ارجوكم حد يساعدنى

[غير مسجل]

السلام عليكم ورحمة الله وبركاته... منتدى الطريق الى الله ..انا شاب بس مش عارف زى كل الشباب ولا لا ...لانى مبقتش انا عارف انا مين...كويس ولا وحش ..لا انا مع الشباب اللى بيعصى ربنا ليل نهار وفى معاصى ولا انا مع الصالحين ..انا وصلت انى بحس انى شيطان.. لانى بقيت الاتنين فى بعض كويس ووحش بعمل كل التصرفات الوحشه اوى والكبائر وبرضو بعمل تصرفات كويسه....انا عندى 21 سنه فى كليه وانت عارف يعنى ايه كليه وخصوصا الايام دى .. الكليه مبقتش مكان للتعلم ..بقت مكان لتعلم وعمل المعاصى من بنات وولاد مع بعض فى اوحش الاوضاع لخمره ومخدرات وكل حاجه...الحكايه ابتديت من ثانوى..3ثانوى لما ابدت المعصيه اللى فيها واللى هى اكبر مصيبه فى حياتى ..الزنا ...زنيت مع البنت اللى بتيجى عندنا البيت تساعد والدتى فى شغل البيت..حاولت مليار مره انى ابعد بس مقدرتش..لغاية ما دخلت الجامعه.. وهنا كانت المصيبه واللى زود المشكله انى بعرف اتكلم حلو جدا جدا وكمان شكلى كويس لحد ما ومش عارف اول الحمدلله على انهم نعمه ولا ايه لانهم بسببهم وصلت لابشع المراحل..فكنت قادر اجذب اللى ادامى بسرعه جدا بكلامى واقنعوا باللى انا عيزوا فبسرعه عرفت بنت واتنين وتلاته .. وزنيت معاهم كلهم وبقوا يعملوا اللى انا عيزوا وفى نفس الوقت اللى انا فى كده كنت بحب بنت خالتى ارتبط بيها ومعاها عرفت الحب الطاهر النضيف الحلال وهى مليه عليا حياتى ..بس كان عندى قدره غريبه جدا انى اكلم التلاته فى نفس الوقت ومن غير ما اى واحده تحس انى مش معاها..بكون بكلم خطيبتى باحلى واطهر كلام وفى نفس الثانيه بكون بتكلم بابشع الكلام والافعال مع التانين.. وكنت بخرج معاهم ووووو لدرجه انى صدقت انى عندى انفصام فى الشخصيه انى ازاى قادر اكون بعمل كده فى نفس الوقت ازاى كل الناس بتثنى عليا وعلى اخلاقى وتريبتى وبحب اعمل احسن المواقف مع الناس وفى نفس الوقت بكون بعمل كده مع البنات دول.. بصوم النهار وبصلى واقراء قران واسمع دروس دينيه بمجرد الفطار اتحولت 180 درجه وبقيت واحد تانى وحتى مصليش المغرب والعشا... بكون بقرا درس دين وانا مشغل اغنيه بحبها.هتولى جربت تبعد عنهم هاولك كتير جدا ومعرفتش ..حاولت اعمل كل حاجه كسرت شريحة الموبيل منزلتش الجامعه مفتحتش النت مردتش على تلفون البيت...ونجحت وبعدوا عنى التلاته كنت مبسوط وطاير مكنش فاضل غير البنت اللى بتيجى هنا البيت اولت مش مشكله وواحده واحده هبعد عنها هى كمان ...مش هتصدقنى لو اولتلك انى بنفسى رجعت ادور على البنات دول تانى ..والى يبكى ان فيهم مكنتش عايزه ترجع تانى ..لكن قدرت اقنعهم باللى انا عايزوا ورجعوا وبقوا يعملوا اللى انا عايزوا اى كان ايه هو... لدرجه انى بقيت اخاف من نفسى ومن اللى بقيت اقدر اعملوا ....بقيت ازنى وانا مش حاسس باى حاجه خالص وبقيت بعمل كده وانا مش عايز خالص .. وكل مره بكون بعمل كده بكون مستنى عقاب ربنا لدرجه انى فى مره اولت ابعتلى العقاب لانى عارف انى استاهل العقاب . بس ارجع وادعى ربنا لا متعقبنيش متحطنيش فى اختبار جامد اوى مش علشانى انا مستهلش انما علشان اهلى ..هتولى ابعد عن اصحاب السوء .. معنديش اصحاب اصلا هتولى حاول تشغل وقتك ..انا معنديش وقت فاضى خالص ..بشتغل وباخد كورسات وبدرس معنديش اى وقت فراغ خالص..انا مش لاقى حل وحاسس انى بموت..وكل اللى بدعى ان ربنا ميعقبتيش عقاب جامد اوى بس والله علشان اهلى مش علشانى انا...اسف لو كنت طولت ..ياريت حد يسعدنى ويولى الحل ايه وازاى اثبت لانى برجع علطول تانى ..وانا نفسى مرجعش

