إعـــــــلان

**مراقب قسم سرك فى بير** · 13-12-2011, 07:43 PM

رد: يا ليتنى كنت تراباًً

السلام عليكم ورحمة الله وبركاته

حياك الله يا ولدي الحبيب

وقبل ما أكلمك أنا عاوز أحكيلك أنه كل يوم بتكلم مع شباب

بنفس مشكلتك والحمد لله بنتكلم مع بعض وبذكرهم وبيذكروني في الله

لكن أنت وضعك مختلف عنهم في حاجة بسيطة

حسب كلامك أنك بتعرف ربنا وبتعصيه ومرعوب من الموت

هذا كله دليل أنك على خير والحمد لله

وكمان دليل على أنك على خير أنت اللآن بتكلمنا وبتفضفض عن اللي في فلبك

يعني تبحث عن الإستقامة والإلتزام

وأنت كمان خلتني أتذكر الله وأتذكر الموت وكله في ميزان حسناتك

وأنا وأنت عاوزين ندردش ونحل مشكلتك السهلة بإذن الله

يا إبني الإيمان محله في القلب ويزيد وينقص

يزيد بالطاعات وينقص بالمعاصي

إذن عرفنا العلاج للقلب وهو الإكثار من الطاعات والتقرب إلى الله

طيب ما هو الشيء اللي بيخلي القلب يضعف ؟؟

الحبيب صلى الله عليه وسلم أخبرنا عن ذلك وقال

إن الشيطان يجري من إبن آدم مجرى الدم

طيب وبعدين؟؟؟ طول بالك يا حبيبي

هذا معناه أن الشيطان بيجري في العروق وبيدخل القلب ويبث سمومه وخبثه

إخص عليه.. هو ليه كده بيكرهنا؟؟؟ لأنه عدونا الأول

{إِنَّ الشَّيْطَانَ لَكُمْ عَدُوٌّ فَاتَّخِذُوهُ عَدُوّاً إِنَّمَا يَدْعُو حِزْبَهُ لِيَكُونُوا مِنْ أَصْحَابِ السَّعِيرِ}.

يعني هو عاوز ينغص علينا حياتنا ويخلينا نعصي ربنا

طيب نخلص منه إزاي علشان نرتاح ونرجع إلى الله ولا نعصيه؟؟؟

سهلة... سهله إزاي؟؟؟ هي كده سهله

لأن الرسول صلى الله عليه وسلم أخبرنا عن رب العالمين قال:

أنا مع عبدي ما ذكرني وتحركت بي شفتاه....

الله أكبر ربنا معانا ربنا جبار السموات والأرض؟؟؟

نعم معانا ومين ساعتها يقدر يصوب ناحيتنا وإحنا معانا الله عز وجل؟؟!!

طيب كلنا عاوزين كده كيف البداية؟؟؟

وكمان ده سهله!!! معقول سهله ؟؟؟ نعم وسهله جدا كمان

الحل يكون في لحظة واحدة فقط

أشد حيلي وأقول في نفسي أنا خلاص رجعت لك يا رب

والدموع نازلة من عيني وأنا ذليل أمام الله

وهمتي عاليه وعزيمة وشخصية قوية

مش شخصية مهزوزة يلعب فيها الشيطان زي ما هو عاوز...

وأبدأ حياة جديدة وأتذكر أنا من عصيت...

أنا كنت بعصي جبار السموات والأرض

وأنا كنت أعصيه وهو شايفني ولم أستحي منه

أنا كنت أعصي وأستغفر في نفس الوقت

يعني كنت أتذكر الله ولكن الشيطان جذبني إليه أكثر...

الشيطان اللي بيكرهك جذبك وربك اللي أنعم عليك لم يجذبك؟؟؟؟!!!!

أنقذ نفسك وبسرعة وأقبل على الله نادماً باكيا مستغيثا...

إهزم الشيطان وإياك ثم إياك أن تموت وأنت على معصية

فكيف ستقف بين يدي الله وأنت هزمك الشيطان الضعيف

الشيطان ضعيف ولا يهزم إلا من هو أضعف منه

وخذ مني هذه الوصفة أعطيها لكل زائر فهي علاج للقلوب وفيها طريق السعادة

تقوم في الثلث الأخير من الليل توضأ وأحسن الوضوء

وعلى سجادتك إرمي كل الدنيا خلف ظهرك وقل الله أكبر

نعم الله أكبر من الشيطان والله أكبر من كل الدنيا وما فيها

وأصلي ركعتين في خشوع وطمأنينة وسكينة

بعدها إقرأ ما تيسر من القرآن

وبعدها أدعو الله ماشئت من خير وابكي وأكثر البكاء وأقبل بقلبك على الله

وكن لحوحا في الدعاء فإن الله يحب العبد اللحوح في الدعاء

وتذلل إلى الله وأطلب ما شئت من خير

وصدقني يا ولدي لن يخذلك الله ما دمت معه جل في علاه

وأنا بانتظار أخباركم الطيبة بإذن الله...

