انا تعبان ومضغوط اووووووووووووووى هل من مجيب

[غير مسجل]

السلام عليكم ورحمه الله وبركاته
انا مش عارف ابدا منين مشكلتى انى تعبان اوووووووووى بسبب حاجات كتير اولها البعد عن ربنا او بمعنى ادق بقرب وابعد اقرب وابعد وده انا مش محتاج النصيحه لانى عارف المفروض عليا اعمل ايه بس انا اتخنقت من حياتى ملل فظيع فراغ الشهوة بتاكل فى جسمى مش عارف اتكلم اقول ايه انا عامل ذى القنبلة وهتنفجر فى وش حد نفسى حد يحس باللى بحس بيه حاسس انى انا لوحدى بعانى من مشكلتى دى وهى الشهوة ايه كميه الفتن دى ايه ده كله انا حاسس انى لما بنزل الشارع ومنطقة زحمه مثلا انى بجاهد فى سبيل الله مش بخرج مش بتمشى مش بستمتع بوقتى كرهت الخروج والفسح بسبب كده مع العلم انى ماليش اى علاقات نسائيه او حبيت واتحبيت والعلاقات دى بس احيانا كتيرة بضعف وبتفرج على مواقع اباحيه دائما بذكر الله بس برضه تعبان الحمدلله معملتش حاجة تغضب ربنا غير احيانا او غالبا شيطان بيسيطر عليا وبفتح مواقع اباحيه بدل مابستريح نفسيا بتزيد الطين بله ذى مابيقولوا غير كده وكده عايز اتقدم فى دراستى نفسى اكون حاجة تخدم البشرية اجمعين تخدم دينى وبلدى عايز اتطور علميا ودينيا كمان فى مشكلة مش قادر اتغلب عليها وهى انى مش شخص اجتماعى انطوائى الى حد ما لاليا كتير اصحاب سوء ولا حسن يعنى اصحابى فى نفس مستواى الفكرى والاجتماعى بس انا بتيجى عليا اوقات بدمع وببكى نفسيا نفسى اتزووووووووووووووج نفسى اكون ايجابى بشكل اكبر وهو ممكن حد لما يقرا كلمة نفسى اتزوج يشوفها على انها عيب او غلط بس اعمل ايه انا مش جماد ولا نبات انا كنت محتاج اتكلم مع حد وملقتش غير هنا حاجة نفسى حد يفهمنى يحتوينى نفسيا المشكلة انى مش لاقى الحد ده ولو لقيته مش هلاقيه فى شاب ذيى لان معظم الشباب اعقولهم متعلقه بافكار تانية وذى ماانت شايف عايز حد يفهمنى يحتوينى هو انا بطلب حاجة غلط ولا بقول كلام مش مفهوم ولا ايه

[فريق استشارات سرك فى بير(الأخوات)]

رد: انا تعبان ومضغوط اووووووووووووووى هل من مجيب

السلام عليكم ورحمة الله وبركاته ..
أهلاً بكم اخانا الكريم فى بيتكم الثانى الطريق الى الله
بداية نسأل الله ان يهديكم ويصلح بالكم
وكلامك معقول جدا مش عيب انك تقول نفسى اتزوج
وحنبدأ بلمشكلة الأولى وياريت تقرأ هذا الموضوع

العاده السريه..!!!!

مشكلة عدم غض البصر وفتنة النساء ..!!!!

المواقع الإباحية ..!!!

مشاكل للأسف انتشرت عند كثير من الشباب

إلا من رحم ربي..

وكثير بيشتكي إنه سمع كلام كثير وحلول كثير ومفيش فايدة !

بداية مفيش عصاة سحرية ولا في حبوب يأخذها الإنسان ليصبح بلا عيوب وبلا ذنوب !

فالشكوى وعدم الرضا عن النفس

مش وسيلة علاج ولكنها تمهيد لبدء العلاج

فلا تتوقع أبدا أن تعيش حياتك بنفس الأسلوب ونفس الأصدقاء ونفس الطريقة ثم تجد إن مشاكلك انتهت وذنوبك اختفت !

{ إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِم} [الرعد : 11]

فالأمر كله استعانة بالله ومجاهدة وبإذن الله سنذكر حلول عملية

عناصر الموضوع

1*** 3 أسس لن يصح بدونها العلاج

2*** الخطوات العملية للتخلص من الذنب

3*** إزاى تعرف إن كنت ماشي فى طريق التوبة ولا لأ حتى وإن تكرر الوقوع في الذنب

1- 3 أسس لن يصح بدونها العلاج

●●●●●●●●●●●●●●●●

1)رغبة أكيدة في التوبة وتصحيح النية

أنت فعلا عاوز تتوب وعاوز تتوب ليه ؟؟؟

أحيانا النفس بتكتفى بالإعتراف بإنها سيئة وبس !!

يعنى بتبقى نوع من أنواع إراحة الضمير

أنا وحش ،، أنا سىء،،، أنا منافق

ثم

لاشىء ........

فأول شىء كن صادق في طلب التوبة

الي عاوز شىء بيجاهد عشان يحصل عليه

وعلى قدر رغبته فيه على قدر محاولاته عشان يوصل له

عاوز تتوب ليه ؟

عشان خايف حد يعرف ذنبك ؟ ولا عشان خايف من بعض الأضرار الصحية ؟

لازم تكون عاوز تتوب لله

عشان هو يرضى

عشان خايف منه وبتحبه

ودليل ده إنك تحاول تقرب له بأكثر من وسيلة

مش معقول يكون واحد جاى يشتكى من المواقع السيئة وعاوز يبطلها ومش فارق معاه إنه مبيصليش ومبيفكرش من الأساس إنه يصلي !!

أنت متأكد إنك كده عاوز تبطلها لله !!!

فصحح النية إنها لله

لإنها لو لله سيعينك الله

طب إزاي أزود رغبتي في التوبة وتكون خالصة لوجه الله ؟؟

1* تكره الذنب وتستشعر مدى قبحه

اعرف حجم المشكلة : المشكلة مش في ذنب بتعمله وتضايق بعدها وعادي ترجع تعمله تاني

المشكلة :

إن كل مرة بتعمل فيها الذنب قلبك بيظلم ..بيسود

كل مرة بتعمل فيها الذنب بتحرم نفسك رزق (فإنما يحرم العبد الرزق بالذنب يصيبه )

وياريت نقرأ بعض أثار هذة الذنوب

هنا(احترس أنت في خطر)

2* اعرف ربنا

اعرفه وحبه وخاف منه عشان تنجى في الدنيا والأخرة

وفى دورة فى المنتدى

عن كيف تتعامل مع الله

هنا

2* إستعانة شديدة بالله مع يقين بالإجابة

مهما حاولت ومهما عملت أنت عبد ضعيف ليس لك حول ولا قوة ..لازم تعترف لنفسك بكده ..ولازم تقول يارب..قوينى وساعدنى مليش غيرك ..

ده سيدنا يوسف(عليه السلام) مع إنه نبى ولكنه استعان بالله علشان يبعد امرأة العزيز عنه..قال

(وَإِلَّا تَصْرِفْ عَنِّي كَيْدَهُنَّ أَصْبُ إِلَيْهِنَّ) فربنا استجابله ونجاه..

(فَاسْتَجَابَ لَهُ رَبُّهُ فَصَرَفَ عَنْهُ كَيْدَهُنَّ إِنَّهُ هُوَ السَّمِيعُ الْعَلِيمُ)

يبقى لازم تقول يارب وانت على يقين إنه سبحانه وتعالى شايفك وحاسس بيك ولو أنت عندك نيه صادقه فى التوبة هيقربك ويبعدك عن أى معصية ..لإنه خلقك وهو الوحيد سبحانه وتعالى اللى عالم بضعفك وعلشان كده لن يتركك وبإذن الله برحمته هينجيك من المشكله دى..بس أصدق مع الله ..!!