[مراقب قسم سرك فى بير]

رد: ارجوكم حد يساعدنى

ازاى اثبت لانى برجع علطول تانى ..وانا نفسى مرجعش

السلام عليكم ورحمة الله وبركاته

حياك الله يا ولدي

وقبل أن أجيبك أريد منك أنت أن تجيبني

هل تريد المساعدة بحق؟؟؟؟

[فريق استشارات سرك فى بير(الأخوات)]

رد: ارجوكم حد يساعدنى

السلام عليكم ورحمة الله وبركاته ..
أهلاً بكم اخانا الكريم فى بيتكم الثانى الطريق الى الله
بداية نسأل الله ان يهديكم ويشرح صدوركم
ويبعدكم عن طريق الضلال
بس عاوزين نتكلم بصراحة

فى فرق ما بين نفسى أتوب ...

كمجرد حاجة بتتمنها ومش عاوز تتعب عشان توصل ليها

و بين عاوز أتوب ومصمم ..

وعندك استعداد تحاول بكل قوتك عشان تتوب

ربنا سبحانه و تعالي بيقول في سورة الرعد :

"إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ"

فلازم عشان ربنا يساعدنا علي التغيير نبدأ و لو بخطوة بسيطة نغير نفسنا

فإن شاء الله لو ناوي بجد فربنا غفور رحيم

ولكن ناوي بجد دى تساوى كتييير

= الغاء أى إيميل كنت استخدمتيه فى الكلام مع واحدة أو أى عضوية فى منتدى مش كويس بتغيير الباس وورد لباس وورد عشوائى طويل بحيث لا تستطيعى فتحها مرة أخرى

= التخلص من أى ايميلات أو أرقام تليفونات تعرفها بتاعت بنات

= تغيير رقم تليفونك اللي كنتي بتتكلم منه (بإتلاف الشريحة ..والتنازل عنها لو كانت باسمك )

حتى تقطع على نفسك أى مدخل من مداخل الشيطان

عدم ادخال الخادمة البيت مرة أخرى
لانها سبب رئيسى انت بتجيب النار قرب الكبريت
وتقول انا خلاص توبت ومش حقرب لها
يبقى بتضحك على نفسك لأنك لسة بتبنى مبنى الايمان جواك
وسبب انك تزنى مع البنات التانين
لاااااااااااااازم البنت دى متدخلش البيت

لإنك النهارده ممكن تكون قوي ...لكن بعد شوية لو فى أى وسيلة ممكن توصلك لحد كنت تعرفه ممكن جداً تضعف تاني و تقع من جديد

اقطع أى طريق ممكن يرجعك

= إنك تبدأ من جديد وكلك ندم على اللى فات

= إنك تحاول تقرب من ربنا بكل قوتك

= إنك لازم تغير أفكارك وحياتك

= تحاول يبقى عندك صحبة صالحة


واياك والقنوط واليأس من رحمة الله
واليأس من تغيير نفسك

فإياكِ والقنوط ، فده أسهل مدخل للشيطان إنه ييأسك ويقولك مفيش فايدة ، ربنا مش هيقبلك ، إنتي أسوء بكثير من إنه يغفر لك ، إزاى هترفعي ايدك وتقوليله اغفر لي بعد اللي عملته ، حياتك ادمرت ، مفيش فايدة فيك .و.......................و..........
الشيطان مش بيسيب الواحد في حاله و بيحاول يقنعه إنه خلاص مش هيقدر يغير نفسه و يتوب ، و يقول للإنسان ماتتعبش نفسك كل شوية لإنك كل شوية بتتوب و بتقع تاني ، فإيه الفايدة ، كده كده هتقع تاني .

كل ده عشان يوصل معاك لنتيجة واحدة إنك تيأس من إصلاح نفسك فترجع للذنوب من تاني ويفتح لك أبواب ذنوب أكبر وأكبر لحد ما تضيع خالص وكل ما تفكر في التوبة يقولك مفيش أمل فترجع أسوأ

فهل إنت هتستسلم للشيطان ؟؟؟
هل عاوز توصل لكده !!!

