مين اللي صح احنا ولا هما

[غير مسجل]

السلام عليكم ورحمة الله وبركاته

انا شاب في بدايات العشرينات بأذن الله اراسلكم بهدف يشوش لي رأسي

بأختصار أنا علي درجة ما من الالتزام ولكني كلما نظرت حولي اجد في جميع الشوارع (( الاغاني ..الكل في حالة تبرج وسفور .. الكل يرقص ويغني ... الكل لا يبالي بشئ من الدين .. اي مجموعة من البنات يمشون معا حوارهم حول شيئ واحد " انا كلمته وقالي كذا كذا أيوه هو اللي غلطا شكله جميل بس مش كوول" في المقابل اي مجموعة من الشباب " جميلة اوي بس شايفه نفسها ايوه بحبها اقولها ازاي ..... "

وبعد كده تلاقي في وقت الاذان كام واحد يتعدوا علي الاصابع داخلين المسجد وفي كل مسجد تلاقي اتين تلاته شباب والباقي كله ناس كبيرة في السن



انا بس عايز افهم

ميين فينا اللي صح
هو اصلا في آخرة ولا ده حوار وبتضحكوا علينا
هو احنا ليه بيحصلنا كده طالما احنا الحق
ليه كل حاجة حرام ..مينفعش.. لا يجوز ..مخالف لشريعة
ليه لما تعوز حاجة حلال صعب جداجداجدا انك تلاقيها
اييه الجنة اللي تستاهل ان الواحد يكون بيتقطع في اليوم بدل المرة ألف ايه اللي ها يكون فيها
هايكون فيها ايه " ستات شهوات عربيات فلوس "
ليه الصعوبه دي

انا بكلمك وانا بتقطع نفسيا انا جالي القولون العصبي وجالي اكتئاب نفسي ومبقتش عايز اكلم حد واعمل حاجة
انا تاااااااااااااايييييااااهههههه انا تايه بجد من اللي صح اصلا ايه هو اللي صح

مهو مش معقول الناس اللي عايشين كلهم غلط وانا وحبة معايا اللي صح


ايجووكم انا بكلمكم وانا بتقطع بدل المرة الف جوبوني ارجوكم



بس بعد اذنك انا مش مستني اجابة copy and past زي اللي بتجاوب بيهم علي الناس لو ها يتعبك انك ترد رد مش منقول يبقي مت ردش احسن


بس بعد اذنك انا مش مستني اجابة copy and past زي اللي بتجاوب بيهم علي الناس لو ها يتعبك انك ترد رد مش منقول يبقي مت ردش احسن


بس بعد اذنك انا مش مستني اجابة copy and past زي اللي بتجاوب بيهم علي الناس لو ها يتعبك انك ترد رد مش منقول يبقي مت ردش احسن

[فريق استشارات سرك فى بير(الأخوات)]

رد: مين اللي صح احنا ولا هما

السلام عليكم ورحمة الله وبركاته ..
أهلاً بكم اخانا الفاضل فى بيتكم الثانى الطريق الى الله ..
قال تعالى(وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ)
بداية اخانا الكريم
تخيل معى الدنيا من غير دين شكلها حيكون عامل ازاى؟؟؟؟؟؟؟
مفيش تشريعات
الناس كلها حتقتل بعضها عشان المراكز والفلوس
زنا المحارم وأد البنات الصغيرين عشان مخافة العار والذل
الظالم هو اللى حيكسب
حنبقى غااااااااااااااااابة مش بنأدمين ومصايب كتير جدا
ده جزء من اللى كان فى عصر الجاهلية
فى عصر الرومان كان الملوك بيتفرجوا على الناس
وهى الاسود بتجرى وراها (مصارعة الأسرى مع الأسود)
والشعب الرومانى ايضا كان بنسبة ليهم الموضوع
كأنهم بيتفرجوا على ماتش كورة حاجة مسلية !!
ومش حنروح بعيد مثال حيجمع كل الكلام ده

