واقعه فى مشكله كبيرة

[امه الله واريد هدى الله]

السلام عليكم ورحمه الله وبركاته
بسم الله والصلاه والسلام على رسول الله

انا قصتى باختصار انى من بيت مسلم عادى اغانى افلام كل دة ماشى
الى ان من الله عليا بالتوبه اليه من كل ذاك
وبدات الترم باوامر دينى ولبست الاسدال ومن ثم طرا فكرى النقاب ونفسى البسه جدجدجداااااااااااااااااااااااااااااااااااا
وربى يعلم ذلك لكن ابى رافض ذلك وامى
وكا لما ادافع عن شيخ او اقول شى يقول انى بقيت سليفيه وشويه همسك بندقبه واقف على باب البيت اضرب كل متبرجه
قالت لهم انا اتمنى ان اكون سلفيه
لكن الرسول هل فعل ذلك
ليه الناس بتتهم السلفين بكل حاجة كده
انا تعبت
وانا انطوائى جداجداجدا حتى ان بعض الاخوات قالت لى هذا الموضوع وحاولت تغيرنى ولكنى مازلت انطوائى زى ما انا عليه
والان اصبحت اتجنب جميع المناقشات بين ابى وامى لانهما يقولان لى ان دمغى باظت
فهل هذا صحيح ام المجتمع بتاعنا عايز المتبرجه
انا كل لما اجى انام ابكى
وغير ذلك
انا نفسى حد يقولى انا اعمل ايه معهم من حيث كل حاجه

[غير مسجل]

رد: واقعه فى مشكله كبيرة

كما بلغ النبي صلي الله عليه وسلم: يأتي زمان على أمتي القابض فيه على دينه كأنه قابض على جمر من النار" يبدوا وكأنه هذا الزمان... استعيني بالله أختاه واثبتي على الحق وادعي لمن حولك بالهداية وحسبك الله طالما ان هدفك ارضائه فهو العالم بكل شيء

[فريق استشارات سرك فى بير(الأخوات)]

رد: واقعه فى مشكله كبيرة

السلام عليكم ورحمة الله وبركاته ..
أهلاً بكم اختنا الكريمة فى بيتكم الثانى الطريق الى الله
أختنا الفاضلة بارك الله فيك ونفع بك وأصلحك وأصلح بك وجعلك من عباده الصالحين اللهم آمين
أولا : الحمد لله الذي هداك ورعاك ووفقك وأخذ بيدك إلى طريق الإقبال عليه والوثوق به والرجوع إليه فهذه نعمة عظيمة حرم منها كثير من الخلق نسأل الله أن يرزقنا شكر نعمه التي لا تعد ولا تحصى
بداية اختنا الكريمة اصبح الألتزام شيء غريب فى وقتنا هذا
لذلك لا تحزنى ولا تيأسى بل أبشرى وافرحى
قال رسول الله صلى الله عليه وسلم ("بدأ الإسلام غريباً وسيعود غريباً كما بدأ فطوبى للغرباء)

نبدأ فى الشق الأول من المشكلة
أبويك

مهما تلااقي من مضايقات منهم

ربنا سبحانه وتعالى

قال فى كتابه العزيز

(( وَإِنْ جَاهَدَاكَعَلى أَنْ تُشْرِكَ بِي مَا لَيْسَ لَكَ بِهِ عِلْمٌ فَلا تُطِعْهُمَا وَصَاحِبْهُمَا فِي الدُّنْيَا مَعْرُوفًا))

وقال تعالي

((وَقَضَى رَبُّكَأَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا))

فأمر الله سبحانه وتعالى بالاحسان اليهما وإن كان المقابل الإساءة

والحاجة الوحيدة اللى تخلينا نقول لهم لا هى معصية الله أو الشرك بالله

غير كده ماعلينا إلا السمع والطاعة فى المعروف

والديك يمكن تكون الدنيا واخداهم منكم وبيعاملكوكى بطريقة مش حلوة

ليه متحاوليش تتوددى أنتى لهيم ؟ وتقربى منهم ؟

وتجيبى لهم هدية وتقولى لهم دى هدية بسيطة مننا انتم تعبتم أوى علشان خاطرنا


أكيد هم حيحسوا نفس الإحساس اللى عندكم

علشان فيه فجوة كبيرة أوي بينكم

ليه مش تحاولى تسدى الفجوة دى وتبدأى أنتى بالاحسان لهم

لكل فعل رد فعل مساوي له في المقدار

تفتكري أنتى واخدة جنب وهم فى جنب والتشاحن بين الطرفين

لازم حد يكسر الدايرة دي ويبدأ بالإحسان

وأكيد أنتم كأبناء المطلوب منكم كده عقلا وشرعا

{وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ} [فصلت : 34]

العدو بيتقلب صديق بالإحسان

العدو مش والديك !!

الى لو حصلك أى حاجة قلبهم هيتقطع عليكي

فيه آباء كتير كانو بيضربو أولادهم شباب وبنات

بس الأولاد طلعوا أذكياء وبدأو بمعاملة الأباء بالحسنى فالوضع اتغير

ولا نغفل إن البعد عن ربنا بيكون سبب أساسي في تنغيص الحياة

كما قال الحق تبارك وتعالى

{وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكًا وَنَحْشُرُهُ يَوْمَ الْقِيَامَةِ أَعْمَى} [طه : 124]

الي بينغص علينا حياتنا مش المشاكل الي فيها ولكن إحساسنا أحنا بالمشاكل دي
فكثير بتبقى المشكلة مش فى الأحداث الى بتحصل لنا فى حياتنا
ولكن فى تقبلنا وأحساسنا إحنا بالأحداث دى
ومن أكثر الحاجات الى بتخلى الإنسان راضي وعارف يعيش ومتأقلم
مع الضغوط الي عليه
قرب الإنسان من ربنا