لو إنت فعلاً عاوز تتوب وعاوز طريق ربنا

أبشر

ربنا كرييييييييييييييييم جداً

و كل ما تقرب خطوة من ربنا ، ربنا سبحانه و تعالي الكريم هيقبل عليك إن شاء الله

لإنه قال في الحديث القدسي :

"ومن تقرب إلي شبراً تقربت منه ذراعاً، ومن تقرب مني ذراعاً تقربت منه باعاً، ومن أتاني يمشي أتيته هرولة "

لإن ربنا سبحانه و تعالي غفور رحيم و باب التوبة مفتوووووووووووح كل يوم و كل ساعة و كل لحظة ، في أي وقت ، لحد يوم القيامة .

و ربنا وعدنا بمغفرة الذنوب مهما فعلنا و حتي لو فعلنا كل الذنوب و المعاصي اللي في الدنيا كلها

ربنا سبحانه و تعالي بيقول في سورة الزمر :
"قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ"

وركز مع كلمة أسرفوا

يعنى عملوا ذنووووووووووووووب كتييييييييييييييير

أسرفوا

مش أذنبوا

مش عصوا

لا
كانوا أكتر من كده بكتير

أسرفوا

ومع كده سبحان الله

إن عادوا وصدقوا فى التوبة

فإن الله غفور رحيم

كل ده كرم ورحمة من ربنا
وكل ده لا يدعو لليأس من رحمته بل للإقبال عليه

لكن

زي ما ربنا غفور رحيم برضه ربنا شديد العقاب

وإنه برغم إنه حلييييم وصبور

لكن

اتقِِِِ شر الحليم إذا غضب

فلا يغرك حلم الله وستره

فقد أمهلكِ كثيراً ....

ستر القبيح وأظهر للناس الجميل ...

ولكن لا يدعوك حلمه للمزيد من معصيته

{وَكَذَلِكَ أَخْذُ رَبِّكَ إِذَا أَخَذَ الْقُرَى وَهِيَ ظَالِمَةٌ إِنَّأَخْذَهُ أَلِيمٌ شَدِيدٌ} [هود : 102]

{أَفَأَمِنَ الَّذِينَ مَكَرُوا السَّيِّئَاتِ أَنْ يَخْسِفَ اللَّهُ بِهِمُ الْأَرْضَ أَوْ يَأْتِيَهُمُ الْعَذَابُ مِنْ حَيْثُ لَا يَشْعُرُونَ}[النحل : 45]

{فَكُلًّا أَخَذْنَا بِذَنْبِهِ فَمِنْهُمْ مَنْ أَرْسَلْنَا عَلَيْهِ حَاصِبًا وَمِنْهُمْ مَنْ أَخَذَتْهُ الصَّيْحَةُ وَمِنْهُمْ مَنْ خَسَفْنَا بِهِ الْأَرْضَ وَمِنْهُمْ مَنْ أَغْرَقْنَا وَمَا كَانَ اللَّهُ لِيَظْلِمَهُمْ وَلَكِنْ كَانُوا أَنْفُسَهُمْ يَظْلِمُونَ}
[العنكبوت : 40]

فبادر بالتوبة واحذر من اليأس قبل أن تتمنى أن تتوبى ولكن يكون ساعتها قد فات الأوان !

اسمعى قوله تعالى

((ففروا إلى الله ))

اهرب من ذنوبك وضعفك وخطأك بالعودة إليه..

ارجع بقوة واقطع كل علاقتك بأى شىء يغضبه..
ارجع له تائب وهو أكرم بكثيييييييير من أن يرد تائباً...

بل سبحانه يفرح بتوبة عبده

ربنا قال في الحديث القدسي :

"يا ابن آدم لو أتيتني بقراب الأرض خطايا، ثم لقيتني لا تشرك بي شيئا لأتيتك بقرابها مغفرة "


و ده يبين لنا أد إيه سعة فضل ربنا و رحمته لما العبد بيتوب إليه حتي لو كان عمل كل الذنوب اللي في الدنيا ، و ربنا مش بيتوب عليه و بس ، ده كمان بيبدل سيئاته حسنات

بس أهم حاجه يبقى فعلا عاوز يرجع لربنا

لن تجد السعادة إلا فى طاعته

ولن تجد الأمان إلا فى القرب منه
إنت هتفضل تايه جداً وضايع وتعيس وذليل لو فضلت بعيد عنه
وهتحس بالسعادة والراحة لو رجعت له يمكن إنت مش متخيل قدر السعادة دى لإنك مجربتيهاش
لكن اقرى الموضوع ده

أكيد فى سر !!!!!!!!!!

