ضاقت بى الدنيا

[غير مسجل]

سلام عليكم ورحمه الله وبركاته

زهقان اوى وتعبان ونفسى اقعد اسبوع فى راحه نفسيه حتى من نفسى
ناس كتير فهمانى غلط حتى ابويا ف يوم من الايام بيقولى دانت طلعت راجل فعلا وانا كنت فاكرك عيل تافه لما ابويا نفسه يظن فيا كدة امال الغريب يظن ايه
تعبان مش قادر نفسى اعتزل الناس كلها واقعد فى اوضه متر فى متر يدوب اقدر اصلى وانام فيها وجمبى كام فرخه اعيش من رزقهم واكون متفرغ لعبادة ربنا سبحانه وتعالى

مبقتش عاوز ذرة واحدة من الدنيا شايفها كلها ف عينى ملهاش اى لزمه لا العربيه اللى كان نفسى اجيبها زمان ولا البيت ولا العروسه الحلاوة اللى اتباهى بجمالها قدام الناس
كل دة سقط من نظرى انا مبقولش اعيش ف تقشف وان التقشف هو العبادة لا بس كل اللى بحلم بيه دلوقت مش موجود فى الدنيا
نفسى اشوف ربنا سبحانه وتعالى
نفسى اصلى فى جماعه واكون واقف فى الصف الاول ويكون الامام هو رسول الله صلى الله عليه وسلم والصف الاول يكون الانبياء والرسل عليهم الصلاه والسلام
نفسى اقعد احضر درس من دروس رسول الله صلى الله عليه وسلم

نفسى فى صاحب فى الدنيا زى ابى بكر او عمر ابن الخطاب رضى الله عنه

مشاكل كتير بتحصل حواليا ربنا بيلهمنى انى اتكلم فيها كلام كويس فى اغلب الاحيان بيؤدى لحلها لكن مشاكلى انا مش عارف احلها
باصبر واقول الله المستعان واقول خلى فى يقين فى الله ان دة خير
لكن لما بتكتر المشاكل خصوصا لما احس ان ربنا زعلان منى ببقى هموت من كتر الضيق

[Dr _ Mostafa]

رد: ضاقت بى الدنيا

اول ما تحس بضيق أو خنقة ..
استعيذ بالله من الشيطان .. وقوم اتوضا ..
واقعد مع نفسك استغفر ربنا وقول أدعية تفريج الهموم ..
الأدعية الصحيحة .. اللي علمهالنا النبي صلى الله عليه وسلم لإزالة الهموم ..
ودي بإذن الله ليها مفعول فوري محدش يتخيله ..
وإوعى تقول هجرب ؟! لأ ..
أهم شئ تقولها بيقين وإنت واثق إن ربنا هيزيل همّك ..
قال رسول الله :
(دعوات المكروب : اللهم رحمتك أرجو فلا تكلني إلى نفسي طرفة عين ، وأصلح لي شأني كله لا إله إلا أنت)
(علمنا النبي أن نقول في الكرب: الله الله ربي لا أشرك به شيئا )
( كان رسول الله يدعو عند الكرب فيقول :
لا إله إلا الله العظيم الحليم، لا إله إلا الله رب السموات والأرض ورب العرش العظيم )
دعوة ذي النون وهو في بطن الحوت:
( لا إله إلا أنت سبحانك إني كنت من الظالمين )
والدعاء ده جميل جدا ..قال النبي صلى الله عليه وسلم :
( ما قال عبد قط إذا أصابه هم و حزن : اللهم إني عبدك وابن عبدك وابن أمَتك ، ناصيتي بيدك ، ماض ٍ فيّ حُكمك ، عدلٌ فيّ قضاؤك ، أسألك بكل اسم هو لك، سَمَّيت به نفسك ، أو أنزلته في كتابك ، أو علمته أحداً من خلقك ، أو استأثرت به في علم الغيب عندك ، أن تجعل القرآن العظيم ربيع قلبي ، ونور صدري ، وجلاء حزني ، وذهاب همي ؛ إلا أذهب الله همه وأبدله مكان حزنه فرحاً ، قالوا: يا رسول الله ينبغي لنا أن تعلم هؤلاء الكلمات ؟ قال: أجل ينبغي لمن سمعهن أن يتعلمهن )
بس اهم شئ قولها بيقين ..
وان شاء الله هتلاقي نفسك هديت واستريحت خالص..