بجد بسرعة عاوزين منى رد ومش عارفاةاعمل اية بجد؟؟دا زواج

[غير مسجل]

جزاكم الله خيرا على الموقع وكل عام وانتم بخير ..بس رجاء سريعا لانى عاوزة رد لان الناس بتودينى وبتجيبنى وردا معلش عالطول ومعلش على الاستعجال ويارب يجعله فى نوازين حسناتكم ؟؟
اتقدملى من فترة شحص الظاهر ملتزم من لحية وصلاة فى مسجد وانا كنت اصلا ليا مواصفات كانت نفسى تكون فى شلاريك حياتى ..؟؟؟المهم اتقدم وانا بعد الرؤية الشرعية الاولى كنت مبسووووطة جداااا وهو كان فرحان لكن هو شكلة عادى ومفيش حاجات فى مواصفاتى بس استريحت له ...بعدها بابا رفض علشان شغلة مش بمؤهلة هو خريج بكالريوس واتسرع بابا وعايش فى حتة شعبية وانا بفضل الله فى حتة حلوة وهادية ؟؟لكن زعلت جدااااااااا جداااااااا مع انى مش لاقية فيه كل المواصفات الى عاوزاها ,,,,,وبعدها بشهر اقنهعنت انا وماما بابا ان دا رزق والمهم الانسان الى هعيش معاه وكلدا اخويا فى السفر ((أخويا مهندس وخاطب واحدة مش ملتزمة وكان اخويا ملتزم بس بقى مش ملتزم ويهتم بالمظاهر ))وبعدها بشهر جية لوحدة وقال انو اضايق انه رفضنى علشان كان هو مبسووط وانه رأى رؤية ان ..صاحب الشغل بيقوله ((متخافش انى أنا هكون نصيبك ))بعدها رفض بابا فاستغرب بس لما جية تانى بابا اتغير معاه وبقى بيعامله حلو ....وانا كنت عادى ...فسألنا عليه وقالبوا كويس ..وقال هجيب والدى والدتى ...جم عندنا واخويا كان موجود ساعتها ...واتغدوا ..وامة دخلت ليا علشان انا كنت منتقبة وكنت لابسة لبس خروج ...ولما خرجت ليهم لقيت اخويا بيعامل الخطيب اكنة مش طايقاه ..كنت قاعدة مضاايقة ومش مبسووطة نهاائى واتفقوا على العفش وكدة من معاملة اخويا وحسيت ان الخاطب كان زعلان ....بعد مامشيوا عيطت جااااااامد لدرجةانى سيبت البيت وروحت الجامع علشان هعيط ومش عاوزة اهلى يعرفوا ...اضايقت من معاملة اخويا وقولت انا هرفض تانى علشانة هو علشان اخويا بيعاملة بقلة اووى ومش بحب كدة واتكسف خالص
فاخويا قالى بصى ..فرق واااااااضح فى الفرق الأجتماعى جاامد
1-فى منطقة شعبية
2- أمة شكلها جامدة لأنها هى إلى أتفقت على العفش
3-كذاب ..علشان هو قال ان بابا شغال فى شرطة طيران معروفة وطلع عامل فى شركة تانية ومش قال
4-قال هجيب شبكة ب 5000 الاف وبابه قالوا لا معلش 3000 ..يبقى ملهوش كلمة
5-امة امية وبشتغل فى محل ومن الفلاحين
يعنى انتى مش هتعرفى تعيشى فى المستوى الأتماعى دا المفروض هو يكون اعلى منك وربنا سايب فرصة للاختيار دا انا كنت مكسوف وانا ماشى جنبهم وبابا بيشوح ..هتربى عيالك فى وسطهم ازاى وهتكسفى تقولى دا حمالكى ,,,قولتله خلاص ماشى هرفض ..انا هرفض فى نفسى علشان اخويا لو تم الموضوغع هيعاملة وحش وهيقلل منه وانا مش بحب حد يبص لزوجى كدة خالص وهيكون محدش طايق حد منهم ..اخويا ولو كان زوجى ,,,,ورفضت علشاتنة مع انى مقتنعة بكلام اخويا ومش كنت مبسوطة من اهلة فعلا بس انا صعبان عليا ...
المهم اخويا اتصل بيه وقالوا معلش مفيش نصيب
اتجنن الشاب ويعت رسالة لى بابا بيقوله ))((فيه ناس لما بتديها بتتكبر فاكرين نفسهم اية حسبى الله ونعم الوكيل )))انا قرات الرسالة دية واضايقت منه قولت المد لله نتيجةالاستخارة ..اتصلت بالاخت الى جابته وقولتلها على الرسالة اضايقت هيا كمان فاتصلت بيه قالهاانا كنت زعلان واتسرعت بس انا كنت عايزاها وكدة وبعت رساله ليها وقالها ((قالها تقول ليا أنا ...انى عاوز ارضيها وأنها غاليه اووى عندى وأنا حبيتها أووى ولو ربنا قدر هتزوجها ولو بعد حين ))وبعت رسالة لبابا يعتذر فيها وقالوا اسف والله وسامحينى ....؟؟
انا مستغربة ..أزاى واحد يستحمل كل داا علشانى مع انو مش شافانى غير مرتين فى الرؤية الشرعية وانا منتقبة ...
وعرفت انو بيحبينى اوووووووى بجد
اى حد تانى مش هيستحمل كل داا انا مستغربة وكنت اصلا فى الرؤية مش بتكلم كثيير
.................................................. ...
امى بتقولى اناممكن اقنع بابا انو يرجع تانى بس قولت هيكون شكلها وحش اوى
1-امة وابوة مستواهم قليل اجتماعيا
2-اخويا هيعاملة وحش
3-هيبص ليه بقلة
4-بعدت الرسالة واكيد هيقوليلى ازاى هتقبلى بواحد كلم باباكى كدة
5-شقتة فى حتة شعبية
..............................................
انا خايفة اسمع كلام اكى لما يرجع تانى
انا خايفة على مشاعرة
وخايفة ان اخد واحد علشان هو بيحبينى بس
انا زعلاااااااانى جداااااااا ومخنوقة ومش عارفاة اقبل ولا لأ

