مصيبه بالله عليكم ساعدونى

[يا رب استرنى]

السلام عليكم ورحمه الله وبركاته

والله مش عارفه اقول ايه ولا أبدأ ازاى

انا عايشه فى بيئه صعبه جدا ولكن الله رزقنى ومن عليا بالالتزام الى حد ما
طبعا تصرفات كتيره مش بتعجبنى لانها مخالفه شرعا ولكنى لا استطيع الكلام

ولا افعل شىء غير الدعاء وان يخرجنى الله عزوجل من هذه البيئه

بس اكتشفت النهارده ان كل شىء ممكن يهون الا المصيبه اللى انا فيها وشفتها بنفسى

اخويا غير ملتزم وبيسمع افلام اباحيه وللاسف مسجل على الموبايل

فة يوم اختى الصغيره (10 سنين ) لقيتها جت بتقولى انها شافت حاجه وحشه على الموبايل

وكانت زعلانه جدا قلتلها انه ده حرام وقلتلها صلى وادعيله ربنا يهديه

والموضوع خلص على كده

النهارده لقيتها واخده الموبايل وبتسمع الحاجات دى ولقيتها مخبيه نفسها علشان محدش يسمع صوت الموبايل

مكنش ليا اى رده فعل غير انى جريت على الجهاز وكتبتلكم علشان تساعدونى

البنت بتضيع لما تشوف اخوخا وابوها كده تعمل ايه

واخويا الاكبر منها (13 سنه ) معندوش ثقه فى نفسه ودايما عصبى وبزعل من بابا لما يشوفه بيسمع حاجه فيها مناظر

ويجى يقولى هو بابا ليه بيعمل كده مش ببقى عاررفه ارد

انا حاسه انى بقيت مريضه نفسيا بسبب البيئه الفاسده اللى انا عايشه فيها ومش عارفه اعمل ايه

ترددت كثيرا قبل ان اكتب ولكن فاض بى الكيل

سامحونى على الاطاله وعدم ترتيب الكلام بس انا فعلا ربنا وحده يعلم بحاللى

ربنا يجازيكم كل خير

[غير مسجل]

رد: مصيبه بالله عليكم ساعدونى

اسأل الله عز وجل أن يلهمك الصبر ويعوضك ياااااارب بزوج صالح قى بيئة صالحة ...بالنسبة لأختك ...خليها تحت عنيكى ..مثلا روحى انتى وهيا المسجد ..لو فيه درس خديها معاكى ...خرجيها معاكى ...دخليها على المواقع الأطفال الأسلامية ؟؟..
أنا أختى عندها 10 سنين بردوا واخويا كان ملتزم وربعد كدة ..ربنا يهديه يارب ..وبردوا البيت مفهوش الالتزام الذى يرضى الله ع زوجل ..واختى الصغيرة مرة تكون بتحب تسمع الديم ومرة على الافلام والمسلسلات
.......................
لكن بفضل الله تعالى ..لما اروح المسجد بتيجى معايا وتقعد مع أصحابى واصحابى فيهم منتقبات بتقعد معاهم وبتدخل هنا فى المنتدى فى قسم ..الأشبال ,,,وتسمع اناشيد اطفال اسلامية
يعنى اختك صغيرة ...خليها تكون معاكى عالطوول اى خروجة خديها معاكى وخليها معاكى فى المسجد ووديها تحفظ قرءان وخليها تنفس عنها انها تسمع اناشيد اسلامية بدون موسيقى ..وتدخل المنتدى هنا فى قسم الأشبال ..وتعلب على الكمبيوتر ..وخريجيها وفسيحها هتحب العيشة دية
وقبلهاادعى لأخوكى بالهداية وفيه قصص كثير وبالدعاء هتلاقى اخوكى تاب والله على كل شيئ قدير
وجوف اليل هو حل لجيع المشاكل بالدعاء فى هذا الوقت المبارك والصلاة ...هو قيام اليل وعلى يقين ان الله عز وجل يستجيب لكى
......................................ز
اسفة على الرد وارجو ان تتقبل منى الاخت هذا الكلام

[غير مسجل]

