تعـــــالوا نفهم ديـــــنـنا صح " دعوة لمعرفة الطريق الحق "

[صاحبة القلادة]

أولا : تذكر أنك تريد الحق بجد
ثانيا : أدعُ الله أن يهديكَ إلى الحق
ثالثا : أبدأ من جديد وكأنك لا تعلم أي شي عن الدين
غير أن القرآن كلام الله (لا ريب فيه)
وأن السنة كلام النبي قال عنها الله (وما بنطق عن الهوى (3) إن هو إلا وحي يوحى (4)) النجم
يعني القرآن والسنة الصحيحة لا ريب فيهما

ولو أي نقطة من الثلاثة لم تتحقق فلا تتعب نفسك بإكمال الموضوع

نأتي لموضوعنا ..
.: مين الصح ؟
الشيخ فلان ولا الشيخ فلان
ده بيقول أنا الصح وده بقول أنا الصح
ده بقول فلان متشدد وده بيقول فلان مبتدع

..: اتفقنا إن القرآن والسنة الصحيحة لا ريب فيهما
يعني متسمعش كلام فلان عشان هو فلان
لكن عشان بيقول قال الله وقال الرسول

.: طيب ما الكل بيقول قال الله وقال الرسول

..: صح .. الكل بيقول قال الله وقال الرسول
بس تفرق في تفسير كل واحد للدليل
.: ازاي نعرف ان تفسير فلان صح وتفسير فلان خطأ
..: بردوا بالدليل
الدليل هو القرآن والسنة الصحيحة بفهم الصحابة؟
.: ليه قلت الصحابة؟
..: لأن الصحابة هم اعلم الناس بمراد النبي
يعني مثلا لو واحد صحبك بعتلك رسالة نصها (محمد صاحبي اللي حكيتلك عنه بيقول عليك ذكي أوي)
وانتا مش فاهم أي حاجة في أي حاجة
ليه بيقول كده وقالها بأي طريقة
هل يقصد يقول :
ذكي أوي
(بيقول عنك كلام جميل)
ولا
ذكي أوي
(بيستهزأ بيك)
ساعتها بتسأل صاحبك اللي سمع منه وهو بيقلك لأنه شافه قالها ازاي

عشان كده بنقول إن الصحابة أعلم الناس بمراد رسول الله

لأنه كان عايش معاهم
وشافوه وهو بيقول القرآن والأحاديث دي
ولو اكتفينا بأننا نأخذ القرآن والحديث دون تفسيرهم
هنفسرهم تفسير خاطيء
لأننا هنقرأ الكلام ده ع الورق
مشفناش تعابير وجه النبي
ومنعرفش هو قال كذا بمناسبة إيه
وقاله بأي طريقة
انما الصحابة عارفين سبب نزول الآيات لأنها نزلت عليهم
يعني مثلا لما ربنا قال (وَلَا تُصَلِّ عَلَى أَحَدٍ مِنْهُمْ مَاتَ أَبَدًا وَلَا تَقُمْ عَلَى قَبْرِهِ)
لو حاولنا نفسرها بعقلنا كده هنفسرها غلط
لأننا منعرفش (منهم) دي عائده على مين
وإيه القصة
وليه ربنا بيقول كده
لكن الصحابة كانوا موجودين لما نزلت الآية دي
وفهمين القصة
ونقلوها لنا

عشان كده بنقول الصواب هو ما وافق الكتاب والسنة بفهم سلف الأمة
.: متفقين إن الصحابة هم أعلم الناس بتفسير القرآن والسنة
ليه بئى بتقول السلف؟

..: أولا المقصود بالسلف هم النبي والصحابة والتابعين وأتباع التابعين وليس كما يظن البعض أنهم الناس اللي بعد الصحابة
لقول النبي للسيدة فاطمة : (فإني نعم السلف أنا لك)
الراوي: عائشة المحدث: البخاري - المصدر: صحيح البخاري - الصفحة أو الرقم: 6285
خلاصة حكم المحدث: [صحيح]

وقلت السلف لأن الله قال عنهم (والسابقون الأولون من المهاجرين والأنصار والذين اتبعوهم بإحسان رضي الله عنهم ورضوا عنه) التوبة : 100

النبي قال عنهم : (خير الناس قرني ، ثم الذين يلونهم ، ثم الذين يلونهم ، ثم يجيء قوم تسبق شهادة أحدهم يمينه ، ويمينه شهادته)
الراوي: عبدالله بن مسعود المحدث: البخاري - المصدر: صحيح البخاري - الصفحة أو الرقم: 3651
خلاصة حكم المحدث: [صحيح]

وقال : (خير أمتي قرني ثم الذين يلونهم ثم الذين يلونهم ولا أدري أذكر الثالث أم لا ؟ ثم يخلف قوم يحبون السمن ويؤدون الشهادة ولا يسألونها)
الراوي: رجل من أصحاب النبي المحدث: ابن حجر العسقلاني - المصدر: الأمالي المطلقة - الصفحة أو الرقم: 57
خلاصة حكم المحدث: صحيح

وسأل رجل النبي صلى الله عليه وسلم : أي الناس خير ؟ قال (القرن الذي أنا فيه . ثم الثاني . ثم الثالث)
الراوي: عائشة المحدث: مسلم - المصدر: صحيح مسلم - الصفحة أو الرقم: 2536
خلاصة حكم المحدث: صحيح

.: طيب مين من الفرق الموجودة دلوئتي صح
هل السلفيين ولا الإخوان ولا الصوفيين ولا الشيعة ولا ... ولا محدش منهم خالص ولا كلهم صح ولا إيه بالظبط ؟