ولا تنساني من دعائك بالله عليك

**غير مسجل** · 13-12-2011, 11:38 PM

رد: يا ليتنى كنت تراباًً

جزاك الله كل خير يا والدى
ووالذى نفسى بيده اكتر ما تعبنى
هو قلبى
زمان اول ما بدات اعرف طريق ربنا كنت اجى فى الصلاه فى الفجر ابقى فى شده نومى واسمع صوت فى ودنى يقولى قوم علشان تستظل بظل عرش الله يوم لا ظل الا ظله
كنت كل ما اقول الله ابكى من حبى وشوقى الى الله
كنت دائم على ذكر الله لدرجه انى كنت طاير من الفرحه لما سمعت الايه قال تعالى :الَّذِينَ يَذْكُرُونَ اللَّهَ قِيَاماً وَقُعُوداً وَعَلَى جُنُوبِهِمْ وَيَتَفَكَّرُونَ فِي خَلْقِ السَّمَوَاتِ وَالأَرْضِ
كنت لما اسمع ايات فيها كلام عن الجنه ابكى اكتر من شده الشوق لما اسمع ايات بتتكلم عن رحمه الله جسمى كلله يرتعش وبكاء لدرجه ان كتير فى المساجد الناس كانت بتستغرب

متخيل معايا يا والدى كل الروحانيات دى؟
كنت كل يوم فى صلاه الفجر اعمل حسابى وانزل بدرى علشان اوصل لابعد مسجد على اساس ان كل خطوة بحسنه
والحسنه ب10امثالها والله يضاعف لمن يشاء

دة غير امور كتير اوى جميله

انا عارف انى اللى انا فيه دلوقتى دة لانى انتكست اول مرة وسيبت طريق ربنا
علشان ربنا يعرفنى ان اللى انا كنت فيه دة نعمه من عند ربنا سبحانه وتعالى
بس يا ترى هفضل فى الحاله اللى انا فيها دى لامته

دلقوتى يا والدى اصلى وابكى ودموعى لسه منشفش واعمل المعصيه اسمع الاذان وانا بادئ انام اقول نام واما تصحى ابقى صلى

بالله عليك يا والدى ادعيلى بان ربنا سبحانه وتعالى يرحمنى من اللى انا فبه

انا لسه يادوب بادئ اطلق لحيتى والشيطان بيحاربنى يمكن مش الشيطان بس اللى بيحاربنى دلوقتى يمكن نفسى كمان بتحاربنى

اسف يا والدى ان كنت ازعجتك لكن بجد عاوز اقوم اصلى ركعتين وانوى التوبه الى الله ومكسوف اقف على سجادة الصلاه هقول لربنا اية وانا عارف انة شايفنى وعصيته
اللهم يا رحمن يا رحيم ارحمنى وارحم امه المسلمين يارب
اللهم اغفر للمؤمنين والمؤمنات والمسلمين والمسلمات الاحياء منهم والاموات

13-12-2011, 11:45 PM

رد: يا ليتنى كنت تراباًً

السلام عليكم ورحمة الله
هذة الكتيبات حتفيدكم جدا

لتحميل نسخة PDF من الكتيب كاملاً

هنـــــــــــــــــــــا رابط مباشر

لازم يكون عند حضرتك برنامج بيقرأ الـ

PDF

حمل البرنامج ده وصطبه وهيفتح معاك ان شاء الله

سبحان الله وبحمده سبحان الله العظيم

لتحميل نسخة PDF من الكتيب

هنـــــــــــــــــــــا رابط مباشر

لازم يكون عند حضرتك برنامج بيقرأ الـ

PDF

حمل البرنامج ده وصطبه وهيفتح معاك ان شاء الله

سبحان الله وبحمده سبحان الله العظيم

لتحميل نسخة PDF من الكتيب

هنـــــــــــــــــــــا رابط مباشر

لازم يكون عند حضرتك برنامج بيقرأ الـ

PDF

حمل البرنامج ده وصطبه وهيفتح معاك ان شاء الله

سبحان الله وبحمده سبحان الله العظيم

لتحميل نسخة PDF من الكتيب

هنـــــــــــــــــــــا رابط مباشر

إعـــــــلان

يا ليتنى كنت تراباًً

يا ليتنى كنت تراباًً

تعليق

تعليق

تعليق