هو ممكن يقبلك بعد كل ده ؟؟

آه ممكن
ممكن جداً

فى قصة واحد اتذكرت فى حديث


(((قصته كانت عن واحد قتل 99 واحد وكان عاوز يتوب فراح لواحد و قاله أنا قتلت 99 ممكن ربنا يتوب على ؟ فقاله لأ
فراح قتله (لإنه حس إن كده كده مالوش توبة فمش فارقه )
فراح سأل واحد عالم ممكن ربنا يتوب عليا قاله آه ولكن تسيب البلد اللى إنت فيها وكل حاجة ليها علاقة بالمعصيه وتروح بلد تانية بتعبد الله (فعلاً ساب كل شىء ) وهو فى الطريق مات !! مات قبل ما يوصل !!
اختلفت ملائكة العذاب والرحمة مين يقبض روحه
ملائكة العذاب تقول معملش أى طاعة
وملايكة الرحمة تقول كان فى طريقه للطاعة ، فأرسل الله ملاك ليحكم بينهم و قال لهم قيسوا المسافة بين البلدين فلو أقرب لبلد الطاعة ملائكة الرحمة تقبض روحه ولو أقرب لبلد المعصية ملائكة العذاب هى اللى تقبض روحه
ومن رحمة ربنا يأمر بلد الطاعة أن تقترب فيكون أقرب لها فتقبض روحه ملائكة الرحمة)))))

ياترى إنت ناوي على إيه ؟؟

هتسمع كلام الشيطان إنه مافيش فايدة ومالكيش توبة عشان تستمرى بنفس الشكل ؟؟

ولا هتترك كل ما يخص الذنب وتروح لله تائب ؟؟

خلى بالك هو مالحقش يوصل ...
لإن الموت كان أسرع ...

بس من رحمة ربنا عليه
إنه كان بدأ يمشى فى الطريق قبل الموت

ممكن مايكونش فيه وقت ..!!

بس أكيد فى أمل فى رحمة ربنا...

لتحميل نسخة PDF من الكتيب

هنـــــــــــــــــــــا رابط مباشر


لازم يكون عند حضرتك برنامج بيقرأ الـ

PDF

حمل البرنامج ده وصطبه وهيفتح معاك ان شاء الله

سبحان الله وبحمده سبحان الله العظيم

لتحميل نسخة PDF من الكتيب

هنـــــــــــــــــــــا رابط مباشر

لازم يكون عند حضرتك برنامج بيقرأ الـ

PDF

حمل البرنامج ده وصطبه وهيفتح معاك ان شاء الله

سبحان الله وبحمده سبحان الله العظيم

لتحميل نسخة PDF من الكتيب

هنـــــــــــــــــــــا رابط مباشر

فارجع لربنا بكل قوتك واستعيني به واحسن الظن به

فهو أرحم مما نتخيل وأكرم مما نتصور
ان احتجت اى شىء ابواب الطريق الى الله مفتوحة لك
وعجل بزواجك من ابنة خالتك عشان تعف نفسك

[غير مسجل]

رد: ارجوكم حد يساعدنى

عايز مساعده؟؟؟؟!!!!! انا هموت لو محدش ساعدنى خصوصا انى مليش اصاحب ومليش حد يساعدنى ... صدقنى عايز اتوب اوىى بس مش قادر خالص واكتر حاجه بتخوفنى انى لما اتوب وابطل اتاذى من الى حصل ابل كده وحتى لو بعدت بضعف تانى وارجع تانى اللى كنت بعملوا نفسى اتوب واثبت على كده طول حياتى

[مراقب قسم سرك فى بير]

رد: ارجوكم حد يساعدنى

عايز مساعده؟؟؟؟!!!!! انا هموت لو محدش ساعدنى خصوصا انى مليش اصاحب ومليش حد يساعدنى ... صدقنى عايز اتوب اوىى بس مش قادر خالص واكتر حاجه بتخوفنى انى لما اتوب وابطل اتاذى من الى حصل ابل كده وحتى لو بعدت بضعف تانى وارجع تانى اللى كنت بعملوا نفسى اتوب واثبت على كده طول حياتى