..: المنهج الصحيح هو ما كان عليه النبي والصحابة

لأن الله قال عن عقيدتهم (فإن آمنوا بمثل ما آمنتم به فقد اهتدوا وإن تولوا فإنما هم في شقاق) البقرة : 137

ولأن النبي قال : (افترقت اليهود علي إحدي وسبعين فرقة وافترقت النصاري علي اثنتين وسبعين فرقة وستفترق أمتي علي ثلاث وسبعين فرقة كلها في النار إلا واحدة . قالوا - أي الصحابة - ما هي يا رسول الله ؟ قال " هي ما أنا عليه وأصحابي " وفي رواية قال " الجماعة) صحيح أخرجه الترمذي والحاكم وغيرهما

يعني الفرق دي كلها قال عنها النبي أنها في النار
إلا ما كانت على ما عليه النبي وأصحابه
يطلع اسمه سلفيه يطلع اسمه إخوان مش مهم
المهم ان عقيدتهم هي عقيدة السلف

.: طيب مين من العلماء دلوئتي على ما كان عليه النبي وأصحابه
..: كتيـــر جدا
ومنهم :
الشيخ بن باز
الشيخ بن عثيمين
الشيخ الألباني
الشيخ بن جبرين
ودول كلهم ماتوا
وبالنسبة للأحياء
الشيخ محمد حسين يعقوب
الشيخ الشيخ أبي اسحاق الحويني
الشيخ الشيخ محمد حسان
الشيخ الشيخ محمد اسماعيل المقدم
الشيخ ياسر برهامي
الشيخ مصطفى العدوي
الشيخ عبد الله شاكر
الشيخ مسعد أنور
الشيخ عمر بن عبد العزيز القرشي
الشيخ أبو بكر الحنبلي
الشيخ هشام البيلي
الشيخ وحيد عبد السلام بالي
الشيخ أحمد النقيب

وغيرهم كتيــــــــــر بفضل الله
وبردو متنساش ان دول مش ملائكة
يعني اللي يقول كلمه مخالفة للقرآن والسنة بفهم السلف الصالح لا نقبلها منه مع احترامنا لهم جميعا ولغيرهم

وكفاية كده عشان بجد تعبت
سلام

[umhossam]

رد: تعـــــالوا نفهم ديـــــنـنا صح " دعوة لمعرفة الطريق الحق "

جزاك الله خيرا اختي
ونفع بك

[صاحبة القلادة]

رد: تعـــــالوا نفهم ديـــــنـنا صح " دعوة لمعرفة الطريق الحق "

وجزاكِ مثله اختي

[aya]

رد: تعـــــالوا نفهم ديـــــنـنا صح " دعوة لمعرفة الطريق الحق "

ما شاء الله موضوع جميل
لم اكمل قراءته ان شاء الله لي عودة

[صاحبة القلادة]

رد: تعـــــالوا نفهم ديـــــنـنا صح " دعوة لمعرفة الطريق الحق "

بارك الله فيكِ أختي aya

[hiaa]

رد: تعـــــالوا نفهم ديـــــنـنا صح " دعوة لمعرفة الطريق الحق "

ماشاء الله موضوع مهم جزاك الله خيرا

اسال الله العظيم رب العرش الكريم ان يجمعنا في ظله يوم لا ظل الاظله

[صاحبة القلادة]

رد: تعـــــالوا نفهم ديـــــنـنا صح " دعوة لمعرفة الطريق الحق "

وجزاكِ مثله أختي hiaa
بارك الله فيكِ

[حلم الرحيل]

رد: تعـــــالوا نفهم ديـــــنـنا صح " دعوة لمعرفة الطريق الحق "

وعليكم السلام ورحمة الله وبركاته
موضوعك اكثر من رائع ،بارك الله فيك اخيتي
جزاك الله خير الجزاء بالدنيا والاخره

[صاحبة القلادة]

رد: تعـــــالوا نفهم ديـــــنـنا صح " دعوة لمعرفة الطريق الحق "

وجزاكِ مثله أختي حلم الرحيل

[أبتغي من ربي]

رد: تعـــــالوا نفهم ديـــــنـنا صح " دعوة لمعرفة الطريق الحق "

وعليكم السلام ورحمة الله وبركاته
*/\*
*
جزاااااااااااااكِ الله الفردوس الأعلى
وأثابكِ أخيتي الفاضلة ثوابا عظيييييييما
وكأنكِ سألتِ عمَّا جالَ في خاطري وحدثتني به نفسي
ثم أجبتِ وأفصحتِ ووفـَّيـْتِ
بارك الله فيكِ ونفع بكِ وجعله في ميزان حسنااااااتك ياااااااارب
وجزاكِ الله خيرا على دعوتكِ الطيبة
أحبكِ في الله
تقبلي مروري

['أم حمزة']

رد: تعـــــالوا نفهم ديـــــنـنا صح " دعوة لمعرفة الطريق الحق "

جزاك الله خيرا أختي صاحبة القلادة متابعة إن شاء الله

[صاحبة القلادة]

رد: تعـــــالوا نفهم ديـــــنـنا صح " دعوة لمعرفة الطريق الحق "

وجزاكِ مثله أختي

[صاحبة القلادة]

رد: تعـــــالوا نفهم ديـــــنـنا صح " دعوة لمعرفة الطريق الحق "

موضوع ذا صلة
https://forums.way2allah.com/showthread.php?t=99639