إعـــــــلان

تقليص
لا يوجد إعلان حتى الآن.

أنا خايفة

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • أنا خايفة





    انا خــــايفه

    ده مش مجرد عنوان يشدكم

    لاء بجد انا خايفه جدا


    ومين فينا مش خايف!!


    مين مش خايف على نفسه وعلى اهله؟؟
    مين مش خايف من بكره واللى ممكن يحصل فيه؟؟
    مين مش خايف يفقد اعز واحب الناس ليه؟؟
    مين مش خايف يضيع عمره فى الفشل؟؟

    ...اكيد كل واحد فينا خايف من حاجه...


    طيب هسأل سؤال تانى مالوش علاقه بالاول بس استحملونى

    ايه اللى شاغل بالك؟؟

    *عاوز تأمن مستقبلك ومستقبل اولادك.
    *عاوز تكون انسان ناجح فى حياتك وفى شغلك.
    *عاوز تكون صاحب سلطه ونفوذ الاهم طبعا صاحب مال.
    *عاوز تبنى بيت واتنين وعشره.
    *عاوز...عاوز...عاوز...محدش فينا هيقول خلاص كفايه.



    يعنى خايف من او على
    ومشغول وسط الدنيا
    وعاوز كل حاجه

    طيب فى وسط ده كله فكرت للحظه
    ان المفروض تخاف على نفسك وبس
    اه خاف على نفسك وبس
    مين هيقول دى انانيه
    ايوا بالظبط كده دى انانيه
    وانا بطالب بالانانيه
    ....يوم لاتنفع فيه مال ولا بنون...



    فاكرين سؤالى الاول


    طيب مين فينا مش خايف من....


    .....المـــــــــــوت.....


    بس الخوف من الموت بيختلف من انسان عن التانى
    يعنى هتخاف تموت علشان حياتك واولادك وفلوسك
    ولا هتخاف علشان هتتحاسب على كل صغيره وكبيره !!

    طيب اعتقد لحد دلوقتى الاسئله اللى بسألها طبيعيه ومنطقيه كلنا خايفين نموت ...
    طيب السؤال اللى مش طبيعى بقى

    جاهز تموت؟!!
    انت جاهز تموت؟؟

    سؤال غريب بس اتسألته هتجاوب تقول ايه؟؟

    طيب جاهز تتحاسب؟؟

    جاهز تدخل قبرك ويتقفل عليك وينصرف عنك الاهل والاحباب ...؟؟
    جاهز لنعيم او لهلاك؟؟
    جاهز تقف ادام ربنا وتاخد كتابك بيمينك او بشمالك؟؟

    ((اللهم يمن كتابنا ويسر حسابنا))




    ها ... حد يرد عليا

    عاوزه واحد بس يطلع يقولى اااااه انا جاهز للموت وجاهز للحساب كده بكل ثقه...

    كتير ممكن يكونوا مش خايفين من الموت لانه قضاء ربنا والحمد لله كلنا مؤمنين بيه

    ومسلمين لقضاء الله

    بس حد جاهز فعلا!!

    *بتصلى...بتصومى...بتزكى..اديتى العمره والحج
    ...برااااافو عليكى....(طيب يالا جاهزه!!)





    ...طيب قبل ماتردى على سؤالى
    اقرأى اللى جاى كده وبعده هسألك نفس السؤال

    *قاعده الحريم او الرجاله مش فارقه كتير
    بتحلى غير بسيره الناس؟؟
    طيب بطلتى غيبه ونميمه علشان تبقى جاهزه للموت!!

    * ♥♫♥♫♥* ♥♫♥♫♥* ♥♫♥♫♥

    *صباح الخير ياحبيبتى ايه مش بشوفك ليه وحشانى موت
    واول ماتسيبها تقول لصاحبتها يااااه دى بت خنيقه اوى وعلى قلبى زى السم
    بطلتى نفاق علشان تبقى جاهزه للموت!!

    * ♥♫♥♫♥* ♥♫♥♫♥* ♥♫♥♫♥

    *شوفتى فلانه شايفه بيتها عامل ازاى
    ولا جوزها انا عارفه بيحبها على ايه
    صحيح ناس ليهم بخت...
    بطلتى غيره وحسد علشان تبقى جاهزه للموت!!

