إعـــــــلان

**الى والدى العزيز** · 14-12-2011, 11:46 PM

رد: الى والدى العزيز

نسيت اقول بردو على موضوع الصحبه الصالحه او الاصدقاء عموما

انا تقريبا كان فى فئه كبيره جدا تعرفنى
لما بدات التزم واصلى اول مرة نصهم بعد عنى والنص التانى انا اللى بعدت عنهم

مش فاضل الا صديق واحد اللى اعرفه من فتره اكتر من5 سنين وصاحبى دة كان بدا يلتزم ويصلى لكن انتكس هو كمان
المشكله ان صاحبى دة من الادمغه الصعيدى الناشفه اللى اللى مهما تنصح فيهم وتكلم مفيش بردو انا بحاول معاه بس خايف اسسيبه اتحاسب عليه وخايف افضل معاه يرجعنى عن اللى انا فيه
كان فى صديق تانى بحبه بردو لما سمعت عنه اخبار وحشه وانا منتكس وعرفت انه دخل فى طريق الزنا
مسكته وجبته هو واقرب الناس ليه وحاولت اقف معاه لكن لما لقيت نفسى بدات افتن والشهوة تثار داخلى بعدت عنه خصوصا انه كان بدا يبعد عن الطريق دة نهائى
ف دلوقتى تقريبا مفيش صحبه اصلا

14-12-2011, 11:58 PM

رد: الى والدى العزيز

السلام عليكم ورحمة الله وبركاته ...
أهلاً بكم اخانا الكريم فى بيتكم الثانى الطريق الى الله
ومعذرة مننا فى التدخل ولكن أردنا المشاركة فى النصح والثواب
انا حتكلم مع حضرتك بلعامية

انت حاطط خطة لحياتك ؟
واضح من كلامك انه لأ
يعنى بلبلدى (زى ما الدنيا تيجى معاك )
وده من أكبر الاسباب اللى تجعل الانسان يشعر انه فاشل وملهوش لزمة فى الدنيا
لااااااااااااااازم تكون عندك خطة ايمانية
1-انك تزود الصلاة من فروض لنوافل
2- انك تعمل وتسعى انك تخدم دينك سواء بدعوة او انك تبقى انسان ناجح فى عملك وده حيعود على المجتمع اللى انت عايش فيه
حجات كتيييييييير ممكن تكون انت عاوزها لكن واقف مكانك وبتحكم على نفسك بلفشل
عشان كده لما بتتقدم خطوة بترجع الثانية
فين رؤيتك فى حياتك يا اخى ؟وبعدان مفيش حاجة اسمها اجرب وافشل يبقى ابعد
لأ انت لازم يكون عندك أصرار حتى لو فشلت مليون مرة لو عاوز حاجة صدقا بلاستعانة بالله
والعزيمة الصادقة حتوصل يا اخى
وبعدان لا ترسل افكار سلبية لدماغك
زى انا لا اصلح لأى حاجة
عاوزين افكار ايجابية
زى انا ححاول وحقدر اوصل لهدفى ان شاء الله
انا انسان مسلم يبقى لازم اعمل بهذا الحديث
عَنْ أَبِى هُرَيْرَةَ رضي الله عنه قَالَ قَالَ رَسُولُ اللَّهِ صلى الله عليه وسلم « الْمُؤْمِنُ الْقَوِىُّ خَيْرٌ وَأَحَبُّ إِلَى اللَّهِ مِنَ الْمُؤْمِنِ الضَّعِيفِ وَفِى كُلٍّ خَيْرٌ احْرِصْ عَلَى مَا يَنْفَعُكَ وَاسْتَعِنْ بِاللَّهِ وَلاَ تَعْجزْ وَإِنْ أَصَابَكَ شَىْءٌ فَلاَ تَقُلْ لَوْ أَنِّي فَعَلْتُ كذا كَانَ كَذَا وَكَذَا. وَلَكِنْ قُلْ قَدَّرَ اللَّهِ وَمَا شَاءَ فَعَلَ فَإِنَّ لَوْ تَفْتَحُ عَمَلَ الشَّيْطَانِ ».صحيح مسلم

