قررت تتغير........ليه

[دكتورة ازهرية]

السلام عليكم

اخوتى

قررت ان اتغير
شعار جميل يحمل معانى رائعة
ولكن تيجو تفتح قلبنا لبعض ونتكلم شوية

انتى وانا

دلوقتى قاعدين قدام المنتدى وبنتصفح المواضيع
قوليلى

ليه عاوز تتغير هو انت بتعمل حاجات غلط؟ ولا حاسس انك مقصر؟
نيتك ايه؟
داخل وخلاص تشارك فى المواضيع عشان مشاركاتك تزيد وتتعرف على الناس؟
ولا بتسلى وقتك فى حاجات مش حرام من غيرهدف تانى؟
ولا بتقرء عشان ثقافة دينية؟
ولا فعلا عاوز تتغير؟
تعالو نشوف احنا ايه وعاوزين نتغير لايه عشان نمشى صح ونقرأ صح وفعلا نتغير
انا وانتى
حياتنا مليانة معاصى مفيش حد معصوم
ايا كانت المعصية
مفيش حد يقولى لاءه انا مش باعصى
هاقوله كداب
عمرك ماضيعت وقت ؟
عمرك ما غلطت بلسانك؟
كذبت اغتبت نميت حسدت سببت شتمت
هتقولى لاءه طبعا انا عمرى ماعمل كده
هاقولك سلمت بكلامك
بلاش كده
عمرك ما كروت صلاة ولا كسلت عن سنة
عمرك ما فرطتى فى حجابك؟
عمرك مانظرت لحرام
انا بس بوريك نفسك وبفردلك نفسك قدام عينك عشان تشوفها كويس
وتعرف انت مين
اكيد ذنوبنا كتير
اكيد كلنا غلطنا
ايا كان بقى الذنب
طيب يا ترى انت عاجب نفسك كده
انت فين من الرسول
تستاهل وانت بالشكل ده تكون رفيق لخير الرسل
تستاهل تكون مع ابو بكر اللى ضحى بكل ماله وبامنه وبنفسه وبكل مايملك عشان ربنا
تستاهل تكون مع عمر الفاروق العالم التقى النقى الخليفة القائد المحارب العادل
تستاهل تكون مع عثمان وعلى؟
باى شئ؟
ايه يخليك تستاهل ده؟
قوليلى عملت ايه
مهما عملت والله ما عملت شيئا
عرفنا دلوقتى اننا لازم نتغير
طيب خلاص معترفين بتقصيرنا واننا مانستاهلش حاجة طيب نعمل ايه
هاقولكم
اول حاجة
استعين بالله وجدد النية والعزيمة
ثانيا خليك مع المنتدى اقرء وحمل واسمع
ثالثا لا يفتر لسانك عن الذكر دايما تذكر الله
رابعا احنا فى شهر مبارك وحتى بعده احنا لابد ان نكون رباين لا رمضانين عشان كده الورد اليومى منا لقرآن اياك تفرط فيه

خامسا فى جوف الليل قم وصلى وقول انا هاتغير
سادسا اجتهد فى طلب العلم فالعلم هو السلاح الوحيد بعد التقوى عشان فعلا تتغير
خلاص يا اخواتى
اتفقنا اننا هنتغير لاننا لو متنا وقبضنا على كده ربنا يستر ان شاء الله ، ربنا ادانا فرصة تانيه عمر جديد اعتبر نفسك لسه مولود وياللا نبيض صفح كتابنا عشان ناخده بيمينا ربنا يكرمكم ويبارك فيكم

_________________

[ASRA]

رد: قررت تتغير........ليه

جد والله موضوع اختي روعه
وفعلا كلامك صح
وصراحة كل هذه الاشياء
في الانسان وفي البشريه
كلهااااااااااا




بس لا اتفق معكي بحكايه ان الانسان بيدخل يقرا المواضيع عشان يزيد عدد مساهماته
لا بالعكس
انا بحكي عن نفسي يعني
اني بدخل عشان اتعرف علي الحياه وحكايه المواضيع ااحنا عامة بندخلها عشان نستفيد منها
مش عشان نزيد عدد من مساهماتنا
مشكورة اختي تقبلي تحيتي
رمضان كريم.. الله اكرم
كل سنه وانتي طيبه.

[دكتورة ازهرية]

رد: قررت تتغير........ليه

بس لا اتفق معكي بحكايه ان الانسان بيدخل يقرا المواضيع عشان يزيد عدد مساهماته
لا بالعكس
انا بحكي عن نفسي يعني
اني بدخل عشان اتعرف علي الحياه وحكايه المواضيع ااحنا عامة بندخلها عشان نستفيد منها
مش عشان نزيد عدد من مساهماتنا

ربنا يبارك فيكى أختى الكريمة
انا اخاطب الجميع
مش حضرتك وفقط
بكلم اللى فاكر نفسه مش بيعصى
واللى بيعصى وعارف
وكمان اللى بيتقى ربه ويتوب دائما
عشان كلنا لازم نتغير

مشكورة اختي تقبلي تحيايتي
رمضان كريم.. الله اكرم
كل سنه وانتي طيبه

وانتى بخير أختى الكريمة
مرور طيب بوركتى

[اللؤلؤةالمكنونة]

رد: قررت تتغير........ليه

وعليكم السلام ورحمة الله وبركاته
جزاكِ الله خيرا أختنا
بارك الله فيكِ ونفع بكِ