الى بنات الاسكندريه

[مسلمه مصريه ولى الفخر]

:LLL:

ازيكم جميعا

طبعا الاخوات الى من الاسكندريه
الى منهم بيدرس فى الجامعه
والى منهم خلص دراسه
والى منهم لسه بالمدارس
ربنا يوفقنا جميعا الى ما يحب ويرضى
ولكن فى موضوع بيهمنى وبيشدنى جدا
طبعا اكيد لاحظتم ان عدد الملتزمين فى الاسكندريه زااااااد جدا والحمد لله
لكن برضه فيه عدد من الناس لا يعرفون شيء عن الالتزام وربنا الهادى قادر على ان يهديهم جميعا
فى يا جماعه بنات وشباب بجد من طريقه لبسهم وطريقه كلامهم واختلاطهم متفرقهمش عن الناس الغير مسلمين وانا اعتقد ان فى جميع المحافظات فى ناس كده
لكن انا خصصت الموضوع ده لبنات الاسكندريه
لاننا عايزين نشترك مع بعض فى افكار اننا ممكن ننصح البنات دى
ونحاول ندعوها للخير والالتزام
فياريت بجد اخواتى الى من الاسكندريه يتفاعلوا مع الموضوع ده
ويقولوا افكار اننا ممكن نغير البنات دى شويه
والله الموفق

جزاكم الله خيرا
واعاننا الله واياكم على الخير

[طريق الجنه]

جزاكى الله كل خير

اختى فى الله

ولى مش من اسكندرية

يعمل ايه

[مسلمه مصريه ولى الفخر]

يقول افكار برضه
تفيدنا باذن الله
جزاكى الله خيرا

[طريق الجنه]

وجزاكى مثلى اختى

بالتوفيق والنجاح ان شاء الله

بارك الله لنا فيكى

[المستأنسة بالله]

والله يا اختي الدعوة اللي تحتاج جهود ولكنها تهون استعيني بالله
بس انا عن نفسي سبحان الله يعني كنت ماشية مرة في محطة الرمل فكان فيه مسجد قي المنطقة وكان فيه بنت لابسة بنطلون برمودا فسبحان الله سمعت تعليق من واحد ماشي يعني بقدر سخافته بقدر ما ضحكني
فكان بيقول هي اتوضت ونست تنزل رجل البنطون !!!!!!
وفيه مشكلة كمان ان اسكندرية من اكتر البلاد فيها عري بطريقة تشمئزي منها الا من رحم ربي
بس في المقابل ماشاء الله في تزايد في مستوي الالتزام في الاسكندرية بشكل واضح وخصوصا بعد الشيخ محمد الصاوي ما بدأ يدي دروس وكده في سبورتنج فابشري باذن الله
و ابدأي في حملتك الدعوية في الاسكندرية والله المستعان

[المنتقبه]

