فضلا من يقرا رسالتي يرد علي بارك الله فيكم

[غير مسجل]

السلام عليكم ورحمه الله وبركاته
لو سمحتوا كل من يقرا رسالتي يرد علي
انا ف الكليه وبكررررررررررررررره المذاكره خالص
باجلس اذاكر صفحه في يوم من كرهي لها والدكاتره ضاغطين علينا جامد جدا
انا بحب العلم الشرعي وحفظ القران بس مش قادره اوفق بينهم مكن اذاكر العلم الشرعي واسيب المذاكره خالص ربنا يستر
منتظره مساعدتكم

[غير مسجل]

رد: فضلا من يقرا رسالتي يرد علي بارك الله فيكم

طيب انتي صلي صلاة استخاره وادا كنتي بتشوفي نفسك احسن بالعلم الشرعي توكلي على الله وادرسي العلم الشرعي بيفيدك بدنيتك واخرتك

[غير مسجل]

رد: فضلا من يقرا رسالتي يرد علي بارك الله فيكم

انا في تالته كليه ومينفعش اني اترك الجامعه خلاص
وبدرس علم شرعي في المسجد
انا حزينه لاني كارهه كليتي مبحبش اذاكر
عايزاكم تنصحوني ازاي احب دراستي وافلح فيها واستمر في العلم الشرعي مش عايزه اضيع حاجه
انا حزززززززززززززززينه

[غير مسجل]

رد: فضلا من يقرا رسالتي يرد علي بارك الله فيكم

أختي في الله أنت لم تقولي لنا في أي كلية أنت؟ ولكن ما أستطيع أن أنصحك به هو أنه بكونك مسلمة وملتزمة من الناحية الدينية فعليكي ليس فقط النجاح ولكن أيضا التفوق... فقط استعيني بالله وصلي ركعتي قضاءحاجة واطلبي وألحي في دعائك بأن يعينك الله على المذاكرة والتفوق...ما أنت فيه ليس الا رابط نفسي...أخلصي في صلاتك لله بالدعاء على يقين من قبوله لدى الله وأنه سيحقق لكي ما تتمني....دعائي لكي أختاه بأن ييسر لك المذاكرة والجمع بين دراستك والعلم الشرعي ولكي تحياتي.

[فريق استشارات سرك فى بير(الأخوات)]

رد: فضلا من يقرا رسالتي يرد علي بارك الله فيكم

السلام عليكم ورحمة الله وبركاته ..
اهلاً بك اختنا الكريمة فى بيتكم الثانى الطريق الى الله
بداية احمدى الله كثيراً ان طريق العلم ممهد لك فكثيرا من الناس
تمنى لو كان عنده حظ من العلم
العلم اختنا به تتقدم الأمم وكما نحتاج العلم الشرعى نحتاج العلم الدنيوى
ايضا فلا تقولى احب ذاك واكره ذاك
هذا مطلوب وهذا ايضا
فلا انفصال بين الدنيا والدين
ربما تحتاجى ان تغيرى من طريقة المذاكرة نفسها
يمكنك ان تذاكرى بطرق ابداعية
لماذا لا تذهبين الى مكتبة الكلية وتتطلعى على كتب تتحدث عن تخصصك ستشعرين انك مثقفة محبة للعلم تسعين فيه بكل جهد
لما لا تحتسبين النوايا عند المذاكرة
مثل
انك تريدى ان تعلمى غيرك من المسلمين
نفع المسلمين
قضاء وقتك فيما يرضى الله عزوجل
الاخلاص لله فى طلب العلم
اجعليه رسالة حياتك ان لك دور تؤديه ويجب اتقانه
اشياء كثيرة وان شاء الله سنضع لك هنا طرق للمذاكرة
رائعة
كونى على تواصل معنا
وفقك الله لكل خير

[غير مسجل]