رد: مصيبه بالله عليكم ساعدونى

جزاكم الله خيرا على ردك

ربنا يبارك فيكى اختى

والله بحاول اعمل اللى قلتى عليه

هيا ذكيه جدا بفضل الله

تخيلى انها بتقعد معايا تطلب مقاطع للمشايخ علشان تسمعها على الرغم من سنها

وبتبكى كتير وتقولى انا نفسى اتوب

انا قاعده مكانى مش قادره اتحرك ونفسى اروح اكلمها وافهم منها بس مش قادره

انا كل اللى يهمنى فى البيت ده اخواتى الصغيرين

لانهم شبه ضايعين ومش لقيين اى اهتمام من اى حد

اسال الله العظيم ان يحفظهم واولاد المسلمين جميعا

[فريق استشارات سرك فى بير(الأخوات)]

رد: مصيبه بالله عليكم ساعدونى

وعليكم السلام ورحمة الله وبركاته


أهلاً بكي أختنا الكريمة
نسأل الله أن يهدي أبيكي وأن يصلح لكم أمركم كله




أختنا الكريمة كل إنسان فينا معرض للإبتلاء في حياته و لابد ليه إنه يجاهد فيه ويصبر عليه .

قال الله سبحانه و تعالي في كتابه الكريم :
"لقد خلقنا الإنسان في كبد" (البلد)
﴿أَمْ حَسِبْتُمْ أَنْ تَدْخُلُوا الْجَنَّةَ وَلَمَّا يَعْلَمْ اللَّهُ الَّذِينَ جَاهَدُوا مِنْكُمْ وَيَعْلَمَ الصَّابِرِينَ (142)﴾ (آل عمران)
﴿الم (1) أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لا يُفْتَنُونَ (2) وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ (3)﴾ (العنكبوت).
﴿أَمْ حَسِبْتُمْ أَنْ تَدْخُلُوا الْجَنَّةَ وَلَمَّا يَأْتِكُمْ مَثَلُ الَّذِينَ خَلَوْا مِنْ قَبْلِكُمْ مَسَّتْهُمْ الْبَأْسَاءُ وَالضَّرَّاءُ وَزُلْزِلُوا حَتَّى يَقُولَ الرَّسُولُ وَالَّذِينَ آمَنُوا مَعَهُ مَتَى نَصْرُ اللَّهِ أَلا إِنَّ نَصْرَ اللَّهِ قَرِيبٌ (214)﴾ (البقرة)

اقرأي الموضوع ده هيفيدك إن شاء الله
أرض الخوف Fear Factor Xtreme...هتقدر تكسب التحدي ؟؟؟


ولعل ابتلائك هو والدك ، و لكن لكل مشكلة حل بفضل الله



تعالي نقسم المشكلة


أولا : مشكلة والدك


طبعاً هو عنده مفاهيم مغلوطة بشكل كبير جداً ، بيعمل كل الذنوب دي و المشكلة إنه بيجاهر بها أمام أولاده اللي المفترض هو قدوة لهم ، و مع ذلك يرى إنه كويس وسيدخل الجنة ويتكلم عن الحور العين !!


ولكونه والدك فلن يقبل منكِ الدعوة المباشرة فكل ما تستطيعين فعله شيئين :


1) الإكثار من الدعاء له
ولا تملي ولا تيأسي فإنه يستجاب لأحدكم مالم يعجل ، فهو أخطر و أهم سلاح مع تحري أوقات و مواضع إجابة الدعاء (بين الأذان و الإقامة ، في السجود ، يوم الجمعة ، ثلث الليل الأخير) ، فأكثري من الدعاء له بالهداية و الصلاح و التوفيق للخير .




2) عليكي بالدعوة غير المباشرة ولها طرق كثيرة


* ممكن تعملي إيميل جديد وتبعتي له بشكل دوري على الإيميل بتاعه
مواضيع دينية مميزة ، مواضيع عن الآخرة ، عن يوم القيامة ، عن الجنة ، عن الخشية والخوف من الله أو غيرها .....و إن شاء الله ستجدي مواضيع تصلح بالمنتدى .

* ضعى مواضيع أو مقاطع على desktop أساميها مميزة و تشد و تجذب الإنتباه .


* ممكن تستعينى بقسم المقاطع لأنها عبارة عن مقاطع مؤثرة من دروس و ممكن تحطيها فى مكان ظاهر بإسم جذاب .