السلام عليكم ورحمه الله وبركاته
جزاكي الله خير مصريه
الحمد لله زاد الالتزام بصوره كبيره عن قبل ونسال الله الستر والعفاف
طبعا المساجد دلوقتى ماشاء الله اصبحت اكتر نشاط عن البدايه وكلها دروس مفيده وفكل منطقه حنلاقي مسجد مميز بشيوخ مميزين ودروس مفيده وممكن المسجد ده يكون جنب بيتك وانتى مش واخده بالك اصلا(لان بصراحه الموقف ده حصل معايا كان جنبي مسجد الشيخ ياسر برهامي وانا ولا حاسه ايه ال بيحصل ومين اصلا الشيخ- مع احترامي لاسد اسكندريه الشيخ ياسر- ولا كنت عمري سمعت عنه)
بس اكتر حاجه نقدر نفيد بيها بنات اسكندريه وهي اهم حاجه هو القران الكريم ده دستورنا ال لازم نعرفه واقل حاجه نعرف نقراه صح مبدأيا ثم نفكر في تدبر اياته ومعانيه لان القراة الصحيحه هي الباب للتدبر والفهم
وطبعا لما نتكلم عن القران فالاسكندريه لازم نتكلم عن مسجدنا البخاري وأمنا وحبيبيتنا الدكتوره فاطمه الشيخ
وانا بدعو كل بنات اسكندريه لازم تيجو المسجد وتجربوا بجد ال ربنا بيكرمه ويجي مسجد البخاري اعتقد انه لا يستطيع مغادرته ابدا بجد يا بنات تعالو وجربو حتلاقي حياه اخري وحتحسو براحه وكفايه وجود الدكتوره فالمسجد ونتعلم منها اخلاق المسلمات حقا ونشوف اد ايه هي مفرغه وقتها كله للقران وتعليمه لبناتها (نسال الله ان يتقبل منها ونحسبها علي خير ولا نزكي احدا علي الله)
اعتقد مفيش احلا من ان الانسان يبدا بالقران دي احلي بدايه للالتزام لانى مقدرش اقول لاي اخت في بدايه التزامها تعالي احضري مثلا درس فقه او عقيده اكيد مش حتحس ان هو ده ال هي عايزه تسمعه عشان كده القرأن احلي بدايه بعدها حتحب تعرف فقه وعقيده وحديث وسيره ...................
يلا بقي حستناكو اوعو متجوش ولو حد عايز يستفسر اكتر عن المسجد ومكانه ابعتولي وانا ارد عليكم كلكم
وحتي ال بيحفظ في دار يجي واكيد حيستفيد ومهما اتعلمنا مش حنحصل كل حاجه ومفيش حد متقن للقرأن 100%
وانا عايزه اقول ان القران هو ال بيحفظنا مش احنا ال بنحفظه
ويارب يجعلنا جميعا من اهل القران ويتقبل منا, يارب ارحمنا بالقرأن واجعله لنا اماما ونورا وهدي ورحمه اللهم ذكرنا منه ما نسينا وعلمنا منه ما جهلنا وارزقنا تلاوته اناء الليل واطراف النهار والبسنا بيه الحلل
امين يارب
وجزاكم الله خيرا

[dr_ameera]

السلام عليكم ورحمه الله وبركاته
جزاكي الله خير مصريه
الحمد لله زاد الالتزام بصوره كبيره عن قبل ونسال الله الستر والعفاف
طبعا المساجد دلوقتى ماشاء الله اصبحت اكتر نشاط عن البدايه وكلها دروس مفيده وفكل منطقه حنلاقي مسجد مميز بشيوخ مميزين ودروس مفيده وممكن المسجد ده يكون جنب بيتك وانتى مش واخده بالك اصلا(لان بصراحه الموقف ده حصل معايا كان جنبي مسجد الشيخ ياسر برهامي وانا ولا حاسه ايه ال بيحصل ومين اصلا الشيخ- مع احترامي لاسد اسكندريه الشيخ ياسر- ولا كنت عمري سمعت عنه)
بس اكتر حاجه نقدر نفيد بيها بنات اسكندريه وهي اهم حاجه هو القران الكريم ده دستورنا ال لازم نعرفه واقل حاجه نعرف نقراه صح مبدأيا ثم نفكر في تدبر اياته ومعانيه لان القراة الصحيحه هي الباب للتدبر والفهم
وطبعا لما نتكلم عن القران فالاسكندريه لازم نتكلم عن مسجدنا البخاري وأمنا وحبيبيتنا الدكتوره فاطمه الشيخ
وانا بدعو كل بنات اسكندريه لازم تيجو المسجد وتجربوا بجد ال ربنا بيكرمه ويجي مسجد البخاري اعتقد انه لا يستطيع مغادرته ابدا بجد يا بنات تعالو وجربو حتلاقي حياه اخري وحتحسو براحه وكفايه وجود الدكتوره فالمسجد ونتعلم منها اخلاق المسلمات حقا ونشوف اد ايه هي مفرغه وقتها كله للقران وتعليمه لبناتها (نسال الله ان يتقبل منها ونحسبها علي خير ولا نزكي احدا علي الله)
اعتقد مفيش احلا من ان الانسان يبدا بالقران دي احلي بدايه للالتزام لانى مقدرش اقول لاي اخت في بدايه التزامها تعالي احضري مثلا درس فقه او عقيده اكيد مش حتحس ان هو ده ال هي عايزه تسمعه عشان كده القرأن احلي بدايه بعدها حتحب تعرف فقه وعقيده وحديث وسيره ...................
يلا بقي حستناكو اوعو متجوش ولو حد عايز يستفسر اكتر عن المسجد ومكانه ابعتولي وانا ارد عليكم كلكم
وحتي ال بيحفظ في دار يجي واكيد حيستفيد ومهما اتعلمنا مش حنحصل كل حاجه ومفيش حد متقن للقرأن 100%
وانا عايزه اقول ان القران هو ال بيحفظنا مش احنا ال بنحفظه
ويارب يجعلنا جميعا من اهل القران ويتقبل منا, يارب ارحمنا بالقرأن واجعله لنا اماما ونورا وهدي ورحمه اللهم ذكرنا منه ما نسينا وعلمنا منه ما جهلنا وارزقنا تلاوته اناء الليل واطراف النهار والبسنا بيه الحلل
امين يارب
وجزاكم الله خيرا