رد: فضلا من يقرا رسالتي يرد علي بارك الله فيكم

كونى على تواصل معنا

انا عارف فضل العلم
وباحمد لله كثيراً ان طريق العلم ممهد لي
انا عارفه الي قولتوه كله
بس كان نفسي تقولولي ازاي اجمع بين الاتنين لان ربما كنتم مثلي تطلبون العلم مع الجامعه
علي فكره انا متميزه جدا في دراستي ايام ثنوي وجبت فوق 95 في الميه

[أختك ف الله]

رد: فضلا من يقرا رسالتي يرد علي بارك الله فيكم

وعليكم السلام ورحمة الله وبركاته

حياكِ الله أختى الفاضلة ويسر الله لك كل أمر عسير

أعلمى ياأختى ان هناك أخوات كُثر يذاكرون مذاكرة الجامعة وفى نفس الوقت بيحضروا دروس فى لمسجد وما شاء الله لا قوة إلا بالله متفوقين وبيحصلوا على تقديرات عالية

حطى قُدّامك هدف إنك عايزه تبقى متميزة فى الكلية وفى نفس الوقت فى العلوم الشرعية هتقولى لى دا مربط الفرس أعمل إيه بقى ؟؟
أنا أقول لك بفضل الله ياستى كالأتى
عايزكِ تبقى عارفه عليكِ كام مادة هنقول مثلا 7 مواد وكل مادة فيها فصلين مثلا عايزين يتذاكروا حضرتك هتشوفوى الوقت اللى بتبقى فاضيه فيه أمتى وتحطى لنفسك جدول يعنى النهارده الأحد مثلا أقوم حاطه جدول من الساعة كذا للساعة كذا
من الساعة 7 مثلا للساعة 8.30 مادة .... هأذاكر فيه الكمية كذا وماأقمش من على الكتاب إلا بعد ما أخلصها وأحاول أخلصها فى الوقت اللى أنا كتباه
وهكذا فى كل المواد وحاولى تنوعى يعنى أبدأى بالمادة اللى تحسى إنك متقبّلاها شوية أبدأى بها وبأسهل جزء فيها عشان تفتح نفسك
طب وبعدين ...
أنا عايزاكِ تنسى حاجه إسمها كمبيوتر وتليفزيون دلوقتى لحد ما تخدى نفسك فى المذاكرة وتوفرى الوقت ده فى المذكره

وبعدين أحضرى المحاضرات متسبهاش وأعلمى من يتق الله يجعل له مخرجا , ومن يتق الله يجعل له من أمره يسرا
أحضرى المحاضرات وصاحبى ذوات الهمم العالية أصحاب الأخلاق العالية ولو فى مذكرات متلخّصه أشتريها وذاكرى منها بدل من الكتاب المكلكع أو لو مفيش مذكرات أتجمعى إنتى ومجموعة أخوات ملتزمات وأشرحوا لبعض دى تشرح جزئية ودى جزئية وهكذا

لو إنتى بقى فى مدينة جامعية هيبقى حلو قوى هتلاقى بنات كتير زى حلاتك كده ربنا فاتح عليهم وبيجمعوا بين العلوم الشرعية والعلوم الأكاديمية

أنا عارفه فى سؤال واقف عندك دلوقتى هتقولى لى ياأختى ربنا يرضى عليكِ إنت إن شاء الله حليتى لى مشكلة العلوم الأكاديمية بتاعة الكلية يعنى أعمل إيه فى العلوم الشرعية يعنى أسيبها يعنى ولا أعمل إيه ؟؟؟؟؟؟؟؟؟

أقولك بفضل الله
أوعى تسبيها بأى حال من الأحوال لأن دا كنز ربنا أعطاهولك ما تفرطيش فيه لكن هتعملى إيه ؟؟ العلوم الشرعية ياحبيبتى بفضل الله بسيطة فى فهمها وفى حفظها فا إنتِ تذكريها بين المذاكرة التانية البايخه دى يعنى هتذاكرى شوية _أى مادة _ وعايزه تروحى عن نفسك ما أنتِ بشر بردهخلاص بسيطه جيبى مادة فقه مثلا وأقعده وإنتِ رايقه خااالص وأقرأى شوية بتدبر وكررى وهكذا
وبعدين قومى رفهى عن نفسك شوية تتكلمى مع دى شوية مع دى شوية _بس هتتكلمى فى إيه _ طبعا فيما يرضى الله وياسلام بقى لو قولتى اللى إنتِ ذاكرتيه فى الفقه بإسلوب بسيط جميل تثبتى به اللى إنتِ ذاكرتيه وفى نفس الوقت نفعتى غيرك

وبعدين بقى أنا عايزه أطرح عليكِ سؤال مهم هو إنتِ معندكيش مانع تشيلى مادة ولا إتنين ولا حتى تشيلى السنة كلها !!!!!

