه











حفظ المادة

[مراقب قسم سرك فى بير]

رد: اسمحلي اناديك بوالدي يا والدي

نفسي يكون عندي عزيمة اكبر واصرار اكتر من كده وهمة اكبر من كده واخدم ديني اكتر من كده واثبت على الطاعة على طووووووول
يارب تساعدني يا والدي ولا تنساني من الدعاء وارجو المتابعة في الموضوع ده ولا تتركونا

السلام عليكم ورحمة الله وبركاته

حياكم الله يا بنتي

وأنا آسف للتأخر بالرد عليكم

وأخباركم طيبة جدا ما شاء الله

أنا عاوز منكم النصيحة يا بنتي

تبارك الله أنتم على خير والحمد لله

أنتم أصحاب دعوة إلى الله وهذه نعمة كبيرة من الله

هذه الدعوة التي تقومون بها هي وظيفة الأنبياء والرسل عليهم السلام

إستمري يا بنتي على ما أنت عليه وأسأل الله لكم كل التوفيق

وأما بالنسبة لمشكلة الفتور فهذه مشكلة حلها سهل بإذن الله

ويبدأ الحل من عندكم يا بنتي

كلنا بيعرف أن الإيمان يزيد وينقص يزيد بالطاعات وينقص بالمعاصي

إذن علشان تزيد الهمة عندنا عاوزين نشحن القلب بالإيمان

عن طريق الإكثار من الطاعات وقبل هذا كله تجديد النية خالصة لوجه الله عز وجل

طيب ما الي يجعل الإيمان ينقص من القلب وما هي مشكلة القلب وما هو علاج القلب؟؟

أخبرنا الحبيب صلى الله عليه وسلم أن الشيطان يجري من إبن آدم مجرى الدم

يعني يدخل من العروق إلى القلب والدماغ ويبث فيها من السموم

طيب كيف أبعد عني هذا الشيطان؟؟؟ سهلة جداً...

أخبرنا الحبيب صلى الله عليه وسلم عن رب العالمين قال:

أنا مع عبدي ما ذكرني وتحركت بي شفتاه..

إذن ما دام الإنسان يذكر الله فإن الله معه جل في علاه

الحمد لك يارب ما أرحمك وما أكرمك...

مشكلة الصحبة الصالحة..

كما تقولين أن لك دعوة مع البنات عن طريق توزيع مطويات وورق وما شابه

هنا تستطيعين الحصول على هذه الصحبة الطيبة بنفسك ولك أجر عظيم عند الله

ويا ريت تسمعي كلامي يا ابنتي وتاخذي مني هذه الوصفة أعطيها لكل زائر

ففيها علاج القلوب وبداية السعادة بإذن الله

قومي من نومك في الثلث الأخير من اليل توضأي وأحسني الوضوء

وعلى سجادتك إرمي كل الدنيا خلف ظهرك وقل الله أكبر أخرجيها من قلبك

نعم الله أكبر من الشيطان والله أكبر من كل الدنيا وما فيها

وصلي ركعتين في خشوع وطمأنينة وسكينة

بعدها إقرأي ما تيسر من القرآن

وبعدها أدعو الله ماشئت من خير وابكي وأكثرالبكاء وأقبلي بقلبك على الله

وكوني لحوحة في الدعاء فإن الله يحب العبد اللحوح في الدعاء

تذللي إلى الله إعتصري ما في قلبك من هموم

وأطلبي من الله ما شئت

وصدقنيي يا بنتي لن يخذلك الله ما دمت معه جل في علاه

وأهلا وسهلا بكم في منتدانا الحبيب

ونحن بانتظار أخباركم الطيبة بإذن الله

[ابنتك الغالية]

رد: اسمحلي اناديك بوالدي يا والدي

بارك الله فيك يا والدي كلام حضرتك ريحني
احب ابشرك اني بفضل الله انتقبت امبارح امام معارضة اهلي الشديده
ادعو لي بالتيسير والثبات يا والدي

[مراقب قسم سرك فى بير]

رد: اسمحلي اناديك بوالدي يا والدي

بارك الله فيك يا والدي كلام حضرتك ريحني
احب ابشرك اني بفضل الله انتقبت امبارح امام معارضة اهلي الشديده
ادعو لي بالتيسير والثبات يا والدي