طيب ياأختي جميل

ممكن تعملي هنا خريطه بالمواعيد والمساجد والمشايخ
وتعملي تعريف بهم
لأني اول مره اسمع عنهم منك
بورك فيكي

[يمامة المسجد]

مش عارفة يا جماعة

خايفة أحسدكم

[يمامة المسجد]

أحسدكم يعني

من شيوخكم

ودروسكم

وبلدكم

الله المستعان .,

[مسلمه مصريه ولى الفخر]

جزاكم الله خيرا
اختى المستانسه بالله _والمنتقبه_ودكتوره ميرو_ويمامه
بالنسبه لاختنا يمامه يا جماعه
من غير حسد ولا حاجه يا يمامتنا
انتى غاليه عندنا وربنا يعلم
ولكى عزومه فى الاسكندريه
بس انتى تشرفينا بس
وان شاء الله هنوديكى كل المساجد وعند كل الشيوخ ولا تزعلى نفسك يا قمر

اختى المنتقبه:.انتى ممكن تقولى على مسجد البخارى ده فين مكانه بالظبط
لانى بصراحه انا بسمع عنه كتير
واعرف انه بعيد عن المنطقه الى انا ساكنه فيها
انتى ممكن تعرفينا مكانه يجزيكى الله كل خير
وان شاء الله اجى فى الصيف واجازه الترم
وان شاء الله اتعرف عليكى وتعرفينى على دكتوره فاطمه
ولا هتبخلى عليه بقى:(ضحك):
ويا ريت لو ربنا يعينك وتعملى الجدول الى طلبته الاخت ميرو
يبقى جزاك الله خيرا عنا

هستنى ردك باذن الله
جزاكم الله خيرا جميعا
وجعله فى ميزان حسناتكم

[المستأنسة بالله]

أه فعلا اختي المنتقبة مسجد البخاري فعلا من اكبر المساجد ومن اكثر المساجد الدعوية ماشاء الله وزي ما قلتي الدكتورة فاطمة ربنا يبارك لنا فيها ماشاء الله ناس تحسي انك جنبهم مافيش اصلا
وكفاية مشياخنا وعلمائنا من الاسكندرية الشيخ المقدم والشيخ احمد فريد والشيخ سعيد عبد العظيم حفظهم الله

[مسلمه مصريه ولى الفخر]

ما شاء الله ربنا يبارك فيهم جميعا
طيب يا جماعه قولوا بقى مكان المسجد فين بالظبط

[د.منه]

بارك الله فيكم اخواتى وحبيباتى فى الله

لكنى ارجو ان حد منكم يكتب خريطة للقاهرة مش كلة اسكندرية
محدش يزعل انا بضحك معاكم

[المنتقبه]

السلام عليكم ورحمه الله وبركاته
يمامه المسجد ربنا يكرمك يارب وتتزوجي اخ ملتزم كده وتيجي تعيش معانا وتزهقي مننا
وعشان اضمن ان مفيش حسد انا حدورلك عالعريس:(ضحك):