    * ♥♫♥♫♥* ♥♫♥♫♥* ♥♫♥♫♥

    *بقولك ياماما انا هنزل اروح ل سمر
    علشان عيانه اوى ولازم اطمن عليها
    الو ايوا ياسمر اوعى تتصلى فى البيت انا قايلالهم انى عندك وانك تعبانه علشان لو ماما سألتك.....
    بطلتى تخونى الامانه علشان تبقى جاهزه للموت!!

    * ♥♫♥♫♥* ♥♫♥♫♥* ♥♫♥♫♥

    *مبقاش الا دى اللى تسووها بيا
    ازاى يعنى تترقى وانا اقدم منها وخبره عنها
    ياأنا ياهى فى الشغل ده...
    بطلتى غرور وتكبر علشان تبقى جاهزه للموت!!

    * ♥♫♥♫♥* ♥♫♥♫♥* ♥♫♥♫♥

    *يوووه بقولك ايه انا جايه من الشغل تعبانه ومش ناقصاك..
    بطلتى تعصى جوزك علشان تبقى جاهزه للموت!!

    * ♥♫♥♫♥* ♥♫♥♫♥* ♥♫♥♫♥

    *انتى مجيتيش ليه امبارح يابنتى استنيتك كتير
    معلش يامنى اصلى كنت تعبانه ومقدرتش انزل معاكى..وهى اصلا كانت خارجه مع واحده تانيه
    طيب بطلتى تكدبى علشان تبقى جاهزه للموت!!

    * ♥♫♥♫♥* ♥♫♥♫♥* ♥♫♥♫♥

    *اووووف بقى ياماما هو مفيش غيرى انا فى البيت
    ماعندك كلهم قاعدين اهم ماليش دعوه بقى
    بطلتى تعصى ابوكى وامك علشان تبقى جاهزه للموت!!

    * ♥♫♥♫♥* ♥♫♥♫♥* ♥♫♥♫♥

    *مش فاطمه زعلانه منى ومخصمانى ماتصالحينى عليها..
    تصالحيها ايه يابنتى بطلى الهبل ده سبيها تخبط راسها فى الحيطه
    بقى تبقى هى الغلطانه وانتى اللى تروحى تصالحيها كده ميبقاش عندك شخصيه...
    بطلتى توقعى بين المسلمين علشان تبقى جاهزه للموت!!

    * ♥♫♥♫♥* ♥♫♥♫♥* ♥♫♥♫♥
    *ايه يابنتى ده لبسك ضيق اوووى
    وايه المهرجان اللى فى وشك ده
    يوه ياماما ماكل البنات كده اشمعنى انا
    انتم هتعقدونى انا لسه صغيره
    (اصل الموت بيفرق بين صغير وكبير)
    بطلتى تقتدى بالاسوء علشان تبقى جاهزه للموت!!

    * ♥♫♥♫♥* ♥♫♥♫♥* ♥♫♥♫♥

    الامثله كتيييييييير ولو قعدنا نعدها مش هتخلص
    حاجات كتير فى يومنا بنعملها واتعودنا عليها
    وبقت بالنسبه لينا عادى جدا مفيهاش اى حاجه

    ومتنسيش بعد الامثله دى كلها وبعد كل الكلام ده
    اللى ممكن اوى يدخل من هنا ويطلع من هنا
    ان فى حاجه اسمها رد المظالم
    اى واحده اغتابتيها
    اى واحده ظلمتيها
    اى واحده خوضتى فى عرضها
    اى واحده ضحكتى عليها
    كل ده موجود ومكتوب عند ربنا وحسابك فى الدنيا والاخره عسير




    هسألك بقى سؤال اخير بس تجاوبى بصراحه

    ولو حتى بينك وبين نفسك ومتكدبيش على نفسك

    لو مثلا عرفتى انك هتموتى وانك هتدخلى الجنه وتتمتعى بنعيمها ان شاء الله

    بس فى شرط واحد بس

    قبل ماتموتى لازم تروحى لكل واحده اغتبتيها

    تقوليلها انا قولت عليكى كذا وكذا وسامحينى

    تفتكرى هتقدرى...مش هتتكسفى من نفسك...مش هتندمى..

    طيب مكسوفه تروحى تقوليلها يبقى بتتكلمى عليها من الاول ليه اصلا ومكسوفه منها
    ومش مكسوفه من ربنا اللى خلقك...