فااااااااااااااااهم يا اخى لازم تحاول وتحاول الى ما لانهاية
وشيل من دماغك فكرة انا عايش وخلاص ومش عاوز حاجة من الدنيا
الاسلام يا اخى ليس بدين رهبانية عشان تفضل عايش فى فكرة (انا مش عايز حاجة من الدنيا )
لأ انت لازم تبقى عندك اهداف
وقبل الاهداف وسائل
اسعى فى دراستك وطور نفسك على جميع المستويات الدينية والثقافية والمهنية
وبعدان محدش يعلم الغيب
حضرب لك مثال
من كام يوم حضرت لمدرب تنمية بشرية
مشهور جدا ومهنته سبب فى انه اصبح ثرى
قال انا زمان كنت اعد فى مدرج المحاضرات واقول المواد اللى احنا بندرسها دى حنعمل بيها ايه
المهم اتخرج وقرر انه يشتغل ادرب الى ان وصل لمدرب تنمية بشرية
وسافر واعطى محاضرات ونجح وفتح مدرسة تنمية بشرية وألف كتاب
لا بلوسايط ولا أى شيء سوى انه قرر يغير نفسه الى الاحسن ويقف مع نفسه وقفة
انت لازم تقف مع نفسك وتجيب ورقة وقلم واكتب
الاشياء او الاهداف اللى انت عاوزها
فى حياتك على المستوى الدينى
والشخصى
والمهنى
والعلمى ألخ ألخ
وحقولك ان طريق النجاح مش مفروش بلورد لازم حتتعب عشان توصل وربنا يوفقك
والسلام عليكم ورحمة الله

**الى والدى العزيز** · 15-12-2011, 12:12 AM

رد: الى والدى العزيز

حاليا دة اللى بحاول اعمله فعلا

لكن انا هبطان اوى من الجرى قبل كدة
حضرتك متخيل يعنى اية بقالك 7 سنين بتحاول تنجح ف اى حاجة انا حطيت فعلا خطط قبل كدة وبدات ف تنفيزها لكن الغالب دايما انى كنت بنهزم فى اول خطوة عملى

اللى مشجعنى انى دى اول مره ببدا فيها الخطه علشان اوصل لربنا مش لدنيا

15-12-2011, 12:19 AM

رد: الى والدى العزيز

خلاص كده تمام
ابدأ بلخطة الدينية وربنا حيعينك على الخطط الباقية
بس لازم تحاول وتحاول ولا تيأس ابدااااااااااااا
وربنا يوفقك
ولو عاوز اى نصيحة او مشورة كلنا هنا عشان خدمة المسلمين
وانتظر رد والدنا الكريم مراقب سرك فى بير

**غير مسجل** · 15-12-2011, 12:54 AM

رد: الى والدى العزيز

جزاك الله كل خير
منتظر الرد ان شاء الله

**مراقب قسم سرك فى بير** · 15-12-2011, 05:21 AM

رد: الى والدى العزيز

السلام عليكم ورحمة الله وبركاته

حياك اله يا ولدي الحبيب

وأنا آسف على تأخري بالرد عليكم

وبصراحة أنا لاتعقيب عندي على كلام زميلنا الفاضل من فريق الإستشارات

اللي رد عليك قبلي وكلامه بصراحة حمسني أشتغل وأرد عليك

لكن أنا حاب أدردش معاك شوية

نتكلم بداية في قصة الفشل

بالنسبة للمسلم المؤمن مفيش حاجة في حياة إسمها فشل

لماذا ؟؟؟ لأنه مسلم ومؤمن بالله وهذه أكبر نعمة في الوجود

ومن حاز وفاز بهذه النعمة يكون ربنا راضي عنه وهل من المعقول

أنه اللي ربنا راضي عنه يكون فاشل مستحيل...

طيب ليه أنا بشعر بالفشل؟؟؟؟

هو ده بيت القصيد أنا مسلم وبعرف ربنا وبصلي وبصوم

وأحاول أكون ملتزم لماذا أشعر أنني فشلت

السبب أن هذه وساوس وهمزات ولمزات من الشيطان

علشان يخليك تحس بالفشل ويحبطك ويخليك تحس

أن صلاتك وقربك من الله مش بينفع وانك فاشل في كل حاجه

وهو كمان عاوز يخليك تحس أنك من أهل النار وانك كافر

وهو عاوز يسدها في وجهك من كل الجوانب

ياااااه كل ده؟؟؟

أكيد لأنه حاقد على بني آدم منذ خلق سيدنا آدم عليه السلام

{إِنَّ الشَّيْطَانَ لَكُمْ عَدُوٌّ فَاتَّخِذُوهُ عَدُوّاً إِنَّمَا يَدْعُو حِزْبَهُ لِيَكُونُوا مِنْ أَصْحَابِ السَّعِيرِ}.