[فريق استشارات سرك فى بير(الأخوات)]

رد: بجد بسرعة عاوزين منى رد ومش عارفاةاعمل اية بجد؟؟دا زواج

وعليكم السلام ورحمة الله وبركاته

أهلا بكِ أختنا الكريمة


قال رسول الله صلى الله عليه و سلم : " إذا جاءكم من ترضون خلقه و دينه فزوجوه ... "
فعلق النبي صلى الله عليه و سلم مسألة الموافقة على الدين و الخلق


مع وجود اعتبارات أخرى بالطبع تكلم فيها العلماء و سموها بالكفاءة
يعني الحاجات الاجتماعية و المادية و العلمية
تقارب المستوى فيها غالبا بيكون مطلوب و بيحصل على أساسه نوع من الانسجام

فالأصل أن الحكم على الشخص بيكون أولا على أساس خلقه و دينه
و مهم قوي موضوع الأخلاق ده
لأن مع الالتزام برده من المصلحة الحرص على أن يكون الأخ معروف عنه أنه طيب و لين ليس فظا شديدا
و أن يكون معروفا بحسن المعاملة لغيره من الناس و بخاصة أهله و جيرانه و أصحابه

فعليكِ بالآتي :

1) صلى صلاة استخارة لله وأنتِ مستسلمة له (و كرريها إن لزم الأمر) واعلمي علم اليقين أنه سيختار لكِ الخير المحض ولن يسلمك إلا شر أبداً ، لأنه رحمن رحيم قريب مجيب أرحم بنا من آبائنا وأمهاتنا ومن الخلق أجمعين .

واعلمى أن ما سيحدث فى النهاية هو اختيار الله لكِ فلترضى به لأنه الخير وإن كنتِ لا ترين ذلك .