أمال لما إنتى هتموتى لو جبتى تقدير وحش قاعده لغاية دلوقتى من غير مذاكرة ليه !! قومى يلا ذاكرى عشان تنجحى لو ذاكرتى هتنجحى ولو ما ذكرتيش مش هتنجحى وهتتضايقى جدا ولا هتعرفى تذاكرى ده ولا هتعرفى تذاكرى ده فاتجدعنى كده وذاكرى ربنا يكرمك وتفرحينى وتقولى لى إنك بقيتى بتذاكرى

نصيحة أخيرة أياكِ أن تصاحبى تخذّلك عن مذاكرة العلوم الأكاديمية أو من تخذّلك عن مذاكرة العلوم الشرعية لإن أنا ودى تجربة شخصية
أنا بفضل الله كنت متفوقة جدا فى كليتى وكنت بأدرس علوم شرعية فى السنة الأخيرة لكن صاحبت أخت ربنا يسامحها حبّطتنى وخلتنى ما أذكرش وبعد ما كنت بأجيب قرب الإمتياز شلت مادة فاحذرى وصاحبى ذوات الهمم العالية

يارب أكون أفدتك ولو بالقليل وأخبرينى عن حالك ... أنا فى إنتظار معرفة أحوالك ومعلش لو كنت أستخدمت كلمات قاسية أو زعلتك فأنا خايفة على مصلحتك

[غير مسجل]

رد: فضلا من يقرا رسالتي يرد علي بارك الله فيكم

جزاكي الله خيرا خففتي عني شويه ربنا يخليكي
انا عندي عشر مواد في الكليه وللاسف انا دراسه اجنبيه يعني لو عملت ذي ما بتقولي مثلا من 7.5 الي 9 مش هخلص غير صفحه
وللاسف الي حولي يا اخيتي مثبطين جدا
وصاحبات المسجد مش معايا في الكليه
شجعيني ربنا يباركلك
وعلي فكره عندي خمس مواد شرعيه
منتظراكي ومنتظره دعواتك

[غير مسجل]

رد: فضلا من يقرا رسالتي يرد علي بارك الله فيكم

بس اوعدك انا دلوقتي رايحه اذاكر
وعل فكره كلامك ليه اثر عليا
ومستنيه ردك

[أختك ف الله]

رد: فضلا من يقرا رسالتي يرد علي بارك الله فيكم

الحمد لله والصلاة والسلام على رسول الله

أسعدتينى أيما سعادة إنك إن شاء الله هتذاكرى لإن دا واجبك ومينفعش تتركى واجبك

حضرتك بتقولى عندك عشر مواد ودراستك أجنبى أكيد حضرتك داخله الأجنبى عن رغبة بمعنى إنك بتحبى دراسة اللغات وإلا مكنتيش أستمريتى لسنة تالته فبالتالى إن شاء الله المواد هتكون سهلة بس أنا هأنصحك نصيحة أظن إن المواد الغير عربيى بتحتاج قراءة سريعة تعرفى من خلالها محتوى المادة ولو فى كلمات صعبة قدامك بتترجميها

يعنى حضرتك هتمسكى النهاردة مادة ... وتبدأى تستهدى بالله وتفتتحى بقراءة لو آيات قليلة من القرآن وبعدين أعتمدى كل إعتمادك على الله وفوضىالأمر إليه سبحانه وأستعينى بالله ولا تعجزى وحطى فى بالك إنك هتفهمى وهتجيبى أحلى تقدير

