الصلاه

[غير مسجل]

السلام عليكم ورحمه الله وبركاته

اتمنى منكم ان تساعدونى فى حل مشكلتى .. فانا والحمد لله ملتزمه اداوم على الصيام وقراءه القرآن ومختلف العبادات ولكن مشكلتى فى الصلاه .. فانا لا اصلى واكذب على من حولى باننى اصلى ولكنى لا استطيع الصلاه فالصلاه تكون ثقيله جدا على رغم حزنى الشديد انى لا اصلى وحزنى اكثر عندما يسألنى احد هل صليت واقول نعم بل واوقات البس خمارى وامسك سجاده الصلاه امام اسرتى وادخل حجرتى ولا اريد الصلاه فلا اصلى وانا امامهم محافظه على الصلاه رغم انى منذ شهور لم اصلى ابدا .. عندما كنت طفله كنت اداوم على الصلاه والذهاب الى المساجد .. اما الان فقد تبدل الحال .. ليغفر لى الله ولكنها الحقيقه انا اعانى من عدم صلاتى ..

[غير مسجل]

رد: الصلاه

بصى يا أختى هم ان شاء الله هيردوا عليكى قريبا بس تقريبا فى عذر
بس نصيحة من اخت لك فى الله
طبعا انتى اكيد عارفة قيمة الصلاة وخطر تركها بدليل انك بتشتكى
على فكرة اقسم بالله لذة الصلاة والوقوف بين يدى الله لا تعادلها لذة يعنى انتى دلوقتى بتفكرى انك عايزة تصلى علشان انتى خايفة من ربنا مثلا او حاسة انك عايزة تعملى حاجة لربنا بس لما تصلى بجد وتجربى والله هتعرفى ان وقوفك ده نعمة تستحق الشكر يعنى مش انتى اللى بتعملى حاجة لربنا ! لا دا فضل من الله لما تجربى هتعرفى
***
حبيبتى فى الله الشيطان بيضحك عليكى وبيثقل الامر عليكى بس خليكى قوية كده وقولى استعنت بك يارب وقومى اتوضى وصلى دلوقتى مش بكره ولا الفرض الجاى انتى لو قلتى هصلى بكره اعرفى انك مش هتصلى قومى صلى دلوقتى حتى لو ركعتين توبة الشيطان ممكن يحسسك ان الامر صعب بس والله مجرد ما هتقومى تتوضى وتصلى كل ده هيزول وهتتفك العقدة دى ان شاء الله ربنا بيقول ومن تقرب الى شبر تقربت اليه زراعا لازم تقدمى الشبر ده الاول يعنى لازم تقومى تتتوضى وتصلى وربنا هيساعدك بقى ويثبتك ان شاء الله
****
الصلاة امرها عظيم ما تستهنيش بها
أول ما يحاسب عليه العبد يوم القيامة الصلاة فان صلحت صلح العمل كله وان فسدت فسد العمل كله يعنى مش هينفعك اى عمل من اللى انتى بتعمليه من غير صلاة
*****
وعلى فكرة هو اول يومين بس لو قدرتى تضغطى على نفسك وتتحدى الشيطان والله بعد كده ما هتقدرى تفوتى فرض هتبقى عندك ذى الاكل والشرب مش هينفع تعيشى من غيرها
****
وما تقوليش مش قادرة امال صمتى شهر رمضان كامل اذاى ؟!!! هل الصيام اللى بتصومى عن الطعام والشراب أصعب ولا الصلاة اللى مش بتاخد منك خمس دقايق
****
أختى لو انسان مشلول مش بيتحرك ربنا قاله ارجعك تتحرك بس تصلى يا ترى هيقول ايه ؟
طيب انتى ربنا اعطاكى القدرة على الحركة بدون ان يشترط عليكى مش أقل واجب اننا نقوله شكرا يارب بركعتين مش هياخدوا حاجة لا من وقتك ولا من جهدك ؟
طيب لو واحد ميت دلوقتى وبيعذب فى قبره يا ترى هيكون نفسه فى ايه ؟ اكيد نفسه ربنا يرجعه تانى (رب ارجعون لعلى اعمل صالحا فيما تركت )
بس ساعتها هيلاقى كلا
انتى ربنا امهلك كل المده دى
وسترك كان ممكن يكشفك امام الناس ان انتى مش بتصلى صح ؟
يعنى انتى بتعصيه وبرده بيدارى عليكى
***
وبيحبك بدليل انه خلاكى تحسى بالمشكلة وتيجى تكتبى هنا
كأنه بيقولك (ألم يأن للذين ءامنوا ان تخشع قلوبهم لذكر الله )
يلا يا حبيبتى قولى لبيك يارب وقومى دلوقتى المشكلة دى بالذات مش هتنتظرى اما يردوا عليكى لان محدش ضامن عمره
***
وعلى فكرة من افضل الوسائل انك تحافظى على النوافل لانها ذى السور اللى بيحمى الفريضة يعنى لو مثلا فى يوم كسلتى هتسيبى السنة مش الفرض

http://www.goodwayinlife.com/forum/s...ead.php?t=7634
يعلم الله انا كنت محتاجة الوقت ده اد ايه بس المشكلة لا تحتمل الانتظار واسمعى شرايط تارك الصلاة لعلمائنا مش هتلاقيهم بيقولوا حرام حرام ويتركوكى لا دا هتلاقيهم يعطوكى طرق عملية ان شاء الله

[مراقب قسم سرك فى بير]