2) فإن لم يوافق أهلك فاعلمى أنها نتيجة الاستخارة وأن هذا اختيار الله لكِ ويجب عليك أن تقطعى أى علاقة بهذا الشخص وترضى بقضاء الله

وان لا تتحدثى مع الواسطة بينكم عنه مرة اخرى

فارضى باختيار الله لأن علمنا قاصر جداً

***فنحن ندعو أحياناً بالشر لعدم علمنا ، ظناً منا أنه الخير لنا قال تعالى {وَيَدْعُ الْإِنْسَانُ بِالشَّرِّ دُعَاءَهُ بِالْخَيْرِ وَكَانَ الْإِنْسَانُ عَجُولًا} [الإسراء : 11]

***ونحب أشياء أحياناً مع كونها شر لنا ، و نكره أشياء مع كونها خير ، قال تعالى بعد ذكر القتال { وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة : 216]

فما ترينه خير مطلق و أن تركه خسارة قد يكون شرٌ لكِ و أنتِ لا تعلمين ... فكم من فتاة كانت تظن أن سعادتها مع شخص ما وظلت تحارب من أجل ذلك ثم بعد الزواج يحدث ما الله به عليم وتندم أشد الندم ومنهم من لا تتحمل وتنفصل بعد مدة قصيرة والواقع خير شاهد ..

فالأمر إن كان به بعض المشقة على نفسكِ وبعض الألم فهو أهون من أن تتألمى بقية عمرك فى حياة لا ترضيكِ ، فألم ساعة ولا كل ساعة...أسأل الله أن يجنبكِ كل سوء أنتِ وبنات المسلمين أجمعين

ووقتها اعلمى أن الله ما صرفه عنكِ إلا ليبدلكِ بمن هو خير منه وأحسنى الظن بربك

فسبحان الله ........ليس لكِ غير الله

هو من يعلم الخير من الشر
وهو من سيختار لكِ ..........ولن يختار ويقدر لكِ إلا كل خير
وهو القادر على كل شىء مهما كانت العقبات
وهو من بيده قلوبهم وقلبكِ
وهو من بيده أن يرضيك بهذا الاختيار أياً كان
فقط كل ما عليكِ إلا أن تصدقى الله وتدعيه وأنتِ مفوضه أمرك إليه

وعسى الله أن يقر عينيك بمن هو خير منه وتجدى معه سعادة لم تكونى لتتخيلها
لأنه ما منعكِ إلا ليعطيكِ
وكيف بعطاء الغنى الذى لا منتهى لغناه إن كان كريماً لا منتهى لكرمه

[غير مسجل]

