ليه انا وحشه...............................!

[غير مسجل]

انا تعبانة وحبه اتكلم وحاسة نفسى انى احوش مخلوقات الله وعندى عدم ثقة بنفسى هيموتنى وحاسة انى شكلى وحش ومعنديش رضا بشكلى وحاسة انى عمرى ما حجوز شخص مناسب لانى مش حلوة وكل الشباب الان بتفكر فى البنات الحلوة حتى لو كان ملتزم اهم شيء جمالها واخر شيء يفكر فيه هو اخلاقها حتى فى يوم سمعت درس علم للشيخ هانى حلمى وقال ان الشاب عندما يحكم على واحدة بيحكم عليها وهو شاب يعنى اشباع شيء معين وليس هو الشيخ فلان لا فى هذه اللحظة يترك تدينة على جنب ويحكم كراجل مما زاد حالتى سوء واسال نفسى ديما ليه خلقنى ربنا كده "ودا بيعتبر عدم رضا بقضاء الله " مما يجعلنى كيف تسالين الله ما ليس لك فيه حق انا تعبانه محتارة لماذا كل هذه الحيرة لماذا كل هذا التعب كيف ينظر الشباب للبنات وماذا افعل احيانا اشعر انى ضعيت حياتى هدر لانى معرفتش شباب يمكن كنت شعرت بالثقة فى نفسى ولكن دائما اخاف من عقاب الله ماذا ثم ماذا

[غير مسجل]

رد: ليه انا وحشه...............................!

بصى يا حبيبتى ربنا قسم الرزق ده بالتساوى يعنى جميع النعم عند البشر جميعا متساوية
يعنى عدد النعم عند جميع البشر =عدد ثابت
بس ربنا أخد من دى الجمال واعطاها مثلا الصحة والوالدين والمال كمثال مثلا وأعطى التانية جمال بس حرمها من حاجات تانية ممكن تكونى انتى مش شايفاها وممكن مثلا هتتعرض لابتلاءات لسة كمان فى المستقبل وهكذا
لازم تبقى عارفة ان النعم عند الناس كلها متساوية
****
ثانيا : هل ذهبتى مثلا لقسم الحروق فى المستشفى _عافانا الله واياكى _ بنات برده فى عمر الزهور وكان ليهم طموحات وامال برده بس شاء القدر انهم يتعرضوا لحريق مثلا أكل كل مفاتنهم وتركهم لا هم أحياء ولا هم أموات (طبعا ربنا هيعوضهم برده )
***
هل ذهبتى الى قسم السرطان ورأيتى بنفسك بنات مثلنا كان نفسهم بردو يعيشوا ذينا
عمرك شفتى واحدة حدث لها حادث تقطعت ايديها او ارجلها أو فقدت بصرها مثلا أو أصلا كانت مولودة كذلك يعنى لو أخت فاقدة بصرها وقالوا لها انتى أجمل اهل الارض هل هيفرق معاها وهى مش شايفة نفسها اصلا مش شايفة والدتها ما تعرفش الشجر دا يعنى ايه ولا شكله ايه
****
حبيبتى لا تنظرى الى نصف الكوب الفارغ وبصى لغيرك كل واحد عنده ابتلاءات بس بعض الناس لا تحب الشكوى والبعض يستكبر عن الشكوى والبعض لا يظهر عليه انه مهموم
****
أخيتى احمدى ربنا انك عندك ايد بتكتبى بيها هل فكرتى فى اختك برده اللى قدر الله انها تكون مشلولة مثلا مهما كان يبلغ جمالها لو قالوا لها ناخد جمالك ده ونرجعلك ايدك يا ترى هتقول ايه
أخواتنا فى الله فى قسم الحريق هل بيظهر لاى واحدة منهم ملامح أصلا ؟!! يا ترى هيكون شعورها ايه لما بتسمعك وانتى بتقولى شكلى مش حلو !!!!!!!!!
***وبعدين مين قال انك مش حلوة ربنا قال (لقد خلقنا الانسان فى أحسن تقويم ) وانتى تقولى شكلى مش حلو اذاى ؟
انتى بس اللى فاقدة الثقة فى نفسك وفى حاجة اسمها الرسايل السلبية اللى بتتعطى للمخ يعنى اللى يقول أنا فاشل بالفعل هيبقى فاشل وكذلك انتى برضه لو شايفة نفسك جميلة هتبقى جميلة والناس هتشوفك ذى ما انتى شايفة نفسك (كن جميلا ترى الوجود جميلا )
العيب مش فى خلق الله العيب فى نظرتك انتى لنفسك لو رأيت بديع صنع الله فى خلقك لما قلتى ذلك