اما بقي الاخت مسلمه ولي الفخر انا شكلي حبخل عليكي وحزعل منك كمان

اولا :انتى ساكنه فاسكندريه ومهما كان المكان ال انتى ساكنه فيه اكيد يعنى الموضوع كله ساعه مواصلات انا متاكده ان مفيش مكان بيتراح ابعد من ساعه او ساعه ونص حتي
وبعدين انتى فالمسجد مش حتقعدي ساعه ولا اتنين لاااااااااااااااااا انتى ممكن تقعدي 3و4 كده يعنى انتى ونصيبك لان ماشاء الله عدد الاخوات ال بتسمع علي المعلمات كبييييييييييير جدا فايه يعنى لما تيجي ساعه مواصلات ده في اخوات بتيجي من العجمي
ثانيا: بقي ازاي تقولي حاجي فالصيف والاجازه القران ده المفروض يبقي معاكي علي طول وزي ما قلت القران هو ال حيحميكي وحتقدري تحفظي وتذاكري وتروحي كليتك
ياجماعه عايزين هممنا تعلي بجد انا عارفه ان الكليه والدراسه بتاخد وقتنا بس في نماذج لاخوات بجد لما بسمعها بحس انى مش بعمل اي حاجه

عشان كده انا حقولك شويه نماذج
مثلا في اخت المسجد السنه ال فاتت كانت بتعمل دكتوراه فالجامعه ومتزوجه وكمان كانت منتظره مولود ومشاء الله عليها كانت عايزه تختم القران بجانب كل ده وفعلا معدتش السنه الا لما ختمت القران ماشاء الله
واخت تانيه انا بقي بعرفها برضو متزوجه وعندها طفل سنه ونص يعنى معندهاش وقت خالص وماشاء الله عليها ختمت القران فشهووور ماشاء الله طبعا
وكتير اخوات بتدرس واخوات فثانويه عامه وبيجو المسجد وبيحفظوا ومش كل الناس ساكنين فوق المسجد يعنى
فا احنا لازم نتعب شويه ونبطل كسل وندورعلي صحبه خير تعينا علي الطاعه وتكون همتها عاليه تاخدنا معاها واحنا كمان ندور علي اي حاجه تعلي همتنا لو درس او كتاب ونقرا عن الصحابه والتابعين ونعرف قصصهم واد ايه هما كانوا اصحاب همم عاليه وطبعا نحتسب الاجر لان الاجر عند الله
عشان كده انا عايزاكي تروحي المسجد فاقرب فرصه ان شاء الله
ومننساش واصبر نفسك مع الذين يدعون ربهم بالغداوة والعشي يريدون وجهه ولا تعد عيناك عنهم تريد زينه لبحياة الدنيا ولا تطع من اغفلنا قلبه عن ذكرنا واتبع هواه وكان امره فرطا

طبعا الصبر ده اهم حاجه فطلب العلم وبعدين احنا امورنا متيسره فطلب العلم والحمد لله وعندنا مليوووووووون طريق فلازم نستغل الفرصه ونصبر ولا نتكاسل

ومش حديكي عنوان المسجد غير لما تردي عليا وتقوليلي انك قررتى تروحي ايه رايك بقي!!!!!

اما اختي DR AMEERA
ان شاء الله حعملك الجدول بس بصراحه انا مش عارفه كل الدروس طبعا بس حعمله ان شاء الله وابعته
وجزاكم الله خيرا واسفه علي الاطاله

[مسلمه مصريه ولى الفخر]

السلام عليكم ورحمه الله وبركاته

يمامه المسجد ربنا يكرمك يارب وتتزوجي اخ ملتزم كده وتيجي تعيش معانا وتزهقي مننا
وعشان اضمن ان مفيش حسد انا حدورلك عالعريس:(ضحك):

اما بقي الاخت مسلمه ولي الفخر انا شكلي حبخل عليكي وحزعل منك كمان

اولا :انتى ساكنه فاسكندريه ومهما كان المكان ال انتى ساكنه فيه اكيد يعنى الموضوع كله ساعه مواصلات انا متاكده ان مفيش مكان بيتراح ابعد من ساعه او ساعه ونص حتي
وبعدين انتى فالمسجد مش حتقعدي ساعه ولا اتنين لاااااااااااااااااا انتى ممكن تقعدي 3و4 كده يعنى انتى ونصيبك لان ماشاء الله عدد الاخوات ال بتسمع علي المعلمات كبييييييييييير جدا فايه يعنى لما تيجي ساعه مواصلات ده في اخوات بتيجي من العجمي
ثانيا: بقي ازاي تقولي حاجي فالصيف والاجازه القران ده المفروض يبقي معاكي علي طول وزي ما قلت القران هو ال حيحميكي وحتقدري تحفظي وتذاكري وتروحي كليتك
ياجماعه عايزين هممنا تعلي بجد انا عارفه ان الكليه والدراسه بتاخد وقتنا بس في نماذج لاخوات بجد لما بسمعها بحس انى مش بعمل اي حاجه

