والدي ثم والدي ثم والدي

[الحزينة الضائعة]

السلام عليكم و رحمة الله و بركاته

أنا جيا اليوم و كل اسى و حزن و يا ريت تردوا علي في اقرب وقت
بالله عليكم تدلونا نعمل ايه

أنا ازددت في عائلة غير متدينة بالمرة.
الحمد لله, ربنا من علي بالالتزام من سنة و نص و بقيت أي حاجة أتعلمها بعلمها لهم.
أكبر مشاكلنا والدي, الله يهديه, بيشرب خمر و أمي كلمته اكثر من مرة و مفيش فايدة
تخيلو ان في كل رمضان بيبطلو و بعدها بكام يوم بيرجع ليه
و للأسف مؤخرا بقى بيشرب كثير جداااا و مابقاش عايز يشتغل خالص
و في كل مرة والدتي تكلمو يفضل يشتم و يخاصم,
و اخر مرة كانت امبارح, لما جي في حالة يرثى لما بالسكر و مش قادر يقف على رجليه, فأمي لما كلمته غضب غضب شديد جدااا و اليوم لما رحنا نسلم عليه (أنا و اخوتي) قلنا ابعدو عني, أنا مابحبكمش كلكم, الله يلعنكم
أيوه لعنا و دي مش أول و لا اخر مرة, دايما بيدعي علينا و يلعنا و يلعن اليوم اللي خلفنا فيه
تصورو بقى بيكرهنا جدااااااا كلنا, و من رأيي من الأسباب اللي خلتو يكرهنا أكثر هو التزامي و تعلقي بالدين و تصحيح بعض معتقدات الناس اللي حوليا... لدرجة انو في مرة ندهلي و قالي اعملي اللي انت عايزاه بس ابعدي عن اخواتك و امك

و الله أنا حزينة جدا من حالنا... احنا حياتنا كلها مليانة كرب و هموم من ضيق مالي إلى غير ذلك أسأل الله ان يفرجها عنا ... مع اني برجح ان كل ده عقاب من ربنا من اللي بيعملو والدي

و زيادة على ذلك أنا مش عايزة أتجوز واحد زي والدي, بس من هيرضى يتجوزني و والدي سكير... أكيد مفيد ملتزم هيرضى بذلك

بالله عليكم تساعدونا, و الله أنا بدعي ربنا يهديه و مافيش فايدة
أعمل ايه و الله أنا تعبت من الحالة اللي احنا فيها

بـاعتذر اننا طولت عليكم
و أنا كلي امل انكم هتساعدوني

جزاكم الله خيرا و بارك فيكم
في أمان الله

[الحزينة الضائعة]

رد: والدي ثم والدي ثم والدي

نسيت اقلكم انه بيعرف كثير في الدين و بيعرف حكم الخمر و مع ذلك مش راضي يبطله
اللهم اهده و أصلح حاله و أحوال جميع المسلمين

[مراقب قسم سرك فى بير]

رد: والدي ثم والدي ثم والدي

سوف يتم الرد قريباً

[الحزينة الضائعة]

رد: والدي ثم والدي ثم والدي

مازلت أنتظر الجواب بارك الله فيكم