وكان الذي كلمه جعفر بن ابى طالب
، فقال له : أيها الملك ! كنا قوما أهل جاهلية نعبد الأصنام ، ونأكل الميتة ، ونأتي الفواحش ، ونقطع الأرحام ، ونسيء الجوار ، يأكل القوي منا الضعيف ، فكنا على ذلك حتى بعث الله إلينا رسولا منا ، نعرف نسبه وصدقه وأمانته وعفافه ، فدعانا إلى الله لنوحده ونعبده ، ونخلع ما كنا نعبد نحن وآباؤنا من دونه من الحجارة والأوثان ، وأمرنا بصدق الحديث ، وأداء الأمانة ، وصلة الرحم ، وحسن الجوار ، والكف عن المحارم ، والدماء ، ونهانا عن الفواحش ، وقول الزور ، وأكل مال اليتيم وقذف المحصنة ، وأمرنا أن نعبد الله لا نشرك به شيئا ، وأمرنا بالصلاة والزكاة والصيام .
قالت : فعدد عليه أمور الإسلام ، فصدقناه ، وآمنا به واتبعناه على ما جاء به ، فعبدنا الله وحده ، ولم نشرك به شيئا ، وحرمنا ما حرم علينا ، وأحللنا ما أحل لنا ، فعدا علينا قومنا ، فعذبونا وفتنونا عن ديننا ، ليردونا إلى عبادة الأوثان من عبادة الله عز وجل ، وأن نستحل ما كنا نستحل من الخبائث ، فلما قهرونا وظلمونا وشقوا علينا ، وحالوا بيننا وبين ديننا خرجنا إلى بلدك ، واخترناك على من سواك ، ورغبنا في جوارك ، ورجونا أن لا نظلم عندك أيها الملك .
قالت : فقال النجاشى: هل معك مما جاء به عن الله من شيء ؟ قالت : فقال له جعفر : نعم ، فقال له النجاشى: فاقرأه علي ، فقرأ عليه صدرا من " كهيعص " قالت : فبكى والله النجاشى حتى أخضل لحيته ، وبكت أساقفته حتى أخضلوا مصاحفهم حين سمعوا ما تلي عليهم ، ثم قال النجاشى: إن هذا - -ص 57-والذي جاء به موسى ، ليخرج من مشكاة واحدة ، انطلقوا ! فوالله لا أسلمهم إليكم أبدا ولا أكاد .

بنسبة لسؤالك هو اصلا في آخرة ولا ده حوار وبتضحكوا علينا؟
الرد فى قول رب العزة
يقول الله تعالى: (أَفَحَسِبْتُمْ أَنَّمَا خَلَقْنَاكُمْ عَبَثاً وَأَنَّكُمْ إِلَيْنَا لا تُرْجَعُونَ)[المؤمنون:115].

سؤال تانى ايضا انت سألته

كلما نظرت حولي اجد في جميع الشوارع (( الاغاني ..الكل في حالة تبرج وسفور .. الكل يرقص ويغني ... الكل لا يبالي بشئ من الدين .. اي مجموعة من البنات يمشون معا حوارهم حول شيئ واحد " انا كلمته وقالي كذا كذا أيوه هو اللي غلطا شكله جميل بس مش كوول" في المقابل اي مجموعة من الشباب " جميلة اوي بس شايفه نفسها ايوه بحبها اقولها ازاي ..... "؟؟؟؟؟؟؟؟؟؟
إن الله تعالى خلق الخلق لعبادته، وسخر لهم ما في السماوات وما في الأرض، ورغَّبهم في الجنة، ورهَّبهم من النار، وذكرهم بما هم مقبلون عليه بعد الموت من أهوال وكربات عظام، لكن الكثير من الناس ينسى هذه الحقائق ويغفل عنها: (اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مُعْرِضُونَ * مَا يَأْتِيهِمْ مِنْ ذِكْرٍ مِنْ رَبِّهِمْ مُحْدَثٍ إِلاَّ اسْتَمَعُوهُ وَهُمْ يَلْعَبُونَ)[الأنبياء:1- 2]،

