محتارة اعمل ايه؟؟؟؟ (( متقدم لى عريس .... ))

[غير مسجل]

السلام عليكم و رحمة الله

فى واحد متقدملى هو متدين جدا او يعنى اللى اتقالى و اللى ظاهر
حافظ قران و بيدرس علم شرعى و ناوى يبقى داعية باذن الله
اخلاقه كويسة
بس
كتكافؤ
حالته الاجتماعية اقل من اسرتى .. انا من بدرى و انا حابة انى ابدأ مع حد نبنى حياتنا سوا بس بدءا من مستوى معين ,,
خايفة ماقدرش اتحمل الوسط بتاعه!
بجانب ان شقته فوق مامته-و دى حاجة بخاف منها برده مش كعداء معاها و الله بس كتجنب مشاكل و لان حياتى الجاية باذن الله مش هتستحمل اكون فى بيت عيلة بمتطلباته- و فى مكان مش كويس برده
و فى نفس الوقت
التعليم
هو واضح انه حد مكافح و دى حاجة انا بحبها ,, بس خايفة برده من فكرة الفرق فيه .. هو الاول ماكانش تعليم جامعى بس حاليا بيكمل


انا خايفة ارتبط بيه اكون بظلم اولادى بعد كده او بظلمه او بظلم نفسى
و خايفة ارفضه اكون برفض نعمة ربنا خصوصا ان الحاجات اللى رافضاها فيه حاليا دنيوية
و طبعا حديث الرسول عليه الصلاة و السلام بتاع اذا جاءكم من ترضون دينه و خلقه فزوجوه مخوفنى جدا ,, بس انا مقتنعة من بدرى ان التدين اساسى بس لازم يكون فى تكافؤ حتى لو فى فروق تبقى خفيفة و ماتكونش فى كله

و مش عاوزة يحصل رؤية شرعية قبل ما يكون فى قبول مبدئى على الأقل او قبول للمبدأ فى حد ذاته فى عقلى
ياريت تنصحونى

[غير مسجل]

رد: محتارة اعمل ايه؟؟؟؟

عليكي بصلاة الاستخارة

[فريق استشارات سرك فى بير(الأخوات)]

رد: محتارة اعمل ايه؟؟؟؟

وعليكم السلام ورحمة الله وبركاته

أهلا بيكي معانا أختنا الكريمة





نسأل الله أن يصلح لكِ شأنكِ كله في ستر وعفو وعافية

كما نقول دائما

المعيار اللى بنقيس به أمور حياتنا هو الشرع
يعنى الفعل ده يجوز أو لا يجوز ؟؟
يرضى الله أم يغضبه ؟؟

فى ميزان حسناتى أم سيئاتى ؟؟ فليس لنا خيار ثالث

وليس المعيار هو المقبول عرفاً والمتقبل بين الناس !!

قال رسول الله صلى الله عليه و سلم : " إذا جاءكم من ترضون خلقه و دينه فزوجوه ... "
فعلق النبي صلى الله عليه و سلم مسألة الموافقة في الزواج على الدين و الخلق


والمفاضلة بين الناس بالتقوى



{يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ} [الحجرات : 13]



ولكن هذا لا يعني عدم أخذ التكافؤ في الإعتبار

فهناك اعتبارات أخرى بالطبع تكلم فيها العلماء و سموها بالكفاءة


يعني الحاجات الاجتماعية و المادية و العلمية
تقارب المستوى
كل هذا مطلوب لحدوث التفاهم بين الزوجين

حطي أمامك أسياسيات دي لا يمكن التنازل عنها:


* اقامة الفروض

من صلاة وصوم وصلاة في المسجد



* الالتزام... وبمعنى أصح روح الالتزام
الالتزام بالهدي الظاهر والباطن ..
يعني يكون بدأ الطريق و أخذ خطوات جدية فيه ولم يعلّق الطرف الآخر بتسويفات و أمانيّ و التوقف عند حدود الله

*صلته جيدة بأهله



* السمعة الطيبة للشخص والأسرة



* حسن الخلق



*التكافؤ الاجتماعي
يكون في تقارب في المستوى الاجتماعي والعادات ومستوى المعيشة والسكن للأسرتين

والتكافؤ الاجتماعي مهم جدا جدا
لأنه بيحكمه أشياء كتيرة زي العرف والعادات وطقوس الحياة والمعيشة
وللاسف ناس كتير بتهمل العامل ده رغم أنه ممكن ينسف المودة والتآلف بين الزوجين و أكبر سبب من أسباب النفور بين الزوجين هو عدم التكافؤ الاجتماعي

التكافؤ الاجتماعي مش مقصود به القدرة المادية
لأن ممكن واحد معاه فلوس لكن زي ما بيقولوا "جلف" او بخيل

والتكافؤ الاجتماعي برضو مالوش علاقة بالتعليم
ممكن واحد تعليمه عالي ولسانه سليط
و واحد تعليمه متوسط وحسن الخلق وسمعته طيبة


فنصيحتنا أنك تحاولي تتناقشي مع أهلك في الجلوس معه ثم الحكم عليه

وعليكى بالاستخارة واللجوء الى الله ان يهديكى الى الصواب