رد: بجد بسرعة عاوزين منى رد ومش عارفاةاعمل اية بجد؟؟دا زواج

جزاكى الله خيرا .؟.......انا صاحبة الاستشارة معلش تابعينى لانى عندى استفسارات بالله عليكم
انا صليت استخارة انمبارح وخالتو كلمينى بعدها بيوم وقاتلى ..لو عاوزك وكدة وشاريكى كدة قولى لى باباكى وأخوكى .((أنا عاوزاة ))وباباكى طيب وهيوافق
واخوكى هيتجوز ومش هيسئل فيكى وهيكون مهتم بيتة وعيالة
..............................................
لكن أمى دلوقتى بتقولى (((انا هقنع بابا تانى وممكن يجى ))
بس هتكون دى لتالت مرة يجى ..اول مرتين اترفض اهو معرفش التالتة فيها اية ؟؟
لما الموضوع انتهى استريحت
ولما حد بيكلمنى ويقولى خدى حد بيحبك ويقولى انما عندو دين واخلاق وهيصونك قوليلهم انا عاوزاة
لكن بفكر فى نفسى ((ازاى بابا هيقبلة بعد الرسايل دية ,,,,واخويا هيعاملة وحش....واهل العريس ادخلوا فىالموضوع هيبصوا ليكى ازاى ..,,,وعيالك لما يكبروا هعيشوا فى وسطهم أزاى وبعمل مقارنة مع زواج اخويا علشان اخويا مهندس وخطيبتة مهندسة وعايشين فى نفس المنطقة وهما بيحبوا بعض وبيعملوا رسايل حرام ...((لكن انا مش كدة عمرى مااتكلمت مع اولاد ولا عمرى ما اعمل قصة حب قبل الزواج ولا هعمل كدة لان دا يغضب ربنا عز وجل وانا مش عاوزة اغضب ربنا فى سبيل دنيا زائلة ))لكن ببص لاخويا دول عصوا ربنا وشوفى عايشين ازاى وانتى مش عملتى كدة تفكير استغفر الله وحش فى دماغى ...الحمد لله
وهتأقلم مع اهل العريس ازاى وهعيش فى المنطقة الشعبية دية ازاى
وازاى هقول لاصحابى دا عريسى لان شكلة كدة مش مهندم كدة
.................................................. .................................................. .........
دا الى بقوله فى دماغى لو جية الموضوع تانى
مش هكون مبسوطة وهوافق عليه بس علشان هو صعبان عليا وبيحبينى اووى لان انا حساسة ومش بحب حد يزعل منى وممكن استحمل علشان الى قدامى مش يزعل حتى لو على حساب سعادتى
اعمل اية فى أمى ..؟؟؟اقولها خلاص قفلى على الموضوع وهمشى مع كلام اخويا لان اخويا بتاع مظاهر وكان بيقول نفسى خطيب اختى يكون كدة زى أخويا ونبقى اخوات ...واصلا مش طايق العريس والعريس لاحظ كدة
.................................................. .................................................. ........................
انا بعصى ربنا من جوايا ومن قلبى ومش عارفاة اعمل اية ؟؟نفسى تقوليولى اه ولا لأ؟؟
انا لسا صغيرة ومش عارفاة و100 كلمة بتودينى
ودى حياتى
وبقول ممكن حد يجيلك بيحبك كدة تانى ..
او حد ممكن يجيلك مثلا مهندس وجميل وغنى وبردوا الاصل عنو دين واخلاق لكن مش بيحبك
هتستفيدى اية ؟؟
انا تعبانة اوووى وخايفة ومخنوقة بالله عليكم تقوليلى من الكلام دا اقول لأمى قفلى علىالموضوع ولا لأ؟؟
ولا اقبل به مع انه مرفوض من أهلى بس هيقبلوة لو ماما كلمتهم لان امى شديدة بس من جواهم مش هيحبوة
وانا عايزةإلى يريد ة ربنا بس مش عارفاة
بالله عليكم ردوا عليا النهاردة لان امى مستنية ردى ومحدش فاهمانى

[احذرى يا أختى]

رد: بجد بسرعة عاوزين منى رد ومش عارفاةاعمل اية بجد؟؟دا زواج

3-كذاب ..علشان هو قال ان بابا شغال فى شرطة طيران معروفة وطلع عامل فى شركة تانية ومش قال
(النقطة دى انتى ذكرتيها على استحياء وهى خطيرة جدا خدى بالك )
انتى من الواضح انك هتعملى تنازلات كتيرة علشان الدين بس لو طلع كذاب فعلا ساعتها ممكن الدين ده كمان يكون كذبة
ساعتها تبقى مصيبة لا دين ولا دنيا
كتيييير اوى اتخدعنا من المنافقين اللى منظرهم من بره انهم ملتزمين لحية ونقاب وحجات من الظواهر دى لكن والله أسوأ من غير الملتزمين بملايين المرات
**سئل رسول الله صلى الله عليه وسلم هل يكون المؤمن بخيل ,جبان قال قد يكون سئل هل يكون كذاب قال لا
وايات المنافق ثلاث منها اذا حدث كذب
انتبهى اوى لجزء الكذب ده لو اتأكدتى انه كذاب فلا تترددى فى الرفض
****
ثانيا لازم يكون عندك القابلية النفسية لموضوع منطقة شعبية والكلام ده
ووالدته لازم يكون عندك قابلية انك تعامليها ذى والدتك وانك تقدرى تعيشى بينهم بدون ادنى ضجر
****
موضوع انه بيحبك اوى ده غريب فعلا لانه مش شافك غير مرتين ثانيا لو مؤمن المفروض يكون عنده حياء انه يقول الكلمة دى لواحدة ما زالت اجنبية عنه
*******
فكرى بعقلك مش بقلبك واتأكدى اوى من موضوع الدين والخلق دى مش بالظاهر بس واسألوا كويس اوى جيرانهم وكده
******
وربنا يوفقك يارب يا اختى لما فيه الخير لكى يارب و يقدر لكى الخير حيث كان انه ولى ذلك ومولاه ويرزقك السعاده فى الدارين انتى وسائر المسلمين والمسلمات

