هقولها وخلاص

[غير مسجل]

السلام عليكم
أنا هقولها واللي يحصل يحصل هقولها وخلاص بصوا بقى صراحة كده أنا مبعرفش أكدب أنا محتاجة رجل فحياتي متبصوش لبعض أو تضحكوا بس خلاص أنا زهقت أنا بابا وماما من أول السنة دي وهما مسكني وسيبين البيت كله كل يوم لازم بابا يزعق لي وماما مشغوله بالدبلومه اللي بتعملها دي
1-هقولكم حاجات محدش يعرفها خالص زي مثلا أنا بتخيل اللي بيحصل بين الزوجين وأكون أنا الزوجة والزوج شخص وهمي وعايزة حل للموضوع ده برضه
2-عايزة أرضي أمي وأبوي ومش عارفة
3-أنا محتاجة راجل فحياتي متقولوش قلت كده ليه يا بنتي كده عيب ومش عارفة أيه والكلام ده الموقع ده الوحيد اللي بقدر اتكلم فيه بصراحة وأجد الحل فبالنسبة لوحده زي أمها وأبوها بعاد عنها من صغرها ومستغنية عن دورهم أصلابس يعني مينفعش طاعة الوالدين برضه يا جماعة فأنا قلت أريح نفسي أفكر في حل بحيث أمش من بيت أهلي ومأسببش العار للعيلة
وفي نفس الوقت كنت بدور على حل لموضوع التخيلات ده وطبعا مع الأحساس بالحاجة للحنان والحب مأنا فسن المراهقة بقى قلت أنا عايزة راجل في حياتي بس المشكلة في حاجة انا في أولى ثانوي ثانيا من عيلة كبيرة وفي ناس بتخاف تتتقدم
للبنات فعيلتنا كما أن لوحصل وحد أتقدملي ماما مش هتقولي أصلاوهيقولوله لأ تكمل تعلمها وأنا أصلا هأدخل علمي رياضة غصب يعني بدرس غصب
قولولي أعمل أيه في التلت حجات دول أنا حاسه أن كله مترتب على بعضه لأن لو أتجوزت هأخلص من موضوع التخيلات
وهمش من بيت أهلي وأرتاح وهأجد حد حنين عليا يفهمني ويحبني وفي نفس الوقت أبقى معملتش حاجة حرام بس أعمل
أيه يعني اول مأشوف واحد ملتزم ومتدين وعاجبني أقوله تعالى أخطبني من بابا عشان عايزة أتجوزك يا نهار أسود أيه
الكلام اللي أنا بكتبه ده دي مصيبة
فلو سمحتم حلولي التلت مشاكل دول وبسرعة عشان أنا زهقت على فكرة أنا بفكر أنتحر فكرة برضه صح وممكن ميكونش في الحل كلام مع بابا وماما عشان كل مبتكلم معاهم يا أما يزعقوا أو ميسمعوش أصلا
وشكرا جزيلا وربنا يصبركم على اللي بتقرأوه ويا ريت تعتبروني أختكم الصغيرة وكلامكم معايا يبقى على هذا الأساس
وشكرا وجزاكم الله وأياي الفردوس الأعلى بجوار الحبيب ومتعكم برؤية وجهه وزاركم المصطفى في الدنيا قبل الأخرة
والسلام عليكم

[مراقب قسم سرك فى بير]

رد: هقولها وخلاص

سوف يتم الرد عليك إن شاء الله

[غير مسجل]

رد: هقولها وخلاص

لو سمحتم ردوا بسرعة

[غير مسجل]

رد: هقولها وخلاص

على فكرة أنا فاضل عليا يوم وأكمل أسبوغ وأنتو مرديتوش

[فريق استشارات سرك فى بير(الأخوات)]

رد: هقولها وخلاص

السلام عليكم ورحمة الله وبركاتة

سرني خطابك وأشد ما أسعدني فيه إعجابك بموقعنا رغم صغر سنك حيث قلتى :

ومش عارفة أيه والكلام ده الموقع ده الوحيد اللي بقدر اتكلم فيه بصراحة وأجد الحل

وهذا يدل على نضجك المبكر وذكائك المتقد.

ابنتي الصغيرة.. إنك في مرحلة نمو وكل شيء يتغير داخلك وحولك بشكل سريع ومتلاحق، وهذا التغير يصاحبه أعراض، وهي أعراض المراهقة، ومن أوضح هذه الأعراض هو الميل للجنس الآخر والرغبة في اكتشاف عالم الشباب وهذه مشاعر طبيعية لمن هم في مثل مرحلتك السنية.

