هو مين ده ؟؟؟ (حقيقية اليقين والثقة!)

[aya]

بسم الله والحمد لله والصلاة والسلام على رسول الله

ماتصلي عليه .. !!

عليه أفضل الصلاة والسلام

*********

هو مين ده ؟؟

لا بجد ..

معقول ..

يا سلام ..

ماهو أصل أنا لازم ...

********

في إيييييييييه ؟؟؟!!!!!
ماتخش في الموضوع

بصراحة كدة .. الموضوع عن ((ربــــــــنا))

حبيبي وحبيبك وحبيب جميع الخلق
يسبح الرعد بحمده والملائكة من خيفته

الكلام اللى فات ده كله بتسمعه امتى ؟؟
لما تحصلك مصيبة ..وحد يقول ده خير ليك

حاسس بكلمة .. رب .. حاسس معنى الربوبية .. ؟؟
ربنا يعني مربيني .. يعني أنا لم أكن شئ .. ولا حاجة أصلا .. والله يدبر الأمور .. وإذ به سبحانه يقول كن .. فيكون .. تجد نفسك كنت إييه ؟؟
إنت مين أصلا ؟؟
إنت كنت ولا شئ .. حيوان منوي حقير جداا لا يرى بالعين المجردة .. ثم ماذا ؟؟
ثم أصبحت نطفة .. ياااااااه ما أضألك !!
ثم علقة .. صغير جداااااا .. ثم مضغه (أى قطعة لحم قدر ما يمضغ) حتة لحمة صغيرة أوي وكأن أحد مضغها !
ثم ماذا .. ؟؟ ثم جعلك الله عظاما
مين مين ؟؟؟
مين اللى جعلك ((((( الله )))))
جعلك عظامــاً .. ثم أنشأك خلقا آخـــــر .. بقيت إيه ؟؟ بقيت إنسان ( ا - ن - س - ا - ن )
واخد بالك معايا ؟؟
وختام الآية الكريمة تقول إيه ..
( فتبارك الله أحسن الخالقين ) .. سبحانه جلت قدرته

مناخيرك طويلة .. مبدببة .. ولا أفطس ولا .. ولا .. ؟
وعيونك واسعة ولا ضيقة .. ورسمة عينك .. وملامحك .. مين صورك ؟
تبااااارك الله أحسن الخالقين

مين اللي دبر الأمور دي كلها ؟
سبحانه وتعالى .

مين اللي رزقك بأهلك دول .. ومين اللي وفقك يوم إمتحان كذا ..
مين خلاك تنجح .. مين فهمك .. مين اداك العقل .. مييييييين ؟؟؟
الله سبحانه وتعالى ..

يدبر الأمر يفصل الآيات

يعني لما تصاب بمصيبة .. كفقد أمك ..
هذا الأمر بتدبير من ؟؟

بتدبير الله سبحانه وتعالى .. هو الذي قال كن .. فكان هذا الأمر
فلماذا أنت حزيـــــن ؟؟

لو تعلم القلوب كيف يدبر الله لها الأمور لذابت في حبه سبحانه
نعم .. ربك سبحانه وتعالى بيقدر الأمور بدقة شديدة جداااا لا تدركها العقول

حساباتنا الدنيوية بتختلف تمامااا عن حسابات ربنا جل وعلا

الأخت دي مش متزوجة مثلا .. ومجالهاش حد لحد دلوقتي .. وإيه المشكلة غاليتى؟؟
إنتي عارفة إيه اللي ربنا مدبرهولك ؟؟
إنتي عارفة بكرة فيه إيــــــه ؟؟
لعل زوجك جاي بكرة .. ولعل بيسأل عليكم دلوقتي .. ولعل الزواج لك أنتي بالذات عدم وجوده أفضل كتييير .. ولعل ولعل .. وأكيد واحدة من لعل دي هي الصح
يعني ده مش كلام في الهواء .. دي حقييييقة ..
لازم تفكر فيها كويس أوي ..

أنا وحشة .. أصحابي كلهم أحلى مني ..
يا بنتييييييي .. هو مين اللي عملك كدة ؟؟
من خلقك بهذه الصورة .. اللي خلقك يعرف أكتر بكتيير مصلحتك - بل لا يوجد وجه مقارنة أصلا -
لييييه ؟؟ يكفي أنه خالقك .. أليس هو أدرى بشؤنك ..
سبحان الله تعالى

خلق السماوات والأرض .. متخيييل .. وخلق الكون اللي حولك ده كله .. وحده لا شريك له .. وخلق الحيوانات بكل صورها وأشكالها ذكرها وأنثاها .. كل حاجة في الكون بتسبح ربنا جل وعلا .. أدق أدق التفاصيل في الكائنات الحية تدعولك لقول (((سبحاااان الله)))
حاسس بعظمة ربنا ؟؟
حسيت بقدرته .. مهما قلت ومهما وصفت لن تصلك الصورة الحقيقة لهذه القدرة فهي أكبر وأوسع وأشمل بكتيييييير جداااااا جدااااااا من كدة