[غير مسجل]

رد: بجد بسرعة عاوزين منى رد ومش عارفاةاعمل اية بجد؟؟دا زواج

انا اسفة انا ممكن اخطأت فى الرد لان المفروض اللى يرد المختصين خاصة فى مسألة مصيرية ذى دى اكرر اعتذارى

[راي شخصي]

رد: بجد بسرعة عاوزين منى رد ومش عارفاةاعمل اية بجد؟؟دا زواج

السلام عليكم ورحمة الله وبركاته
نسال الله ان يرينا الحق ويرزقنا اتباعه
بما ان الدين النصيحه فاننصح وفقا للتجارب التي نمر بها ونقول
الزواج من اعظم ايات الله ومن شروطه لكي يكون ناجحا هو التوافق بين الاسرتين وهماك امور اساسية في التوافق وامور غير اساسيه
من اهم الامور الاساسية التدين والمستوي الاجتماعي وظروف المعيشه وايضا التوافق الفكري حتي لا يكزن هناك اي اشياء تؤثر علي الزواج
وعندما يامرنا الاسلام بان ناخذ بالدين فهو ليس الدين وفقط وانما الدين يكون علي القمه وباقي الاشياء تحت الدين
وهذا الزواج لا يريده الله ان يتم والله اعلم
لان اموره غير ميسره ودائما يدعوا الانسان بالشر دعاؤه بالخير
وهذا الشخص اعتقد ان شخصيته غير مستقره لانه اترفض مرتين ولسه عايز يتقدم تاني
وهذا شيء لا يرجحه عقل
لذلك فانا انصح الاخت الفاضله بان تتوكل علي الله وتنسي هذا الموضوع لانه بعد الزواج سيكون هناك خلاف دائم بينها وبين اهلها وبين زوجها نظرا لما ذكرته الاخت من مواقف
================================
وقد يكون الشاب من اتقي الاتقياء فنحن لا نزكيه علي الله ولكن هذا الزواج غير متكافيء اجتماعيا وكذلا لا يوجد ترحيب من الاهل به فيعتبر زواجا فاشلا
===============================
والمستوي الاجتماعي اقصد به ظروف المعيشه واسلوب حياة الاسره فلابد وان يكون هناك توافق بين الجانبين
والله اعلي واعلم وهذا راي شخصي ونصيحه
والله الموفق لما فيه الخير
===============================

[غير مسجل]