3 * لا تيأس ...ولا تسمع لوساوس الشيطان

فلا تيأس لو طال وقت العلاج

هناك من الأمراض ما تكفيه جرعة أو اثنين من الدواء

وهناك أمراض صعبة تحتاج علاج مدة طويلة

وقد لا يرى المريض نتيجتها في البداية ولكن هذا لا يعني إنها لا تعمل ولكنها فقط تحتاج إلى وقت

فالوقت جزء من العلاج

( الطاعة شفاء للقلب كالعلاج لا تظهر نتائجه من جرعة واحدة وإن كانت كبيرة أو حتى كبيرة جدا

و لكن بالمداومة ، وكلما كان المرض شديداً طال وقت العلاج)

وقد ورد عن أحد السلف مجاهدته لذنب 20 عام ! فلم ييأس وتاب الله عليه.

فسبحان الله أن تموت و أنت على الطريق لله والمجاهده

حتى و إن لم تصل إلى ما تريد أم أن تموت مصرا على المعصية قانطا من رحمة ربك ؟؟!!!!

ولا تيأس ..وتظن إنك لن تتغير

كل مذنب وعاصى بل ومسرف فى المعاصى يمكن أن يتوب الله عليه

بل وأن يبدل سيئاته حسنات

بل ويستخدمه فى نصرة دينه

ألم يجعل الله سحرة فرعون من أولياؤه بل وماتوا فى سبيله ؟

ألم يكن الصحابة كفارا يوما ما ؟؟

ألم تسمع عن زانية تابت وحسنت توبتها ؟ وعن ممثلة اعتزلت واقتربت من ربها ؟

وعن قاطع طرق رجع إلى ربه ؟؟

ألم يصلك حديث قاتل المائة نفس كيف تاب الله عليه ولم يعمل خير قط !

ألم تقرأ في القرآن ؟

{قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ} [الزمر : 53]

ولاتيأس ...وتسمع لوساوس الشيطان

وشوف المواضيع هنا

هو مفيش فايدة ...هو ربنا مش هيقبلنى!

ربنا بيحبك..مش مصدق؟؟ (1)+(2)

فكل شىء بيدل إن ربنا بيحبنا ويريد توبتنا

ولكن السؤال هل نحن نحب الله ونريد التوبة بصدق أم لا ؟؟؟

2)الخطوات العملية

(قبل الوقوع في الذنب ، وعند الرغبة فيه ، وبعده)

●●●●●●●●●●●●●●●●

قبل الوقوع في الذنب

1)) أغلق كل أبواب المعصية

** أنت رقيب على نفسك فأى شىء يثير في نفسك الذنب ابعد عنه

**غض بصرك ،ابتعد عن الأغاني والإختلاط

**فى التليفزيون ..إلغى كل القنوات الغير إسلامية

**فى النت..

غير مكان جهاز الكمبيوتر وضع خلفية دينية عن مراقبة الله

1) الغى خاصية اظهار الصور ..

2) غير لشركة فيها خدمة حجب المواقع الإباحية

شرح كامل لخدمة " فاميلي انترنت " لغلق المواقع الاباحيه بدون برامج لعملاء تى ايه داتا

بشــــرى لمستخدمى ال OPEN DNS كيف تمنع تغيير الاعدادات وفتح المواقع الاباحية ؟؟؟

3) ضع برنامج مانع للمواقع الاباحيه..

شرح مفصل بالصور لبرنامج Anti-Porn المراقب للجهاز والمانع للمواقع الإباحية..مع رابط لاحدث نسخه ..

كيفية غلق المواقع الابـــــــــــــــاحــيــــــة بشتى الطرق

بدون برامج احجب 150 الف موقع ضار (إباحى) بضغطة واحدة :: مُجربة وفعالة 100 % ::

