نفسى احب واتحب

[غير مسجل]

انا تعبت اوى بجد وحالى اتغير جداااااااااا

بذات من اول ما بدات انى اشتغل انا لا احب العمل

ولكنى مضطرة انزل العمل لانها فترة امتيازى

معدتش زى الاول معدتش بحضر دروس العلم ولا بحس بالصلاه حاسه ان قلبى مات

حاولت اسمع دروس كتير اووووووووووووووووى واتثر ساعتها واعيط وارجع زى ما كنت

بقى كل اللى شاغل تفكيرى انى نفسى اتخطب واحب زى كل البنات

كل ما حد من زميلاتى تحكيلى عن خطيبها والله ببقى فرحنالها وكل حاجة

بس لما ببقى لوحدى بعط اعيط واقول يارب نفسى اتخطب واحب

كل مايجيلى حد الموضوع مايكملش لدرجة انى معدتش عندى ثقه فى نفسى


انا ساعات بكرة حتى ابص لنفسى فى المرايه انا نفسى اطلع الموضوع من دماغى

لانى كدة بتعب اكتر وبشغل قلبى بحاجة مش فى ايدى حلها

نفسى افرح وافرح ابويه وامى ونفسى ارجع تانى احب مذاكرة العلم الشرعى والقران

انا لحد دلوقت الى منتظمه فية الحفظ لكن بحفظ وانسى ومش بحس بفرحة زى الاول وتاثر وانا بقرا فى كتاب الله


انا بجد تعبت تعبت اوى اللهم لا اعتراض

انا كل يوم بعد اعيط لو شفت اخ واخت ماشاء الله كدة عليهم متجوزين ومعايا فى العمل

والله بقول ربنا يباركلهم وبعد على جنب كدة ودمعتى على خدى

انا حاسة ان تفكيرى فى الموضوع دة كتير واقف بينى وبين حب ربنا

وان ربنا مش راضى عليا انا جبت كل السبل نفسى ارجع ليك تانى يارب وحبك يملى عليه حياتى

بالله عليكم ادعو لاختكم ولكن بنات وشباب المسلمين

[مراقب قسم سرك فى بير]

رد: نفسى احب واتحب

السلام عليكم ورحمة الله وبركاته

حياكم الله يا بنت الفاضله

وأرجو منك أن تهوني عل نفسك

وقبل أن نساعدك ونتكلم معك أنت أقدر الناس بمساعدة نفسك

{قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلانَا
وَعَلَى اللَّهِ فَلْيَتَوَكَّلِ الْمُؤْمِنُونَ}

عن رب العزة .. قال :

( عبدى ، خلقتك لعبادتى فلا تلعب ، وقسمت لك رزقك فلا تتعب ،

ان قل فلا تحزن وان كثر فلا تفرح ..

ان أنت رضيت بما قسمته لك أرحت بدنك وعقلك وكنت عندى محمودا ..

وان لم ترض بما قسمته لك أتعبت بدنك وعقلك وكنت عندى مذموما ،

وعزتى وجلالى لأسلطن عليك الدنيا ، تركض فيها ركض الوحوش فى الفلاة

ولاتصيب منها الا ماكتبته لك . )

وأنا أقول لك يا بنتي إلجأي إلى الله ولن يخذلك الله

قبل ما نسخط ونعترض نسأل أنفسنا هل نحن قريبون من الله أم أننا إبتعدنا؟؟

أقسم لك بالله يا بنتي لو أنك تقربتي إلى الله وامتلأ قلبك بحب الله ورسوله

لن تهتمي بعدها لأي شيء في هذه الدنيا الحقيرة وخلي إهتمامك بآخرتك

وربما أن الله يبتليك ليمتحن مدى صبرك

فالزمي الصبر يا بنتي

ونصيبك وقدرك مكتوب والحزن لا يقدم أو يؤخر

وخذي مني هذه الوصفة أعطيها لكل زائر ففيها علاج القلوب وطريق السعادة

تقومي في الثلث الأخير من الليل توضأي وأحسني الوضوء

وعلى سجادتك إرمي كل الدنيا خلف ظهرك وقولي الله أكبر

نعم الله أكبر من الشيطان والله أكبر من كل الدنيا وما فيها

وأصلي ركعتين في خشوع وطمأنينة وسكينة

بعدها إقرأي ما تيسر من القرآن

وبعدها أدعو الله ماشئت من خير وابكي وأكثري البكاء وأقبلي بقلبك على الله

وكوني لحوحة في الدعاء فإن الله يحب العبد اللحوح في الدعاء

وتذللي إلى الله وأطلبي ما شءت من خير

وصدقيني يا بنتي لن يخذلك الله ما دمت معه جل في علاه

وأسأل الله أن يرزقك الزوج الصالح الذي تقر به عينك

وأنا بانتظار أخباركم الطيبة بإذن الله...

[غير مسجل]

رد: نفسى احب واتحب

جزاك الله خيرا ابى الفاضل

لكن عندى سؤال انا ولله الحمد يعتبر مواظبه على ركعتين دايما بقوم اصليهم قبل الفجر

بس مش قادرة احس بالخشوع

وحتى بحس ان مفيش دموع راضيه تنزل

وساعات بحس بعجز حتى عن الدعاء

هل انا كدة ممكن بقى على قلبى ران وربنا غضبان عليه

انا نفسى اوى ارجع التزم بتلاوة القران كل يوم

بس لما بقراة بقيت بمسك المصحف فقط لو عندى تسميع

هل استمر فى القراءة حتى لو قلبى مش حاسس باللى بقراة

[فريق استشارات سرك فى بير(الأخوات)]

رد: نفسى احب واتحب

السلام عليكم ورحمة الله
اختنا الكريمة ستفيدك هذة الدورة ان شاء الله
تجميع حلقات دورة الخشوع فى الصلاة

[غير مسجل]

رد: نفسى احب واتحب

اعجز عن شكركم بارك الله فيكم

ولا تنسونى بالله عليكم من الدعاء

[مراقب قسم سرك فى بير]

رد: نفسى احب واتحب

اعجز عن شكركم بارك الله فيكم

ولا تنسونى بالله عليكم من الدعاء

وأنتم يا بنت لا تنسونا من دعائكم

وعاوزين نسمع أخباركم الطيبة بإذن الله

بارك الله فيكم

وأسأل الله أن يفرج همكم ويفك عنكم كربتكم

اللهم آمين