سبحان الله اخى الكريم
لو حتبص حواليك كل يوم بتقوم قيامة
انسان فلان مات فلانة ماتت
الملوك ؛الفقراء ؛الطبيب ؛الغفير ؛الجاهل ؛المتعلم
كل الناس بتمووووووووووت
الحياة والموت حقيقة محدش يقدر ينكرها
واحنا مطالبين ب
أركان الإيمان هي: الإيمان بالله و ملائكته وكتبه و رسله و اليوم الآخر و القدر خيره و شره
ربنا سبحانه وتعالى خلقنا فى الدنيا لعبادته
على الوجه الذى يرضيه عنا بعث الينا الرسل
نهاية بخاتم الانبياء محمد صلى الله عليه وسلم
مسبناش ماشيين نخبط فيها
تخيل انت لو دخلت مدينة كبيرة كلها طرق ومتعرفش اى حاجة فيها
حتوه (بس لو معاك خريطة ترشدك حتقدر تواصل وتكمل مهما قابلت من صعوبات )
القرآن الكريم منهج حياة والسنة النبوية الشريفة
حتقول بس
الناس مش بتعمل بدين ؟؟؟؟؟؟؟
الاجابة قال رسول الله صلى الله عليه وسلم
(بدأ الإسلام غريبا وسيعود غريبا كما بدأ فطوبى للغرباء)..


المنهج واضح وصريح العيب فى الأشخاص اخى الكريم
ولكن فينا بفضل الله ناس صالحين وان كانوا قلة
واللى بيحصل دلوقتى بنات لبسين ضيق وكل فكرهم فى الحب والمشى
والشباب ثقافة غربية انتقلت لينا من الغرب
اللى عايشين من غير دين (واعلى نسبة انتحار عند الغرب بمعدل الدقيقة (لأنهم ملقوش السعادة فى الشهوات ) واخطر مكان على المرأة الغربية بيتها لانها بتتعرض للاغتصاب من محارمها ابوها اخوها خالها والكلام ذكرته مجلة تايمز )
وبلعكس تماماً غير ما انت متصور
الحلال مش مسألة انه صعب المشكلة فى الناس دلوقتى
زمان كان الشاب بيتزوج لحسن خلقه ودينه وما معه من القران
دلوقتى الشاب بيتزوج وما معه من الفلوس والعربيات
حتقول بس السعادة مش لاقيها فى الدين
وعندى اكتئاب ؟؟؟؟؟؟؟؟؟
حسألك سؤال اخى الكريم أنت عرفته ؟

عرفت الله
لو عرفته لأحببته اخى الله عزوجل خلقك نطفة ماء مهين
وبعدان علقة وبعدان مضغة الى ان اصبحت طفل لا حول لك ولاقوة
وغذائك بيصلك من حبل سرى من بطن امك
عظمة وقدرة لا يقدر عليها سوى آله عظيم
بص حواليك كده دقق اكتر فى الدنيا مجرات وكواكب ونجوم
انت تعرف ان حجم الكرة الارضية اصغر من النملة وسط السما الواحدة
فما بالك بسبع سموات
http://www.youtube.com/watch?v=udu7f21ycY0

ولازم بتكون فيه ابتلاءات

بِسْمِ اللَّهِ الرَّحْمَنِ الرَّحِيمِ

(( الم * أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ * وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ))

قال الشيخ السعدي رحمه الله :

يخبر تعالى عن [تمام] حكمته وأن حكمته لا تقتضي أن كل من قال " إنه مؤمن " وادعى لنفسه الإيمان ، أن يبقوا في حالة يسلمون فيها من الفتن والمحن ، ولا يعرض لهم ما يشوش عليهم إيمانهم وفروعه ، فإنهم لو كان الأمر كذلك ، لم يتميز الصادق من الكاذب ، والمحق من المبطل ، ولكن سنته وعادته في الأولين وفي هذه الأمة ، أن يبتليهم بالسراء والضراء ، والعسر واليسر ، والمنشط والمكره ، والغنى والفقر ، وإدالة الأعداء عليهم في بعض الأحيان ، ومجاهدة الأعداء بالقول والعمل ونحو ذلك من الفتن التي ترجع كلها إلى :

- فتنة الشبهات المعارضة للعقيدة
- والشهوات المعارضة للإرادة .

فمن كان عند ورود الشبهات يثبت إيمانه ولا يتزلزل ، ويدفعها بما معه من الحق
وعند ورود الشهوات الموجبة والداعية إلى المعاصي والذنوب ، أو الصارفة عن ما أمر اللّه به ورسوله ، يعمل بمقتضى الإيمان ، ويجاهد شهوته ... دل ذلك على صدق إيمانه وصحته.

ومن كان عند ورود الشبهات تؤثر في قلبه شكا وريبا ،
وعند اعتراض الشهوات تصرفه إلى المعاصي أو تصدفه عن الواجبات
دلَّ ذلك على عدم صحة إيمانه وصدقه.