******
وبعدين مين اللى قالك ان الشباب بيدوروا على الجميلة بدون أخلاق ولا اللى بتمشى مع اولاد وكلام من ده ؟!! لا طبعا هما بيمشوا مع التانية ويتسلوا معاها بس لما بييجوا يدوروا بيدوروا على ام
*****
عايزاكى تبصى كده على جميع النساء بعد سن الثلاثين او الاربعين هتلاقى كلهم شكل واحد كالزهرة اللى ذبلت مفيش فرق بين اللى كانت ملكة جمال وبين اللى من وجهة نظر نفسها انها مش حلوة كله بيبقى شكل واحد لكن الفرق هنا بقى فى اللى كانت خلوقة وتنفع أم والملتزمة اللى تقدر تربى اولاد ينفعوا الدين
هتلاقى ساعتها اللى كان متزوج واحدة علشان جمالها يبدأ يتحسر ويدور بقى على معاكسة البنات الصغيرين
وهتلاقى برده اللى كانت مش مراعية ربنا فى جمالها بتتحسر على جمالها اللى ضاع
*****
أخيرا كلنا هنموت يا أختى لا الجميلة هتبقى ولا الغنية ولا ........كله سيفنى
والانسان بيكتسب الثقة فى نفسه من تعامله مع ربه يعنى لو انتى مثلا ربنا بيحبك وراضى عنك هيحبب فيكى الخلق كلهم والحديث مشهور طبعا
واعتذر للاطالة احبك فى الله
_أختك فى الله_

[غير مسجل]

رد: ليه انا وحشه...............................!

http://www.google.com.eg/imgres?imgu...9QEwBA&dur=268
ودى يا حبيبتى صورة لنهاية جميلة الجميلات بصى كويس

[غير مسجل]

رد: ليه انا وحشه...............................!

مش عارف كلامى اللى هقوله هيفيد حضرتك ولا لا

انا شاب فى متوسط العمر بس اقسملك بالله انى انا وكتير جدا من ناس اعرفهم اخر حاجه بندور عليها اللبنت الجميله اللى تتحط فى باترينه ازاز والكلام دة ابدا والله كلنا مؤمنين ان الجمال هو جمال الروح
وطبعا اهم حاجه تكون زوجه صالحه تتقى الله فى زوجها و فى اولادها
بكل ما للزوجه الصالحه من معنى
يعنى متدينه (مش بقول حافظه القران كله واحاديث رسول الله صلى الله عليه وسلم)تكون معتدله تعينى وترفعنى فى الدين الى درجات اعلى منزله وتحثنى على عباده الله
الاخلاق الحميده
الطيبه

ومش هتصدقى لو قلتلك انى اعرف ناس كتير اوى كدة انتى مهما كنتى متخيله انك فى نظرك انتى وحشه ف انتى ممكن تكونى ف نظر غيرك اجمل الجميلات الى يتمناها الجميع زوجه له

[غير مسجل]

رد: ليه انا وحشه...............................!

[مراقب قسم سرك فى بير]

رد: ليه انا وحشه...............................!

السلام عليكم ورحمة الله وبركاته

حياكم الله يا إبنتي الكريمة

والله يا بنتي من خلال رسالتك وجدت أنك تعرفين الحق

فلا تحيدي عنه وتأكدي أن هذا كله وساوس من الشيطان

وتأكدي بأنه لم يخلق فتاة على وجه الأرض ليس فيها جمال

تخيلي أن الله معك دائماً فهل ستنصرف عنك الناس؟؟!!

كوني مع الله تجملي بالطهر وقراءة القرآن

تجملي بالطاعات ولا تلتفتي إلى هذه الدنيا

كوني مع الله ولن يخذلك الله

تعرفي إلى فتيات صالحات ملتزمات وسوف ييسر الله لك كل أمرك

وتأكدي أن كل منا مبتلى والفوز للصابرين

أنا واثق يا إبنتي بأنك لست كما تقولين

وأقهري الشيطان الذي صور لك هذا

لن اطيل معكم في الكلام فأنا متأكد أنكم على علم بكل هذا

ولكن ننتظر منكم اخباركم الطيبة

واسأل الله أن ييسر لك كل طيب يا إبنتي..

[فريق استشارات سرك فى بير(الأخوات)]

رد: ليه انا وحشه...............................!

السلام عليكم ورحمة الله وبركاته ...

اختنا الكريمة انا قرأت جميع الردود وكلها ماشاء الله رائعة
بارك الله فى الجميع

كنت عاوزة انبه على حاجة المرأة عموما فتنة للرجل سواء على قدر كبير من الجمال او متوسطة
انتى بيخيل لكى انك لست جميلة
لكن انتى جميلة لأنك أمرأة
سبحان الله لولا اختلاف الاذواق لبارت السلع
يعنى الناس كلها مختلفة حتى فى الاختيار واهم من الجمال عند البنت
أخلاقها وحيائها
والقبول بين الرجل والمرأة اهم بكتتتتتتتتير من المظاهر
اغلب الرجال اللى عندهم نسب جمال عالية فى الشكل او البنية
بيتزوجوا نساء ليسوا جميلات لكن القبول بينهم يجعلهم اجمل النساء
فهمتى اختنا
القبول هو معيار العلاقة بين الرجل وزوجته
او الخاطب والمخطوبة وليس الشكل ياريت تحطيها فى دماغك كويس
وانتى كفتاة متعلمة لازم تتطورى من نفسك فى كل شيء
فى حدود الاسلام وشريعتنا طبعا ومتخليش مراية الجمال حائط سد بينك وبين دنيتك يا اختنا
وفقك الله لكل ما يحب ويرضى