رد: بجد بسرعة عاوزين منى رد ومش عارفاةاعمل اية بجد؟؟دا زواج

جزاكم الله خيرا على النصائح
اخر الاخبار وياريت تردوا عليا مفيش حد استشيرة
دلوقتى أمى كلمت البنت إلى جابتوة ...والبنت قالت انتوا رفضوة لية فيها اية باباة ومامتة قليلين اجتماعيا وهما مربين ولادهم كويسين وهو لما كلمتة قال ...انا ..العريس يعنى ...انا استريحت ليها جدااا وبعت رسايل ليها وقالها خليها تقرأها ومضمونها
بيقول انى انا غالية ااووى ومتخلهاش تزعل منى وعاوز ارضيها وحبيتها ....دا الرسايل دية
بعد ما بعت رسالة لى بابا بعد ما اترفض ...بيقوله حسبى الله ونعم الوكيل ..وربنا يفقرك وكدة
قال كدة علشان كان مقهور انا جبت اهلى وانتوا وافقتوا فى الاول بعد ما رفضوا ولما جبت اهلى رفضوتونى تانى لية ؟؟هما اهلى عملوا اية ؟؟من النار إلى جوايا كتبت الرسالة دى لى بابا
...................................ز
وامى قالت للبنت خلية يكلمنى وهقوله يصبر عليا أقنع باباها واستنى شهرين تلاتة عقبال ماينسى الرسايل مع ان بابا طيب اووى ومسامح
.................................................. ....
انا بسمع كلام ماما علشان عندها خبرة
واسأل حد تانى يقولى لأ بلاش
تخدية
وخالتو بتقولى لو بيحبك كدة هيكون عاوز اى حاجة علشان يرضيكى ويسعدك
بس انا مستغربة بجد ...ازاى واحد عاوز يتقدم تانى بعد معاملة اخويا ورفضة لتانى مرة
خايفة بقول فى نفسى انا اكتشفت فيه ان دماغة ناشفة وعاوز يعمل إلى عايزة فبقول هو بيعمل كدة ممكن عند
وبقول انا اتنازلت على حاجات كثيييير اوووووى
حتى اخويا بيقولى قارنى نفسك بينه وبينك ((هو فيه اية حلو وانتى فيكى اية حلو ...))
بس انا مقتنعة بكلامكم
ولما ماما تكلمنى اقتنع بكلامها
ولما شوفت رسايلة صعب عليا ..مع انى مش متعلقة بيه ولا حاجة ؟؟ولا بحبة اصلا زى ماهو بيحبنى كدة والله اعلم
؟؟؟؟؟؟؟؟؟؟؟....................................... ..........................
اعمل اية ؟اقول لى ماما إية ؟؟
معلش على الازعاج بس دا قرار مصيرى وانا متررددة ويارب يقدر لى الخير ويصرف عنى
مع العلم ان حلمت رؤية قبل كدة ان رأيت شاب فى الحلم على شكل السنة وكان اسمة غيرة خالص ورفعت ايدى لله عز وجل ودعيت ان يرزقنى بزوج صالح خير منه ومرة لقيت المطر نزل عليا
................
والعريس دا مش زى الى فى الحلم خالص
انا عارفاة انو مش بالاحلام بس استبشرت خير وفسرتها
وجزاكم الله خيرا وياريت حد يرد عليا للمتابعة

[غير مسجل]

رد: بجد بسرعة عاوزين منى رد ومش عارفاةاعمل اية بجد؟؟دا زواج

معلش على الازعاج ..لو الموضوع محدش هنا عاوز نتكلم فيه خلاص مفيش مشاكل ..انا بستشير واشكركم على مجهودكم ..بس الشاب اتصل بأمى ...أمى هى إلى طلبت أنو يتصل بيها ....المهم قال ان بابا محمل عليه حاجات كثير ولية بتعاملونى اكنى لعبة كدة ..تعالى وأمشى تانى .,,انا بقول كل حاجة حاضر علشان انا مستريح ليها وكدة ..امى قالت له متزعلش يابنى وهكلم باباها تانى ..وبردوا استخير تاانى علشان تعرف هتكمل الموضوع ولا لأا..هل أقبل ولا لأأ ؟؟؟
انا بقول أن أقول لماما تقولة ..بابا مش راضى ...لأن الموضوع طول ورخم ومش بحب أظلم حد وأنا أقسم بالله أنى على ما أقدر مش عاوزة أظلمة لأنى أصلا مش أتكلمت مع حد غير هنا ..وهل لو رفضتة علشان مش هقدر أعيش فى المستوى دا دا حرام عليا ولا اية ؟والسلام عليكم ورحمه الله

[فريق استشارات سرك فى بير(الأخوات)]

رد: بجد بسرعة عاوزين منى رد ومش عارفاةاعمل اية بجد؟؟دا زواج

السلام عليكم ورحمة الله وبركاته ..
اختنا الكريمة نحن لن نقرر لك قرار مثل هذا انتى طلبتى الاستشارة والجميع
افادك بخبرته وهذا قرار يجب أن تأخذيه بنفسك
ونصيحة منا الحياة فيها قرارات كثيرة يجب ان يأخذها الانسان بنفسه
فلا تكونى خاضعة لقرار احد من البشر
لانه شيء خاص بك وحدك فأنتى لست صغيرة
غداً تكونى ام وزوجة
وفقك الله لكل خير

[غير مسجل]

رد: بجد بسرعة عاوزين منى رد ومش عارفاةاعمل اية بجد؟؟دا زواج

انا صاحبة الاستشارة ..جزاكم الله خيرا خلاص الموضوع الحمد لله انتهى تماما والحمد لله واسفة علىالازعاج