* حاولي تشغلي دروس فى البيت على الكمبيوتر أو الكاسيت عن غض البصر أو عن مراقبة الله فيسمعها والدك وأخوتك


___________________________


المشكلة الثانية : هى مشكلة أخوتك
حتى لا يضيع البيت كله ..


1) الدعاء ثم الدعاء ثم الدعاء
لوالدك ونفسك وأخوتك بالحماية من هذا البلاء ، وأن يصرف عنكم السوء والفحشاء .


2) وسائل لمنع مشاهدة أخوتك هذة الأشياء
في أكثر من فكرة وهنبدأ من أسهلهم

* نزلي برنامج لغلق المواقع الإباحية ولو إن أغلب الظن إنه هيشيله ولكن محاولة

* ممكن تغيري فى خصائص المتصفح بحيث تمنعي الإحتفاظ بالذاكرة ال( history)
فأى حد هيقعد بعد والدك لن تظهر له هذة المواقع .


* ممكن تعملوا للجهاز 2 يوزر ، واحد خاص بوالدك ببباس ورد هو يدخل به ، والأخر لكم ... فحيث يبقى دخولكم بعيد تماماً عن كل ما يفعله .

* لو في إمكانية مادية لشراء جهاز آخر خاص بكم بحيث يكون الجهاز ده خاص به وحده يبقى شىء كويس و لا تتأخروا في ذلك ، و أعتقد إن شركة التليفونات عندها أجهزة رخيصة وبالتقسيط .


3) عليكي إنك تحاولي دعوة أخواتك بطرق مباشرة وغير مباشرة


فأخواتك الأمر معهم فيه متسع ممكن تكلميهم مباشرة و أنسب شىء تبدأي معاهم بالصلاة و تجتهدي معهم بطرق مباشرة وغير مباشرة
مع الدعاء الكثير

و لو مش عارفة تعملي حاجة من اللي قولنا عليهم ياريت تتواصلي معنا

................................

بعض الافكار
اخيك داخل مرحلة المراهقة وهى خطر جدااااا اذا لم يشغل نفسه
ياريت اختنا الكريمة تشتركوا فى نادى ويمارس اى نوع من الرياضة مفيد وكمان حاولى تخليه يشترك فى حلقات حفظ للقرآن حتخلى الايمان يزيد عنده وايضا ثقته بنفسه
بنسبة لأختك هى طفلة والفضول بيدفعها لمعرفة هذا العالم اقطعى عنها
اى خطوة كان لازم تاخدى الموبيل من ايدها
لاااااااااااازم تكون فيه رقابة على اخواتك ولازم النصح المستمر بشكل متناسب مع سنهم الصغير حاولى تبقى صديقة ليهم وقربى منهم واعرفى مشاكلهم مع اصحابهم او فى الدراسة
قولى لأخوكى يمسح اى حاجة على الموبيل لان اختك فى كل الاحوال ممكن تستخدم الموبيل عشان الفضول مش يشدها تانى
كلمى والدتك تكلم والدك ان يتقى الله فيكم وفى بناته هى اقرب اليه منك
وممكن يقبل النصيحة منها ان شاء الله
وربنا ييسر كل اموركم ويحفظكم
ان احتجت اى شيء ابواب الطريق الى الله مفتوحة لك

[غير مسجل]

رد: مصيبه بالله عليكم ساعدونى

جزاكم الله خير الجزاء

وربنا يبارك فيكم

بس فيه نقطه مهمه جدا

والله مش يأس منى ولا تعجيز لاى حد

انا عملت اللى حضرتك قلت عليه
ولما فشلت اضطريت انى اكتب مشكلتى

أما بالنسبه لنصيحه حضرتك انى اكلم امى فهى اقرب الى ابى منى

كنت اتمنى ذلك ولكن قدر الله وما شاء فعل

أمى أبعد مخلوق عن ابى

وأبى وامى ابعد الناس عنا وعن مشاكلنا ليس بأييدينا ولكن هذا تقدير الله والحمد لله

السبيل بالنسبه لى هو الدعاء ثم الدعاء ثم الدعاء
وأسأل الله ان يهدى ابى وامى ويرزقهم حسن الخاتمه
وان يحفظ اخوتى من كل سوء
وان يبارك فيكم يارب