Tweet
لما لم يمكن الله لنا؟
ليه نبدأ فى طلب العلم ونسمع العلماء بيقلولنا أعملو كذا وأجتهدو نطمو وقتكم الجدية الإخلاص ونفهم المعاني دي أوي ونحبها بجد لكن نتذبذب ولا نسير كما نحب
ليه نبدأ فى حفظ القرآن وكل رمضان نقول رمضان الجاي هنكون ختمنا وننام فى الخط وعلى رأي شيخنا الفاضل
مش عارف إيه هواية الأخوة والأخوات فى أول تلات أجزاء يحفظوهم وينامو فى الخط ليه تبقى الأخت بتدور على صُحبة صالحة وتبقى أختها جنبها ومش قادرة تاخد بإيدها
ليه الإبتلاءات تنزل دماغها ورا بعضها
الشيخ هاني بيقولنا مش لازم أول ما تمشي شويه فى رمضان تلاقى قلبك خاشع ومتدبر ودموعك نازله وخلاص وصلت
لازم يربيك لازم يوقفك على بابه ويآدبك اصل لما تنزل الدمعتين خلاص هنقول الحمد لله إحنا كده صح جدا وبنجاهد تمام حتى لو فيه شوية تقصير ما المؤمن كده
وننام بقى على أمراض قلوبنا ونرجع من الأول تاني 
لكن لأه ربنا سبحان وتعالى يُطهـــــر لكِ قلبك بطــول الوقوف فإما أن تستمري (ومن أدمن طرق الباب أوشك أن يلج) وإما أن تُعرضي ولا تجاهدي نفسك فتذهبي وتستمري كما كنتي
ربما تظن الأخت إن حل مشكلتها زوج صالح والعملية تخلص ويعينها بقى ويرفعها للسما
أصل العيب فى بيت أهلها ومفيش عون ولوم على طول وكده 
لكن لأه لازم نفهمها من وجه آخر إنتي بحياتك دي وإلتزامك (أسفة ) المرقع ده هتعرفي تربي صلاح الدين ؟ هتربي ولد صالح
وإنتى أصلا مش قادرة تربي نفسك بس !!!
فربك وحبيبك حكيم خبير بيأخرك لغاية ما تتربي صح فإما أن تجاهدي لإصلاح نفسك أو ترتبطي بملتزم ظاهريا أو ملتزم مش أوي وينيمك معاه فى الخط أو حتى واحد مش ملتزم وتظني إنك هتاخدي بإيده فيجرك هوه والعياذ بالله ..وأدينا بنشوف إلى تزوجت زوج ملتزم ولسه بردو نايمة أو بتتراجع كمان!
وقيسي كتيـــــــــر حياتنا فيها كتير أوي كده
كنت بسمع الشيخ أبو إسحاق فى برنامج الخيمة الرمضانية على قناة الحكمة وانت فضفضة روعة وقعد يحكي عن بداية بعد كلية الألسن وإزاي ساب التعين فى الكلية بمزاجه وساب الشغل فى السياحة
وقال إن لازم للإنسان زمان خمول ..يعني ربنا لازم يطهر قلوبنا الأول وبعدين يدينا ..الشيخ مثلا باع كل حاجة وتفرغ لعلم الحديث
وكان فقير جدا بعد مارفض السياحة والتعين و...
أتطارد أمنيا بغير ذنب لدرجة إن عاش فى مخزن جبنة رومي! مع الحشرات! لغاية ماربنا كرمه وأشترى شقة صغيرة جدااااا
طيب يارب ده راجل ساب الدنيا كلها والحرام جاله لحد عنده وباعه وكمان إيه طالب علم حديث إجتهاده رهيب ليه يجراله كده ؟
ياحبيبات ربنا كان بيربيه تعالو كده نبص على الشيخ دلوقتى بعد ماصبر وأبتُلي ..دلوقتى العلامة المُحدث خليفة الإمام الألباني ! من الناحية المادية فاتح بدل البيت كتير وربنا إداله الدين والدنيـا لحــــــد عنده ..ليه بقى؟ لأن أتربى ربنا إداله كل حاجة بس لما بقى يقدر ياخد الدنيا فى إيده مش فى قلبه
ونفس الحكاية إحنا مع القرآن وطلب العلم الشرعي
إما نحفظ وننسى ونقع ونرجع تاني وإما ممكن نحفظ بسرعة جدا لكن بقى نفسنا تاخد العمل ده وتتفاخر بيه وتُعجب بيه أوي وتبقى أول من يسعر بهم النار والعياذ بالله
ونفس الحكاية الصُحبة أعرف من كانت شُعلة دعوة لكن ان بتستمد نشاطها من صحابها وأهلها وأول ما كل ده بعد عنها وقعت تماما وبالكاد بتمسك نفسها على حدود الإلتزام العادي
فإيه رايكم نُصبر على الغربة فى بيوت أهلنا وعلى الغربة وسط صحابنا لغاية مانبقى فعلا إعتمادنا الأول على الله ولا ناخد كل دول وأول مايروحو نقع؟
بس عايزة أقولكم كلمه قالها د حازم شومان القضية كلها جهاد على طاعات ممتعة كلها سعادة وسيدنا إيراهيم تأمل فى القمر والشمس والكواكب ووصل في يوم ..وسيدنا موسى قتل واحد وهرب لمدين وقعد عشر سنين يتربى لغاية ماوصل والإتنين عليهم السلام من أولي العزم من الرسل ..فإحنا نقدر نوصل بسرعة بإستعانتنا بالله الأول ثم جهادنا لنفسنا ..وممكن ربنا يبتلينا ونجاهد بردو بس نوصل متأخر شوية
وفيه بيقعو ع الطريق لأنهم أكتفو بالشكوى وتأنيب الضمير فأنتكسو والعياذ بالله زي الموحدين العصاة إلى هيتغسلو فى نـــــار جهنم
قدامنا النماذج وقدامنا الطريق وممكن نوصل وممكن نقع يلا نجاهد بجد بقى ونتوب من كل ذنب مصريين عليه
دى كانت فضفضة أو شخابيط خرجت بيها من إبتلاء قلت أطلعها يمكن تفيدكم وعشان تبقى قدام عيني دايما
بحبكم فى الله جدا
منقول
تعليق