ما هو حل مشكلة الغيره ؟؟

[غير مسجل]

السلام عليكم ورحمة الله وبركاته
اولا بشكركم على هذا المنتدى بشكل عام... ربنا يتقبل منكم جميعا ... ويجعله فى ميزان حسناتكم

ثانيا ::--

انا شخصيه غيوره قليلا لكن بتعب منها جداا ... يعنى مثلا لما بحب شخصيه بحس انى بكون انانيه شوى لانى بكون عاوزاها لنفسى لكن بحاول اتغلب على هذه المشكله وبعاتب نفسى .. وفى نفس الوقت ما بوضح ليهم انى غيرت بل باخذ الامور عاديه " ده الظاهر فقط عشان ما أأذيهم او اخنقهم " لان اكيد من حقهم يحبوا اى حد او يتكلموا وما يرتبطوا بى ...

لكن لما بكون متمسكه بصديقه ووتتركنى و تكلم اخرى بحس بغيره بداخلى شديده
واحيانا ممكن ياثر على حبى ليها .. رغم انه بيكون حب لله وفى الله و ما بقصد به شئ تانى .
واخيرا لاحظت الحكايه دى بردو مع الاطفال .

ايــــ ــــــ ــه الحـــ ــــــ ـــل فى المشكله دى ... لانها بجد بتتعبنى نفسياا جدااا؟؟؟

[فريق استشارات سرك فى بير(الأخوات)]

رد: ما هو حل مشكلة الغيره ؟؟

وعليكم السلام ورحمة الله وبركاته ...
أهلاً بك اختنا الكريمة فى بيتكم الثانى الطريق الى الله

أهلا بكِ أختنا الكريمة

جميله جداً صراحتك والأجمل منها فهمك الشديد لنفسك .
ومعرفة المشكلة نص الحل في الطريق لعلاجها زي ما تشخيص المرض هو أهم شىء في العلاج .

طيب دلوقتي عارفة إن تصرفاتك دي مش صح
وعارفة خطورتها لو استمريتي عليها إنك هتخسري أصحابك وتبقي وحيدة

فالوضع مينفعش يستمر كده
أسألي نفسك ليه بتحسي الأحاسيس دي ؟؟

يمكن تكون ثقتك في نفسك ضعيفة فبتعوضيها برغبة بإهتمام زائد
يمكن يكون عندك فراغ فبتدي لأصحابك حجم أكبر من المفروض فبتبقي حريصة جدا عليهم

طيب ازاى تزودى ثقتك بنفسك وتملي فراغك ؟
يكون ليكى هدف ودور محدد فى الدنيا بتعمليه
تكونى طائعه لله فتستمدى الثقه والقوه منه سبحانه


فغالبا لو بقيتي مشغولة وحسة إنك بتنتجي في مجالات مفيدة
مش هتهتمي بالأمور الصغيرة دي


وأكيد لما تقربي من ربنا وقلبك يتغير مش هتلاقي أي أثر للمشاعر دي

وعليكي بالدعاء

لإن الي يملك القلوب ربنا والي يقدر وحده يغيرها برده ربنا

فألجي له وادعيه إنه يطهر قلبك من المشاعر دي وإنه يملأ قلبك بحبه




وممكن تشاركي
فى فرق العمل فى الطريق الى الله
ابواب الخير كتير وحتشغلك عن صغائر الامور
أسأل الله ان ييسر امرك ويفرج كربك

[غير مسجل]

رد: ما هو حل مشكلة الغيره ؟؟

جزاكم الله خيرا على ردك

ما عتقد ان شاء الله انها توصلنى انى اخسر اصحابى لانها بتكون فى نفسى وبحاول اهديها الحمد الله زى ما قلت فى المشاركه الاساسيه


المشكله انى ما بلاقى جواب لما بسال نفسى ليه بعمل كده؟؟

وحكاية الثقه :مممم ما اعتقد لانى والحمد الله ما ثقتى فى نفسى ضعيفه لدرجة انها توصلنى انى اعمل كده بل ممكن اكون انا شخصيتى اقوى من اللى اعمل فيها كده.

وحكاية الفراغ :انا ما عندى فراغ كتيير بردو ، بل كان ورايا دراسه وهذه الايام بحاول اشغل نفسى بطاعة الله وحفظ القران والدعوه الى الله على قدر استطاعتى


(((( طيب ازاى تزودى ثقتك بنفسك وتملي فراغك ؟
يكون ليكى هدف ودور محدد فى الدنيا بتعمليه
تكونى طائعه لله فتستمدى الثقه والقوه منه سبحانه)))))

الحمد الله ده اللى بحاول اعمله
بس المشكله الشعور اللى بحس به فى الموقف نفسه

اقولك شئ ممكن يكون السبب :
انا شخصيه ما بتعلق بحد بسهووله بحب الناس جميعااا جدااا ،، لكن انى اتمسك بشخصيه جداا ما بسهل
يعنى كده تقولى باختار اصدقائى المقربين منى جدا مش بسهل قووى

فممكن يكون بغير لانى بكون اختارتها بعد عناء - ابتسامه -
المشكله انى خايفه ان الحكايه دى تاثر على حياتى فيما بعد


((((وممكن تشاركي
فى فرق العمل فى الطريق الى الله
ابواب الخير كتير وحتشغلك عن صغائر الامور
أسأل الله ان ييسر امرك ويفرج كربك ))))))

طبعا ان شاء الله ويكون لى الشرف انى اشترك معكم
وربنا يستجيب دعاءك .. ويفك كرب المسلمين جميعااوييسر امورهم
اللهــــــــــم اميـــــــــــــن


فى انتظار تعليقك على مشاركتى