يبقى المشكلة البسيطة اللي وقعت حضرتك فيها امبارح .. ربنا مش هيقدر يحلها ؟؟
سبحان الله العظيم .. تنزه سبحانه عن كل نقص

بقالك 20 سنة لا تنجب .. تفتكر ربنا ميقدرش يخليك تنجب .. معاذ الله .. (((وحده))) هو القادر .. حاسس بالكلمة دي .. (((((((وحده)))))))
يعني يوم ما تضيق حياتك عليك جداااا .. هتلجأ لمين غيره .. هتروح وتسعى وتجري وتتنطط ومين في الآخر اللي عنده الحل ؟؟ ((سبحانه وتعالى لا إله غيره))
مستني إيه ادعي .. ارفع ايديك وقول ياااارب ياااااارب

لا محالة هيستجيب سبحانه ..
ارجع اقول .. إنت لا ولن تعلم تدبير ربنا ليك ..

أخت اتقدم لها 15 عريس .. وكل المواضيع اتفشكلت .. بقالها كتير مجالهاش حد .. المواضيع بتنتهى على حاجات هايفة واحيان كتير من غير سبب أصلا !!
يمكن الاخ اتقدم ووافق ووافقت وتم الاتفاق ..وتليفون صغير (مفيش نصيب)
لييييييه ؟؟
بدون سبب
مين اللى عارف السبب ..؟
ربنا
مين اللي قدر الأمر ده ليك ؟؟
ربنا
طب هو ربنا يريد لى حاجة وحشة ؟؟
(وَعَسَى أَن تُحِبُّواْ شَيْئاً وَهُوَ شَرٌّ لَّكُمْ)
إنت عارف حاجة ؟؟ .. حساباتك البسيطة أوى بعقلك البشري الذي لا يذكر أصلا والذي لم يكن شيئا من قبل والذي خلقه اصلا هو الله والذي وهبك إياه اصلا هو الله
متقدرش أبدا توزن الأمور وتعرف إيه اللي ربنا شايلهولك ؟؟

لعله خير يعني ؟؟
ده أكيييييييد خير

ربنا سبحانه وتعالى لا يقدر إلا كل الخير ..

فهمت الكلام .. عرفت نقصد إيه ؟؟
((( إنه اليقييييين والثقة بالله الواحد الأحد )))

لو حسيت المعاني دي كويس ..
هتعرف ليه في ناس تصاب بالكانسر وتشيل هم الدنيا والآخرة .. وناس تانية تتلقى الأمر بصدر رحب .. وتقول .. الذي خلقني فهو يهدين .. الذي خلقني أعلم مني بما هو أفضل لي .. مرضي هذا سيمحو ذنوبي .. لعل ربنا بيحب العبد ده وعايزه في منزلة معينة عالية في الجنة .. لو عاش حياته كلها ذليل خاضع لله لن يصل لها فابتلاه الله جل وعلا بهذا المرض ليرفع مكانته في الجنة ويعلي منزلته سبحانه

لو إنت واقف بررررة الدنيا .. تخيل التعبير
واقف برة بتتفرج .. تلاقي ادامك الدنيا اهيه والمرض اهوه ومنزلتك في الجنة اهيه العالية جدا اللى لو غمست فيها غمسة واحدة تنسى أى شقاء حسيت بيه وعيشته ومصيرك إن لم تصاب بهذا المرض وفعلك للذنوب فمكانك هو ده في نار جهنم التى اذا غمست فيها غمسة تنسى كل نعيم الدنيا وحياتك الآخرة داااائمة وأبدية .. وحياتك الدنيا أيام قلائل ..

بالله عليك .. هتختار إيه ؟؟

يوم ما يحصلك أي أي شئ حلو أو وحش .. خلي عندك يقييييين كبييير وثقة بالله .. وتوكل عليه .. ادعووووه خوفااا وطمعااااا

ولن يضيعك الله أبدااااااااااااااااااااااااااااااااااااااااااااااا

[ساعية الي جنة الرحمن]

رد: هو مين ده ؟؟؟ (حيقية اليقين والثقة!)

جزاكي الله خيرا
وبارك فيكي
اسأل الله ان يجعلنا من اهل الفردوس الاعلي

[aya]

رد: هو مين ده ؟؟؟ (حيقية اليقين والثقة!)

اللهم آمييين
بارك الله فيكي اختنا ..

[غفرانك ربي]

رد: هو مين ده ؟؟؟ (حقيقية اليقين والثقة!)

