ممكن تساعدينى؟

[كونى قوية]

اخواتى الفضليات انى اشعر بسعادة عندما ادخل هذا المنتدى الذى اشتركت فيه مؤخرا لذلك اود نصيحتكم انا طالبة جامعية ف احدى الجامعات الاجنبيةشكلى انى مش عارفة الاقى صحبة صالحة خالص اساسا اغلبية الكلية مسيحين وحتى الباقى من المسلمين ربنا يهديهم انا تعرفت ع مجموعة صغيرة من البنات هن محترمات يعنى مش مصاحبين شباب ولا يتكلموا معاهم كدة يعنى بس هم عاديين كل همهم التفوق والتقدير دة اغلبية كلامنا لكن محدش منهم يقولك يالا نروح نصلى او كدة انا بفضل الله البس طرح طويلة وان كنت اجد من ماما دايما خلافات ع لبسى لحد مانا زهقت طبعا فى منتقبات اه هم عددهم ف جامعة كلها حوالى 6 بس المشكلة اننا مش بنتقابل خالص كل واحد له مواعيد محاضرات مختلفة انا اسفة للاطالة بس انا محتاجة اتكلم مع حد وجزاكم الله خيرا

[عبير كيره]

رد: ممكن تساعدينى؟

السلام عليكم ورحمة الله وبركاته
أخيتى صيدلانيه مسلمه
نورت المنتدى
إحنا كلنا فى هذا المنتدى أخواتك فى الله
لو عايزه تتكلمى فى اى حاجه تأكدى اننا هنسمعك ولن نبخل عليك بالنصيحه بإذن الله
خليكى ماشيه مع البنات المحترمات وانت حاولى تحببيهم للصلاه فى المسجد ربنا يجعله فى ميزان حسناتك وواحده واحده أكيد هتتعرفى على أخوات فضليات ولكن اصبرى ولا تتستعجلى
ربنا يبارك فيك ويرزقك خيري الدنيا والأخره

["بنت الإسلام"]

رد: ممكن تساعدينى؟

أخيتى بدايةً أهلاً ومرحباً بكِ
ونحنُ نسعد بإنضمامكِ لنا وبمشاركاتك
أما أخيتى بالنسة للصحبة الصالحة ، مش لازم يكونوا من الجامعة
يعنى لو فى مسجد قريب منك وبتنزلى تحضرى دروس
ممكن تكونى صحبة مع البنات
واستعينى بالله ولا تعجزى
وخلى بالك أخيتى ، لا يدفعكِ كثرة العصاة إلى أن تبعدى عن طريقٍ اخترتيه لنفسك
وأسأل الله أن يرزقكِ النقاب والحجاب الذى يرضاه
يسر الله لكِ كل عسير
ننتظر مشاركاتك وموضوعاتك
دمتى فى حفظ الرحمن

[أملى أن يرضى الله عنى]

رد: ممكن تساعدينى؟

ربنا يثبتك أختنا الكريمة صيدلانيه مسلمه
أسأل الله لكى التوفيق والسداد وأن يعيننا وغياكى على طاعته
حاولى تجددى من مواضيع الحوار بينك وبين صديقاتك نوعى فى الحوار ما بين الكليه وبين امور لالدين الدعوه بطريقه غير مباشره افضل بكتير من المباشره
يعنى لو حدثتيهم عن شىء سمعتيه عن الصلاه وتوضحيه او الذكر مثلا ان ممكن نستغل اوقاتنا فى ذكر الله واحنا فى المواصلات او فى اى مواقف انتظار نستغلها فى ذكر الله وسبحان الله جبالا من الحسنات لا يبالى لها الكثير
حببيهم فى الالتزام واسمعى شرايط كتير وانصحك بالسماع للدكتور حازم شومان فاسلوبه سهل ويسير و تحسى انه عايش معكى الواقع وياحبذا شريط مستنيه ايهhttp://www.way2allah.com/modules.php...tailes&khid=93 هذا هو رابط الدرس
أسأل الله لنا ولكم الهدايه
وفقكم الله واتمنى أن نكون متحابات فى الله وأخوات فى الله

[المنتقبة السعيدة]

رد: ممكن تساعدينى؟

ادعى ربنا كثيييير ان يوفقك للصحبة الصالحة
هتلاقيها فى المسجد
وربنا هيكرمك جداااااااااا

[كونى قوية]

رد: ممكن تساعدينى؟

انا بجد سعيدة جدا بكم وباهتمامكم وتفاعلكم معى انا لست لدى ااخوات واتمنى ان تقبلونى اخت لكم وجزاكم الله خيرا

["بنت الإسلام"]

