احتاج مساعده

[غير مسجل]

السلام عليكم ورحمة الله وبركاته
اسفه لو هطول بس انا فعلا محتاجه لاخوه صالحين اتكلم معاهم
انا متقدملي شاب من طرف واحده زميلتي (خالها) الشب ده كويس واخلاقه كويسه طبعا من كلا م صاحبتي ومعاملته لانه جاء الي بيتنا
انا صليت استخاره كتير فالاول ببقي مرتاحه وبعدين احس قلبي مقبوض اقول ده صحابي هيقولوا شكله مش حلو وارجع اقول انا اللي هتجوز والشكل خلقة ربنا واذا جاءكم من ترضون دينه فزوجوه
واهلي موافقين وكل حاجه بس ابويا قلقان عشان شغله مش حكومه يعني مش مثبت وصحابه بيقنعوه انه يرفض
هو ممكن يكون مفيش مشكله بس انا موسوسه وعايزه حد يطمني ويريح قلبي
وجزاكم الله خيرا

[مراقب قسم سرك فى بير]

رد: احتاج مساعده

السلام عليكم ورحمة الله وبركاته

حياكم الله يا بنتي

أقول مبروك ولا إيه؟؟

المهم أنت من قال أن الشاب على خلق

والشكل أبدا ليس بمشكلة

والوظيفة الحكومية مش شرط لجلب الرزق

الرازق هو الله

وأنا أنصحك يا بنتي وأقول لك توكلي على الله

أنا والد لبنتين ولو تقدم لبناتي شاب

نرضى دينه وخلقه زوجته بنتي على طول

وتخيلي لو تقدم لك شاب وسيم وموظف حكومة

وطلع مش كويس معاك وقتها هل ينفعك شكله ووظيفته؟؟

(وَمِنْ آَيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا
لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآَيَاتٍ لِقَوْمٍ يَتَفَكَّرُونَ) ...

والمودة والمحبة توفيق من الله وليست بالشكل والمال والوظيفة

وأسأل الله أن ييسر لك كل خير يا بنتي

ولو إتبعنا كلام الناس مش هنرضيهم أبدا

ونحن بانتظار أخباركم الطيبة

[غير مسجل]

رد: احتاج مساعده

جزاك الله خيرا حضرتك فعلا ريحت قلبي ياريت تدعيلي بالتوفيق وجزاك الله خيرا ورزق بناتك بالازواج الصالحين اللهم امين.