2) حصن نفسك وطهر قلبك

حصن نفسك دائما بالذكر وأذكار الصباح والمساء

وطهر قلبك : فالمشكلة أساسا في القلب فإنه لو صلح لصلح الجسد كله ،

فطهر قلبك بــــ

بسماع القرآن والإستغفار وكثرة السجود والدعاء والصدقة

فالقرآن : شفاء لأمراض القلب

والإستغفار : يزيل الران والسواد الذي يتكون على القلب نتيجة الذنوب

والسجود والدعاء : وسيلة قربك من ربك

والصدقة : أمر هام جدا قد يغفل عنه الكثير فهى تطفأ الخطيئة وتطهر النفس

قال الله{خُذْ مِنْ أَمْوَالِهِمْ صَدَقَةً تُطَهِّرُهُمْ وَتُزَكِّيهِمْ بِهَا وَصَلِّ عَلَيْهِمْ إِنَّ صَلَاتَكَ سَكَنٌ لَهُمْ وَاللَّهُ سَمِيعٌ عَلِيمٌ} [التوبة : 103]

3) إلزم الصحبة الصالحة والمسجد

فصحبة السوء لن تأتي من وراءها إلا السوء

فاحرص على الصحبة الصالحة التي تذكرك بالله وتعينك على طاعته

عند الرغبة في الذنب

1) جاهد نفسك من البداية

فمجاهدة الخواطر أسهل من أن تتمادى فيها

فتتحول الخاطرة لحديث نفس ثم إراده ثم عزم ثم فعل

فمجاهدتها من البداية أيسر

2)- إياك أن تعتمد على حولك و قوتك

بسرعة ارفع نظرك إلى السماء و استغث بربك أن ينجيك من المعصية واستعذ به من شر نفسك والشيطان

3) تذكر قدرة الله عليك

و أنه قادر سبحانه أن يشل قدمك أو يعمي بصرك .. او يقبض روحك و أنت على هذا الذنب

( أَفَأَمِنَ الَّذِينَ مَكَرُوا السَّيِّئَاتِ أَنْ يَخْسِفَ اللَّهُ بِهِمُ الْأَرْضَ أَوْ يَأْتِيَهُمُ الْعَذَابُ مِنْ حَيْثُ لَا يَشْعُرُونَ (45) أَوْ يَأْخُذَهُمْ فِي تَقَلُّبِهِمْ فَمَا هُمْ بِمُعْجِزِينَ (46) أَوْ يَأْخُذَهُمْ عَلَى تَخَوُّفٍ فَإِنَّ رَبَّكُمْ لَرَءُوفٌ رَحِيمٌ (47)

و تذكر مراقبته عز و جل لك و أنه معك و يراك(راجع هذه الفقرة)

4) قم فورا واشغل نفسك بطاعة

بعد الذنب

1) تب فورا و اتبع السيئة بالحسنة تمحوها أنت فى معركة وعدوك الشيطان فإن انتصر عليك في جوله فسارع بهزيمته ولا تجعله يرفع راية النصر

أذنبت اتبع هذا الذنب بطاعة قم فصلى مدة أو أقرأ جزءا من القرآن ، تصدق بصدقة كبيرة ، وحاول أن تزيد فى كل مرة فى الطاعة حتى تكسر الشيطان وتربي نفسك

(السر بالسر و العلن بالعلن)

يعني إذا عصيت الله في السر .. فافعل طاعة في السر

2) وعاقب نفسك وزود العقوبة

فنفسك كالطفل إن لم تعاقبه على أخطاؤه لم يتربى ولم يرتدع فاحرمها من شىء تحبه ولا تهمل محاسبتها

لو وقعت في الذنب مرة أخرى ارفع العقوبة و اجعلها أشد حتى لا تستهين بالذنب

ولا تنسى العقوبة النفسية

اسمع درس فورا عن

النار - الجنة - سوء الخاتمة - نعم الله

حتى تستغل لحظة ضعفك و ندمك في أن تكون دفعة قوية لتوبة نصوح

3) إياك ان تسئ الظن بالله و إياك و الإحباط

وأخيـــــــــــــــــــــــــــــرا

الكلام من غير تطبيق = صفر

فإن كنت تريد التوبة فماذا فعلت ؟

وممكن تشوف الموضوع هنا

بصوا بقى.. أنا مفيش أى حاجة جابت معايا نتيجة ..شوفولي حل ضروري؟؟!!!!