والناس في هذا المقام درجات لا يحصيها إلا اللّه ، فمستقل ومستكثر

فنسأل اللّه تعالى أن يثبتنا بالقول الثابت في الحياة الدنيا وفي الآخرة ، وأن يثبت قلوبنا على دينه ، فالابتلاء والامتحان للنفوس بمنزلة الكير ، يخرج خبثها وطيبها . أ.هـ

المصدر

تيسير الكريم الرحمن في تفسير كلام المنان

خطوات عليك عملها الآن اخى اطلب العلم الشرعى لانه سيوضح لك الكثير من الأمور
وايضا احفظ القران الكريم ومرره على قلبك
وعبادة التفكر والتأمل مهمة جدااااااااااااااا

أسأل الله ان يثبت قلبك على دينه وان يصرف عنك كيد الشيطان

ان احتجت اى شيء ابواب الطريق الى الله مفتوحة لك

[فريق استشارات سرك فى بير(الأخوات)]

رد: مين اللي صح احنا ولا هما

جميل جدا هذا المقطع للشيخ محمد الصاوى اسمعه الى آخره اخانا



لتحميل رابط صوت mp3

[غير مسجل]

رد: مين اللي صح احنا ولا هما

اخى الكريم كثير منا يتعرض فى ذهنه هذه الاسئله ولكن.......................
يا ترى من تراهم هؤلاء يحققون السعاده الحقيقيه................اسال نفسك............لا يا اخى والله فكثير منهم من يعود الى الله ويعلم معنى السعاده فيندم على الايام التى قضاها بعيد عن الله
كمان الله خلق كل الناس عشان كل واحد يعمل اللىهو عايزه وبعدين مفيش حساب اهذا يعقل
وبعدين وضع الله هذه التشريعات صعبه عشان الناس تعب وخلاص ولا عشلن ده فيه صلاح المجتمع
المشكله انك تكون راجل وتقدر على الشبهات والشهوات لو كنت كده فعلا هتلاقى تثبيت واعانه من الله غير عاديه لدرجة انك هتحس بحجات غير عاديه من مساعدة الله لك وكمان هتعرف الجنه على الارض وهى انك تحس بحلاوة الايمان والله لو وصلت ليها هتحس ان كل شئ هين قصدها
بجد اعزم وابدئها صح وابعد عن اى حاجه تبعدك عن ربنا وربنا يوفقك وايانا لما فيه الصلاح

[احنا صح]

رد: مين اللي صح احنا ولا هما

يااااه لسه فى حد مش حاسس بقيمته كمسلم !!

مش حاسس بقيمة ربنا زرعها فى قلوبنا وميزنا بيها وعشان كداا احنا مختلفين بالميزة دى

اقصد بيها الالتزام الدينى

يعنى شىء جميل .. يخليك فخور بنفسك انك تبقى مميز ومختلف وانت صح

بدل ما تكوون نسخ مكرره من شىء غلط اووى وبشع اوووى

ومش هنكر ان دا العادى دلوقتى ان مفيش حد جوا قلبه الدين بيحكمه
مفيش حد حاطط قيمه لاوامر ربنا ولا حول ولا قوة الا بالله


اومال يبقى اسمنا قابضين ع الجمر ازااى

دينكـ لحمكــ ودمكـ
دى كلمة دوك حازم شومان :)

بجد لازم تفخر بان ربنا عافاك من انك تبقى نسخة مكرره من الناس دلوقتى
وميزك ببصيرتك اللى شايفه الصح

اللى ناقصك بس هو قرب اكتر من ربنا
والصحبة الخيرة

ودى موجودة بس دور عليها هتلاقيها :)

[يارب أصلح حالنا]

رد: مين اللي صح احنا ولا هما

وعليك سلام الله ورحمته وبركاته أخى الفاضل المبارك

حياك الله وبارك فيك ويسر لك كل أمر عسير

أستشعرت من رسالتك هذه مدى ألمك وجراحك ويبدو إنك فعلا مهموم وزعلان وعندك حق فى زعلك ده وفعلا اللى مزعلك حاجه حقيقى تزعّل وتحرق القلب كمان

أخى ما شاء الله عليك يبدو من إسلوبك فى الكلام إنك مش راضى بالواقع ده وإحساسك ده جميل ويدل على إنك ما شاء الله ملتزم وفيك خير كتير بس عايز اللى يساعدك على إنه يخرج