وفيكم بارك الله يا إبنتي

الله أكبر ولله الحمد

أفرحكم الله وأسعدكم في الدنيا والآخرة كما أفرحتمونا

وأسأل الله الثبات والرشاد لنا ولكم بإذن الله

بارك الله فيكم يا إبنتي

[ابنتك الغالية]

رد: اسمحلي اناديك بوالدي يا والدي

السلام عليكم ورحمة الله وبركاته
والدي اخبرتك اني لبست النقاب بفضل الله الحمد لله
الاحد لبسته يوم الاحد وانا راحة الكلية وبليل الساعة 10 ونص واجهت امي وطبعا حصل اللي متوقع من زعيق وشتايم ليا وكلام كتييرررر اجاركم الله يا والدي
فصبرت واحتسبت اجري عند الله..ابي مسافر السعوديه ارسلت له اليوم (الاثنين )رسالة بالنص الاتي
انا اسفه يا بابا انا لبست النقاب امبارح عارفة هتزعل مني اوي بس والله انا مرتحة وسعيدة وانت اكيد تهمك راحتي وسعادتك لاني بنتك ومتخافش النقاب مش هيأثر وحش عليا وهفضل اذاكر زي منا اكتر ان شاء الله علشان ارتب على الدفعة)
بس مش اتصل النهرده بينا ولا حاجة اتصل وكنا مشغولين فأختي قالتله يا بابا بنجهز شنطة اخويا عشان مسافر لشغله دلوقت قالها ماشي هتصل بيكم اما تخلصوا ومش اتصل بعد المرة دي
المهم يوم الاحد كانت والدتي طبعا زعلانة ومتعصبة عليا اووووووووي اووووووووني مش انتي ومش بتكلمني
انا مرحتش الكلية النهرده (الاثنين) وماما مش كلمتني ورنيت عليها عشان اسألها عن حاجة لقيتها عاملة الموبايل خاصية غير متاح فبعت لها رسالة بالنص الاتي
انا اسفه مش تزعلي مني والله زعلك على عيني مش انتي راحتي وسعادتي يهموكي عشان بنتك؟ انا كده مرتاحةوسعيدة بالنقاب يا احلى ماما ف الدنيا يا غالية.انا سعيدة لان حاسة اني جوهرة ماشية محدش شايفني الا اللي خالقني ومبسوطة اني مش بفتن حد بسببي يا غالية وبحافظ على اي شب انه يتفتن بسببي يا ماما ولا ايه؟ الايمان ف القلب اه بس برده الايمان هو ما بطن ف القلب وصدقته الجوارح يعني اللي ف قلبي تطبقه جوارحي ياغالية
بجد متزعليش عوزاكي ترضي عني وتفرحي بيا
طب انا ايه يضمني اني هعيش لحد ما اتجوز ووابقى البسه؟محدش ضامن عمره ياماما ومين عالم ممكن اموت شباب ومتفرحيش بيا وبجوازي ولو خايفة على العريس فالشخص اللي هيجي علشان احترامي وتديني افضل من الشخص اللي هيجي عشان جمالي ولبسي.بنتك الغالية
فجت من الشغل كلمتني عادي جداااا وكأن مافيش اي حاجة الحمد لله وهزار عادي سوا
ودلوقت بقى بقول لختي ان شاء الله بكرة هنزل معاكي وانتي رايحة المدرسة عشان اروح الجامعه وكده
فماما قالتلي انتي هتلبسي ايه بكرة الاسدال والنقاب صح؟قلتلها اه ياماما ان شاء الله قالتلي خلاص طالما هتلبسي النقاب البسيه بما يرضي الله ويكون اللون اسود او بني واسدالات مش عبايات بقى قلتلها حاضر يا ماما وفرحت بكلامها ليا ده
جت بتقول يلا خير انا غضبانة عليكي بس ده بصوت واطي بس انا سمعته قلتلها يعني مش راضيه عني يا ماما قالتلي لا مش راضيه عنك وهفضل غضبانة عليكي لحد ما اموت قلتلها لي بس يا ماما بقى قالتلي انا زي اي ام بتمنى اشوف بنتي بنوتة ولابسه الوان وعبايات عادي واتهنى بيها فانا ضحكت وقلتلها يا ستي اتهني باختي( انا عندي اختين واحده اولى اعدادي وواحده 3 ابتدائي) فضحكت وقالت ماشي هتهنى بيها يا..... وقالت اسمي
انا زعلانة عشان قالتلي مش راضيه عني مش عارفه اعمل ايه يا والدي انصحني للصواب

