ممكن حد يسمعنى

[وردة المحبه]

السلام عليكم ورحمة الله وبركاتة
انا اختكم *** اشتركت معاكو هنا لان محتاجة افضض لعل احدا هنا يسمع شكواى
استحملونى لانى هاطول فى الكلام لان بعد طول تفكير قررت أحكى باللى جوايا
انا مخنوقة جدا جدا من نفسى وزعلانة جدا لانى مش بعرف أسيطر على نفسى
انا عايزة أقولكوا انى تقربت لله سبحانة وتعالى ولبست الملحفة وأنتظمت فى الصلاة
بس كنت حاسة أن فى حاجات كتيرة بعيدة عنى كنت لما بسمع حد يقول الخشوع فى
الصلاة كان نفسى احس الاحساس دا بس لما بصلى مش بحسة بل بالعكس بكون
فى قمة الكسل وانا راحة أصلى مش بيكون جوايا الرهبة واللهفة بأنى هاقف بين
يدى الله سبحانة وتعالى بحسها تقضية واجب وخلاص؟
عارفين انا اصحابى لما يجوا يشتكولى انا بنصحهم واقولهم كلام يقربهم من ربنا
ولية زميلتى كلمتها على الصلاة والحمد لله بدات تصلى وشكرتنى جدا عشان هيا صلت
وفجأة بلاقى الناس اللى انا بنصحهم يتقربوا من ربنا وانا لسة واقفة مكانى حاسة بالضياااااااااااااااع.
واقع ومكملش واحس بتأنيب الضمير حسة انى قلبى مااااااات من زمان
عارفين انا نفسى فى اية بجد؟؟ نفسى أبكى ولو لمرة فى حياتى من خشية الله سبحانة وتعالى
نفسى أروح الحرمين وأصلى فية ركعة لله ولو لمرة واحدة فى حياتى وبعدها أموت ومش عايزة حاجة من الدنيا أكتر من كدا نفسى أموت وانا ساجدة بين أيد ربنا.
قلعت الملحفة لاسباب مقدرش اقولها وانا كلى أسف لانى قلعتها بدأت أصلى فرض وأسيب عشرة
أرجع أصلى وأقوم وأكمل فى الطري بس فى النهاية بقى تانى حالى مش متظبط وحاسة بأحباط
فظيع انا عارفة انكو هاتقولولى تقربى لله بس حتى دا لما باجى بعملة بحس انى بمثل على نفسى
بحس حالى فى مسلسل تلفزيونى وان النهاية بتقرب وهارجع للحال اللى انا فية من اول وجديد
بس عايزة اقولوكوا حاجة انا يمكن فيا حاجة كويسة انى بعرف ادعى الناس الى الحق وانهم يتقربوا الى الله بس مش فاهمة انا لية مش بعمل بالكلام اللى انا بقولة للناس
انا اقل حاجة بتأثر فيا وظنى فى الله سبحانة وتعالى انو هاينجينى من اللى انا فية دا وان النور هايرجع لقلبى تانى واحس انى طاهرة من جوايا
ارجوكوا انا عايزة حد يشرحلى اللى انا فية دا سببة اية؟ اعمل اية؟؟؟؟؟؟؟؟؟؟؟

[الشيـماء]

رد: ممكن حد يسمعنى

اهلا فيكي اختي الكريمة
بارك الله فيكي
كلامك هذا احسسني انك على احسن حال مع الله لان الشعور بالتقصير هو الايمان
ولكن المشكلة هو انكي تهتمين كثيرا لوساوس الشيطان
يعني مثلا الشيطان يقول لكي انتي كسولة وانتي لاتخشعين وانتي فقط تنصحين وبنفس الوقت بعيدة عن الله
انا مررت بحالتك والحل الوحيد هو الدعاء ادي الله ان يقربك اليه ويثبتك وبنفس الوقت كوني صادقة مع الله
يعني حاولي مااستطعتي الابتعاد عن اي شي يبعدك عن الله
مثلا الاغاني والمسلسلات او كلامك مع صاحباتك بشيء تافه دنيوي يعني (قل خيرا او لتصمت)
واشغلي وقت فراغك بسماع محاضرة او متابعة برنامج ديني وياكثرها والحمد لله
وصدقيني راح تحسي نفسك لااراديا تحبين الصلاة وتنتظرين وقتها يجي بسرعة

اهم شيء عزيزتي ادعي الله ان يوفقك واتمنى ان لاتهتمي لوساوس الشيطان
اسال الله ان يرزقك الفردوس الاعلى يارب

[المنتقبة السعيدة]