أخى أكلمك بإخوة وإحترام فنحن فى أعمار متقاربة وحالى تقريبا مقارب لحالك فاسمع منى نصحى لك وسأنصح لك كما أنى أنصح لنفسى

الطريق اللى إحنا ماشين فيه ده هو الصح الطريق اللى إحنا بنعبد فيه ربنا كما يحب ويرضى الطريق اللى هجرنا فيه قرآن الشيطان اللى هى الأغانى والموسيقى وأتجهنا إلى قرآن الرحمن
الطريق ده كل نور وكله بركة وكله خير ... الطريق ده إحنا ضحينا بحاجات كتير عشان ندخله ونظل فيه على فكرة إحنا فى نعمة كبيرة قوى إن إحنا دخلنا الطريق ده
أخويا أنا عايزك تتخيلى معايا إن فى واحد ماشى وقدامه طريقينن يايمشى فى ده يايمشى فى ده مينفعش يمشى فى الطريقين
طريق منهمالظاهر منه إنه حلو ومريح ومفهوش عقبات ولا مطبات ولا أى حاجه هو طريق الظاهر منه إنه جميل خالص ومريح ومفهوش حر لكن للأسف إن الطريق ده مش ممكن بأى حال من الأحوال يوصّل لمراده
وفى نفس الوقت كان فى طريق تانى بس الطريق ده فيه عقبات كتير وفيه حر وشكله الظاهرى مش مريح قوى لكن مع كل ده الطريق ده الوحيد اللى هيوصّله للمراد بتاعه

بالله عليك لو إنت أمامك طريقان بالشكل ده واحد مريح ومش هتخسر فيه حاجه دلوقتى بس هتخسر كل حاجه بعدين وكمان الطريق ده مستحيل يوصلك
وطريق تانى هتتعب شوية فيه بس هتكسب حاجات كتير بعدين وغير كده إن الطريق ده الوحيد اللى هيوصّلك

أختار لنفسك أى الطريقين تريد

أخى لازم يكون لك مراد وغاية تمشى من أجلها


هل إنت غايتك .... رضا الله
أم غايتك رضا الشيطان

طريق طاعة ربنا وحب ربنا مش مفروش بالورد والزهور والرياحيين .. لأ دا فيه إبتلاءات هتقابلك والشاطر اللى ينجح
أما طريق الشيطان فهو طريق مُزيّن الشيطان مزيّن لك المعصية عشان تقع إنت كمان وميدخلش جهنم لوحده عايز يجرجرنا كلنا معاه

أما كون إنك كل حاجه عايزها حلال تلاقى عقبات كتير فدا وهم لإن ربنا حكيم سبحانه وتعالى ويعلم ما يصلحنا


أخى إحنا على الطريق الصح وعليك بالدعاء .. أثبت على الطريق وسيربح بيعك ورب الكعبة

عليك بالصحبة الصالحة ،قيام الليل ، سماع دروس العلم ، الإلتزام بساع القنوات الإسلامية فقط ،القرآن خير معين ،حفظ القرآن


أنا هأحكى لك تجربة شخصية مش هأروح بعيد أناعندى 23 سنة خلصت الكلية وألتزمت بفضل الله وأنا فى سنة تالتة كلية
أنا أصلا مكنش فى بالى إلتزام خالص لكن ربنا هدانى وأقسم لك بالله أنا كنت لا أشعر بسعادة قدر ما أشعر بها وأنا أستيقظ من عز نومى عشان أصلى ... كنت بأحب اليوم اللى بأصومه


أنا جات لى فترة فتور كنت مش قادر أعمل حاجه ربنا بيحبها والله كنت أشعر بالكآبة والضيق والحزن والضنك الحقيقى وحسيت هنا إن فعلا السعادة كل السعادة فى طاعة ربنا

أخى أنا مش هأطول عليك أكتر من كده لكن أخر نصيحة أثبت على طاعة الله وأشغل وقت فراغك

وبالله عليك تدخل تطمنا عليك إنك بخير وأنقل لنا شعورك بعد ما كتبه الإخوة وإن شاء الله أنا ظنى إنك هتكون أحسن بإذن الله

وسيكون لنا عودة مرة أخرى
والسلام عليكم ورحمة الله وبركاته