عشان كده انا حقولك شويه نماذج
مثلا في اخت المسجد السنه ال فاتت كانت بتعمل دكتوراه فالجامعه ومتزوجه وكمان كانت منتظره مولود ومشاء الله عليها كانت عايزه تختم القران بجانب كل ده وفعلا معدتش السنه الا لما ختمت القران ماشاء الله
واخت تانيه انا بقي بعرفها برضو متزوجه وعندها طفل سنه ونص يعنى معندهاش وقت خالص وماشاء الله عليها ختمت القران فشهووور ماشاء الله طبعا
وكتير اخوات بتدرس واخوات فثانويه عامه وبيجو المسجد وبيحفظوا ومش كل الناس ساكنين فوق المسجد يعنى
فا احنا لازم نتعب شويه ونبطل كسل وندورعلي صحبه خير تعينا علي الطاعه وتكون همتها عاليه تاخدنا معاها واحنا كمان ندور علي اي حاجه تعلي همتنا لو درس او كتاب ونقرا عن الصحابه والتابعين ونعرف قصصهم واد ايه هما كانوا اصحاب همم عاليه وطبعا نحتسب الاجر لان الاجر عند الله
عشان كده انا عايزاكي تروحي المسجد فاقرب فرصه ان شاء الله
ومننساش واصبر نفسك مع الذين يدعون ربهم بالغداوة والعشي يريدون وجهه ولا تعد عيناك عنهم تريد زينه لبحياة الدنيا ولا تطع من اغفلنا قلبه عن ذكرنا واتبع هواه وكان امره فرطا

طبعا الصبر ده اهم حاجه فطلب العلم وبعدين احنا امورنا متيسره فطلب العلم والحمد لله وعندنا مليوووووووون طريق فلازم نستغل الفرصه ونصبر ولا نتكاسل

ومش حديكي عنوان المسجد غير لما تردي عليا وتقوليلي انك قررتى تروحي ايه رايك بقي!!!!!

اما اختي DR AMEERA
ان شاء الله حعملك الجدول بس بصراحه انا مش عارفه كل الدروس طبعا بس حعمله ان شاء الله وابعته

وجزاكم الله خيرا واسفه علي الاطاله

يا حبيبه قلبى انا مقدرش على زعلك طبعا :(ضحك):
والله مش قصدى انى هاجى فى الاجازه بس
لا انا قصدى انى هبتدى اجى بعد الامتحانات يعنى فى اجازه الترم
وهكمل معاكم علطول بقى لحد الصيف
لانه صعب انى ابتدى دلواقتى والله انا بذهب للمسجد الى عندنا
يعنى مش قدره اقولك بزنق فى الوقت بالعافيه علشان اعرف اروح
لان والله انا امتحاناتى الشهر ده
باقى عليها 20 يوم تقريبا
فتخيلى بقى الزنقه الى اختك فيها
لكن ان شاء الله انا هعرف العنوان وابتدى معاكم بعد الامتحانات علطول
وهكمل ان شاء الله
يا ريت تكونى فهمتى قصدى وخلاص متكونيش زعلانه
بالنسبه بقى للقرآن انتى بتحفظى فى ايه دلواقتى
لانى ان شاء الله هحفظ البقره
يا رب تكونى معايا علشان نحفظ مع بعض
جزاكى ربى خيرا حبيبتى
يلا ردى عليه بقى
وادعيلى ربنا يفوقنى فى الدراسه وانجح
بس مش دعوه نت
دعوه قيام ليل دعوه من الدعوات الجميله دى

اختى المنتقبه انتى ممكن تأخدى اميلى من الاخت يمامه ونتكلم على الاميل يكون افضل ان شاء الله

هستنى ردك يا قمر