بسى ياأختى قبل ما أقولك لازم تكونى حاطه قدامك هدف يعنى إيه ؟؟ يعنى أنا بإذن الله لازم أجيب تقدير جيد جدا لإن دا بيعطيك إنطباع داخلك إنك لازم تحققى التقدير ده وبالتالى لما تذكرى هتذاكرى كويس ولو قل مجهودك ممكن تجيبى جيد يبقى كويس برده ...لكن لو حطيتى فى بالك إنك هتنجحى يدوب يبقى ربنا يستر فحطى فى بالك إن إنتِ إن شاء الله هتجيبى تقدير عالى وحطى نوايا بقى عشان تشجعك أكتر زى مثلا
أفرح أبويا وأمى وأدخل السرور على قلبهم وبكده أكون بأبرهم
علشان أخدم دينى فمن عرف عرف لغة قوم أمن مكرهم
هأذاكر عشان دا واجب على ومينفعش أقصر فى الواجب بتاعى
شكرا لله إنه سبحانه أعطانى الكلية دى وشكرى لله بيكون بالعمل مش كلمات وخلاص
+النوايا اللى المراقب المبارك كتبهالك وحطى إنتى بقى نوايا من عندك عشان دا هيشجعك أكتر

نيجى لموضوعنا أعمل إيه وأذاكر إزاى

قولت لك هتجيبى مادة _أى مادة _بس تكونى بتحبيها شوية عشان تفتح نفسك من ناحية وعشان تنجزى من ناحية تانية
هتبدأى تقرأى قراءة بتدبر بس تحاولى تمرى على قدركبير والكلمات اللى تواجهك صعبة طبعا تترجميها ساعتها عشان لما تيجى تذاكرى تانى تبقى المسألة واضحة ومتحتجش لمجهود غير المذاكرة

حاولى تشغلى حواس أكتر يعنى تذاكرى بصوت مع ورقة وقلم مع المشى شوية والجلوس شوية كده يعنى متخليش مذاكرتك كلها صامته كأنك بتقرأى جرنال لأ نوّعى

أنصحك بقى نصيحة تانية إنك ما تصحبيش المثبطين لأن كل عقلية بتختلف عن التانية فممكن إنتِ بتحتاجى تكرار كتير ممكن غيرك يدوبك قراءة مرة واحدة قبل الإمتحان وخلاص تلزق فى دماغها

أما بقى عن عن المواد الشرعية فمن الطبيعى إنك مش هتستحملى كله أجنبى أجنبى لازم برده يبقى فيه شوية مختلف فحاولى تحطى المواد الشرعية ضمن مذاكرة المواد التانية يعنى خلى لو ساعة واحدة فى اليوم مذاكرة مواد شرعية وإن شاء الله مش هتأثر معاكِ ولو لقيتى إنك مش قادرة تذاكرى ده وده خلى ياستى المواد الشرعية 3 مرات أو 4 مرات بس فى الإسبوع وإن شاء الله ربنا هييسرلك
ومش عايزاكِ تحبطى خالص وكل حاجه هتخلص وتبقى تمام التمام كمان

عايزاكِ بس متنسيش السلاح المهم ده الذى لا يخطئ ألا وهو الدعاء وربنا يرزقك النجاح والتوفيق والسداد إنه ولى ذلك ومولاه

ومتنسيش تخبرينى عنك وعن أخبارك أنتظر منك الرد إنك بقيتى أحسن وبتذاكرى إن شاء الله وأسألك الدعاء لى وإن كنت أفدتك فهذا من فضل الله

[فريق استشارات سرك فى بير(الأخوات)]

رد: فضلا من يقرا رسالتي يرد علي بارك الله فيكم

ابنتى الفاضلة

اياكى وترك الكلية الان

ثم

أنصحكى بهذه الأسس للمذاكرة:

1- استجلبي النية الخالصة لله تعالى في الدراسة والمذاكرة وأن تكون لوجه الله حتى تكسبي أجر هذا العلم.

2- ابدئي في إعداد جدول لتنظيم وقت مذاكرة المواد التي ستختبرين فيها بدءًا من آخر مادة إلى أول مادة.