رد: ممكن حد يسمعنى

السلام عليكم
بصى مش عاوزاكى تكون تقولى عاوزة أقرب من ربنا ونتكلم وخلاص
أية رائيك نبتدى من جديد......
أكنى اول يوم فى عمرى
أسمع الاذاااااااان عالطوووووول على السجادة
أسمعى قرءاان بالشيخ إالى أنتى بتحبية
هتحسى أن قلبك رق اوووى
والله أجمل حااااجة
ركعتين قبل الفجر(قيام الليل)
وتدعى الله عز وجل كثييييييييرا وتقولى أنا عاوزة أقرب منك يارب
متخيلة ربنا هيقولك لأ
لالالالالالالالالالالالالالالالالالالالالا
الله عز وجل يحب يسمع صوتك
سمعت حاجة بتقول
أنين المذنبين أحب إلى الله من دجل المسبحين
يعنى الله عز وجل بيحب إلى يناجى بذنوبة وكدة وعاوز يرجع
صدقينى حبيبتى الله عز وجل رحيم ولا يرد سائل
لأن الله عز وجل كريييييييم
الدعاء
وخذى بالأسباب
حاولى تخشعى شوووووية
مش من أول مرة هيجى الخشووووووووووع
لا
شوية شوية
يارب أكون أفدتك لو بالقليل
ويارب تكونى من الصالحات

[ام نظام]

رد: ممكن حد يسمعنى

السلام عليكم ورحمة الله وبركاته
أهلاً بكِ أختي وردة في منتداااكِ وبين أخواااتك
أسأل الله أن يتوووب عليكِ ويردكِ إليه رداً جميلاً
إنه ولىُّ ذلك والقادرُ عليه
( يا أيها الذين آمنوا توبوا إلى الله توبة نصوحاً عسى ربكم أن يكفر عنكم سيئاتكم ويدخلكم جنات تجري من تحتها الأنهار ) التحريم/8.
أخيتي أرجو منكِ أن تقرأئي كلماتي بقلبكِ وعقلكِ
أحنا عايشين ليه ؟؟
عشان نعبد ربناااااااا وحده لا شريك له
ونسمع ونطيع كل ما يأمرنا به
فقد أمرنا بالصلاة
والصيااام
والزكاة
والحجاااب
وكثير من الأوامر والنواهي
أسألك سؤال ؟؟
أنتِ بتحبي ربنا وبتحبي النبي صلى الله عليه وسلم
حتقولي ااااه بحبهم جداااً
طيب ايه دليلك ؟؟
لازم يكون في دليل عن إنك بتحبيهم
تركك للصلاة وتهاونك في أدائها هل هذا دليل ؟؟؟؟؟
ترككِ للحجاب الشرعي هل هذا دليل ؟؟؟
أخيتي أنصحك ونفسي أولالاً
حلاوة الصلاة الخشوووع
لما تفرشي السجادة وتقفي بين يدي الله
تذكري أنكِ تقفين بين يدي ملك الملوك
وتخيلي أنها آخر صلاة لكِ وبعدها تقبض روحك
لا تتهاااوني في آدائهاااااا
هي الصلة بينكِ وبين الله
خالقكِ
رازقكِ
( كتب ربكم على نفسه الرحمة أنه من عمل منكم سوءاً بِجَهَالَةٍ ثم تاب من بعده وأصلح فأنه غفور رحيم ) الأنعام / 54.
ربنا رحيم وغفور وكريم
فري إليه وأبكي بين يديه وتضرعي وبثي حزنكِ وشكواكِ إليه
نعم المولى ونعم النصير
عَنْ حُرَيْثِ بْنِ قَبِيصَةَ قَالَ قَدِمْتُ الْمَدِينَةَ فَقُلْتُ اللَّهُمَّ يَسِّرْ لِي جَلِيسًا صَالِحًا قَالَ فَجَلَسْتُ إِلَى أَبِي هُرَيْرَةَ فَقُلْتُ إِنِّي سَأَلْتُ اللَّهَ أَنْ يَرْزُقَنِي جَلِيسًا صَالِحًا فَحَدِّثْنِي بِحَدِيثٍ سَمِعْتَهُ مِنْ رَسُولِ اللَّهِ صَلَّى اللَّهم عَلَيْهِ وَسَلَّمَ لَعَلَّ اللَّهَ أَنْ يَنْفَعَنِي بِهِ فَقَالَ سَمِعْتُ رَسُولَ اللَّهِ صَلَّى اللَّهم عَلَيْهِ وَسَلَّمَ يَقُولُ إِنَّ أَوَّلَ مَا يُحَاسَبُ بِهِ الْعَبْدُ يَوْمَ الْقِيَامَةِ مِنْ عَمَلِهِ صَلاتُهُ فَإِنْ صَلُحَتْ فَقَدْ أَفْلَحَ وَأَنْجَحَ وَإِنْ فَسَدَتْ فَقَدْ خَابَ وَخَسِرَ فَإِنِ انْتَقَصَ مِنْ فَرِيضَتِهِ شَيْءٌ قَالَ الرَّبُّ عَزَّ وَجَلَّ انْظُرُوا هَلْ لِعَبْدِي مِنْ تَطَوُّعٍ فَيُكَمَّلَ بِهَا مَا انْتَقَصَ مِنَ الْفَرِيضَةِ ثُمَّ يَكُونُ سَائِرُ عَمَلِهِ عَلَى ذَلِكَ رواه الترمذي رقم 413 وهو في صحيح الجامع 2020
شفتي
أول حاجة بنتحاااسب عليها هيا الصلالالالالالاة
أسأل الله أن يرزقنا الخشووووع