لإن القرب ده بيهون عليه حاجااااااات كثير جدا
وبيقى محتسب الأجر وعارف إن كل إبتلاء رفعة لدرجته وبيبقى حاسس إنه خطوة بتقربه لربنا وبتكفر سيئاته
والطاعات نفسها بتخفف عن الإنسان كثير وعلى رأسهم الصلاة والدعاء

فدلوقتى هاتتقربي من والديك وتتوددى إليهم

كمان عشان تعرفيهم ان الالتزام جميل وفيه رحمة وتراحم واخلاق حميدة
وبلاش كسوف أنتي بتعملى كده أولا علشان ربنا أمرك بالإحسان لهم

ولو لقيتى المقابل وحش برضه متزعليش لإن بيدور على طاعة الله مش بيبص للمقابل

وخلى دايما شعارك

(( إن أجري إلا على الله ))


وإدعي ربنا دايما فى الثلث الاخير من الليل ربنا يرقق قلبه عليكم

ويرزقكم الإحسان إليه ويرزقه الإحسان إليكم

بس طبعا من غير إستعجال للنتائج

وأكيد لما تحسنم علاقتكم مع الله أولا ربنا هيملأ البيت بركة وسعادة

كما قال الله تعالي

"مَنْ عَمِلَ صَالِحًا مِنْ ذَكَرٍ أَوْ أُنثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُونَ"

وفى النهاية أسأل الله سبحانه وتعالى ان يرزقكم بر والديكم

وأن يرزق أبويكم الإحسان إليكم

إنه ولي ذلك ومولاه

أول حاجة أختى لازم تعرفيها كويس جدا إن الجنة مش ببلاش وإنها غالية اوى

ولازم نصبر ونجاهد ونضحى بحاجات كتير علشان ندخلها
مشكلتك هى البيت والمشاكل اللى بتحصل لك بسبب التزامك وده لازم يحصل
مافيش حد بيلتزم من غير مايتعرض للإنتقاض .

قال الله تعالي
الم * أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لا يُفْتَنُونَ
وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ

لازم أختى ربنا يعرضنا لإختبارات سواء من الأهل او الاصدقاء
وفكلام الاهل ومعاملتهم ليكى وانك بتبريهم ومش بتلاقي مقابل برك ده الا المعاملة السيئة
ده إبتلاء
ودى مشكلة أغلب الملتزمين والملتزمات وهى الالتزام والمعاناة مع الاهل فى كل حاجة

بس زى ماقلت لك لعل ربنا جعل من تعصب الاهل اختبار لنا علشان يختبرنا ويشوفنا هانثبت على الالتزام ولا هانسمع كلامهم

ونرجع زى زمان ونبقى فري زى بقية الاولاد والبنات!!

قال الله تعالي
أَمْ حَسِبْتُمْ أَنْ تَدْخُلُوا الْجَنَّةَ وَلَمَّا يَعْلَمِ اللَّهُ الَّذِينَ جَاهَدُوا مِنْكُمْ وَيَعْلَمَ الصَّابِرِينَ
وقال تعالى
وَلَنَبْلُوَنَّكُمْ حَتَّى نَعْلَمَ الْمُجَاهِدِينَ مِنْكُمْ وَالصَّابِرِينَ وَنَبْلُوَ أَخْبَارَكُمْ


وقال تعالى
أَمْ حَسِبْتُمْ أَنْ تَدْخُلُوا الْجَنَّةَ وَلَمَّا يَأْتِكُمْ مَثَلُ الَّذِينَ خَلَوْا مِنْ قَبْلِكُمْ مَسَّتْهُمُ الْبَأْسَاءُ وَالضَّرَّاءُ وَزُلْزِلُوا حَتَّى يَقُولَ الرَّسُولُ وَالَّذِينَ آمَنُوا مَعَهُ مَتَى نَصْرُ اللَّهِ أَلا إِنَّ نَصْرَ اللَّهِ قَرِيبٌ

شوفي سبحان الله كلام ربنا والله فيه حل لكل مشاكلنا
لازم نصبر ونجاهد انفسنا ونستعين بالله ونسأله الثبات وإياكِ تسمعى كلامهم فى غير الطاعة والمعروف
انتى الصح وانتى بالنسبة لهم غريبة علشان بتعملى الصح والنبي عليه الصلاة والسلام
قال لنا

(( بدأ الإسلام غريبا وسيعود كما بدأ غريبا . فطوبى للغرباء)) صحيح مسلم

فحضرتك اصبري وان شاءالله ربنا هايقر عينك بالزوج الصالح وصلاح حالهم
وإياكِ إياكِ يتقدم لك شاب مش ملتزم وتقبلى علشان خاطر أهلك ميزعلوش منك
ده مستقبلك ودينك
دينك اللى وقفتى قدام أهلك والدنيا كلها علشان تلتزمى بيه
ماتضيعهوش منك بكل سهولة وتتزوجى شاب يبعدك عن ربنا ويضيع منك كل حاجة
وكل مصيبة تهون الا المصيبة فى الدين
نسأل الله لنا ولكِ الثبات
بنسبة لموضوع الانطوائية
حاولى تتعاملى وتتعرفى على اخوات ملتزمين وصحبة صالحة
ومش عيب ان الانسان يكون هادىء الطباع
بس ميكونش متجمد بمعنى لازم تتفاعلى مع المجتمع اللى انتى عايشة فيه جربى تدخلى فى حوار حتى لو غلطتى حتتعلمى من اخطائك
وربنا ييسرلك الخير كله عاجله وآجله آمين آمين
ان ا حتجت اى شيء ابواب الطريق الى الله مفتوحة لك