3- حددي وقتًا للمذاكرة بحيث تجعلينها بعد صلاة الفجر وهو وقت مبارك تجنين منه الكثير من الوقت المتاح لكِ في المذاكرة، واستغليها بدراسة المواد الصعبة عليك.

ولا تنسي أخذ قسط من الراحة بعد الظهيرة قرابة الساعة مع مراعاة عدم السهر فهو إجهاد للجسم والذهن.

4- اجعلي لنفسك وقتا للراحة بين كل مجموعة من الفصول حتى تستطيعي التركيز جيدًّا.

5- حددي لنفسك مكانًا هادئًا مهيئًا من ناحية التهوية الجيدة والهدوء بعيدًا عن وسائل الترفيه التي تشغلك وتشتت تفكيرك وقت المذاكرة.

6- تجنبي السهر بشرب الشاي والقوة التي قد تفقدكِ التركيز.

7- إذا داهمك الشعورُ بالملل من المذاكرة فتوقفي عن الدراسة واستبدلي بها الراحة حتى تستعيدي نشاطك من جديد.

8- تناولي الوجبات بانتظام حتى لا تفقدي حيويتك ونشاطك لجسمك.

9- اجعلي لنفسك جماعة من الرفقة الصالحة التي تساعدك على الخير والدراسة، فالرفقة السيئة هدفها التسلية واللهو الفاسد الذي لا يجلب إلا الضرر لك ولدراستك.

فالندم خاتمة أعمالهم وطريقهم الذي يكون وبالا عليهم في حياتهم كلها.

10- أسرعي بحل جميع مشاكلك الاجتماعية لأستاذتك فهي الأخت والموجهة الناصحة.

11- اعلمي أن جميع موادك الدراسية لها أهميتها في حياتك، ومعرفتك بأهمية المادة سيساعدك على الدراسة والميل لمذاكرتها.

12- لا تشغلي نفسك بممارسة ما لا يجلب لك نفعًا في وقتك وجهدك، فالمغالاة فيها مضرة فتحرى وقتك بالمفيد الذي لا يعطلك عن المذاكرة.

********* "مهارات الحفظ العشرة: كيف تحفظ؟"

إن القراءة الإجمالية للدرس ستساعدك على الإلمام به وربط أجزائه إلا أنه عند القراءة للحفظ يجب اتباع الآتي:

1- تعرف النقاط الأساسية في الدرس، وضع خطاً تحتها، وكرر قراءتها بحيث تكون مرتبطة بباقي الموضوع.

2- فهم القوانين والقواعد والمعادلات والنظريات وما شابهها فهماً جيداً ثم حفظها على ظهر قلب.

3- حفظ الرسوم التوضيحية والتدرب على رسمها مع كتابة الأجزاء على الرسم.

4- التيقن من فهم الدرس فهماً تاماً بحيث تستطيع إجابة الأسئلة الموضوعية التي توجد عادة في نهاية الدرس.

5- محاولة وضع أسئلة على أجزاء الدرس ومعرفة الإجابة الصحيحة لها.

6- في المواد التي تحتاج إلى دراسة طولية مفصلة فإنه يجب تجزئتها إلى وحدات متماسكة بحيث تكون كل وحدة ذات معنى واضح وفيها ارتباط كامل في أجزائها هذا إلى جانب ارتباطها بالموضوع الأساسي.

7- لا تكن جباناً فتفقد ثقتك في ذاكرتك – احفظ سريعاً وستجد أنك مع التدريب تستطيع تذكر جميع ما حفظته.

8- عند محاولة الحفظ اجعل أوقات العمل قصيرة ومتقطعة، احفظ المادة بالطريقة التي تستعملها.

9- يجب أن تؤكد لنفسك قبل البدء في الحفظ أنك مصمم على تسميع ما تحفظ وبذلك تشعر بازدياد قدرتك على التركيز وسرعة الحفظ.