[مراقب قسم سرك فى بير]

رد: اسمحلي اناديك بوالدي يا والدي

السلام عليكم ورحمة الله وبركاته

يشهد الله أنني سعيد بكم سعادة لا يعلمها إلا الله وحده

ولقد كنت مرهقاً بعض الشيء ولكني عندما رأيت ردكم وقرأت كلامكم

قررت أن أرد عليكم وأقول لكم بأن كلامكم هذا دعوة لكل بنات المسلمين

بأن يفعلن ما فعلتم.. أفرحكم الله وأسعدكم في الدارين

ونصيحتي لكم أن تحافظوا على ما أنتم عليه

فلقد كسبتم رضا الله والله أعلم

وسوف يرضى والديك ولا تتركي الدعاء لهم

وأنصحك حتى تثبتي على ما أنتم عليه

إبدأي بالدعوة إلى بنات المسلمين حتى يتشبهن بأمهات المؤمنين

هنيئاً لكم يا إبنتي ومبارك عليكم والله

هذا اللباس أراده الله لكن فخذن بما إرتضى لكن الله

حتى تفزن برضاه

بارك الله فيكم يا إبنتي

[ابنتك الغالية]

رد: اسمحلي اناديك بوالدي يا والدي

جزاك الله عني خير يا والدي والله كلام حضرتك بيريحني بفضل الله
ارجو الدعاء لي بالثبات والتيسير ولأهلي بالهداية وتليين قلوبهم لي ورضاهم عني
سأبلغكم بكل جديد حدث معي اول بأول ان شاء الله تعالى

[فريق استشارات سرك فى بير(الأخوات)]

رد: اسمحلي اناديك بوالدي يا والدي

جزاك الله عني خير يا والدي والله كلام حضرتك بيريحني بفضل الله
ارجو الدعاء لي بالثبات والتيسير ولأهلي بالهداية وتليين قلوبهم لي ورضاهم عني
سأبلغكم بكل جديد حدث معي اول بأول ان شاء الله تعالى

وجزاكم الله مثله يا إبنتي

وأسأل الله لنا ولكم الثبات الثبات

ونحن نطلب منك الدعاء لنا بكل خير

وستظل هذه الصفحة لكم

ونحن بانتظار أخباركم الطيبة بإذن الله

[ابنتك الغالية]

رد: اسمحلي اناديك بوالدي يا والدي

السلام عليكم ورحمة الله وبركاته
والدي اناحزينة نفسيا جدا من اسلوب والدتي معايا هي اه مش ضربتني اما واجهتها اني لبست النقاب زعقت بس وكلام من اللي عارفينه الله المستعان واجاركم الله صبرت وتماسكت امامها وبكيت في غرفتي بمفردي
واليوم وانا نازلة كليتي ولابسة النقاب الحمد لله رايحة اسلم عليها وابوس ايديها واقولها اني خارجة دلوقت يا ماما راحت اتضايقت وكلمتني وحش وقالتلي ارفعي النقاب يا بنتي وانتي ف البيت واما تخرجي نزليه بس بأسلوب يعني مش كويس
ياه ع اللي حسيته اما قالتلي كده قلتلها حاضر ياماما ونزلت عنيه مدمعة ومخنوووووووقة جداواما نزلت افتكرت اني نسيت حاجة ف البيت وانا كنت ف اول شارعنا برن عليها علشان اقولها تبعت اختي بالحاجة دي مردتش عليا رحت اتصلت ع الارضي واختي رد ونزلتلي
بجد انا تعباانة جدا نفسيا من اسولبها معايا كده والله بدعيلها ف صلاتي بالهداية وان ربنا يلين قلبها ليا
والدي اتصل النهرده من شوية حالا قبل ما اكتب ومش علق معايا على اني لبست النقاب وكلمني عادي كأن مفيش حاجة الحمد لله انا كنت خاااايفة من رد فعله ربنا يستر اما يرجع من سفره ورد فعله ده ميتغيرش


