السلام عليكم

[غير مسجل]

السلام عليكم ورحمه الله وبركاته

انا مشكلتى تتلخص فى انى عايشه حياه مقرفه بجد

حياه كل الاشخاص اللى حواليا ضاعين ومصيبتهم فى دينهم

بشوف قدامى مصايبهم ومش بقدر اتكلم لحد ما بقى جوايا بركان ومش عارفه اعمل ايه

انا الاخت الكبيره ولكن مهانه من الجميع الصغير قبل الكبير

ولا اجد من ينصفنى فى هذا البيت وعندما احاول ان ادافع عن نفسى حتى ولو بالكلام ينقلب الامر الى مشكله اكبر

فاضطر الى السكوت فهذا افضل لى

طبعا الاساس أب وأم طول عمرهم عايشين فى مشاكل مع بعض ومش بحس باحترام بينهم ودا مأثر عليا جدا

انا مشكلتى بجد امى تعبتنى نفسيا وفكرت كتيييير انى اسيب البيت
بس هروح فين

بتقولى كلام صعب جدا لا احتمله ومفيش حد يتوقع ان فيه ام تقول كده لبنتها (بنتها اللى بتمشى فى الشارع بفضل الله سواد فى سواد وحدش بيشوف منها ظفر) اللهم استرنى يارب

النهارده سمعت كلام صعب جداااااااااااااااا\
ولما رديت قلتلها هيا وصلت للدرجه دى قالتلى ايوه وصلت

دايما بتشك فى كل اللى حواليها وانا كمان بالرغم انى والله كرهت انى اخرج من البيت بسبب كلامها

والتساؤلات الكتيره بتاعتها لما بخرج والاتهامات الغريبه

بتعايرنى باشياء ابتلانى الله بها والحمد لله انا مليش ذنب فيها سبحان الله

على الرغم هما اللى مقصرين جدا معايا

بس انا دايما اسال الله انه لا يحوجنى لاحد حتى امى وابى

بجد انا خايفه وتعبت اوى ومش عارفه اعمل ايه

بالله عليكوا انا محتاجه دعائكم ليا وكفى

ربنا يرضى عنكم يارب

[مراقب قسم سرك فى بير]

رد: السلام عليكم

السلام عليكم ورحمة الله وبركاته

حياكم الله يا بنتي وانا سعيد جدا أنك من الملتزمات بحجاب أمهات المؤمنين

سبحان الله أنا عندي جيران حكاية بنتهم نفس حكايتك تقريباً

وهي بتزور بناتي في البيت وبيروحوا مع بعض لدروس حفظ القرآن

وهي وجدت الحل وأنا شايف أن الحل اللي وجدته يناسبك تماما

إسمعيني كويس يا بنتي كل مؤمن معرض للإبتلاء من الله

يعني هذا إمتحان لك من رب العالمين

وهذا دليل أن الله يحبك وإختارك وإبتلاك

والفوز للصابرين عليك بالصبر يا بنتي على والدتك

وكل ما تسمعك كلام أعطيها إبتسامه جميله ممكن تأثر فيها

وعاوز منك تعملي زي بنت جيراننا إلتزمت ووجدت صديقات ملتزمات

أعانوها عل هموم الحياة وصار كل همها حفظ القرآن ورضا الله

إصبري يا بنتي ونحن معك بالدعاء ونسأل الله أن يفرج لك همك ويفك عنك كربتك

وصدقيني خليكي مع الله ولن يخذلك الله ربنا كبير ورحيم

وتأكدي أنه لن يخذلك

وخذي مني هذه الوصفة

قومي يا بنتي في الثلث الأخير من الليل

وتوضأي وأحسني الوضوء

واقبلي على الله وإرمي كل الهموم وراء ظهرك لما تقولي الله أكبر

وصلي ركعتين وإدعي ربنا وأنت ساجدة وإبكي وأكثري البكاء

وأطلبي من الله ما شئت

وبعدها إقرأي ما تيسر من القرآن

وصدقيني وقتها رح تحسي أن الدنيا كلها ملهاش طعم

وهتحسي بطعم السعادة مع الله

وارجو منكم يا بنتي أن تسمعينا أخبار طيبة عنكم

بانتظاركم بإذن الله

[غير مسجل]

رد: السلام عليكم

جزاكم الله خير الجزاء

كلام حضرتك أبكانى جدا

انا هستعين بالله وهعمل اللى حضرتك قلت عليه

بس انا مشكلتى انى مش بعرف اتعامل معاها

مش بقدر , انا بتجنب الكلام معاها

حتى مش بقدر انظر لها خالص

ولما الاقيها بتنظر ليا بحاول امشى من قدامها مش عارفه ليه

بدعى كتير ان ربنا يرزقنى برها مهما عملت

بس انا مش باره بيها خالص

[مراقب قسم سرك فى بير]

رد: السلام عليكم

بدعى كتير ان ربنا يرزقنى برها مهما عملت

أنت من قلت هذا

بدعي ربنا يرزقني برها مهما عملت

بارك الله فيكم يا بنتي

إذن الحل موجود : الدعاء سلاح المؤمن

وتذكري أولاً وأخيراً أنها أمك

إلتزمي الدعاء وأكثري من الدعاء

فإن الله يحب العبد اللحوح في الدعاء

وأنا منتظر الأخبار ومتابع معاكم يا بنتي بإذن الله

ولا تنسوا أن تدعوا لي بالهداية والثبات

[مراقب قسم سرك فى بير]

رد: السلام عليكم

وممكن أطلب منك يا بنتي طلب

عاوزك تشدي حيلك وتقرأي سورة البقرة كاملة في البيت

وحاولي نزع جميع الصور وما شابه من تماثيل وغيره

وحاولي عدم سماع الأغاني والمسلسلات

إلتزمي قراءة القرآن مهما إستطعت يا بنتي

بارك الله فيكم

[غير مسجل]

رد: السلام عليكم

جزاكم الله خيرا

انا بفضل الله مش بسمع اغانى ولا مسلسلات بفضل الله

ولكن المشكله انهم الحاجات دى عندهم عادى (أسأل الله لى ولهم الهدايه؟)

بيسمعوا اغانى وافلام وبيكون قدام اخواتى الصغيرين

ولما بقولهم مينفعش طيب نسمع حاجه تانيه

يرد اخويا يقولى انتى قديمه اوى

مش عارفه اعمل ايه

هما اصلا مش مستوعبيبن انى مش بسمع الحاجات دى على الرغم انى بقالى على كده سنين طويله
الله المستعان