3***إزاى تعرف إن كنت ماشي فى طريق التوبة ولا لأ ؟؟؟

_حتى وإن تكرر الوقوع في الذنب (وهذا يشمل أى ذنب )_

●●●●●●●●●●●●●●●●

1) عدم الإصرار على الذنب :

وعلامة ذلك إنه لا يكون هناك ترتيب مسبق للذنب وأن يكون قطع كل الوسائل التي تؤدي للذنب وفعل كل وسائل التحصين

{وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَنْ يَغْفِرُ الذُّنُوبَ إِلَّا اللَّهُ وَلَمْ يُصِرُّوا عَلَى مَا فَعَلُوا وَهُمْ يَعْلَمُونَ} [آل عمران : 135]

2) عدم الإستجابة في كل مرة للنفس الأمارة بالسوء بل يجاهدها مرات وربما ضعف مرة

{وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ} [العنكبوت : 69]

3) أن يفوق من غفلته سريعا فيتدراك أمره

{إِنَّ الَّذِينَ اتَّقَوْا إِذَا مَسَّهُمْ طَائِفٌ مِنَ الشَّيْطَانِ تَذَكَّرُوا فَإِذَا هُمْ مُبْصِرُونَ} [الأعراف : 201]

4) التوبة والإستغفار بعد الذنب وأن يتألم قلبه بشده بعد فعل الذنب

{وَالَّذِينَ إِذَا فَعَلُوا فَاحِشَةً أَوْ ظَلَمُوا أَنْفُسَهُمْ ذَكَرُوا اللَّهَ فَاسْتَغْفَرُوا لِذُنُوبِهِمْ وَمَنْ يَغْفِرُ الذُّنُوبَ إِلَّا اللَّهُ }

5) اتباع السيئة بالحسنة وعدم ترك الطاعة واليأس

فبعد كل ذنب يتوب ويفعل أعمال صالحة فلا ييأس أبدا ولا يترك طاعة يفعلها لفعله الذنب بل يزيد فى الطاعة لتمحوه

5) أن يكون بشكل عام يتقرب إلي الله ويتغير للأفضل
إن كان فى الطريق الصحيح فسيجد إنه يتغير في كثير من الأمور
ولكن قد يستصعب على الإنسان ذنب معين فيحتاج منه وقت أكثر ومجاهدة أكبر

فعنه صلى الله عليه وسلم ما من عبد مؤمن إلا و له ذنب


فالرسول لم ينفي عنه الإيمان وقال ذنب وليس ذنوب فالعبد قد يضعف أما م ذنب دون أخر ولكن يجاهد نفسه فيه حتى يمن الله عليه بالتوبة


فإن كنت كذلك فأنت في الطريق الصحيح فاصبر وجاهد نفسك وادعي الله كثيرا وسيمن الله عليك بالتوبة ولو بعد حين

وإن كنت غير ذلك فادعي ربك أن يرزقك الصدق في التوبة
وارجع لنفسك فانظر هل حققت أسس حل المشكلة من الإخلاص والاستعانة بالله وعدم اليأس ؟ وهل حققت الخطوات العملية ؟
.................................................. .
عايز اتقدم فى دراستى نفسى اكون حاجة تخدم البشرية اجمعين تخدم دينى وبلدى عايز اتطور علميا ودينيا كمان فى مشكلة مش قادر اتغلب عليها وهى انى مش شخص اجتماعى انطوائى الى حد ما لاليا كتير اصحاب سوء ولا حسن يعنى اصحابى

كلام رائع وجميل انك عاوز تتقدم وتعمل حاجة لنفسك ولدينك واكيد فيه خطوات لكل هذا
وهى انك توسع ثقافتك فى مجال دراستك تقرأ كتب
تحاول تاخد دورات فى مجالك
اتعرف على صحبة صالحة فى المسجد ومع الوقت حتكتسب لغة التخاطب مع الناس هى مسألة وقت فقط
وحيكون جميل ايضا انك تمارس رياضة نافعة وتفرغ طاقتك وحاول تسعى بجد الى ان ييسر الله لك الزواج قريبا ان شاء الله فهو بيده امرك كله سواء عندك امكانيات مادية ام لا
وكمان ياريت تحمل هذا الكتاب حيفيدك جدا