10- في نهاية المذاكرة اليومية وقبل النوم مباشرة استرجع حفظ وتسميع القوانين والقواعد والنظريات التي درستها، فإن الراحة أو النوم يساعد على تثبيتها في الذاكرة تثبيتاً جيداً.

******(20) مهارة للاستعداد للامتحانات:

20 مهارة للاستعداد للاختبارات:

"تتعلق بالمنهج:

1- المذاكرة المبكرة

2- تعرف طريقة المدرس

3- الاطلاع على الامتحانات السابقة

4- الملخصات

5- التأني في قراءة الأسئلة

6- النقاش الجماعي أفضل من المذاكرة الجماعية

7- الخط

8- طريقة الإجابة (قبل، في أثناء، بعد).

**تتعلق بك:

9- بر الوالدين

10- الدعاء

11- الصلاة

12- تجنب الغش

13- الرفيق الصالح

تتعلق بالتهيئة النفسية:

14- النوم المبكر

15- الغذاء الجيد

16– الراحة

17– التنفس

18- البعد عن المنبهات

19- الإيجابية

20- الامتحان يقيس معلوماتك ولا يقيس شخصيتك

********عدة نقاط للتركيز الذهني في أثناء المذاكرة فيقول:

"- حاول أن تجعل من محتوى المادة مصدرًا للسعادة والاستمتاع.

- دراسة المحتوى الدراسي يومًا بيوم، وعدم ترك فاصل زمني كبير بين أخذ المواد وبين مراجعتها.

- ربط المعلومات المدرسية بالمعلومات العامة خارج نطاق الدراسة فذلك أدعى لتثبيتها في الذهن وتسهيل تذكرها. والتنبه لما قد تكون له علاقة بالمادة من قراءات ومشاهدات خارج سور المدرسة.

- قراءة الكلمات بعناية تامة وتتبع أفكار الكاتب.

- إن أفعالا مثل: انظر، فكر، اختر، رتب، اكتب أو ارسم تعين على التركيز في المذاكرة.

- طرح الأسئلة. مثال: ما محور النص؟ عم يتحدث النص؟ هل المعالجة البلاغية صحيحة؟ ما العبرة التي خرجت بها من النص؟ من قائل النص وما مناسبته؟

- البحث عن المبادئ العامة في الجزء المدروس من الكتاب.

- تغيير المادة ونوع النشاط كأن تكون القراءة في ساعة والكتابة في ساعة أخرى لتجنب الملل وزيادة التركيز.

- تحديد أهداف قصيرة المدى للجزء الذي حدد للاستذكار بما يتناسب مع الوقت المخصص لتحقيقها - ليس بالقصير ولا الطويل جدًّا.

- أخذ وقت للراحة يتراوح ما بين 5-10 دقائق بعد كل 45-50 دقيقة من الدراسة.

- التعامل مع المشتتات بحكمة ثم العودة إلى العمل.

- تجنب تدخل القلق والخوف في التركيز الذهني بما يعوق تحقيق الأهداف الدراسية.

- الدراسة وفق جدول أو نظام معين يساعد على تكوين عادات دراسية نافعة.

- تنظيم الدراسة بحيث توضع المادة الصعبة والأقل متعة بالنسبة للطالب في الوقت الذي يكون قادرَا فيه على التركيز بسهولة.

- مكافأة الطالب لنفسه بأخذ قسط من الراحة بعد إنجاز مذاكرة جزء معين بنجاح من المادة.

- ما قد يبدو قليل الأهمية من معلومات أو قدرات الآن يحتمل أن تثبت أهميته في المستقبل، لذا ينبغي تخصيص وقت للدراسة تؤخذ فيها جميع المعلومات بنفس الأهمية.

- على الطالب أن يثابر طوال الشهور على القراءة المستمرة لموضوعات المناهج، حتى ولو كان بطيئًا, وبهذه الطريقة سيركز ويفهم أكثر.

- تدوين بعض الأفكار والمعاني الرئيسة في الدرس على شكل نقاط، ثم موازنته مع محتويات الكتاب المدرسي للتحقق من استيعاب جميع العناصر الأساسية في الموضوع.

