الالتزام في الثانوية العامة

[زائر000007]

السلام عليكم ورحمة الله وبركاته
أنا هشرح مشكلتي وسؤالي ..
دلوقتي في الثانوية العامة خصوصاً ينفع يكون الواحد ملتزم أو متدين
وهناك قانون البقاء للأقوى فإما اخد حقي بإيدي أو أضرب أو أتشتم بأبويا وأمي
وإما امشي معهم في الحرام واما أكون ديماً في خنقات معاهم
والواحد لما يكون حوله الفتن في كل مكان والفساد هيقدر يحفظ نفسه خصوصاً إن كل أصحابه كدة أو زملاؤه كدة ولازم يتعايش معهم
وحاجة أخيرة لما الواحد ميلقش أصحاب ملتزمين يعمل إيه ؟

[غير مسجل]

رد: الالتزام في الثانوية العامة

معلش نسيت حاجة كمان
لما أكون في درس خصوصي ولا أستطيع أن أقطع الدرس من أجل الصلاة ما الحل
أصلي بعد الدرس ولا اترك الدرس ؟

[فريق استشارات سرك فى بير(الأخوات)]

رد: الالتزام في الثانوية العامة

وعليكم السلام ورحمة الله
أسأل الله العظيم رب العرش العظيم ان يشرح صدرك للحق
القضية يا اخي الحبيب هي
انت عاوز ايه
انت عاوز تبقى ملتزم وتطيع ربنا وتمشي في طريق الحلال وتبعد عن الحرام
وتذاكر وتنجح وتتخرج وتتزوج انسانه ملتزمه وتربي اولادك على طاعة الله ثم يختم لك بعمل صالح ثم تكون من اهل الجنة اسأل الله [ان تكون منهم بمنه وفضله]

ولا عاوز تمشي مع اصحابك وتخرج براحتك وتتخانق وتكلم ده ودي
طيب اسألك سؤال بسيط قوي
هو انت تعرف هتموت امتى
هو انت مش ممكن تموت قبل ما تخلص ثانويه عامه
طيب هتقول ايه لربنا لو انت مش ملتزم
يا اخي ان طاعة الله تغنيك عن كل شيىء
والله لو اطعت ربك لاحبك كل الناس ولن يستطيع احد ان يؤذيك وانت طائع لله ومتوكل عليه ويقينك فيه سبحانه وتعالى

وبخصوص الصحاب الملتزمين
هو انت لما تموتاهتاخد اصحابك معاك ولا هتبقى لوحدك؟
طبعاً لواحدك يبقى مادام هموت لواحدي وهتحاسب لوحدي يبقى مش يضر اني اعيش لوحدي مدام انا مش لاقي اصحاب كويسين

ولما تتلزم وتدخل المسجد وتحضر دروس للعلماء هتلاقي اصحاب التزم بس وهتلاقي
اسأل الله العظيم رب العرش العظيم ان يهديك وان يثبتك على الحق وان يشرح صدرك للحق