الله أرحم الراحمين
ارحم علينا من امهاتنا
لا يقدر لنا إلا الخير
فاللهم لك الحمــــــــــد

جزاكِ الله خيرا ياآية

["بنت الإسلام"]

رد: هو مين ده ؟؟؟ (حقيقية اليقين والثقة!)

اللهم لك الحمد كما ينبغى لجلال وجهك وعظيم سلطانك
يااااااااااه ، الله ما أرحمه وما أعظمه
تعرفى يا آية ساعات الإنسان بتمر عليها مشكلات وحاجات
ممكن يوصل لدرجة لا ملهاش حل
ولما يتذكر " ليس لها من دون الله كاشفة"
والله دوماً تحدث معى
معرفش ازاى المشكلة الكبيرة اوووى ديه تتحل بمنتهى البساطة
يااااااااااااااااااااه
أحبـ ♥ ربى ♥ ـك
جزاكِ الله خيراً اخيتى .....نفع الله بكِ

[السالكة طريق الهدى]

رد: هو مين ده ؟؟؟ (حقيقية اليقين والثقة!)

جزاك الله كل خير اخيتي على هذا الموضوع الجميل...جد مؤثر

[boosy cat]

رد: هو مين ده ؟؟؟ (حقيقية اليقين والثقة!)

جزاكِ الله خيرا

[حبى ربى]

رد: هو مين ده ؟؟؟ (حقيقية اليقين والثقة!)


بارك الله فيكى يا اختى
فلا احد يدرى ماذا كتب الله له من خير فان لم يكن خيرا دنيويا فانه خيرا اخرويا
ولكنه اليقين وحسن الظن بالله و الرضا بما قسمه الله

لانه هو الله

[يارجائى]

رد: هو مين ده ؟؟؟ (حقيقية اليقين والثقة!)

بارك الله فيكى

رزقكى الله الفردوس الأعلى بدون سابقة حساب

جزاكى الله خيرا

[اميرة هلال]

رد: هو مين ده ؟؟؟ (حقيقية اليقين والثقة!)

جزاك الله خيرا

)اللهم إني أسالك إيمانا دائما ،وأسألك قلب خاشعا،

وأسألك علما نافعا ،وأسألك يقينا صادقا ،واسالك دينا قيما

وأسألك العافية من كل بلية ، وأسألك تمام العافية ،واسالك دوام العافية

وأسألك الشكر على العافية،وأسألك الغنى عن الناس))

[المنتقبة السعيدة]

رد: هو مين ده ؟؟؟ (حقيقية اليقين والثقة!)

اللهم بارك اختى فى الله

[aya]

رد: هو مين ده ؟؟؟ (حقيقية اليقين والثقة!)

الله أرحم الراحمين
ارحم علينا من امهاتنا
لا يقدر لنا إلا الخير
فاللهم لك الحمــــــــــد

جزاكِ الله خيرا ياآية

يارب لك الحمد كما ينبغي لجلال وجهك وعظيم سلطانك
آميييييين
جزيني خيرااختى

[aya]

رد: هو مين ده ؟؟؟ (حقيقية اليقين والثقة!)

اللهم لك الحمد كما ينبغى لجلال وجهك وعظيم سلطانك
يااااااااااه ، الله ما أرحمه وما أعظمه
تعرفى يا آية ساعات الإنسان بتمر عليها مشكلات وحاجات
ممكن يوصل لدرجة لا ملهاش حل
ولما يتذكر " ليس لها من دون الله كاشفة"
والله دوماً تحدث معى
معرفش ازاى المشكلة الكبيرة اوووى ديه تتحل بمنتهى البساطة
يااااااااااااااااااااه
أحبـ ♥ ربى ♥ ـك
جزاكِ الله خيراً اخيتى .....نفع الله بكِ

سبحان الله
بارك الله فيكي اختنا

[aya]

رد: هو مين ده ؟؟؟ (حقيقية اليقين والثقة!)

جزاك الله كل خير اخيتي على هذا الموضوع الجميل...جد مؤثر

واياكي اختى
المهم اننا نستفيد منه انا وانتى .. وقارئيه

[aya]

رد: هو مين ده ؟؟؟ (حقيقية اليقين والثقة!)

جزاكِ الله خيرا

واياكى اختى
يعجبني اهتمامك بمواضيعي
ربنا يارب يبارك فيكي ..

بارك الله فيكى يا اختى
فلا احد يدرى ماذا كتب الله له من خير فان لم يكن خيرا دنيويا فانه خيرا اخرويا
ولكنه اليقين وحسن الظن بالله و الرضا بما قسمه الله

لانه هو الله

وعليكم السلام ورحمة الله وبركاته
صدقت والله اختنا
بارك الله فيكي