لتحميل نسخة PDF من الكتيب

هنـــــــــــــــــــــا رابط مباشر


لازم يكون عند حضرتك برنامج بيقرأ الـ

PDF

حمل البرنامج ده وصطبه وهيفتح معاك ان شاء الله

سبحان الله وبحمده سبحان الله العظيم



ان احتجت اى شيء ابواب الطريق الى الله مفتوحة لك

[غير مسجل]

رد: انا تعبان ومضغوط اووووووووووووووى هل من مجيب

حضرتك مفهمتش كلامى خالص كل الكلام ده انا بطبقه بنسبة 70 فى المائه وبحاول بس انا بتعذب ياريت تفهمنى ياشيخ المشكلة ان للاسف مفيش حد فاهمنى لااخ ولا صاحب ولا ام ولا اب وحتى حضرتك بتتعامل معاى كانى بطلب منك الفتوى فى شى او النصيحه انا محتاج حد يحتوينى يفهمنى انا يوميا بتعذب سواء فى الكلية فى الشارع فى التليفزيون حتى وانا نايم بقدر الامكان بستعين الله فى كل وقت وكل مكان وزمان انا عامل ذى ذى محارب كده وبتيجى عليه 20 30 واحد عايزين يقتلوه وبيحارب فيهم من هنا ومن هنا ومن هنا وليل ويا نهار يموتوا دولا يجى بعدهم ناس يحاربوه استغفر الله العظيم يارب

[مراقب قسم سرك فى بير]

رد: انا تعبان ومضغوط اووووووووووووووى هل من مجيب

السلام عليكم ورحمة الله وبركاته

أخي الحبيب حياك الله بيننا

أول حاجة عاوزها منك تستعيذ بالله من الشيطان الرجيم

وبحب أحكيلك أنك على خير لا تخاف ولا تتعب نفسك حبيبي في الله

أنت متضايق لأنك إنسان كويس وطيب وقلبك نظيف

ودليل ذلك أنك متضايق ولجأت إلى هذا المكان وكتبت لنا قصتك

أنا حاسس فيك والله لكن أنت الوحيد اللي يقدر يهزم الشيطان

إفهمني كويس وإسمعني كويس

أنا وأنت وكل الناس أمامنا حل من إثنين

إما أن نكون مع الله أو أن نكون لعبة في يد الشيطان

أنت اللي بتختار لنفسك الخيار الصحيح

المؤمن لازم يكون صاحب همة وعزيمة

وهذا الأمر عاوز مجاهدة نفس

ربنا أعطانا كل شيء حتى نعمة التخيل

تخيل نفسك لعبة في يد الشيطان

هل ترضى بهذا؟؟

أكيد لا وألف لا

الضيق اللي في داخلك سببه الشيطان

أنت عاوز تلتزم وهو مش عاوز أنك تلتزم

هي حرب إذن نعم حرب منذ خلق آدم عليه السلام

وتخيل أيضا نفسك واقف أمام الله جبار السموات والأرض

وأنت إيه ؟؟ هزمك الشيطان.. هل ترضى بذلك؟؟

حبيبي في الله الحل بتاعك يكمن في لحظة واحدة

تكون فيها رجل على قدر المسئولية وصاحب كلمة قوية

وصاحب همة عاليه وتقول بأعلى صوتك سأتوب إلى الله

وقتها سيتقهقر الشيطان عنك لأنه كيده ضعيف كما أخبرنا سبحانه وتعالى

أين فضيلة الصبر أين جهاد النفس أين قوة الإيمان

حبيبي في الله الجنة سلعة غالية

أَمْ حَسِبْتُمْ أَنْ تَدْخُلُوا الْجَنَّةَ وَلَمَّا يَعْلَمِ اللَّهُ الَّذِينَ جَاهَدُوا مِنْكُمْ وَيَعْلَمَ الصَّابِرِينَ [ آل عمران/142]

شد حيلك حبيبي في الله وأنا بانتظار أخبارك الطيبة بإذن الله

أحبك في الله