ماشاء الله
أنتِ داعية اللهم بااارك
ثبتكِ الله وفتح الله عليكِ
لا تقفلي باب الدعوة واستمري في النصح
وعاتبي نفسكِ وحاسبيهااا
وقولي :
إلا تخجلي يا نفسي أن تدعو الناس إلى الله وأنت مقصرة ومفرطة
أخيتي أنصحك ما أنصح به نفسي لأنكِ أختي في الله
عودي إلى حجااابكِ
ما من أسباب تجعلكِ تتركين أمر الله
حجااابكِ أختي لا تتركيه
ففيه عزك وكرامتكِ وحياءكِ
( قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعاً إنه هو الغفور الرحيم ) الزمر/53.
إليكِ بعض الدروس أسأل الله أن ينفعكِ بها
لماذا لا تعملين بما تعلمين ؟
لماذا انتكستي ؟
شكلي من غير حجاب وحشني
نمشيها ازاي
يا ذنوبي لن تعودي

[مديحه موسى]

رد: ممكن حد يسمعنى

اللهم بارك فيك أختي أم نظام
كلمات رائعه لا أستطيع الرد بعدها
كلمات رق لها قلبي
أسلوب رائع في الحديث
ثبتك الله وإيانا
اللهم اجعله في ميزان حسناتك
اللهم اعنا جميعا على طاعته
اللهم ثبتنا
اللهم ارض عنا وتقبل منا
اللهم ارزقنا الاخلاص والصدق في القول والعمل

[وردة المحبه]

رد: ممكن حد يسمعنى

شكرا ليكم اخواتى الاعزاء بجد كلامكم ريحنى كتير وان شاء الله ربنا يصلح حالى

[ام نظام]

رد: ممكن حد يسمعنى

اللهم آآمييين أختي وردة
استعيني بالله ولا تعجزي
وياااااريت تسمعي الدرووس اللي نزلتهالك جميييلة جداااً
وفقكِ الله وسدد خطاااكِ ويسر أمركِ
وعليكِ بالصحبة الصالحة

[وردة المحبه]

رد: ممكن حد يسمعنى

شكر لكى اختى ام نظام انا نزلتهم وهاسمعهم بأذن الله
وأطلب منكم الدعاء لى سوف أبدأ امتحناتى يوم الثلاثاء
القادم وأدعولى ان ييسر الله أمرى وأن يوفقنى فى تحضير
الماجستير بأذن الله

[راجية حب الرحمن]