عندي استفسار يا والدي انا يعني لون عنيا ملفت للنظر يعني اول يوم لبست النقاب صحباتي ف الكلية عرفوني من عنيا... انا نفسي اغطيها والله بس مش قادرة لأن نظري ضعيف الحمد لله ولابسه نظارة فبلبس النقاب وفوقه النظارة صغيرة كده مش كبيرة ... ووانا لابسة النقاب ف الكلية ف بعض الشباب علقوا على عنيا يعني زي معاكسات كده
للعلم قبل ما البسه مكنش حد بيكلمني الأن مكانتش ظاهرة وشي كله كان ظاهر فمداري ع لون عنيا شوية بس دلوقت هي اللي ظاهره بس فالنقاب ظهر لونها اكتر
فأنا خايفة يكون عليا ذنب اني مش مغطياها وانا عارفه ان الشباب والبنات بيتفتنوا بيها... افيدوني يا والدي وادعو لي
اسال الله لكم التيسير والثبات وان يفرج الله كربكم ويزيل همكم ويبارك في عمركم ويحسن خاتمتكم ويجعلكم من حملة كتابه... اللهم امين

[فريق استشارات سرك فى بير(الأخوات)]

رد: اسمحلي اناديك بوالدي يا والدي

انتظرى الرد غدا ان شاء الله

[ابنتك الغالية]

رد: اسمحلي اناديك بوالدي يا والدي

يا والدي انتظر الرد بارك الله فيك
عسى الله تكون بخير

[فريق استشارات سرك فى بير(الأخوات)]

رد: اسمحلي اناديك بوالدي يا والدي

بِسْمِ اللهِ الرَّحْمَنِ الرَّحِيمِ
الأُخْتُ السَّائِلَةُ الكَرِيمَةُ
السَّلاَمُ عَلَيْكُمْ ورَحْمَةُ اللهِ وبَرَكَاتُهُ
بِدَايَةً: نَعْتَذِرُ عَنْ غِيَابِ وَالِدنَا الفَاضِل لانْشِغَالِهِ بأُمُورٍ أُخْرَى.

ثَانِيًا: بخُصُوصِ مُشْكِلَتكِ مَعَ وَالِدَتِكِ، فهذا أمْرٌ طَبِيعِيٌّ يَحْدُثُ كَثِيرًا بَيْنَ المُلْتَزِم وبَقِيَّة أفْرَاد عَائِلَتِهِ غَيْر المُقْتَنِعِين بالْتِزَامِهِ، فَالصَّبْر الصَّبْر يَا أُخْتَاه، وهذا ابْتِلاَءٌ لاخْتِبَارِ صِدْق نِيَّتكِ في النِّقَابِ، وأنْصَحُكِ بمُرَاجَعَةِ الرَّابِط التَّالِي، فَفِيهِ مُشْكِلَة مُشَابِهَة:
https://forums.way2allah.com/showthread.php?t=154236

ثَالِثًا: أمَّا بخُصُوصِ عَيْنَيْكِ، فَالعُلَمَاء (حَتَّى القَائِلُونَ بعَدَمِ وُجُوب النِّقَاب) مُجْمِعُونَ عَلَى تَغْطِيَتِهِمَا إذا سَبَّبَتَا فِتْنَة، ووَاضِحٌ مِنْ كَلاَمِكِ أنَّ الفِتْنَةَ يَقِينِيَّة لا ظَنِّيَّة، لِذَا وَجَبَ عَلَيْكِ تَغْطِيَتهمَا، إعْمَالاً لقَوْلِ الله تَعَالَى [ يُدْنِينَ عَلَيْهِنَّ مِن جَلاَبِيبِهِنَّ ذَلِكَ أَدْنَى أَن يُعْرَفْنَ فَلاَ يُؤْذَيْنَ ].

رَابِعًا: بخُصُوصِ ضَعْف النَّظَر، فَيُمْكِنكِ اخْتِيَار نَوْع قُمَاش رَقِيق غَيْر سَمِيك تُسْدِلِينَهُ عَلَى وَجْهِكِ، فَتَجْمَعِي بَيْنَ الأمْرَيْنِ، سَدّ الفِتْنَة والرُّؤْيَة الجَيّدَة، والصُّوَر التَّالِيَة تُبَيِّن لَكِ أنَّ هُنَاكَ دَرَجَات مُخْتَلِفَة في سُمْكِ النِّقَاب ليُنَاسِب كُلّ حَالَة.

وهذا مَا أعْلَمُ، واللهُ تَعَالَى أعْلَى وأعْلَمُ.
والسَّلاَمُ عَلَيْكُمْ ورَحْمَةُ اللهِ وبَرَكَاتُهُ