- على الطالب أن يحاول تذكر الأفكار الرئيسة بعد الانتهاء من مراجعة فصل دون الرجوع إلى ملخصاته أو ملاحظاته ثم التحقق من صحتها بالرجوع إلى هذه الملاحظات بعد ذلك.

****أنواع الاختبارات وكيفية التعامل معها بقوله:

"هنالك خمسة أنواع رئيسة للأسئلة:

(صح أم خطأ)، (الخيارات المتعددة)، (املأ الفراغ)، (الإجابات القصيرة)، (الأسئلة المقالية).

ألق نظرة سريعة على الامتحان كاملا، سيساعدك ذلك على تحديد الوقت المطلوب للإجابة على كل قسم.

اقرأ الأسئلة المقالية أولا قبل الإجابة عن أي جزء من الاختبار. عندما تبدأ في حل الأجزاء الأخرى سجل باختصار العبارات والأفكار التي تراها مناسبة للقسم المقالي.

تجاوز أي سؤال تواجهك به مشاكل، فيمكنك الرجوع له لاحقا، وربما تساعدك الأسئلة التالية على تذكّر الإجابة.

أسئلة الصح والخطأ والخيارات المتعددة عادة ما تكون الأسهل. لذا قم بحل هذه الأجزاء أولا إن أمكنك ذلك. وربما ساعدتك هذه الأسئلة على تذكّر إجابات (املأ الفراغ) وإعطائك أفكارًا للأسئلة المقالية.

كن حذرًا من الأسئلة السلبية مثل "ما الذي لا ينتمي إلى القرن الحادي والعشرين؟". "أي من الكلمات التالية ليست فعلا".

إجابة تخمينية جيدة أفضل من ترك الورقة بيضاء، وقد تحصل منها على بعض العلامات. لا تحاول أن تتفنن في تخمينك.

اكتب إجاباتك القصيرة في جمل قصيرة وواضحة. تضمين الإجابة والمعلومة الصحيحة أهم من الرونق الأدبي.

الأسئلة المقالية تمتحن قدرة الطالب على التفكير والربط بين الأفكار في الموضوع. المعلومات الصحيحة مهمة، ولكن تقديمها في إطار منظم ومترابط مهم أيضا. وهذه بعض النصائح لحل الأسئلة من هذا النوع:

ابدأ بكتابة المعلومات (التعاريف والمصطلحات المهمة التي لا تريد أن تنساها) على صفحة بيضاء.

اقرأ كل الأسئلة المقالية بدقة قبل أن تبدأ الكتابة، فغالبًا ما تكون هنالك أسئلة اختيارية. اختر دائمًا السؤال الذي أنت مستعد لإجابته إجابة دقيقة. وقدر الوقت الضروري للسؤال.

ابدأ كتابة جوابك بجملة متينة تحتوى على الفكرة الرئيسية للموضوع. فالمقطع الأول يقدم خريطة لبقية الجواب عبر سرد النقاط الأساسية. بعد ذلك توسع بشرح كل نقطة على حدة.

ركز على النقاط الرئيسة في إجابتك. استخدم النقاط الرئيسة لتبدأ الجملة. لا تضمّن أكثر من نقطة في الجملة الواحدة. استخدم أدوات الربط أو الترقيم لتنسيق أفكارك.

أَنْهِ إجاباتك الكتابية بخاتمة متينة. يمكنك إعادة كتابة فكرتك الرئيسية وشرح سبب أهميتها. ثم راجع ورقتك لتصحيح الأخطاء الإملائية وتحقق أنها سهلة القراءة. إذا ضاق عليك الوقت، ضع إجابتك في خطوط عريضة".

