حياتي روتينية وبقيت أكرهها وأكره نفسي بقيت وحيدة وأحزاني معي تؤلمني

[غير مسجل]

عمري 16 سنة أنا معنديش ثقة بنفسي ومش بعرف أخذ أي قرار وكمان بحس اني كسولة بس مش أوي وعايشة والناس هي اللي بتقولي اعمل ايه ومعملش ايه لكن هم بيدفنوني بالحياة مش بيسمعوا انا عاوزه ايه عشان بس أنا صغيرة طيب عندهم حق هم عندهم خبرة لكن الحكاية ديه خلتني مش بعرف اتخذ اي قرار حتى القرارات البسيطه جدا ولو اتخذت ببقي مش واثقة من اختياري مش بعرف اميز الحلو من الوحش في ابسط الامور وبقيت استمع لأراء غيري وامشي وراها لكن بيبقي في اراء مختلفة حتي هنا مش بعرف اختار الرأي الصح بقيت يعني بقلد حتي فالهزار والضحك بحس ان دمي مش خفيف فبقيت اقلد غيري فالهزار وخلاص حتى مش بعرف اختار ملابس لنفسي ولو حد طلب رأيي في حاجه هو لابسها مش بتعجبه فالاخر وبالرغم من اللي قولته ده كله انا امام الناس معنديش اي مشكلة ولا في اي حاجه تخليني احزن و ورأيهم اني بحب الهزار جددددا وده فعلا لكن مش بعرف اهزر اوي لكن ظريفة وبتضحك ده بالنسبة للناس اللي بره البيت انما داخل البيت الحزينة المكتئبه اللي تعبانه دايما بمشكلها.دايما بينقدوني اتصور مثلا لأ أنتي شكلك فالصور مش حلو.أقول رأيي محدش يسمعه أو يسمعوه لكن مش بيعجب حد.عندنا فالبيت بابا بيحب أخويا وبيحب يسمع أرائه اوي وبيقتنع بيها بسرعة مع انه متعلم ومثقف بس مش عاارفه بقى طب ليه أخويا ده هو اللي كده ليه أي حد عنده مشكلة يقوله تعالي وأنا اساعدك فيها أو أقولك تحكي لمين مشكلتك ليه هو كده وأنا مش كده مع انه مرحش يأخذ كورس ويتعلم يعني وكده هو كده ماشاء الله عليه ربنا يحفظه أنا والله بحبه بس ديه غيرة شريفة ان شاء الله.خلاص بقى كرهت نفسي وحياتي ومش قادره استحمل وحياتي روتينية جدددددا ومش عارفه اغيرها و في أيام الدراسة مش بعرف استمتع بالحاجة اللي بذاكرها أيام دراستي زي أيام اجازتي مش بعرف أحسن من مستوايا فالدراسة بزهق بسرعة مش بعرف ازاي لما أستريح شوية اعمل ايه مش بحب اقرأ كتاب . تعبت من كثر الزعل والحزن وأحيانا أجي فالاخر وأحس اني كبرت الموضوع مش عارف الموضوع يستاهل اهتمامي ده ولا لأ و مش عارفه أنا عاوزه ايه من الدنيا ديه انا مستحقش الحياة مش لاقيه حاجه حلوه في نفسي كرهت نفسي سمعت حاجات للدكاترة المتخصصين فالتنمية البشرية بردوا مش عارفه استفاد منهم وحاسه انه مش جايب مفعول خاالص حتى المواهب اللي حسه اني بحبها معندناش مراكز نعرف ننمي فيها المواهب ديه لازم اسافر بره يعني فالعاصمة عندنا وكده وأهلي مش هيردوا يخلوني أسافر لوحدي لازم راجل يجي معايا مش عارفه اعمل ايه بعتمد علي غيري في كل حااجه معنديش دافع للحياة من أجل أي حاااجه. مش عارفه بقيت احس اني مكتئبه دايما ومعرفش يعني ايه ضحك ممكن عشان المشكله ديه وعدم النشاط بردوا يجعلني أكثر كره للحياة فالموت أرحم.وحتى لو اتفقت مع صحابي نروح نأخذ كورس بسيط وموجود عندنا مش هنسافر يعني ونكون فالاجازه أو أي حاجه بحس انهم أحسن مني وأنا بقى اللي مش هنجح في وسطهم .أنا مش لاقيا في نفسي حاجه حلوه فلماذا هكذا؟ لكن بحب الناس وربنا طبعا وهم بيحبوني ان شاء الله بس محدش يعرف باللي فقلبي من هموم سوى ربي.لوسمحتوا أنا عاوزه حل لمشكلتي.وجزاكم الله ألف خير

[غير مسجل]

رد: حياتي روتينية وبقيت أكرهها وأكره نفسي بقيت وحيدة وأحزاني معي تؤلمني

اخية ده فهرس لمشاكل وحلولها كثيرة
http://www.goodwayinlife.com/forum/s...ead.php?t=2732