    الموضوع ده اظن محتاج وقفه جامده مع النفس واعاده تفكير وتغيير السواد اللى فى القلوب

    * ♥♫♥♫♥* ♥♫♥♫♥* ♥♫♥♫♥

    مش معنى الكلام ده انى بلا عيوب
    لا طبعا كلنا بنغلط بس بتفرق امتى ؟
    بتفرق من اللى بيعرف غلطه وبيصلحه
    واللى مش مقتنع انه غلط اصلا

    * ♥♫♥♫♥* ♥♫♥♫♥* ♥♫♥♫♥

    مش معنى انى بصلى وبصوم وبزكى و...و...و..
    يبقى انا كده تمام صحيح انا احسن من غيرى كتير

    لسه مبدؤش ..لسه مبيصلوش..لسه محتاجين صدمه تفوقهم...

    والمشكله انهم عارفين ان الصلاه عماد الدين من تركها ترك الدين
    وبيسيبوها للاسف الناس دى بقولهم بجد فوقوا

    مفيش احلى من القرب من ربنا

    جربى كده وهتشوفى الفرق فى حياتك وفى اولادك وفى زوجك اللى معاكى او لسه ربنا هيرزقك بيه

    وانا معاكى وجانبك هساعدك وهساندك وهنصلى

    وهنتغير للاحسن وهنلغى اى سلوك وحش من حياتنا

    اى سلوك نهانا عنه ربنا اللى بيحبنا

    واللى مفيش حد فى دنيتك دى

    حتى ابوكى وامك هيخاف عليكى

    وهيبقى حنين عليكى وهيحبك تقربيله

    وهيفرح برجوعك له الا ربنا احسن من الخلق اجمعين ..

    وقفى شيطانك وابدئى

    وقوليلى انا معاكى وهبقى احسن

    اوعى تتردى يمكن نيتك للتغيير دى تشفعلك عند ربنا لو قبض روحك دلوقتى.


    *دعوه لغلب الشيطان.
    *دعوه للقرب من ربنا.
    *دعوه لتحسين الاخلاق.
    *دعوه من قلب صادق بيحبكم

    عايز ربنا يظلنا يوم لاظل الا ظله وينادى علينا اين المتحابون فى جلالى
    نرد ونقول احنا يارب اجتمعنا على طاعتك فى الدنيا
    فيجمعنا فى جنته وينعمنا بها فى الاخره

    !!...جاهزه تموتى...!!





    منقول
    للأمانة

    إلهي لا تعذبني فإني ** مقر بالذي قد كان مني
    وما لي حيلةٌ إلا رجائي ** لعفوك إن عفوت وحسن ظني
    وكم من زلة لي في الخطايا ** وأنتَ عليّ ذو فضلٍ ومنِ
    اذا فكرتُ في ندمي عليها ** عضضتُ أناملي وقرعتُ سني
    يظنُ الناسُ بي خيراً وإني ** لشرُ الخلق ، إن لم تعفُ عني



  • #2
    رد: أنا خايفة

    جاهز تموت؟!!
    انت جاهز تموت؟؟

    الله المستعان وهل يكفى الزاد الي معنا للرحيل ؟؟
    نسأل الله أن يردنا إليه ردا جميلا
    جزاكِ الله خيرا اختى
    اللهم ارزقني الشهادة في سبيلك يارب

    تعليق


    • #3
      رد: أنا خايفة

      تذكره رائعه
      جزاك الله خيرا عليها
      وبارك فيك وجعله في ميزان حسناتك
      اللهم ارزقنا حسن الخاتمه
      اللهم اجعل أفضل أعمالنا خواتيمها
      اللهم انك تعلم سري وعلانتيتي فاقبل معذرتي وتعلم حاجتي فاعطني سؤلي وتعلم ما عندي فاغفرلي ذنوبي اسالك ايمانا يباشر قلبي ويقينا صادقا حتى اعلم انه لن يصيبني الا ما كتبت لي وارضني بقضائك

      تعليق


      • #4
        رد: أنا خايفة

        شكرا لكم ولمروركم الكريم
        إلهي لا تعذبني فإني ** مقر بالذي قد كان مني
        وما لي حيلةٌ إلا رجائي ** لعفوك إن عفوت وحسن ظني
        وكم من زلة لي في الخطايا ** وأنتَ عليّ ذو فضلٍ ومنِ
        اذا فكرتُ في ندمي عليها ** عضضتُ أناملي وقرعتُ سني
        يظنُ الناسُ بي خيراً وإني ** لشرُ الخلق ، إن لم تعفُ عني