[FONT="Tahoma"][/FONالسلام عليكم ورحمة الله وبركاته

حياك الله يا ولدي الحبيب

وقبل ما أكلمك أنا عاوز أحكيلك أنه كل يوم بتكلم مع شباب

بنفس مشكلتك والحمد لله بنتكلم مع بعض وبذكرهم وبيذكروني في الله

وحاب أطمنك يا ولدي أنت على خير بإذن الله

دليل على أنك على خير أنت اللآن بتكلمنا وبتفضفض عن اللي في قلبك

يعني تبحث عن التوبة الإستقامة والإلتزام

وأنا وأنت عاوزين ندردش ونحل مشكلتك السهلة بإذن الله

يا إبني الإيمان محله في القلب ويزيد وينقص

يزيد بالطاعات وينقص بالمعاصي

إذن عرفنا العلاج للقلب وهو الإكثار من الطاعات والتقرب إلى الله

طيب ما هو الشيء اللي بيخلي القلب يضعف ؟؟

الحبيب صلى الله عليه وسلم أخبرنا عن ذلك وقال

إن الشيطان يجري من إبن آدم مجرى الدم

طيب وبعدين؟؟؟ طول بالك يا حبيبي

هذا معناه أن الشيطان بيجري في العروق وبيدخل القلب ويبث سمومه وخبثه

إخص عليه.. هو ليه كده بيكرهنا؟؟؟ لأنه عدونا الأول

{إِنَّ الشَّيْطَانَ لَكُمْ عَدُوٌّ فَاتَّخِذُوهُ عَدُوّاً إِنَّمَا يَدْعُو حِزْبَهُ لِيَكُونُوا مِنْ أَصْحَابِ السَّعِيرِ}.

يعني هو عاوز ينغص علينا حياتنا ويخلينا نعصي ربنا

طيب نخلص منه إزاي علشان نرتاح ونرجع إلى الله ولا نعصيه؟؟؟

سهلة... سهله إزاي؟؟؟ هي كده سهله

لأن الرسول صلى الله عليه وسلم أخبرنا عن رب العالمين قال:

أنا مع عبدي ما ذكرني وتحركت بي شفتاه....

الله أكبر ربنا معانا ربنا جبار السموات والأرض؟؟؟

نعم معانا ومين ساعتها يقدر يصوب ناحيتنا وإحنا معانا الله عز وجل؟؟!!

طيب كلنا عاوزين كده كيف البداية؟؟؟

وكمان ده سهله!!! معقول سهله ؟؟؟ نعم وسهله جدا كمان

الحل يكون في لحظة واحدة فقط

أشد حيلي وأقول في نفسي أنا خلاص رجعت لك يا رب

والدموع نازلة من عيني وأنا ذليل أمام الله

وهمتي عاليه وعزيمة وشخصية قوية

مش شخصية مهزوزة يلعب فيها الشيطان زي ما هو عاوز...

وأبدأ حياة جديدة وأتذكر أنا من عصيت...

أنا كنت بعصي جبار السموات والأرض

وأنا كنت أعصيه وهو شايفني ولم أستحي منه

أنا كنت أعصي وأستغفر في نفس الوقت

يعني كنت أتذكر الله ولكن الشيطان جذبني إليه أكثر...

الشيطان اللي بيكرهك جذبك وربك اللي أنعم عليك لم يجذبك؟؟؟؟!!!!

أنقذ نفسك وبسرعة وأقبل على الله نادماً باكيا مستغيثا...

إهزم الشيطان وإياك ثم إياك أن تموت وأنت على معصية

فكيف ستقف بين يدي الله وأنت هزمك الشيطان الضعيف

الشيطان ضعيف ولا يهزم إلا من هو أضعف منه

وخذ مني هذه الوصفة أعطيها لكل زائر فهي علاج للقلوب وفيها طريق السعادة

تقوم في الثلث الأخير من الليل توضأ وأحسن الوضوء

وعلى سجادتك إرمي كل الدنيا خلف ظهرك وقل الله أكبر

نعم الله أكبر من الشيطان والله أكبر من كل الدنيا وما فيها

وأصلي ركعتين في خشوع وطمأنينة وسكينة

بعدها إقرأ ما تيسر من القرآن

وبعدها أدعو الله ماشئت من خير وابكي وأكثر البكاء وأقبل بقلبك على الله

وكن لحوحا في الدعاء فإن الله يحب العبد اللحوح في الدعاء

وتذلل إلى الله وأطلب ما شئت من خير

وصدقني يا ولدي لن يخذلك الله ما دمت معه جل في علاه

وانت بتحكي أنك مشغول جدا طيب هل سألت نفسك سؤال

كيف أنك مشغول عن طاعة الله وعن عمل صداقات مع شباب طيبين

لأن الشيطان بيشعرك أنك مش فاضي لكن لو فيه موعد معصية الشيطان بيشعرك

أنك فاضي ورايق كمان

هذه رسالتي لك إبدأ من جديد وتب إلى الله وأقبل على بقلب نظيف صادق

وأهم حاجة تسأل الله الثبات وإذا أنت صدقت الله فإن الله معك جل في علاه

وأنا بانتظار أخباركم الطيبة بإذن الله...

ولا تنساني من دعائك بالله عليكT]