[غير مسجل]

رد: فضلا من يقرا رسالتي يرد علي بارك الله فيكم

ما شاء الله مش انا اللى كتبت الموضوع بس مع ذلك استفدت جدا ربنا يبارك فيكم
وكان نفسى يا جماعة ان الملتزمين يهتموا اوى بالمذاكرة علشان يحسنوا من صورة الدين اللى ناس كتير اوى سوئتها
علشان يبقوا قدوة دايما الناس بتبص للاوائل وبتحاول تقلدهم فى كل حاجة احنا عندنا دكتور فى الجامعة ملتزم فى اليوم بتاعه البنات بتلبس محترم وتخيلوا لو دكتور جامعة اتكلم فى الدين الكلمة منه هتأثر على الطلبة اذاى لانهم بيعتبروه قدوة , ومع ذلك عندنا دكاترة تانيين يقعد يقول فيلم ومسلسل واغنية ودكاترة للاسف بيقولوا لنا عيشوا حياتكم دا الكلية اجمل ايام ودكتور بيقولنا انا كنت اصيع طالب فى الكلية بنفس اللفظ فكأنه بيشجع الفاسد وبيثبط الملتزم
ما احنا لو بنعمل اللى علينا كان زمان الدكاترة اللى متعينيين دول ناس ملتزمة لا بتبهدل المنتقبات ولا بتسىء للدين امام اسماعنا ,كان زمان الدكتور قال مفيش محاضرات وقت الصلاة مثلا كنا هنعيش اذاى ؟أكيد افضل كتير لان الدعاة على المنابر كتير مش معنى كده انى بقول انك تسيبى مثلا الدعوة الى الله بس ممكن توزعى شريط او اسطوانة الاسطوانة بجنيه وتدعى بالحسنى لو انتى متفوقة الكلمة هتتسمع منك من كل زملائك
وكذلك اللى طالعة الاولى الناس هتسمع منها الكلام اذاى
ليه كتير اوى من الملتزمين بيشيلوا مواد ويسقطوا وييجوا يدعوا الى الله فى الاخر أقل تعليق بنسمعه اصل انشغالهم بالدين هو اللى لخبطهم اصلهم مش فاضيين .....دا ينفع ؟ ان احنا برغم حبنا الشديد للدين اننا نكون احنا طعنة فى صدر الدين ؟!!!!
ومنظرنا ايه أمام غير المسلمين ؟؟
ما تزعليش منى يا اختى انا نفسى احفزك انا بكتب الكلمتين دول على ورق واعلقهم فى حجرتى أمامى وانا بذاكر علشان يحفزونى يعنى والله بحب لك الخير ذى ما انا بحبه لنفسى بالضبط واتمنى ان كل واحد فينا يعتبر نفسه على ثغرة من ثغرات الاسلام وانه لازم يدافع عنها بكل قوة انتى فى كليتك وانا فى كليتك وكل منا فى مكانه علشان نحسن الصورة فى كل مكان

يلا تبايعينى على ذلك انك تبذلى قصار جهدك انك تكونى الاولى السنة دى ان شاء الله ؟؟؟؟

[غير مسجل]

رد: فضلا من يقرا رسالتي يرد علي بارك الله فيكم

ونسيت اقللك فيه على فكرة مجموعة كتب كتير اوى عن فن المذاكرة وكتاب اسمه يلا نجيب تقدير وكتب كتير اوى بس منصكيش انك ايام الدراسة تضيعى وقتك فى قراءتها ايام الدراسة بس فى الاجازات ان شاء الله اقراى فيهم وفى كتب التنمية البشرية
وبمناسبة التنمية البشرية فى حاجة اسمها الرسايل السلبية يعنى انتى بتقولى انا مش بحب الكلية دا اكبر غلط قولى بصوت مرتفع قليلا انا بحب الكلية انا متفوقة وكرريها كتير وان شاء الله هتشوفى الفرق باذن الله ...وحاولى تستعملى الاقلام الملونة فى المذاكرة واضافة لمسة جمالية على المكان اللى بتذاكرى فيه وعلى الكتب الللى بتذاكرى منها ذى الاقلام الفوسفورية الملونة واظن النصايح اللى قالها لك الاب الفاضل والاخت الكريمة ان شاء الله كفاية (سبحان الله مثل المؤمنين فى توادهم وتراحمهم كمثل الجسد الواحد فعلا )
وربنا يوفقك يارب واسمع منك انك طلعتى الاولى