        تعليق


        • #5
          رد: أنا خايفة

          جزاكِ الله خيراً
          اللهم ارزقنا حسن الخاتمة
          آآميــــــــن
          ======================
          >>اللهم صل وسلم وزد وبارك على سيدنا مُحمد وآله وصحبه الكرام<<
          سبحان الله * والحمدُ لله * ولا إله إلا الله * والله أكبر*
          ولا حول ولا قوة إلا بالله


          قلبى حن يطــــوف بظلالك
          ♥♥ولزمزم فؤادى ظمأنَ
          ((ينادى فؤادى بليل السكون بدمع العيون برجع الصدى لك الحمدُ إنى حزينٌ حزين وجرحى يلون درب المدى ((
          اللهم ارحم جدتى رحمةً واسعة

          تعليق


          • #6
            رد: أنا خايفة

            اللهم اهدنا و اهدى جميع بنات المسلمين يا رب......
            جزاك الله خيراً اختى...
            لا إله إلا انت سبحانك
            إنى كنت من الظالمين....

            تعليق


            • #7
              رد: أنا خايفة

              جاهز تموت؟!!
              انت جاهز تموت؟؟
              يااااااااارب لا تتوفنى حتى ترضى عنى
              اللهم اهدنا و اهدى جميع بنات المسلمين
              اللهم ردنا إليك رداً جميلا
              اللهم آميـــــن

              جزااكِ الله خيراااااااااااااا
              تذكــرة طيبة

              والله لن أنسي مسجدنا الأقصي
              وقبة الصخرة تبكي من الحسرة
              ----
              يا لوعة النفس عليكِ يا قدسي
              وأنتِ في البلوي والعيشة المرة


              تعليق


              • #8
                رد: أنا خايفة

                نسأل الله حسن الخاتمة
                جزاكِ الله خيرًا ونفع الله بكِ
                تذكرة طيبة اللهم بارك

                وموضوع مهم
                لا تحرمينا جديدك


                قال الشيخ الألباني رحمه الله: إن هذا الطريق طويل ونحن نمشي فيه مشي السلحفاة لايهمنا أن نصل المهم أن نموت علي الطريق

                تعليق


                • #9
                  رد: أنا خايفة

                  جزاكى الله خيرا
                  تذكره طيبه جعلها الله فى ميزان حسناتك
                  أسأل الله العظيم أن يحسن خاتمتنا
                  بالله أسألكم الدعااااااااااااااء

                  تعليق


                  • #10
                    رد: أنا خايفة

                    جزاكِ الله خيرا اختى
                    موضوع رائع
                    نسأل الله أن يردنا إليه ردا جميلا

                    إن لله تعالى أهلين من الناس : أهل القرآن ، هم أهل الله و خاصته ((صححه الألبانى))
                    اللهم ارزقنى حفظ القرآن و اجعلنى من أهله الذين هم أهلك و خاصتك

                    تعليق


                    • #11
                      رد: أنا خايفة


                      جزاكِ الله كل خير

                      و اللهم نسالك حسن الخاتمه

                      و ارزقنا الفردوس الأعلى يارب




                      تعليق


                      • #12
                        رد: أنا خايفة

                        اللهم امييين
                        شكرا لمروركم الكريم
                        إلهي لا تعذبني فإني ** مقر بالذي قد كان مني
                        وما لي حيلةٌ إلا رجائي ** لعفوك إن عفوت وحسن ظني
                        وكم من زلة لي في الخطايا ** وأنتَ عليّ ذو فضلٍ ومنِ
                        اذا فكرتُ في ندمي عليها ** عضضتُ أناملي وقرعتُ سني
                        يظنُ الناسُ بي خيراً وإني ** لشرُ الخلق ، إن لم تعفُ عني


                        تعليق


                        • #13
                          رد: أنا خايفة

                          جزاكِ الله خيرا اختى و نفع بكِ
                          من أراد زاداً ... فالتقوى تكفيه ومن أراد عزاً ...فالإسلام يكفيه ومن أراد عدلاً ... فحكم الله يكفيه ومن أراد جليساً ... فالقرآن يكفيه

                          تعليق


                          • #14
                            رد: أنا خايفة

                            جزاكِ الله خيراً
                            أتْمنىّ
                            لوْ تكُنْ الحــيــاةً ! حـــكايّـه !
                            مْكّتُوبهْ بقـــــلْمّ [ الرَّصـــاصْ]
                            لّنمــســحْ كٌلْ ~ماّضّيْ~ لاأ‘إ يّســـتُحــق
                            الـذَكِـِـِـِـِـِـِرْ

                            تعليق

                            يعمل...
                            X