رد: ممكن حد يسمعنى

وردة اولا اهلا بيكي وسط اخواتك
على فكرة حالتك ديه مش جديدة ولا انتي اول ولا اخر واحدة
انتي بس بدء قلبك يحس
اه قلبك عايز يعيش يعني مش ميت زي مابتقولي
اقسملك اني من فترة قريبة كنت بقول ان قلبي مت
القلب ميت علشان المفروض يحس في اوقات الاحساس ضاع منه فيها
مش حاسة بالنبض
بس عارفة الحل موجود وباذن الله هنوصله سوى
انا شايفة ان كل الاخوات بيحاولوا يساعدوكي
بس كنت عايزة اسالك سؤال اشمعنا انتي ؟
اه ليه انتي اللي تدخلي هنا وتحاولي توصلي لمحبة الله عز وجل
مش انتي بتقولي ان قلبك ميت ؟
يبقى ليه جيتي هنا؟
ليه بتسالي عن الطريق ؟
هقولك ليه لان ربنا قدر ليكي الحياة انتي ممكن تكوني وقفتي كتير على باب ربنا عايزة تدخلي بس مش عارفة
عايزة توصلي بس في حاجة منعاكي من الوصول
عارفة ديه ايه ؟
ده الران اللي على القلوب من كثرة الذنوب
طيب والحل لازم نشيله علشان نوصل
ولو وافقتي هنبداء سوى ومن هنا رحلتنا للوصول لمحبة ربنا هنساعد بعض لحد مانوصل
واول حاجة عايزاكي تعمليها بليل والدنيا هدوء
مافيش حد سامعك ولا حاسس بيكي
اتوضي وصلي ركعتين
هتقوليلي بس انا مش بحس بالخشوع هقولك اسمعي الكلام وبس
وبعدين افتحي ايدك مديهم لربنا سبحانه وتعالى
اه متخافيش افتحيهم عارفة انك عصتيه بيهم كتير
بس تصدقي هو بيستحي يردهم من غير اجابة
عايزاكي تقولي كل ذنوبك ليه
هو عارفهم بس لازم انتي تواجهي نفسك
قولي كل حاجة وبعدين شوفي كل ذنب قابله بايه؟
قد ايه كان رحيم بيكي
كام مرة سترك
كلميه من قلبك
هو سامعك اكتر من اقرب الناس ليكي
لو حسيتي برغبة في البكاء ابكي
استنجدي بيه انتي خلاص هتمووووووووووووووووووووووتي
والله هتموتي
اطلبي منه الارشاد احكيله حكايتك اللي عمرك ماهتقدري تحكيها لبشر
وخلي بالك الشيطان مش هيسيبك
هيقولك باي ويش عايزة ترفعي ايدك
قوليله ده رحيم غفار لمن امن وتاب وعمل صالحا
اعملي ده النهاردة
وباذن الله هفضل معاكي نتابع سوى لحد مانوصل
هستناكي ناخد بايد بعض لحد مانتقابل تحت ظل عرش الرحمن انتي وكل الاخوات احبكم في الله

[ام نظام]

رد: ممكن حد يسمعنى

اللهم بااارك
ربنا يوفقك في رسالتك يا أختي وعقبااال الدكتورا
يسر الله أمركِ وفتح الله عليكِ
وجعلكِ من الداعيااات لدينه الحافظات لكتابه العاملات به
اللهم بلغنا رمضااان وبلغنا الحج هذا العااام

[وردة المحبه]

رد: ممكن حد يسمعنى

راجية حب الرحمن اختى الكريمة كلامك
هز اركان قلبى والله شاهد على هذا التعبير
انتى بتسألينى هاوافق ولا لا؟ طبعا موافقة من غير
اى تردد او تفكير...........
ان شاء الله هاعمل بكلامك انهاردة وهاقولكوا
اللى بيحص معايا ديما
بس لو حصل منى تقصير ومدخلتش اعذرونى لان هابدأ
امتحنات ودى اخر سنة لية فى الكلية بس هاحاول
على قد ماقدر انى اجيلكوا هنا لان وربى بحس باراحة
والامان طول منا معاكوا هنا وفى وسطيكوا

[راجية حب الرحمن]

رد: ممكن حد يسمعنى

راجية حب الرحمن اختى الكريمة كلامك
هز اركان قلبى والله شاهد على هذا التعبير
انتى بتسألينى هاوافق ولا لا؟ طبعا موافقة من غير
اى تردد او تفكير...........
ان شاء الله هاعمل بكلامك انهاردة وهاقولكوا
اللى بيحص معايا ديما
بس لو حصل منى تقصير ومدخلتش اعذرونى لان هابدأ
امتحنات ودى اخر سنة لية فى الكلية بس هاحاول
على قد ماقدر انى اجيلكوا هنا لان وربى بحس باراحة
والامان طول منا معاكوا هنا وفى وسطيكوا

خلاص وانا هستاكي دايما انتي وكل الاخوات الغاليات على قلبي ربنا يوفقك ويعزك ويرحمك برحمته وان شاء الله نوصل وربنا يهدينا

[وردة المحبه]

رد: ممكن حد يسمعنى

عفوا اخطأت فى كتابة (الرحمن) وكتابة ( الكريمة)

[راجية حب الرحمن]

رد: ممكن حد يسمعنى

عفوا اخطأت فى كتابة (الرحمن) وكتابة ( الكريمة)

احنا اخوات والمهم ان قلوبنا تتواصل مع بعض مش مهم الحروف قد القلوب احبك في الله

[ام نظام]

رد: ممكن حد يسمعنى

عفوا اخطأت فى كتابة (الرحمن) وكتابة ( الكريمة)

تم التعديل أختي وفقكِ الله