ولكن السؤال:

ما هي الطريقة الصحيحة للتعامل مع هذه الرغبة؟

ما رأيك يا ابنتي لو أن شمعه مضيئة وضعت في متناول يد طفل صغير ماذا سيفعل بها؟

إنه بالتأكيد ستتولد لديه الرغبة في اكتشافها، فماذا لو أمسكها؟

إنها على أقل تقدير ستحرق يده؛ لأنه لا يدرك تمام الإدراك الفرق بين الضياء والنار، ولكنه بعد شهور قليلة ينضج فكره وإحساسه إلى الحد الذي يشعره بموضع الخطر وتتكون لديه الخبرة والمعلومات التي تجنبه الأذى، وبمرور الوقت سيتعلم متى وكيف يستخدمها ويستفيد منها.

وكذلك يا ابنتي، المشاعر والعاطفة تنمو بشكل متدرج فالنضج العاطفي لا يحدث دفعة واحدة فمن تريد الاكتشاف لعالم الحب والشباب دون أن يتكون لديها النضج الكافي والخبرة الضرورية لفهم الفرق بين الحب والإعجاب، وأعراض المراهقة تعرض نفسها للحرق بنار التجارب الفاشلة المحبطة التي قد تؤثر على حاضرها ومستقبلها تأثيرا سلبيا هي في غنى عنه.

فلا تتسرعي يا ابنتي، فتعلقك بهذه المشاعر شعور عارض، وليس حبا حقيقيا فلا تشغلي بالك به، ولا تضيعي وقتك ولا تقلقي، سيأتي سريعا الوقت الذي يكتمل فيه تكوينك العاطفي الذي سيؤهلك لاختيار الشخص المناسب في الوقت المناسب.

ابنتي الغالية..

إدراكك لمرحلتك السنية مهم لتتلمسي الطريق في النور وتصلي إلى بر السلامة وتذكري أن هذه المرحلة هي التي يولد فيها الإنسان مولده الحقيقي، فاجعلي لك أهدافا في حياتك واشغلي نفسك بالوصول إليها واستغلي طاقتك الذهنية المتقدة في أنشطة ثقافية ورياضية تسرع من عملية نضجك العقلي والعاطفي.

ابنتى الغالية

اعرفك ان الحياة مش جواز وبس وفى مرحلة تغير جسد البنت
بتحس انها خلاص كبرت ومحتاجة رجل لانها غريزة وفطرة
لكن اعلمى يا صغيرتى ان الزواج رزق والرزق زى الموت بيجرى ورا الانسان
فمتشغليش بالك بزواج من دلوقتى ولو على التخيلات ده امر طبيعى بيحصل لمعظم الناس
بس المفروض اننا منسبش خيالنا يسيطر علينا ونسترسل فيه عشان لا نقع فى المحظور
اشغلى نفسك وخططى لمستقبلك كويس صدقينى العلم وانك يكون ليكى هدف فى حياتك
حيحسسك انك معندكيش وقت تفكرى فى اى حاجة
العبى رياضة عشان تفرغى طاقتك احفظى قران اجتهدى فى دراستك
ليه متقوليش لنفسك انا نفسى لما اقف بين ايد ربنا ويسألنى اقدم علمى واقول ياااااااارب انا خدمت الاسلام بيه
يا ابنتى انتى فى سن خطر والحب والحنان مش مرتبط بزواج فقط
الزواج مسؤلية اكتر منه رومانسية
انجاب اطفال وتنظيف بيت وحقوق زوج واهله
كل ده عاوز خبرة فى الحياة ولازم حياتك تمشى مترتبة
لانك كده عاوزة تختصريها فى فكرة الزواج
وعشان كمان لما تكونى متعلمة تاخدى انسان متعلم ومثقف ويبقى فيه تكافؤ
ولو على فكرة الزواج بدرى
خلصى الثانوية العامة ولو حد اتقدملك فى اثناء دراستك بلكلية
معروف عنه الاخلاق والالتزام ومناسب ليكى وافقى وكملى دراستك فى بيت زوجك
بس اهم حاجة تشغلى وقتك دلوقتى زى ما قلنا حفظ قران احضرى دروس علم
وهكذا وربنا يوفقك يااااااااااارب

وابقي على تواصلك معنا، وتابعينا بأخبارك.