رد: ممكن تساعدينى؟

السلامُ عليكم ورحمة الله وبركاته
-----------------------
بل نحنُ نسعدُ بأن تكونى بيننا أخيتى
ولذا اسمحى أن أقدم لكِ هدية
عايزة تعرفيها
7
7
7
طيب ادفعى الأول
>> اللهم صل وسلم وزد وبارك على سيدنا مُحمد وآله وصحبه الكرام<<
قسم الأخوات الخاص وكيفية دخوله
هذا قسم خاص بالأخوات فقط
ننتظركُ -إن شاء الله-
فقط عليكِ القسم داخل هذا الموضوع بإنكِ بنت
&

ثالثا : كيفية الإنضمام
اذهبي إلي لوحة التحكم
طبعا عارفينها
بعد ذلك من اليمين تختاري مجموعات الأعضاء
ثم
تختاري الإنضمام إلي المجموعة
ثم
تضغطي الإنضمام إلي المجموعة
تكتبي سبب الإنضمام ثم إضغطي "إرسال الطلب" كما بالصورة التالية
وإن شاء الله يتم قبول الطلب من لدن المشرفات عند التأكد من أن من تريد الإنضمام أخت .

يسر الله لكِ الأمر كله ، ننتظر مشاركاتك وموضوعاتك
دمتى فى حفظ الرحمن

[حنين رضى الله]

رد: ممكن تساعدينى؟

جزاكى الله خيرا اختى صيدلانيه انا اواجه تقريبا نفس المشكله ربنا يعينا ع طاعته اللهم امين

[أملى أن يرضى الله عنى]

رد: ممكن تساعدينى؟

بالطبع اختى صيدلانيه واختنا حنين فكلنا هنا اخواتك نسال الله ان يجعلنا سبب فى ان ترفع كل منا الاخرى الى الجنان
واسال الله ان يدرجنا تحت الحديث الشريف وان يجعلنا من السبعه الذين يظلهم الله فى ظله يوم لا ظل الا ظله وذكر منهما ورجلان تحابا فى الله اجتمعا عليه وتفرقا عليه
نسال الله ان يجعلنا منهم

[الراغبة في لقاء الله]

رد: ممكن تساعدينى؟

مرحبا بك اختى معنا وان شاء الله نكون صحبه صالحه وتجدى فى المنتدى كل ما تتمنى

[أم البرآء]

رد: ممكن تساعدينى؟

اخيتي /صيدلانية مسلمه
حفظك الله وثبتك واعانك علي الطاعه فان لم تجدي صاحبا فاجعلي القرآن صديقك ولاتقلقي من قلة الصحبة فطريق الالتزام في اوله صعب لكن لا تيأسى فربما تكوني انت سبب في هداية اخوات اخريات ولكن حتى يعينك الله لابد ان تخلصي النية لله والثبات واود ان ازكرك بانه:
من ترك شيئا لله ابدله الله خيرا منه

[همسة عتاب2]

رد: ممكن تساعدينى؟

انا تقريبا نفس الظروف دي بس انا اختلف اني خلصت الكليه ودلوقتي قاعده في البيت ولولا المنتدي ده الحمد لله عرفني علي عالم بجد حسيت اني عايشه معاه وان السسنين اللي فاتت دي مرت وكاني مكنتش عايشه يارب ايقظنا يارب لتدارك ما فات انا حاولت ادخل علي الخاص بس مش عارفه مفيش اي رد

[أم رودين]

رد: ممكن تساعدينى؟

اهلا وسهلا بيكِ هنا
كلنا هنا اخواتك واي نصيحة هنقدمها لك ماتقلقيش
بالنسبة لسؤالك بقي
اولا لازم تكون ليكي جذور ايمانية يعني لو قولتي مثلا انا هصاحب الملتزمات بس مش اللي بيهتموا بالدين لا بالعلم
صدقيني مش هتقدري تغيريهم لوحدك
لازم يبقي عندك اصحاب ملتزمات صح وبعد كدا تبدأي تدعي اصحابك للالتزام فكما قال رسول الله صلي الله عليه وسلم (المسافر شيطان والمسافران شيطانان والثلاثه ركب)
يعني لازم يكون ليكي صحبة صالحة وربنا يوفقك
الله المستعان

[كونى قوية]

رد: ممكن تساعدينى؟

جزاكم الله جميعا خيرا وبالفعل عند دخولى المنتدى اشعر وكانى مع خواتى بالضبط ولكن اريد ان اسالكى اختى حنين كيف واجهتى تلك المشكلة

[كونى قوية]

رد: ممكن تساعدينى؟

انا طلبت الانضمام الى الساحة الخاصة بالاخوات منذ3 ايام ولم اجد اى رد ماذا افعل بالله عليكم