رد: الصلاه

السلام عليكم ورحمة الله وبركاته

إسمحي لنا أختنا الكريمة أن نقول ما عندنا بكل بساطة

أكيد انت عارفة أنك مهما فعلت وتظاهرت بأنك تصلين فهذا أمام عائلتك فقط

لكن هل تذكرت أنك مراقبة من الله مراقبة حثيثة

المشكله اللي بنواجهها كلنا أننا ننسى أن نستشعر رقابة جبار السموات والأرض

عاوزين منك طلب صغير

عاوزين منك تجلسي مع نفسك وتقولي حاجة : هل أنا أرضي الله أم أنني أرضي الشيطان؟؟

يااااه ده المشكله خطيرة أنا أرضي الشيطان وهو مبسوط مني تمام

وأغضبت ربنا جبار السموات والأرض..

هي الصلاة هتاخذ منك وقت كثير؟؟ أكيد لا .. طيب فين المشكله؟؟!!

إحنا وصلنا للمشكله وهي أن الشيطان بيضحك علينا وبيتلاعب فينا

ياااه إذن كيف سأقابل ربي يوم الموقف العظيم وأنا كنت لعبة في يد الشيطان

كان المفروض أنني أهزمه فلماذا هزمني؟؟!!

الأمر محتاج تصميم وإرادة وإستشعار رقابة الله العظيم جبار السموات والأرض

ونحن بانتظار أخبار طيبة من حضرتكم...

عاوزين نسمع أنك هزمتي الشيطان وردعتيه..

وتذكري أن الصلاة هي الراحة فلماذا نتكاسل في شيء يريح قلوبنا واجسادنا

أعلنيها توبة إلى الله وأبدأي الليلة وصلي ركعتين في جوف الليل لوحدك وإبكي

ولو لم تستطيعي تباكي يعني قلدي البكاء وقلبك سيرق بإذن الله..

[غير مسجل]

رد: الصلاه

اختاه الامر ليس هينا بل هو مصيبة اتعرفين مامعنى مصيبة انصحك اختي بالاستماع الى شريط خالد الراشد (الصلاة تشتكي ) وباذن الله وصدقيني هيكون هفك المحافظة على الصلاة وهتلاقي نفسك حافظتي عليها من فضل الله لكن الله يختبرك هل انت صادقة في كلامك هل تريدين الصلاة لو نجحتي في الاختبار يبقى الحمد لله ولو لم يحصل سيطول الاختبار معك فاذا اصدقي النية مع الله فقط جاهدي لايام معدودة اعطيكي مثالا على صدق النية توجد احد الاخوات اخبرتني انها تتوب من االغاني ومن ثم تعود الى سماعها غريب ما الامر مالذي يرجعها الى سماع الاغاني ؟؟؟ تخبرني انها خلاص تابت من قلبها قلت لها فيما معنى كلامي اصدقي النية واتركيها لله وتخبرني انها تعود الى سماعها ..؟؟!! ومن ثم بعد ايام اتعجب كيف تصدق النية وترجع مرة اخرى مستحيل ؟؟ ثم قالت لي او سالتها لا اتذكر تماما لكن قالت لي ان في جوالها اغاني وانها تابت !!! قلت لها لو انك تبت لكنت مسحتي جميع الاغاني التي بالجوال تقول لا اخلي الاغاني احتياطي لربما احتاجها او تحتاجها احد صديقاتي في اي مكان !!!! بالله عليكي هل هذه صدق نية ؟؟؟ مستحيل فانت اختي كلمي قلبك واحلفي بالله وعاهدي نفسك على الصلاة واكتب لكي كلاما من الله من اخت تخاف عليكي من قلبها وركزي في الاية اشد التركيز انتبهي اختي قال تعالى( وقال الشيطان لما قضي الأمر إن الله وعدكم وعد الحق ووعدتكم فأخلفتكم وما كان لي عليكم من سلطان إلا أن دعوتكم فاستجبتم لي فلا تلوموني ولوموا أنفسكم ما أنا بمصرخكم وما أنتم بمصرخي إني كفرت بما أشركتموني من قبل إن الظالمين لهم عذاب أليم) ( اية .22 سورة ابراهيم)( واعطيكي حلا باذن الله يكون سببا لتوبتك لو ماصليتي لاصوم عن كل فريضة اضيعها يوما اعطيكي مثالا احد الاخوة يوم من الايام فاتته صلاة الفجر ندم على ذلك ثاني يوم فاتته صلاة الفجر ثالث يوم كذالك حلف بالله على نفسه اذا اليوم الاخر فاتني صلاة الفجر لاصلي 100 ركعة يقول من هذا اليوم الى الان لم تضيع علي صلاة الفجر الشيطان يقول صلاة الفجر خير من 100 ركعة لله فيتركها وانا اعرف الكثير كذالك اذا فعل معصية يعاقب نفسه بالطاعات الشاقة عليه اختاري اي عمل شاق عليكي كالصيام او الصدقة بمبلغ كبير او اي شيء طاعة شاقة عليكي حتى تتادب نفسك وتعوديها على الصلاة وصدقيني لن تمكثي طويلا والا تجدي نفسك محافظة عليها لان الامر مصييييييييييبة وخذي هذا الشريط
http://www.emanway.com/*******/751 انصحك ضروري بالاستماع له الصلاة تشتكي الشيخ خالد الراشد وان لم تظهر الروابط ابحثي على هذا الشريط في االانرنت