وقد أخبرنا الحبيب صلى الله عليه وسلم أن الشيطان يجري من إبن آدم مجرى الدم

يعني بيدخل في عروقك ويدخل للقلب ويلعب ويبث فيه سمومه

وكمان بيدخل للدماغ ويلعب في المراكز العصبيه

ويثير شهوتك ويكسلك عن صلاتك...

إذن عرفنا عدونا وعرفنا أننا في حرب مع عدو الله

عاوزين أسلحة دفاعية ؟؟؟ وهجومية كمان كله موجود بفضل الله...

أخبرنا الحبيب صلى الله عليه وسلم عن رب العالمين قال:

أنا مع عبدي ما ذكرني وتحركت بي شفتاه

ربنا معانا ؟؟؟ نعم معانا ما دمنا نحن نذكره ونعبده بحق..

وساعتها مين الشيطان ده اللي يقدر يصوب ناحيتنا

وإحنا معانا جبار السموات والأرض

إذا أنا جندي من جنود الله؟؟؟ نعم..إذن أنا لست فاشل

ولي هدف واضح منذ خلقني الله ؟؟ نعم

وهل هنالك أسمى وأروع من هدف أنني أكون محارب للشيطان

وداعية إلى دين الله وهذه وظيفة الأنبياء والرسل عليهم السلام

طيب إيه الحل لمشكلتي أنني أحس بالفشل

وخايف أعصي ربنا؟؟؟؟

الإيمان محله القلب يا ولدي

ويزيد وينقص يزيد بالطاعات وينقص بالمعاصي

والحل بتاعك سهل جدا لأنك من خلال كلامك أنت على خير والحمد لله

أنا بعرف ناس مشلوله ولا يفارق الفراش

ويبول ويبرز على فراشه ولكنه لم يحس بالفشل

بل هو من أكبر الدعاة إلى الله وهو عضو معروف في منتدانا

وكتاباته تبهر أهل العلم ما شاء الله

ولم يحس بالفشل... ولكن الله أنعم عليك بالصحة والعافية

أنت بحاجة وقفة مع نفسك وفي لحظة تخيل الحل بتاعك في لحظة

تقول يا رب أنا بدأت من جديد تبت إليك يا رب

إنتظم في صلاتك إبتعد عن رفقة السوء ولا تنساهم من دعوتك

أطلق لحيتك كن داعية إلى الله

وقتها ستعرف قيمة نفسك

وسأسألك سؤال : هل يكون الذي وفقه الله وهو دائما مع الله فاشل؟؟؟!!

مستحيييل.. كن صاحب كلمة وعزيمة جامدة وهمة عالية وشخصة رجل مؤمن بالله

وابدأ من جديد ولن يخذلك الله فهو جل في علاه أرحم بنا من أنفسنا

ولا تقل أنا جربت حاجات كثيرة وفشلت

بل قل للشيطان أنت فشلت في تحطيمي وأنا سأحطمك

لأنه الشيطان مغتاظ منك ومقهور منك لأنك تبحث عن الحق

وهو مش عاوزك كده هو عاوزك تكون محطم وحاسس بالفشل على طول

الدراسة كن مع الله سيوفقك ولن يخذلك

الحب هذا إجعله كله لله نعم فليكن الله أغلى محبوب في قلبك

وهل الذي يحب الله ..فاشل في الحب؟؟!!

الأصدقاء إبدأ دعوتك إلى الله وسوف يجعل الله لك الناس تجري خلفك لصحبتك

وخلي إبتسامتك واسعه على وجهك فهذا سلاح ذو حدين..

الإلتزام الصح كل اللي قلناه طبقه وهذا هوالإلتزام الصح

وخذ مني هذه الوصفة أعطيها لكل زائر فهي علاج للقلوب وفيها طريق السعادة

تقوم في الثلث الأخير من الليل توضأ وأحسن الوضوء

وعلى سجادتك إرمي كل الدنيا خلف ظهرك وقل الله أكبر

نعم الله أكبر من الشيطان والله أكبر من كل الدنيا وما فيها

وأصلي ركعتين في خشوع وطمأنينة وسكينة

بعدها إقرأ ما تيسر من القرآن

وبعدها أدعو الله ماشئت من خير وابكي وأكثر البكاء وأقبل بقلبك على الله

وكن لحوحا في الدعاء فإن الله يحب العبد اللحوح في الدعاء

وتذلل إلى الله وأطلب ما شئت من خير

وصدقني يا ولدي لن يخذلك الله ما دمت معه جل في علاه

وأنا بانتظار أخبارك الطيبة بإذن الله

أحبك في الله يا صديقي وحبيبي في الله